India vs New Zealand, WTC Final 2021, Day 3: ಮೂರನೇ ದಿನದಾಟ ಮುಕ್ತಾಯ; ನಾಳೆಯ ಆಟದ ಮೇಲೆ ಹೆಚ್ಚಿದ ಕುತೂಹಲ!

ನ್ಯೂಜಿಲ್ಯಾಂಡ್ 69-0 (33 ಓವರ್)

33 ಓವರ್​ಗಳ ಬಳಿಕ ನ್ಯೂಜಿಲ್ಯಾಂಡ್ ತಂಡದ ಮೊತ್ತ ವಿಕೆಟ್ ನಷ್ಟವಿಲ್ಲದೆ 69 ರನ್ ಆಗಿದೆ. ಆರಂಭಿಕರಾದ ಲತಮ್ ಹಾಗೂ ಕಾನ್ವೆ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಟಾಮ್ ಲತಮ್ 30 ಮತ್ತು ಡೆವಾನ್ ಕಾನ್ವೆ 38 ರನ್ ಗಳಿಸಿದ್ದಾರೆ.

50 ರನ್ ಪೂರೈಸಿದ ನ್ಯೂಜಿಲ್ಯಾಂಡ್

ಟಾಸ್ ಗೆದ್ದು ಬೌಲಿಂಗ್ ಮಾಡಿದ ನ್ಯೂಜಿಲ್ಯಾಂಡ್ ತಂಡ ಭಾರತವನ್ನು 217 ರನ್​ಗಳಿಗೆ ಕಟ್ಟಿಹಾಕಿತು. ಇದೀಗ, ಮೊದಲ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್ ಮಾಡುತ್ತಿರುವ ನ್ಯೂಜಿಲ್ಯಾಂಡ್ 50 ರನ್ ಪೂರೈಸಿ ಮುಂದೆ ಸಾಗುತ್ತಿದೆ. ಇಲ್ಲಿಯವರೆಗೂ ಯಾವುದೇ ವಿಕೆಟ್ ಬೀಳದಿರುವುದು ಭಾರತದ ಬೌಲರ್​ಗಳ ಒತ್ತಡ ಹೆಚ್ಚು ಮಾಡಿದೆ. ನ್ಯೂಜಿಲ್ಯಾಂಡ್ ತಂಡ 29 ಓವರ್​ಗಳ ಬಳಿಕ ವಿಕೆಟ್ ನಷ್ಟವಿಲ್ಲದೆ 57 ರನ್ ಕಲೆಹಾಕಿದೆ. ಆರಂಭಿಕ ದಾಂಡಿಗರು ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ.

50 up for the @BLACKCAPS!

A good opening partnership between Tom Latham and Devon Conway ?#WTC21 Final | #INDvNZ | https://t.co/384ZivHQu3 pic.twitter.com/leVl45t1ZA

— ICC (@ICC) June 20, 2021

ಕೊನೆಗೂ 1 ರನ್ ದಾಖಲು

ಕಳೆದ ನಾಲ್ಕು ಓವರ್​ಗಳಿಂದ ಕೇವಲ 1 ರನ್ ದಾಖಲಾಗಿದೆ. 23, 24 ಹಾಗೂ 25ನೇ ಓವರ್​ನಲ್ಲಿ ಯಾವುದೇ ರನ್ ಬಂದಿರಲಿಲ್ಲ. ಅಶ್ವಿನ ಹಾಗೂ ಇಶಾಂತ್ ಶರ್ಮಾ ಬೌಲಿಂಗ್ ಮಾಡಿದ ಕೊನೆಯ ಮೂರು ಓವರ್​ಗಳು ಮೇಡನ್ ಆಗಿದ್ದವು. ಇದೀಗ ಇಶಾಂತ್ ಶರ್ಮಾ ಬೌಲಿಂಗ್​ನ 26ನೇ ಓವರ್​ನಲ್ಲಿ 1 ರನ್ ದಾಖಲಾಗಿದೆ. ಈ ಮೂಲಕ ನ್ಯೂಜಿಲ್ಯಾಂಡ್ ತಂಡ 26 ಓವರ್​ಗಳ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 44 ರನ್ ದಾಖಲಿಸಿದೆ. ಕಾನ್ವೆ ಹಾಗೂ ಲತಮ್ ಆಡುತ್ತಿದ್ದಾರೆ.

