T20 ವಿಶ್ವಕಪ್ಗೂ ಮುನ್ನ ದಕ್ಷಿಣ ಆಫ್ರಿಕಾ- ನ್ಯೂಜಿಲ್ಯಾಂಡ್ ಜೊತೆ ಟಿ20 ಸರಣಿ.. ಟೀಂ ಇಂಡಿಯಾಕ್ಕೆ ಅನುಕೂಲವೇ ಹೆಚ್ಚು!
ದಕ್ಷಿಣ ಆಫ್ರಿಕಾ ಮತ್ತು ನ್ಯೂಜಿಲೆಂಡ್ ತಂಡಗಳು ಭಾರತಕ್ಕೆ ಟಿ20 ವಿಶ್ವಕಪ್ಗೂ ಮೊದಲು ದ್ವಿಪಕ್ಷೀಯ ಟಿ20 ಸರಣಿಯನ್ನು ಆಡಲು ಬರಬಹುದು
Updated on: Mar 18, 2021 | 12:58 PM
ಟೀಂ ಇಂಡಿಯಾ ಇದೇ ವರ್ಷ ತವರಿನಲ್ಲಿ ಟಿ20 ವಿಶ್ವಕಪ್ ಆಡಬೇಕಾಗಿದೆ. ಇಂತಹ ಸಮಯದಲ್ಲಿ ವಿಶ್ವಕಪ್ ಗೆಲ್ಲಲೇಬೇಕೆಂದು ಪಣತೋಟ್ಟಿರುವ ಬಿಸಿಸಿಐ, ಆಟಗಾರರು ಟಿ20 ಮಾದರಿಗೆ ಸರಿಯಾಗಿ ಒಗ್ಗಿಕೊಳ್ಳುವ ಸಲುವಾಗಿ ಟಿ 20 ವಿಶ್ವಕಪ್ಗೆ ಸ್ವಲ್ಪ ಮೊದಲು ಭಾರತದಲ್ಲಿ ಟಿ20 ಸರಣಿಯನ್ನು ನಡೆಸುವ ಯೋಜನೆಯನ್ನು ಹಾಕಿಕೊಂಡಿದೆ. ವರದಿಯ ಪ್ರಕಾರ, ಅಕ್ಟೋಬರ್ನಲ್ಲಿ ಭಾರತವು ದಕ್ಷಿಣ ಆಫ್ರಿಕಾ ಮತ್ತು ನ್ಯೂಜಿಲೆಂಡ್ ತಂಡಗಳೊಂದಿಗೆ ಟಿ20 ಸರಣಿಯನ್ನು ನಡೆಸಲು ಚಿಂತನೆ ನಡೆಸುತ್ತಿದೆ. ಟಿ20 ವಿಶ್ವಕಪ್ನ ಸಿದ್ಧತೆಗಳ ಹಿನ್ನೆಲೆಯಲ್ಲಿ, ಭಾರತೀಯ ಮಂಡಳಿಯು ಈ ಸಂದರ್ಭದಲ್ಲಿ ಉಭಯ ದೇಶಗಳ ಕ್ರಿಕೆಟ್ ಮಂಡಳಿಗಳೊಂದಿಗೆ ಸರಣಿಯ ಸಂಬಂಧ ಮಾತನಾಡುತ್ತಿದೆ ಎಂದು ವರದಿಯಾಗಿದೆ.
ಎರಡು ದೇಶಗಳೊಂದಿಗಿನ ಮಾತುಕತೆ ಅಂತಿಮ ಸುತ್ತಿನಲ್ಲಿದೆ ಬಿಸಿಸಿಐನ ಹಿರಿಯ ಅಧಿಕಾರಿಯೊಬ್ಬರು ಹೇಳಿರುವ ಪ್ರಕಾರ, ದಕ್ಷಿಣ ಆಫ್ರಿಕಾ ಮತ್ತು ನ್ಯೂಜಿಲೆಂಡ್ ತಂಡಗಳು ಭಾರತಕ್ಕೆ ಟಿ20 ವಿಶ್ವಕಪ್ಗೂ ಮೊದಲು ದ್ವಿಪಕ್ಷೀಯ ಟಿ20 ಸರಣಿಯನ್ನು ಆಡಲು ಬರಬಹುದು ಎಂದು ಹೇಳಿದರು. ಎರಡು ದೇಶಗಳೊಂದಿಗಿನ ಮಾತುಕತೆ ಅಂತಿಮ ಸುತ್ತಿನಲ್ಲಿದೆ. ವಿಶ್ವಕಪ್ಗೆ ಮುಂಚಿತವಾಗಿ ತಂಡಕ್ಕೆ ಇದು ಅಗತ್ಯವೆಂದು ಮಂಡಳಿ ಪರಿಗಣಿಸಿದೆ. ಆದ್ದರಿಂದ ಇದು ಈ ಕ್ರಮವನ್ನು ತೆಗೆದುಕೊಂಡಿದೆ. ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವೆ ಕಳೆದ ವರ್ಷ ಮಾರ್ಚ್ನಲ್ಲಿ ನಡೆಯಬೇಕಿದ್ದ ಟಿ20 ಸರಣಿಯನ್ನು ಕೊರೊನಾದಿಂದಾಗಿ ಮುಂದೂಡಲಾಯಿತು. ಹೀಗಾಗಿ, ಎರಡೂ ದೇಶಗಳು ಈ ವರ್ಷ ಟಿ20 ಆಡಬಹುದು.
