ಪಿಂಕ್​ ಬಾಲ್​ ಕಂಡ್ರೆ ಕೊರೊನಾ ಬಾಲ್​ ಕಂಡಂತೆ ಹೆದರುವುದೇಕೆ ಟೀಂ ಇಂಡಿಯಾ ಆಟಗಾರರು?

ಅಡಿಲೇಡ್​ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್​ ಪಂದ್ಯದಲ್ಲಿ ಕೇವಲ 36 ರನ್ ಕಲೆ ಹಾಕುವ ಮೂಲಕ ಭಾರತದ ಕ್ರಿಕೆಟ್​ ಇತಿಹಾಸದಲ್ಲೇ ಅತಿ ಕಡಿಮೆ ಸ್ಕೋರ್​ ಗಳಿಸಿದ ಕುಖ್ಯಾತಿ ಪಾತ್ರವಾಯಿತು. ವಿರಾಟ್​ ಕೊಹ್ಲಿ ನಾಯಕತ್ವದ ಬಗ್ಗೆ ಅನೇಕರು ಅಪಸ್ವರ ತೆಗೆದರೆ, ಇನ್ನೂ ಕೆಲವರು ಒಟ್ಟಾರಿ ಟೀಂ ಇಂಡಿಯಾವನ್ನು ಶಪಿಸಿದ್ದಾರೆ. ಈ ಮಧ್ಯೆ ಟ್ವಿಟರ್​ನಲ್ಲೂ ಈ ಬಗ್ಗೆ ಚರ್ಚೆ ಜೋರಾಗಿದೆ. ಹೀಗಿರುವಾಗ ಕೆಲ ಕಾರ್ಟೂನ್​ ಮಂದಿ ಟೀಂ ಇಂಡಿಯಾ ಸೋಲನ್ನು ಭಿನ್ನವಾಗಿ ಚಿತ್ರಿಸಿದ್ದಾರೆ.

ಮೊದಲನೇ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್​ನಲ್ಲಿ ಸಾಧಾರಣ ಹಾಗೂ ಬೌಲಿಂಗ್​ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ಟೀಂ ಇಂಡಿಯಾ ಎರಡನೇ ಇನ್ನಿಂಗ್ಸ್​ನಲ್ಲಿ ಅತೀವ ಕಳಪೆ ಪ್ರದರ್ಶನ ನೀಡಿತು. ಎರಡನೇ ಇನ್ನಿಂಗ್ಸ್​ನಲ್ಲಿ ಕೇವಲ 36 ರನ್​ ಗಳಿಕೆ ಮಾಡಿತು. ಯಾವೊಬ್ಬ ಬ್ಯಾಟ್ಸ್​​ಮನ್​ ಕೂಡ ಒಂದಕಿ ದಾಟಿಲ್ಲ! ಎರಡನೇ ಇನ್ನಿಂಗ್ಸ್​ನಲ್ಲಿ ಅತಿ ಹೆಚ್ಚು ರನ್​ ಗಳಿಕೆ ಮಾಡಿದ್ದು ಮಯಾಂಕ್​ ಅಗರ್​ವಾಲ್​. ಅವರು ಬಾರಿಸಿದ್ದು 9 ರನ್​ ಮಾತ್ರ!