ಮೂರನೇ ಸೆಷನ್ ಆರಂಭ

ಭಾರತ ಹಾಗೂ ನ್ಯೂಜಿಲ್ಯಾಂಡ್ ನಡುವಿನ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​ನ ಮೂರನೇ ದಿನದ, ಮೂರನೇ ಸೆಷನ್ ಆರಂಭವಾಗಿದೆ. ನ್ಯೂಜಿಲ್ಯಾಂಡ್ ತಂಡ 22 ಓವರ್​ಗಳಲ್ಲಿ ವಿಕೆಟ್ ಕಳೆದುಕೊಳ್ಳದೆ 43 ರನ್ ಕಲೆಹಾಕಿದೆ. ಡೆವಾನ್ ಕಾನ್ವೆ ಹಾಗೂ ಟಾಮ್ ಲತಮ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಭಾರತದ ಪರವಾಗಿ ಇದುವರೆಗೆ ಇಶಾಂತ್ ಶರ್ಮಾ, ಜಸ್ಪ್ರೀತ್ ಬುಮ್ರಾ, ಮೊಹಮದ್ ಶಮಿ ಹಾಗೂ ರವಿಚಂದ್ರನ್ ಅಶ್ವಿನ್ ಬೌಲಿಂಗ್ ಮಾಡಿದ್ದಾರೆ.

ಚಹಾ ವಿರಾಮ

ಚಹಾ ವಿರಾಮದ ವೇಳೆ ನ್ಯೂಜಿಲ್ಯಾಂಡ್ ತಂಡ 21 ಓವರ್​ಗಳನ್ನು ಆಡಿ 36 ರನ್ ದಾಖಲಿಸಿದೆ. ಯಾವುದೇ ವಿಕೆಟ್ ಕಳೆದುಕೊಂಡಿಲ್ಲ. 1.71 ರನ್ ಸರಾಸರಿಯಲ್ಲಿ ನ್ಯೂಜಿಲ್ಯಾಂಡ್ ಬ್ಯಾಟಿಂಗ್ ಮಾಡುತ್ತಿದ್ದು, ಭಾರತ ವಿಕೆಟ್ ಪಡೆಯುವ ತವಕದಲ್ಲಿದೆ. ಮೊದಲನೇ ಇನ್ನಿಂಗ್ಸ್​ನಲ್ಲಿ ನ್ಯೂಜಿಲ್ಯಾಂಡ್ ತಂಡ ಭಾರತಕ್ಕಿಂತ 181 ರನ್ ಹಿಂದಿದೆ. ಇನ್ನೂ ಸುಮಾರು ಮೂರು ಗಂಟೆಗಳ ಆಟ ಉಳಿದಿದ್ದು, ನ್ಯೂಜಿಲ್ಯಾಂಡ್ ಮಣಿಸಲು ಭಾರತ ಕೆಲವಷ್ಟು ಪ್ರಮುಖ ವಿಕೆಟ್​ಗಳನ್ನಾದರೂ ಇಂದೇ ಉರುಳಿಸಬೇಕಿದೆ.

ನ್ಯೂಜಿಲ್ಯಾಂಡ್ 24-0 (16 ಓವರ್)

16ನೇ ಓವರ್ ಅಂತ್ಯಕ್ಕೆ ನ್ಯೂಜಿಲ್ಯಾಂಡ್ ತಂಡ ಒಂದೂ ವಿಕೆಟ್ ಕಳೆದುಕೊಳ್ಳದೆ 24 ರನ್ ದಾಖಲಿಸಿದೆ. 1.54 ಸರಾಸರಿಯಲ್ಲಿ ನಿಧಾನಗತಿಯ ಆಟವನ್ನು ನ್ಯೂಜಿಲ್ಯಾಂಡ್ ನೆಚ್ಚಿಕೊಂಡಿದೆ. ಮಳೆಯ ಕಾರಣದಿಂದಲೂ ಪಿಚ್ ವರ್ತನೆ ಗಮನಿಸಿ, ಜಾಗ್ರತೆಯ ಆಟಕ್ಕೆ ನ್ಯೂಜಿಲ್ಯಾಂಡ್ ಆರಂಭಿಕ ಬ್ಯಾಟ್ಸ್​ಮನ್​ಗಳು ಮುಂದಾಗಿದ್ದಾರೆ. ಮೊದಲ ಇನ್ನಿಂಗ್ಸ್​ನಲ್ಲಿ ಭಾರತಕ್ಕಿಂತ 193 ರನ್ ಹಿಂದಿದ್ದಾರೆ.