ಇಂಗ್ಲೆಂಡ್ ನಂತರ, ಡಬ್ಲ್ಯೂಸಿ ತನಕ ಯಾವುದೇ ಟಿ20 ಸರಣಿ ಇಲ್ಲ ಇಂಗ್ಲೆಂಡ್ ವಿರುದ್ಧದ ಟಿ20 ಸರಣಿಯ ನಂತರ, ಭಾರತ ತಂಡವು ವಿಶ್ವಕಪ್ಗೆ ಮೊದಲು ಯಾವುದೇ ದೇಶದೊಂದಿಗೆ ಟಿ20 ಸರಣಿಯ ವೇಳಾಪಟ್ಟಿಯನ್ನು ಹೊಂದಿಲ್ಲ. ಐಪಿಎಲ್ 2021 ರ ನಂತರ, ಟೀಂ ಇಂಡಿಯಾ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ನ ಫೈನಲ್ ಮತ್ತು 5 ಟೆಸ್ಟ್ಗಳ ಸರಣಿಗಾಗಿ ಇಂಗ್ಲೆಂಡ್ಗೆ ಹಾರಲಿದೆ. ಟೀಮ್ ಇಂಡಿಯಾ ಸೆಪ್ಟೆಂಬರ್ ಮಧ್ಯದಲ್ಲಿ ಇಂಗ್ಲೆಂಡ್ನಿಂದ ದೇಶಕ್ಕೆ ಮರಳಲಿದೆ. ಈ ವರ್ಷದ ಏಷ್ಯಾಕಪ್ ನಡವಳಿಕೆಯ ಬಗ್ಗೆ ಬಿಸಿಸಿಐ ಯಾವುದೇ ತೀರ್ಮಾನ ತೆಗೆದುಕೊಂಡಿಲ್ಲ. ಟಿ20 ವಿಶ್ವಕಪ್ ನಂತರ ನ್ಯೂಜಿಲೆಂಡ್ ತಂಡ, ಭಾರತದಲ್ಲಿ ಟೆಸ್ಟ್ ಸರಣಿಯನ್ನು ಆಡಲಿದೆ. ಅದರ ನಂತರ ಭಾರತ ತಂಡ ಡಿಸೆಂಬರ್-ಜನವರಿಯಲ್ಲಿ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಳ್ಳಲಿದೆ.
ಟಿ20 ಸರಣಿಯೊಂದಿಗೆ ಡಬ್ಲ್ಯೂಸಿ ಸಿದ್ಧತೆಗಳತ್ತ ಗಮನ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಕಡೆ ಹೆಚ್ಚು ಗಮನ ಹರಿಸಿರುವ ಬಿಸಿಸಿಐ ಆಟಗಾರರಿಗೆ ಹೆಚ್ಚಿನ ವಿಶ್ರಾಂತಿ ನೀಡುತ್ತಿದೆ. ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಬಳಿಕ, ಭಾರತ ತಂಡಕ್ಕೆ ಯಾವುದೇ ಟಿ 20ಸರಣಿಗಳಿಲ್ಲ. ಈಗ, ಸೂರತ್ನಲ್ಲಿ ಟೀಂ ಇಂಡಿಯಾ ಒಂದು ಅಥವಾ ಎರಡು ದ್ವಿಪಕ್ಷೀಯ ಟಿ20 ಸರಣಿಯನ್ನು ಆಡಿದರೆ, ಅದು ಖಂಡಿತವಾಗಿಯೂ ಟಿ20 ವಿಶ್ವಕಪ್ನ ಸಿದ್ಧತೆಗೆ ಸಹಾಯವಾಗಲಿದೆ.