ಮೊದಲ ಇನ್ನಿಂಗ್ಸ್​ನಲ್ಲಿ 244 ರನ್​ ಬಾರಿಸಿದ್ದ ಭಾರತ, ಆಸ್ಟ್ರೇಲಿಯಾವನ್ನು ಕೇವಲ 191ರನ್​ಗಳಿಗೆ ಕಟ್ಟಿ ಹಾಕಿತ್ತು. ಈ ಮೂಲಕ 53 ರನ್​ಗಳ ಲೀಡ್​ ಕಾಯ್ದುಕೊಂಡಿತ್ತು. ಎರಡನೇ ಇನ್ನಿಂಗ್ಸ್​ನಲ್ಲಿ ಓಪನರ್​ಗಳಾಗಿ ಇಳಿದ ಪೃಥ್ವಿ ಶಾ ಹಾಗೂ ಮಯಾಂಕ್​ ಅನುಕ್ರಮವಾಗಿ ನಾಲ್ಕು ಹಾಗೂ ಒಂಭತ್ತು ರನ್​ ಗಳಿಸಿದರು. ಶಾ ಔಟ್​ ಆದ ನಂತರ ಬಂದ ಬೂಮ್ರಾ ಎರಡು ರನ್​ಗಳಿಗೆ ವಿಕೆಟ್​ ಒಪ್ಪಿಸಿದರು. ಪೂಜಾರ ಡಕ್​ಔಟ್​ ಆದರೆ, ನಾಯಕ ಕೊಹ್ಲಿ ನಾಲ್ಕು ರನ್​ ಬಾರಿಸಿ ಪೆವಿಲಿಯನ್​ ಸೇರಿದರು. ಉಪನಾಯಕ ರಹಾನೆ ಶೂನ್ಯ ಸುತ್ತಿದರೆ, ಹನುಮ ವಿಹಾರಿ 8 ರನ್​ ಗಳಿಸಲು ಪರದಾಡಿದರು. ಅಶ್ವಿನ್​ ಸೊನ್ನೆ ಸುತ್ತಿದರು. ಕೊನೆಯ ವಿಕೆಟ್​ನಲ್ಲಿ ಆಡುತ್ತಿದ್ದ ಉಮೇಶ್​ ನಾಲ್ಕು ರನ್​ ಗಳಿಸಿದರು. 1 ರನ್​ ಬಾರಿಸಿದ್ದ ಶಮಿ ಗಾಯಗೊಂಡು ಪೆವಿಲಿಯನ್​ ಸೇರಿದರು. ಕೊನೆಗೆ ಭಾರತ 36 ರನ್​ ಗಳಿಸಲಷ್ಟೇ ಶಕ್ತವಾಯಿತು.

ಈ ಬಗ್ಗೆ ಕಾರ್ಟೂನ್​ ಬಿಡಿಸಿರುವ ವ್ಯಂಗ್ಯ ಚಿತ್ರಕಾರ ವಿವೇಕ ಜಿ. ಸಿದ್ದಾಪುರ​, ಇದು ಪಿಂಕ್​ ಬಾಲ್​ ಅಲ್ಲ ಕೊರೊನಾ ಬಾಲ್​ ಎಂದು ವರ್ಣಿಸಿದ್ದಾರೆ. ಅವರು ಹೀಗೆ ಹೇಳೋಕೆ ಕಾರಣ ಕೂಡ ಇದೆ. ಕೊರೊನಾ ಎಂದರೆ ಸಾಕು ಎಲ್ಲರೂ ಮಾರುದ್ದ ಹೋಗಿ ನಿಲ್ಲುತ್ತಾರೆ. ಅದೇ ರೀತಿ, ನಿನ್ನೆಯ ಪಂದ್ಯದಲ್ಲಿ ಎಲ್ಲರೂ ಬೇಗ ಬೇಗ ಔಟ್​ ಆದರು. ಎಲ್ಲ ಆಟಗಾರರು ಬಾಲ್​ಅನ್ನು ಕೊರೊನಾ ಬಾಲ್​ ಅಂತೆ ನೋಡಿದ್ದರು! ಇದಕ್ಕಾಗಿಯೇ ಅದನ್ನು ಮುಟ್ಟುವ ಪ್ರಯತ್ನ ಮಾಡದೆ ಔಟ್​ ಆದರು ಎಂದು ವ್ಯಂಗ್ಯ ಚಿತ್ರದ ಮೂಲಕ ಹೇಳಿದ್ದಾರೆ. ಈ ವ್ಯಂಗ್ಯ ಚಿತ್ರ  ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್​ ಆಗಿದೆ.

India vs Australia 2020: ಈ ಸೋಲು ಸುಲಭಕ್ಕೆ ಮರೆತು ಹೋಗುವಂಥದಲ್ಲ!

Published On - 2:59 pm, Sun, 20 December 20