ಆಟ ಮತ್ತೆ ಆರಂಭ; ನ್ಯೂಜಿಲ್ಯಾಂಡ್ 20-0

ಮಳೆಯಿಂದಾಗಿ ಸ್ವಲ್ಪವೇ ಹೊತ್ತು ಸ್ಥಗಿತಗೊಂಡಿದ್ದ ಪಂದ್ಯ ಮತ್ತೆ ಆರಂಭವಾಗಿದೆ. ನ್ಯೂಜಿಲ್ಯಾಂಡ್ ತಂಡ ವಿಕೆಟ್ ಕಳೆದುಕೊಳ್ಳದೇ 13 ಓವರ್​ಗೆ ವಿಕೆಟ್ ನಷ್ಟವಿಲ್ಲದೆ 20 ರನ್ ಕಲೆಹಾಕಿದೆ.

ಮೂರನೇ ದಿನವೂ ಮಳೆ ಅಡ್ಡಿ

ಮೂರನೇ ದಿನವೂ ಪಂದ್ಯಕ್ಕೆ ಹವಾಮಾನ ಅಡ್ಡಿಪಡಿಸಿದೆ. ಮಳೆಯಿಂದಾಗಿ ಪಂದ್ಯ ಸ್ಥಗಿತಗೊಳ್ಳುವಂತಾಗಿದೆ. ಭಾರತೀಯ ಬೌಲರ್​ಗಳು ವಿಕೆಟ್ ಪಡೆಯುವ ಒತ್ತಡದಲ್ಲಿ ಇದ್ದಾರೆ. ನ್ಯೂಜಿಲ್ಯಾಂಡ್ ಆಟಗಾರರು ಸಮಾಧಾನದಿಂದಲೇ ಕ್ರೀಸ್ ಬಿಟ್ಟು ಪೆವಿಲಿಯನ್ ಕಡೆಗೆ ಹೆಜ್ಜೆ ಹಾಕಿದ್ದಾರೆ. ಮಳೆಯಿಂದಾಗಿ ಪಂದ್ಯ ಸ್ಥಗಿತಗೊಂಡಿದೆ. ನ್ಯೂಜಿಲ್ಯಾಂಡ್ ತಂಡ 10.4 ಓವರ್​ಗೆ ವಿಕೆಟ್ ಕಳೆದುಕೊಳ್ಳದೇ 19 ರನ್ ದಾಖಲಿಸಿದೆ. ಮೊದಲ ಇನ್ನಿಂಗ್ಸ್​ನಲ್ಲಿ ಭಾರತದ ಮೊತ್ತಕ್ಕಿಂತ 198 ರನ್ ಹಿಂದಿದೆ.

And, it resumes! #WTC21 Final https://t.co/uPeac4f27y

— BCCI (@BCCI) June 20, 2021

ನ್ಯೂಜಿಲ್ಯಾಂಡ್ 19-0 (10 ಓವರ್)

ನ್ಯೂಜಿಲ್ಯಾಂಡ್ ತಂಡ 10 ಓವರ್​ಗೆ ವಿಕೆಟ್ ನಷ್ಟವಿಲ್ಲದೆ 19 ರನ್ ಗಳಿಸಿದ್ದಾರೆ. ಲತಮ್ 36 ಬಾಲ್ ಆಟವಾಡಿ 11 ರನ್ ಗಳಿಸಿದ್ದಾರೆ. ಕಾನ್ವೆ 25 ಬಾಲ್​ಗೆ 8 ರನ್ ಗಳಿಸಿದ್ದಾರೆ. ಇಶಾಂತ್ ಶರ್ಮಾ 5, ಜಸ್ಪ್ರೀತ್ ಬುಮ್ರಾ 4 ಹಾಗೂ ಮೊಹಮದ್ ಶಮಿ 1 ಓವರ್ ಬೌಲಿಂಗ್ ಮಾಡಿದ್ದಾರೆ.

ನ್ಯೂಜಿಲ್ಯಾಂಡ್ 12-0 (7 ಓವರ್)

ಮೊದಲನೇ ಇನ್ನಿಂಗ್ಸ್ ಆರಂಭಿಸಿದ ನ್ಯೂಜಿಲ್ಯಾಂಡ್ ತಂಡ 7 ಓವರ್​ಗಳ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 12 ರನ್ ದಾಖಲಿಸಿದೆ. ಕಾನ್ವೆ 4 ರನ್ ಹಾಗೂ ಲತಮ್ 8 ರನ್ ಪೇರಿಸಿ ಕ್ರೀಸ್​ನಲ್ಲಿದ್ದಾರೆ. ಜಸ್ಪ್ರೀತ್ ಬುಮ್ರಾ ಹಾಗೂ ಇಶಾಂತ್ ಶರ್ಮಾ ಬೌಲಿಂಗ್ ಮಾಡುತ್ತಿದ್ದಾರೆ. ನ್ಯೂಜಿಲ್ಯಾಂಡ್ ವಿಕೆಟ್ ಪಡೆಯುವ ಒತ್ತಡ ಭಾರತೀಯ ಬೌಲರ್​ಗಳಿಗೆ ಇದೆ.

