IND vs SL: ಭಾರತ ವಿರುದ್ಧದ ಸರಣಿಗೆ ಶ್ರೀಲಂಕಾ ತಂಡ ಪ್ರಕಟ; ಆಲ್​ರೌಂಡರ್​ಗೆ ನಾಯಕನ ಪಟ್ಟ ಕಟ್ಟಿದ ಲಂಕಾ ಮಂಡಳಿ

ಆಟಗಾರರೊಂದಿಗಿನ ಗಲಾಟೆ ಮತ್ತು ತೊಂದರೆಗಳನ್ನು ಎದುರಿಸುತ್ತಿರುವ ಶ್ರೀಲಂಕಾ ಕ್ರಿಕೆಟ್ (ಎಸ್‌ಎಲ್‌ಸಿ) ಅಂತಿಮವಾಗಿ ಭಾರತ ವಿರುದ್ಧದ ಏಕದಿನ ಮತ್ತು ಟಿ 20 ಸರಣಿಗೆ ತನ್ನ ತಂಡವನ್ನು ಪ್ರಕಟಿಸಿದೆ. ಜುಲೈ 18 ರ ಭಾನುವಾರದಿಂದ ಪ್ರಾರಂಭವಾಗುವ ಏಕದಿನ ಸರಣಿಗೆ ಎರಡು ದಿನಗಳ ಮೊದಲು ಮಂಡಳಿಯು 24 ಸದಸ್ಯರ ಶ್ರೀಲಂಕಾ ಕ್ರಿಕೆಟ್ ತಂಡವನ್ನು ಪ್ರಕಟಿಸಿದೆ. ಹಲವಾರು ದಿನಗಳಿಂದ ನಡೆಯುತ್ತಿರುವ ಊಹಾಪೋಹಗಳನ್ನು ದೃಡೀಕರಿಸಿ, ಶ್ರೀಲಂಕಾದ ಆಯ್ಕೆದಾರರು ಆಲ್‌ರೌಂಡರ್ ದಾಸುನ್ ಶಾನಕಾ ಅವರನ್ನು ತಂಡದ ನಾಯಕರನ್ನಾಗಿ ನೇಮಿಸಿದ್ದಾರೆ. ಸರಣಿ ಪ್ರಾರಂಭವಾಗುವ ಮೊದಲೇ ಶ್ರೀಲಂಕಾ ತಂಡವು ದೊಡ್ಡ ಹಿನ್ನಡೆ ಅನುಭವಿಸಿದೆ. ಹಿರಿಯ ಓಪನರ್ ಕುಸಲ್ ಪೆರೆರಾ, ಇಂಗ್ಲೆಂಡ್ ಪ್ರವಾಸದವರೆಗೂ ತಂಡದ ನಾಯಕರಾಗಿದ್ದರು. ಆದರೆ ಈಗ ಭುಜದ ಗಾಯದಿಂದಾಗಿ ಎರಡೂ ಸರಣಿಗಳಿಂದ ಹೊರಗುಳಿದಿದ್ದಾರೆ.

ಇತ್ತೀಚೆಗೆ ಇಂಗ್ಲೆಂಡ್‌ನಿಂದ ಹಿಂದಿರುಗಿದ ನಂತರ, ತಂಡದ ಬ್ಯಾಟಿಂಗ್ ಕೋಚ್ ಮತ್ತು ಡೇಟಾ ವಿಶ್ಲೇಷಕರ ಕೊರೊನಾ ವೈರಸ್ ಸೋಂಕಿನಿಂದಾಗಿ ಶ್ರೀಲಂಕಾ ತಂಡದ ಪ್ರಕಟಣೆ ವಿಳಂಬವಾಗಿದೆ. ಈ ಸರಣಿಗೆ ಆಯ್ಕೆಯಾದ ತಂಡದಲ್ಲಿ ಹೆಚ್ಚಿನ ಬದಲಾವಣೆಗಳಿಲ್ಲ ಮತ್ತು ಇಂಗ್ಲೆಂಡ್‌ನಿಂದ ಹಿಂದಿರುಗಿದ ಅದೇ ಆಟಗಾರರನ್ನು ಸೇರಿಸಿಕೊಳ್ಳಲಾಗಿದೆ. ಈ ತಂಡ ಏಕದಿನ ಮತ್ತು ಟಿ 20 ಸರಣಿಯಲ್ಲಿ ಭಾರತವನ್ನು ಎದುರಿಸಲಿದೆ.

