The Hundred: ಇಂಜುರಿ, ವೈಯಕ್ತಿಕ ಕಾರಣ; ಇಂಗ್ಲೆಂಡ್​ನಿಂದ ಭಾರತಕ್ಕೆ ವಾಪಸ್ಸಾದ ಟೀಂ ಇಂಡಿಯಾದ ಇಬ್ಬರು ಕ್ರಿಕೆಟರ್ಸ್

ಸ್ಮೃತಿ ಮಂಧನಾ ಮತ್ತು ಹರ್ಮನ್‌ಪ್ರೀತ್ ಕೌರ್ ಬಾಕಿ ಉಳಿದಿರುವ ದಿ ಹಂಡ್ರೆಡ್ ಟೂರ್ನಿಯಲ್ಲಿ ಆಡುವುದಿಲ್ಲ. ಮಂಧನಾ ಸದರ್ನ್ ಬ್ರೇವ್ ತಂಡದಲ್ಲಿ ಆಡುತ್ತಿದ್ದರು. ಆದರೆ ಕುಟುಂಬದೊಂದಿಗೆ ಸಮಯ ಕಳೆಯುವ ಸಲುವಾಗಿ ಅವರು ಆಟವನ್ನು ಅರ್ಧಕ್ಕೆ ನಿಲ್ಲಿಸಿ ಭಾರತಕ್ಕೆ ಮರಳುತ್ತಿದ್ದಾರೆ. ಅವರ ಬದಲು ಐರ್ಲೆಂಡ್‌ನ ಗ್ಯಾಬಿ ಲೂಯಿಸ್ ಅವರನ್ನು ನೇಮಿಸಲಾಗುವುದು. ಅದೇ ಸಮಯದಲ್ಲಿ, ಹರ್ಮನ್‌ಪ್ರೀತ್ ಕೌರ್ ಗಾಯಗೊಂಡು ಪಂದ್ಯಾವಳಿಯಿಂದ ಹೊರಬಿದ್ದಿದ್ದಾರೆ. ಅವರು ಮ್ಯಾಂಚೆಸ್ಟರ್ ಒರಿಜಿನಲ್ಸ್‌ಗಾಗಿ ಆಡುತ್ತಿದ್ದರು. ಸ್ಮೃತಿ ಮಂಧನ ಮತ್ತು ಹರ್ಮನ್‌ಪ್ರೀತ್ ಕೌರ್ ದಿ ಹಂಡ್ರೆಡ್‌ನಲ್ಲಿ ಉತ್ತಮವಾಗಿ ಆಡಿದ್ದಾರೆ. ಆದಾಗ್ಯೂ, ಅವರ ತಂಡಗಳ ಸ್ಥಿತಿ ಪರಸ್ಪರ ಭಿನ್ನವಾಗಿದೆ. ಮಂಧನ ತಂಡ ಸದರ್ನ್ ಬ್ರೇವ್ ಅದ್ಭುತ ಪ್ರದರ್ಶನ ನೀಡಿ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಅದೇ ಸಮಯದಲ್ಲಿ, ಹರ್ಮನ್‌ಪ್ರೀತ್ ಕೌರ್ ಅವರ ಮ್ಯಾಂಚೆಸ್ಟರ್ ತಂಡವು ಗೆಲುವಿಗಿಂತ ಹೆಚ್ಚು ಸೋಲನ್ನು ಕಂಡು ಪಾಯಿಂಟ್ಸ್ ಟೇಬಲ್ ನ ಕೆಳ ಭಾಗದಲ್ಲಿದೆ.

ಸ್ಮೃತಿ ಮಂಧನಾ ಆಸ್ಟ್ರೇಲಿಯಾ ಪ್ರವಾಸಕ್ಕೆ ಹೋಗುವ ಮೊದಲು ಕುಟುಂಬದೊಂದಿಗೆ ಸಮಯ ಕಳೆಯಲು ಬಯಸಿದ್ದಾರೆ. ಈ ಕಾರಣದಿಂದಾಗಿ, ಅವರು ಪಂದ್ಯಾವಳಿಯಿಂದ ಹೊರನಡೆದಿದ್ದಾರೆ. ನಾನು ಫೈನಲ್ ತನಕ ತಂಡದೊಂದಿಗೆ ಇರಲು ಬಯಸಿದ್ದೆ ಆದರೆ ನಾವು ಬಹಳ ಸಮಯದಿಂದ ಮನೆಯಿಂದ ದೂರವಿದ್ದೇವೆ ಮತ್ತು ಇನ್ನೂ ಹಲವು ಪ್ರವಾಸಗಳು ಬಾಕಿ ಇವೆ. ನಾನು ತಂಡವನ್ನು ಲಾರ್ಡ್ಸ್‌ನಲ್ಲಿ ನೋಡುತ್ತಿದ್ದೇನೆ ಮತ್ತು ಅವರು ತಮ್ಮ ಉತ್ತಮ ಫಾರ್ಮ್ ಅನ್ನು ಮುಂದುವರಿಸುತ್ತಾರೆ ಎಂದು ಭಾವಿಸುತ್ತೇವೆ.

ಇದು ಉತ್ತಮ ಪಂದ್ಯಾವಳಿ ಮತ್ತು ನಾನು ಅದನ್ನು ನಿಜವಾಗಿಯೂ ಆನಂದಿಸಿದೆ ಎಂದು ಮಂಧನಾ ತಮ್ಮ ಅಭಿಪ್ರಾಯ ಹೊರಹಾಕಿದ್ದಾರೆ. ಸ್ಮೃತಿ ಮಂಧಾನಾ ತನ್ನ ಕೊನೆಯ ಇನ್ನಿಂಗ್ಸ್‌ನಲ್ಲಿ 52 ಎಸೆತಗಳಲ್ಲಿ 78 ರನ್‌ಗಳನ್ನು ಗಳಿಸಿದರು ಮತ್ತು ತಂಡವನ್ನು ವೆಲ್ಶ್ ಫೈರ್ ವಿರುದ್ಧ ಜಯದತ್ತ ಮುನ್ನಡೆಸಿದರು. ಅವರು ಈ ಪಂದ್ಯಾವಳಿಯಲ್ಲಿ ಏಳು ಇನ್ನಿಂಗ್ಸ್‌ಗಳಲ್ಲಿ 133.60 ಸ್ಟ್ರೈಕ್ ರೇಟ್‌ನಲ್ಲಿ 167 ರನ್ ಗಳಿಸಿದರು. ಅದೇ ಸಮಯದಲ್ಲಿ, ಹರ್ಮನ್‌ಪ್ರೀತ್ ಕೌರ್ ಮೂರು ಇನ್ನಿಂಗ್ಸ್ ಆಡಿ 104 ರನ್ ಗಳಿಸಿದರು.