Pakistan Super League: ಫೀಲ್ಡಿಂಗ್ ವೇಳೆ ಆಟಗಾರರ ಮುಖಾಮುಕಿ ಡಿಕ್ಕಿ! ಆಸ್ಪತ್ರೆ ಸೇರಿದ ಧೋನಿ ತಂಡದ ರನ್ ಸಾಮ್ರಾಟ
Pakistan Super League: ಚೆಂಡನ್ನು ಬೌಂಡರಿ ದಾಟದಂತೆ ತಡೆಯುವ ಪ್ರಯತ್ನದಲ್ಲಿ ಫಾಫ್ ಡು ಪ್ಲೆಸಿಸ್ ಮತ್ತು ಮೊಹಮ್ಮದ್ ಹಸ್ನೈನ್ ಇಬ್ಬರೂ ಮುಖಾಮುಖಿ ಡಿಕ್ಕಿ ಹೊಡೆದುಕೊಂಡಿದ್ದಾರೆ.
Updated on: Jun 13, 2021 | 2:46 PM
ಎಂ ಎಸ್ ಧೋನಿ ಅವರನ್ನು ಕ್ಯಾಪ್ಟನ್ ಕೂಲ್ ಎಂದು ಕರೆಯುತ್ತಾರೆ. ಆದರೆ, ಪಾಕಿಸ್ತಾನ ಸೂಪರ್ ಲೀಗ್ನಲ್ಲಿ ನಡೆದ ಪೇಶಾವರ್ ಜಲ್ಮಿ ವರ್ಸಸ್ ಕ್ವೆಟ್ಟಾ ಗ್ಲಾಡಿಯೇಟರ್ಸ್ ಪಂದ್ಯದಲ್ಲಿ ನಡೆದ ಘಟನೆಯೊಂದು ಧೋನಿಗೆ ಕಳವಳವನ್ನು ಹುಟ್ಟುಹಾಕಿದೆ. ಪಂದ್ಯಗಳ ಚಿತ್ರಗಳು ಕೂಡ ಅಂತಹ ಗೊಂದಲವನ್ನುಂಟುಮಾಡುತ್ತಿವೆ. ಪಾಕಿಸ್ತಾನ ಸೂಪರ್ ಲೀಗ್ನಲ್ಲಿ ಕ್ವೆಟ್ಟಾ ಮತ್ತು ಪೇಶಾವರ್ ನಡುವೆ ಆಡಿದ ಪಂದ್ಯದಲ್ಲಿ ಫೀಲ್ಡಿಂಗ್ ವೇಳೆ ಧೋನಿ ತಂಡದ ಪ್ರಮುಖ ಆಟಗಾರ ಗಾಯಗೊಂಡಿದ್ದಾನೆ. ಕೂಡಲೇ ಆತನನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಒಂದು ವೇಳೆ ಆ ಆಟಗಾರ ಚೇತರಿಸಿಕೊಳ್ಳದಿದ್ದರೆ, ಧೋನಿ ತಂಡ ಚೆನ್ನೈಗೆ ಭಾರಿ ಹಿನ್ನೆಡೆ ಉಂಟಾಗಲಿದೆ. ಇದಕ್ಕಾಗಿಯೇ ಈಗ ಧೋನಿಗೆ ಆತಂಕ ಹೆಚ್ಚಾಗಿರುವುದು.
ಮೈದಾನದಿಂದ ನೇರವಾಗಿ ಆಸ್ಪತ್ರೆಗೆ ವಾಸ್ತವವಾಗಿ, ಈ ಪಂದ್ಯವು ಭೀಕರ ಅಪಘಾತಕ್ಕೆ ಸಾಕ್ಷಿಯಾಯಿತು. ಈ ಅಪಘಾತವು ಫಾಫ್ ಡು ಪ್ಲೆಸಿಸ್ ಮತ್ತು ಮೊಹಮ್ಮದ್ ಹಸ್ನೈನ್ ನಡುವೆ ಸಂಭವಿಸಿದೆ. ಪೇಶಾವರ್ ಜಲ್ಮಿ ತಂಡ ಬ್ಯಾಟಿಂಗ್ ನಡೆಯುತ್ತಿತ್ತು. ಫಾಫ್ ಡು ಪ್ಲೆಸಿಸ್ ಮತ್ತು ಮೊಹಮ್ಮದ್ ಹಸ್ನೈನ್ ಇಬ್ಬರೂ ಕ್ವೆಟ್ಟಾ ಗ್ಲಾಡಿಯೇಟರ್ಸ್ ತಂಡದ ಭಾಗವಾಗಿದ್ದರು. ಪೇಶಾವರ ಇನ್ನಿಂಗ್ಸ್ನ 7 ನೇ ಓವರ್ ನಡೆಯುತ್ತಿತ್ತು, ಅವರು 2 ವಿಕೆಟ್ಗೆ 26 ರನ್ ಗಳಿಸಿದ್ದರು. ಆದರೆ ಈ ಓವರ್ನಲ್ಲಿ ಇಂತಹ ಘಟನೆ ನಡೆದಿದ್ದು, ನಂತರ ಆಟಗಾರ ಮೈದಾನದಿಂದ ನೇರವಾಗಿ ಆಸ್ಪತ್ರೆಗೆ ಹೋಗಬೇಕಾಯಿತು.
