‘ಶಾಂತ’ ಸಾರ್ವಕಾಲಿಕ ಇಲೆವೆನ್ ಹೆಸರಿಸಿದ ಶ್ರೀಶಾಂತ್

ಟೀಮ್ ಇಂಡಿಯಾದ ಮಾಜಿ ಆಟಗಾರ ಶಾಂತಕುಮಾರನ್ ಶ್ರೀಶಾಂತ್ ವಿಶ್ವ ಕ್ರಿಕೆಟ್ ಕಂಡಂತಹ ಆಕ್ರೋಶಭರಿತ ಆಟಗಾರರ ಇಲೆವೆನ್ ಹೆಸರಿಸಿದ್ದಾರೆ. ಆದರೆ ಈ ಇಲೆವೆನ್​ಗೆ ಅವರು ನೀಡಿರುವ ಹೆಸರು ಸಾರ್ವಕಾಲಿಕ ಶಾಂತ ಆಟಗಾರರ ಆಡುವ ಬಳಗ ಎಂಬುದು ವಿಶೇಷ. ಮೈದಾನದಲ್ಲಿ ತಮ್ಮ ಕೋಪ-ತಾಪಗಳಿಂದ ಸುದ್ದಿಯಲ್ಲಿದ್ದ ಆಟಗಾರರನ್ನು ಒಳಗೊಂಡಿರುವ ಈ ಪ್ಲೇಯಿಂಗ್ ಇಲೆವೆನ್​ನಲ್ಲಿ ಟೀಮ್ ಇಂಡಿಯಾದ ಐವರು ಆಟಗಾರರು ಇರುವುದು ವಿಶೇಷ. ಅದರಲ್ಲೂ ಶ್ರೀಶಾಂತ್ ತಮ್ಮನ್ನೂ ಕೂಡ ಆಯ್ಕೆ ಮಾಡಿಕೊಂಡಿದ್ದಾರೆ.

ವಿಶೇಷ ಎಂದರೆ ಈ ತಂಡದ ನಾಯಕರಾಗಿ ಆಯ್ಕೆ ಮಾಡಿಕೊಂಡಿರುವ ಟೀಮ್ ಇಂಡಿಯಾದ ಮಾಜಿ ನಾಯಕ ಸೌರವ್ ಗಂಗೂಲಿ ಅವರನ್ನು. ಇನ್ನು ಆರಂಭಿಕರಾಗಿ ಗೌತಮ್ ಗಂಭೀರ್ ಹಾಗೂ ವಿರಾಟ್ ಕೊಹ್ಲಿಯನ್ನು ಹೆಸರಿಸಿದ್ದಾರೆ. ಹಾಗೆಯೇ ಮೂರನೇ ಕ್ರಮಾಂಕದಲ್ಲಿ ಆಸ್ಟ್ರೇಲಿಯಾ ಮಾಜಿ ನಾಯಕ ರಿಕಿ ಪಾಂಟಿಂಗ್​ಗೆ ಸ್ಥಾನ ನೀಡಿದ್ದಾರೆ.

ಇನ್ನು ಸೌರವ್ ಗಂಗೂಲಿ 4ನೇ ಸ್ಥಾನದಲ್ಲಿ ಕಾಣಿಸಿಕೊಂಡರೆ, ಪಾಕಿಸ್ತಾನ್ ತಂಡದ ಮಾಜಿ ನಾಯಕ ಶಾಹಿದ್ ಅಫ್ರಿದಿಗೆ 5ನೇ ಸ್ಥಾನ ನೀಡಿದ್ದಾರೆ. ಹಾಗೆಯೇ ಬಾಂಗ್ಲಾದೇಶ್ ಆಲ್​ರೌಂಡರ್ ಶಕೀಬ್ ಅಲ್ ಹಸನ್ ಅವರನ್ನು 6ನೇ ಕ್ರಮಾಂಕಕ್ಕೆ ಹಾಗೂ ವೆಸ್ಟ್ ಇಂಡೀಸ್​ನ ಕೀರನ್ ಪೊಲಾರ್ಡ್ ಅವರನ್ನು 7ನೇ ಕ್ರಮಾಂಕದಲ್ಲಿ ಹೆಸರಿಸಿದ್ದಾರೆ.

ಇದನ್ನೂ ಓದಿ: ಒಂದೇ ವರ್ಷ ಟೀಮ್ ಇಂಡಿಯಾದ 8 ಆಟಗಾರರು ನಿವೃತ್ತಿ..!

ಹಾಗೆಯೇ ಸ್ಪಿನ್ನರ್ ಆಗಿ ಹರ್ಭಜನ್ ಸಿಂಗ್ ಅವರನ್ನು ಹೆಸರಿಸಿರುವ ಶ್ರೀಶಾಂತ್ ವೇಗಿಗಳಾಗಿ ಪಾಕಿಸ್ತಾನದ ಶೊಯೇಬ್ ಅಖ್ತರ್ ಹಾಗೂ ಸೌತ್ ಆಫ್ರಿಕಾದ ಆಂಡ್ರೆ ನೆಲ್ ಅವರನ್ನು ಆಯ್ಕೆ ಮಾಡಿದ್ದಾರೆ. ಇದರ ಜೊತೆಗೆ 11ನೇ ಆಟಗಾರನಾಗಿ ಶ್ರೀಶಾಂತ್ ಕೂಡ ಈ ಬಳಗದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರಂತೆ ಶಾಂತಕುಮಾರ್ ಶ್ರೀಶಾಂತ್ ಅವರ ಶಾಂತವಲ್ಲದ ಇಲೆವೆನ್ ಈ ಕೆಳಗಿನಂತಿದೆ…

1. ಗೌತಮ್ ಗಂಭೀರ್ (ಭಾರತ)
2. ವಿರಾಟ್ ಕೊಹ್ಲಿ (ಭಾರತ)
3. ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾ)
4. ಸೌರವ್ ಗಂಗೂಲಿ (ನಾಯಕ/ಭಾರತ)
5. ಶಾಹಿದ್ ಅಫ್ರಿದಿ (ಪಾಕಿಸ್ತಾನ್)
6. ಶಕೀಬ್ ಅಲ್ ಹಸನ್ (ಬಾಂಗ್ಲಾದೇಶ್)
7. ಕೀರನ್ ಪೊಲಾರ್ಡ್ (ವೆಸ್ಟ್ ಇಂಡೀಸ್)
8. ಹರ್ಭಜನ್ ಸಿಂಗ್ (ಭಾರತ)
9. ಶೊಯೆಬ್ ಅಖ್ತರ್ (ಪಾಕಿಸ್ತಾನ್)
10. ಆಂಡ್ರೆ ನೆಲ್ (ಸೌತ್ ಆಫ್ರಿಕಾ)
11. ಶ್ರೀಶಾಂತ್ (ಭಾರತ)