ಬ್ಯಾಟಿಂಗ್ ಆರಂಭಿಸಿದ ನ್ಯೂಜಿಲ್ಯಾಂಡ್

ನ್ಯೂಜಿಲ್ಯಾಂಡ್ ತಂಡ ಬ್ಯಾಟಿಂಗ್ ಆರಂಭಿಸಿದೆ. ಟಾಮ್ ಲತಮ್ ಹಾಗೂ ಡೆವಾನ್ ಕಾನ್ವೇ ಆರಂಭಿಕರಾಗಿ ಕ್ರೀಸ್​ಗೆ ಇಳಿದಿದ್ದಾರೆ. ಇಶಾಂತ್ ಶರ್ಮಾ ಮತ್ತು ಜಸ್ಪ್ರೀತ್ ಬುಮ್ರಾ ಬೌಲಿಂಗ್ ಮಾಡುತ್ತಿದ್ದಾರೆ. 3ನೇ ಓವರ್ ಅಂತ್ಯಕ್ಕೆ ನ್ಯೂಜಿಲ್ಯಾಂಡ್ ತಂಡದ ಮೊತ್ತ ವಿಕೆಟ್ ನಷ್ಟವಿಲ್ಲದೆ 3 ರನ್ ಆಗಿದೆ. ಮೊದಲ ಇನ್ನಿಂಗ್ಸ್​ನಲ್ಲಿ ನ್ಯೂಜಿಲ್ಯಾಂಡ್ ಭಾರತಕ್ಕಿಂತ 214 ರನ್ ಹಿಂದಿದೆ.

ಭಾರತ 217 ರನ್​ಗೆ ಆಲೌಟ್

ನ್ಯೂಜಿಲ್ಯಾಂಡ್ ವಿರುದ್ಧದ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಭಾರತ ಆಲೌಟ್ ಆಗಿದೆ. ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಭಾರತ, 92.1 ಓವರ್ ಆಟವಾಡಿ, 217 ರನ್ ಗಳಿಸಲಷ್ಟೇ ಶಕ್ತವಾಗಿದೆ. ಭಾರತದ ಪರ ನಾಯಕ ವಿರಾಟ್ ಕೊಹ್ಲಿ 44, ಉಪನಾಯಕ ಅಜಿಂಕ್ಯ ರಹಾನೆ 49, ರೋಹಿತ್ ಶರ್ಮಾ 34 ಹಾಗೂ ಶುಬ್​ಮನ್ ಗಿಲ್ 28 ರನ್ ದಾಖಲಿಸಿದ್ದಾರೆ. ನ್ಯೂಜಿಲ್ಯಾಂಡ್ ಪರವಾಗಿ ಕೈಲ್ ಜಾಮಿಸನ್ ಅದ್ಭುತ ದಾಳಿ ಸಂಘಟಿಸಿದ್ದಾರೆ. ಜಾಮಿಸನ್ ಮುಖ್ಯ 5 ವಿಕೆಟ್ ಕಬಳಿಸಿದ್ದಾರೆ. ನ್ಯೂಜಿಲ್ಯಾಂಡ್ ಇನ್ನಷ್ಟೇ ಬ್ಯಾಟಿಂಗ್ ಆರಂಭಿಸಬೇಕಿದೆ.

ಬೌಂಡರಿ ಹೊಡೆದು ಹ್ಯಾಟ್ರಿಕ್ ತಪ್ಪಿಸಿದ ಶಮಿ

ಕೈಲ್ ಜಾಮಿಸನ್ ಬೌಲಿಂಗ್​ನ ಕೊನೆಯ ಓವರ್​ನಲ್ಲಿ ಭಾರತ ಬೆನ್ನುಬೆನ್ನಿಗೆ ಎರಡು ವಿಕೆಟ್ ಕಳೆದುಕೊಂಡಿತು. ಇಶಾಂತ್ ಶರ್ಮಾ ಹಾಗೂ ಬುಮ್ರಾ, ಜಾಮಿಸನ್​ ಓವರ್​ನ 4 ಹಾಗೂ 5ನೇ ಬಾಲ್​ಗೆ ಔಟ್ ಆದರು. ಆ ಮೂಲಕ, ಜಾಮಿಸನ್​ಗೆ ಹ್ಯಾಟ್ರಿಕ್ ಪಡೆಯುವ ಅವಕಾಶ ನೀಡಿದ್ದರು. ಆದರೆ, ಮೊಹಮ್ಮದ್ ಶಮಿ ಹ್ಯಾಟ್ರಿಕ್ ಬಾಲ್​ಗೆ ಬೌಂಡರಿ ಬಾರಿಸಿ ಮುಜುಗರ ತಪ್ಪಿಸಿದರು.