ನಾಯಕತ್ವದಲ್ಲಿ ಪ್ರಮುಖ ಬದಲಾವಣೆ
ನಾಯಕತ್ವದಲ್ಲಿ ತಂಡದಲ್ಲಿ ದೊಡ್ಡ ಬದಲಾವಣೆ ಸಂಭವಿಸಿದೆ. ಇಂಗ್ಲೆಂಡ್ ಪ್ರವಾಸದಲ್ಲಿ ಗಾಯಗೊಂಡ ನಾಯಕ ಕುಸಲ್ ಪೆರೆರಾ ಅವರ ಸ್ಥಾನದಲ್ಲಿ ಆಲ್‌ರೌಂಡರ್ ದಾಸುನ್ ಶಾನಕಾ ಅವರಿಗೆ ಈ ಜವಾಬ್ದಾರಿಯನ್ನು ನೀಡಲಾಗಿದೆ. ಪೆರೆರಾ ಅವರನ್ನು ಇಡೀ ಸರಣಿಯಿಂದ ಹೊರಗಿಡಲಾಗಿದೆ. ಅವರನ್ನು ತೆಗೆದುಹಾಕಿ ಶಾನಕಾ ಅವರನ್ನು ನಾಯಕನನ್ನಾಗಿ ಮಾಡುವ ಊಹಾಪೋಹಗಳು ಕೇಳಿಬರುತ್ತಿದ್ದವು. ಶಾನಕಾ ಕಳೆದ 4 ವರ್ಷಗಳಲ್ಲಿ ಶ್ರೀಲಂಕಾದ 10 ನೇ ನಾಯಕ. ಧನಂಜಯ್ ಡಿ ಸಿಲ್ವಾ ಅವರನ್ನು ಉಪನಾಯಕನನ್ನಾಗಿ ಮಾಡಲಾಗಿದೆ.

ಏಕದಿನ ಮತ್ತು ಟಿ 20 ಐ ಸರಣಿಗೆ ಶ್ರೀಲಂಕಾ ತಂಡ
ದಾಸುನ್ ಶಾನಕಾ (ಕ್ಯಾಪ್ಟನ್), ಧನಂಜಯ್ ಡಿ ಸಿಲ್ವಾ (ಉಪನಾಯಕ), ಪಾತುಮ್ ನಿಸಂಕಾ, ಅವಿಷ್ಕಾ ಫರ್ನಾಂಡೊ, ಭನುಕಾ ರಾಜಪಕ್ಸೆ, ಚಾರಿತ್ ಅಸಲಂಕಾ, ವಾನಿಂದು ಹಸರಂಗ, ಆಶೆನ್ ಭಂಡಾರ, ಮಿನೋಡ್ ಭನುಕಾ, ಲಹಿರು ಉದಾರ, ರಮೇಶ್ ಮೆಂಡುನಾ, ಚಮೀಕಾ ಚಾಮಿ ಅಕಿಲಾ ಧನಂಜಯ, ಶಿರನ್ ಫರ್ನಾಂಡೊ, ಧನಂಜಯ್ ಲಕ್ಷನ್, ಇಶಾನ್ ಜಯರತ್ನ, ಪ್ರವೀಣ್ ಜಯವಿಕ್ರಾಮ, ಆಸಿತಾ ಫರ್ನಾಂಡೊ, ಕಸುನ್ ರಜಿತಾ, ಲಹಿರು ಕುಮಾರ, ಇಸುರು ಉದಾನ.