ವಾಸ್ತವವಾಗಿ, ಪೇಶಾವರ್ ಜಲ್ಮಿ ಅವರ ಬ್ಯಾಟ್ಸ್ಮನ್ 7 ನೇ ಓವರ್ನ ಮೂರನೇ ಎಸೆತದಲ್ಲಿ ಶಾಟ್ ಆಡಿದರು. ಚೆಂಡು ನೇರವಾಗಿ ಬೌಂಡರಿ ರೇಖೆಯ ಕಡೆಗೆ ಹೋಗುತ್ತಿರುವುದು ಕಂಡುಬಂತು. ಆ ಚೆಂಡನ್ನು ಬೌಂಡರಿ ದಾಟದಂತೆ ತಡೆಯುವ ಪ್ರಯತ್ನದಲ್ಲಿ, ಫಾಫ್ ಡು ಪ್ಲೆಸಿಸ್ ಮತ್ತು ಮೊಹಮ್ಮದ್ ಹಸ್ನೈನ್ ಇಬ್ಬರೂ ಮುಖಾಮುಖಿ ಡಿಕ್ಕಿ ಹೊಡೆದುಕೊಂಡಿದ್ದಾರೆ. ಈ ಘರ್ಷಣೆಯಲ್ಲಿ ಹಸ್ನೈನ್ಗೆ ಏನೂ ಆಗಲಿಲ್ಲ ಆದರೆ ಫಾಫ್ ಡು ಪ್ಲೆಸಿಸ್ ಗಂಭೀರ ಗಾಯಗೊಂಡರು.
ಮೊಹಮ್ಮದ್ ಹಸ್ನೈನ್ ಅವರ ಮೊಣಕಾಲಿಗೆ ಡುಪ್ಲೆಸ್ಸಿ ಜೋರಾಗಿ ಡಿಕ್ಕಿ ಹೊಡೆದುಕೊಂಡರು. ಇದನ್ನು ನೀವು ವೀಡಿಯೊದಲ್ಲೂ ಕೂಡ ನೋಡಬಹುದು. ಈ ಮುಖಾಮುಖಿ ಡಿಕ್ಕಿಯ ನಂತರ, ಅವರನ್ನು ಮೈದಾನದಿಂದ ಹೊರಗೆ ಕರೆದುಕೊಂಡು ಹೋಗಲಾಯ್ತು. ಅದರ ನಂತರ, ಗಾಯದ ಗಂಭೀರತೆಯನ್ನು ನೋಡಿ, ಅವರನ್ನು ನೇರವಾಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಡು ಪ್ಲೆಸಿಸ್ ಆಸ್ಪತ್ರೆಗೆ ಹೋಗುವುದರಿಂದ ರನ್ಚೇಸ್ನಲ್ಲಿ ಕ್ವೆಟ್ಟಾ ಗ್ಲಾಡಿಯೇಟರ್ಸ್ ಪರವಾಗಿ ಬ್ಯಾಟಿಂಗ್ ಮಾಡಲು ಸಾಧ್ಯವಾಗುವುದಿಲ್ಲ. ಅವರ ಸ್ಥಾನದಲ್ಲಿ, ಸಯಮ್ ಅಯೂಬ್ ಅವರನ್ನು ಸಂಪರ್ಕ ಬದಲಿಯಾಗಿ ಕಣಕ್ಕಿಳಿಸಲಾಗಿದೆ.
Get well soon @faf1307#FafduPlessis pic.twitter.com/WRfX8N6xQ7
— ABHIJEET MONDAL (@abhijeet_234) June 13, 2021
ಅದಕ್ಕಾಗಿಯೇ ಧೋನಿಯ ಉದ್ವೇಗ ಹೆಚ್ಚಾಗಿದೆ! ಸರಿ, ಈ ಘಟನೆ ನಡೆದದ್ದು ಪಾಕಿಸ್ತಾನ ಸೂಪರ್ ಲೀಗ್ನಲ್ಲಿ. ಆದರೆ ಧೋನಿ ಕೂಡ ನಿದ್ರೆ ಕಳೆದುಕೊಂಡಿದ್ದಾರೆ. ಅವರ ಕಣ್ಣುಗಳು ಫಾಫ್ ಡು ಪ್ಲೆಸಿಸ್ ಗಾಯದ ಮೇಲೆ ಇದೆ. ಐಪಿಎಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ನ ಭಾಗವಾಗಿರುವ ಡು ಪ್ಲೆಸಿಸ್ ಐಪಿಎಲ್ 2021 ರ ಉಳಿದ ಪಂದ್ಯಗಳನ್ನು ಯುಎಇಯಲ್ಲಿ ಆಡಬೇಕಾಗಿದೆ. ಅಂತಹ ಸಂದರ್ಭದಲ್ಲಿ, ಇನ್ಫಾರ್ಮ್ ಡುಪ್ಲೆಸಿಯ ಪ್ರಾಮುಖ್ಯತೆ ಹೆಚ್ಚಾಗುತ್ತದೆ. ಐಪಿಎಲ್ ಪ್ರಾರಂಭಿಸಲು ಇನ್ನೂ ಸಮಯವಿದೆ. ಗಾಯವು ಹೆಚ್ಚು ಗಂಭೀರವಾಗಿದ್ದರೂ ಸಹ, ಸೆಪ್ಟೆಂಬರ್ ವೇಳೆಗೆ ಡು ಪ್ಲೆಸಿಸ್ ಫಿಟ್ ಆಗುವ ಸಾಧ್ಯತೆಗಳಿವೆ.
