ಬೋಲ್ಟ್ ಪಾರ್ಟಿಯಲ್ಲಿ ಪಾಲ್ಗೊಂಡರೂ ಗೇಲ್ಗೆ ಕೊವಿಡ್ ಸೋಂಕು ತಗುಲಿಲ್ಲ
ಇಂಡಿಯನ್ ಪ್ರೀಮಿಯರ್ ಲೀಗ್–13ರ (ಐಪಿಎಲ್) ಆವೃತಿಯಲ್ಲಿ ಆಡಲು ಈಗಾಗಲೇ ಯು ಎ ಈ ತಲುಪಿರುವ ಕಿಂಗ್ಸ್ XI ಪಂಜಾಬ್ ತಂಡಕ್ಕೊಂದು ಭಾರಿ ಸಂತೋಷದ ಸುದ್ದಿಯನ್ನು ಅದರ ವಿಧ್ವಂಸಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ನೀಡಿದ್ದಾರೆ. ಆ ಸುದ್ದಿಯೇನು ಗೊತ್ತಾ? ಅವರಿಗೆ ಕೊವಿಡ್-19 ಸೋಂಕಿನಿಂದ ಬಚಾವಾಗಿದ್ದಾರೆ. ಅವರಿಗ್ಯಾಕೆ ಸೋಂಕು ತಗುಲೀತು ಅಂತ ನೀವು ಯೋಚಿಸುತ್ತಿರಬಹುದು. ಅಂಥ ಸಾಧ್ಯತೆ ಖಂಡಿತವಾಗಿಯೂ ಇತ್ತು. ಶತಮಾನದ ಶ್ರೇಷ್ಠ ಸ್ಪ್ರಿಂಟರ್ ಜಮೈಕಾದ ಉಸೇನ್ ಬೋಲ್ಟ್ ಯಾರಿಗೆ ಗೊತ್ತಿಲ್ಲ? 100 ಮತ್ತು 200 ಮೀಟರ್ಗಳ ಓಟದಲ್ಲಿ ವಿಶ್ವದಾಖಲೆ […]
ಇಂಡಿಯನ್ ಪ್ರೀಮಿಯರ್ ಲೀಗ್–13ರ (ಐಪಿಎಲ್) ಆವೃತಿಯಲ್ಲಿ ಆಡಲು ಈಗಾಗಲೇ ಯು ಎ ಈ ತಲುಪಿರುವ ಕಿಂಗ್ಸ್ XI ಪಂಜಾಬ್ ತಂಡಕ್ಕೊಂದು ಭಾರಿ ಸಂತೋಷದ ಸುದ್ದಿಯನ್ನು ಅದರ ವಿಧ್ವಂಸಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ನೀಡಿದ್ದಾರೆ.
ಆ ಸುದ್ದಿಯೇನು ಗೊತ್ತಾ? ಅವರಿಗೆ ಕೊವಿಡ್-19 ಸೋಂಕಿನಿಂದ ಬಚಾವಾಗಿದ್ದಾರೆ. ಅವರಿಗ್ಯಾಕೆ ಸೋಂಕು ತಗುಲೀತು ಅಂತ ನೀವು ಯೋಚಿಸುತ್ತಿರಬಹುದು. ಅಂಥ ಸಾಧ್ಯತೆ ಖಂಡಿತವಾಗಿಯೂ ಇತ್ತು. ಶತಮಾನದ ಶ್ರೇಷ್ಠ ಸ್ಪ್ರಿಂಟರ್ ಜಮೈಕಾದ ಉಸೇನ್ ಬೋಲ್ಟ್ ಯಾರಿಗೆ ಗೊತ್ತಿಲ್ಲ? 100 ಮತ್ತು 200 ಮೀಟರ್ಗಳ ಓಟದಲ್ಲಿ ವಿಶ್ವದಾಖಲೆ ಹಾಗೂ ಒಲಂಪಿಕ್ ದಾಖಲೆಗಳೆರಡನ್ನೂ ತನ್ನ ಹೆಸರು ಬರೆದುಕೊಡಿರುವ ಸರ್ವಶ್ರೇಷ್ಠ ಅಥ್ಲೀಟ್.
ಬೋಲ್ಟ್ ಮೊನ್ನೆ ತಮ್ಮ 34ನೇ ಹುಟ್ಟುಹಬ್ಬವನ್ನು ಹುಟ್ಟೂರಾದ ಜಮೈಕದಲ್ಲಿ ಅದ್ದೂರಿಯಾಗಿ ಆಚರಿಸಿಕೊಂಡರು. ಅವರ ಬರ್ತ್ಡೇ ಬ್ಯಾಷ್ನಲ್ಲಿ ಭಾಗವಹಿಸಿದ ಹಲವಾರು ಸೆಲೆಬ್ರಿಟಿಗಳಲ್ಲಿ ಗೇಲ್ ಕೂಡ ಒಬ್ಬರು. ಅದಕ್ಕೂ ಗೇಲ್ ಐಪಿಎಲ್ನಲ್ಲಿ ಆಡುವುದಕ್ಕೂ ಏನು ಸಂಬಂಧ ಅಂತೀರಾ?
ಅಸಲಿಗೆ ವಿಷಯವೇನೆಂದರೆ, ಹುಟ್ಟುಹಬ್ಬ ಆಚರಿಸಿಕೊಂಡ ಮರುದಿನವೇ ಬೋಲ್ಟ್ ಕೊವಿಡ್-19 ಸೋಂಕಿಗೊಳಗಾಗಿರುವುದು ಪತ್ತೆಯಾಯಿತು. ಕೂಡಲೇ ಗೇಲ್ ಕೂಡ ಪರೀಕ್ಷೆ ಮಾಡಿಸಿಕೊಂಡರು, ಅವರ ಮತ್ತು ಪಂಜಾಬ್ ಕ್ಲಬ್ನ ಅದೃಷ್ಟ ಚೆನ್ನಾಗಿತ್ತು. ಗೇಲ್ ಎರಡೆರಡು ಬಾರಿ ಟೆಸ್ಟ್ ಮಾಡಿಸಿಕೊಂಡರೂ ರಿಸಲ್ಟ್ ನೆಗೆಟಿವ್ ಬಂದಿದೆ.
ಈ ಸುದ್ದಿಯನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿರುವ ಗೇಲ್, ‘‘ಎರಡು ದಿನಗಳ ಹಿಂದೆ ಮೊದಲ ಟೆಸ್ಟ್ ಆಯಿತು, ಅದರೆ, ಪ್ರಯಾಣ ಬೆಳೆಸುವ ಮೊದಲು ಎರಡು ಬಾರಿ ಟೆಸ್ಟ್ ಅಗಬೇಕು….ಎರಡನೆ ಟೆಸ್ಟ್ನಲ್ಲಿ ಉಪಕರಣವನ್ನು ಮೂಗಿನಲ್ಲಿ ಜಾಸ್ತಿಯೇ ಒಳ ದೂಡಿದರು. ಅಬ್ಬಾ. ಈ ಟೆಸ್ಟ್ ಸಹ ನೆಗೆಟಿವ್,’’ ಎಂದು ಬರೆದುಕೊಂಡಿದ್ದಾರೆ