ಜಾಮಿಸನ್ ಬೌಲಿಂಗ್ ಕಮಾಲ್

Kyle Jamieson celebrates the fifth five-wicket haul of his career ?

Gets back-to-back dismissals of Ishant Sharma and Jasprit Bumrah after lunch.

?? are 217/9.#WTC21 Final | #INDvNZ | https://t.co/UPFl7kUbGh pic.twitter.com/RNAOEeufTl

— ICC (@ICC) June 20, 2021

ಎರಡನೇ ಸೆಷನ್ ಆರಂಭ; ಭಾರತ ತತ್ತರ!

ನ್ಯೂಜಿಲ್ಯಾಂಡ್ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್​ನ ಎರಡನೇ ದಿನವಾದ ಇಂದು, ಭಾರತ ತನ್ನ ವಿಕೆಟ್​ಗಳನ್ನು ಬೇಗನೇ ಕಳೆದುಕೊಳ್ಳುತ್ತಿದೆ. ಜಾಮಿಸನ್ ಕೊನೆಯ ಓವರ್​​ನಲ್ಲಿ ಮತ್ತೆ ಎರಡು ವಿಕೆಟ್ ಉರುಳಿಸಿದ್ದಾರೆ. ಇಶಾಂತ್ ಶರ್ಮಾ 4 ರನ್ ಗಳಿಸಿ ಟೆಯ್ಲರ್​ಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ದಾರೆ. ನಂತರ ಬಂದ ಬುಮ್ರಾ ಸೊನ್ನೆ ಸುತ್ತಿದ್ದಾರೆ. ಭಾರತ ತಂಡದ ಮೊತ್ತ 92 ಓವರ್​ಗೆ 217-9 ಆಗಿದೆ.

ಊಟದ ವಿರಾಮದ ವೇಳೆ ಭಾರತ 211-7 (89 ಓವರ್)

ಮೂರನೇ ದಿನದಾಟದ ಊಟದ ವಿರಾಮದ ವೇಳೆಗೆ ಭಾರತ ತಂಡದ ಮೊತ್ತ 89 ಓವರ್​ಗಳ ಅಂತ್ಯಕ್ಕೆ 7 ವಿಕೆಟ್ ಕಳೆದುಕೊಂಡು 211 ರನ್ ಆಗಿದೆ. ಬ್ಯಾಟ್ಸ್​ಮನ್​ಗಳ ಬೇಗನೇ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದ್ದಾರೆ. ಇದೀಗ ಬೌಲರ್​ಗಳು ಕಣದಲ್ಲಿದ್ದಾರೆ. 300 ರನ್​ಗಳಾದರೂ ದಾಟಬೇಕು ಎಂಬುದು ಭಾರತದ ಕ್ರಿಕೆಟ್ ಅಭಿಮಾನಿಗಳ ಆಶಯವಾಗಿತ್ತು. ಇಂದಿನ ದಿನದ ಮುಂದಿನ ಆಟ ಹೇಗೆ ಸಾಗುತ್ತದೆ ಎಂದು ಕಾದುನೋಡಬೇಕಿದೆ.

ಭಾರತ 200 ರನ್ ಗಡಿದಾಟಿದ ಸಂಭ್ರಮ

200 up for #TeamIndia

Live – https://t.co/CmrtWsugSK #WTC21 pic.twitter.com/F35tfjBcLR

— BCCI (@BCCI) June 20, 2021

ಅಶ್ವಿನ್ ಔಟ್

ಬಲಾಢ್ಯ ಬ್ಯಾಟ್ಸ್​ಮನ್​ಗಳ ವಿಕೆಟ್ ಪತನದ ಬಳಿಕ ಉತ್ತಮ ಆಟ ಆಡುತ್ತಿದ್ದ ಸ್ಪಿನ್ನರ್ ಜೋಡಿಯೂ ಬೇರ್ಪಟ್ಟಿದೆ. ರವೀಂದ್ರ ಜಡೇಜಾ ಜೊತೆಯಾಗಿದ್ದ ಅಶ್ವಿನ್ ವಿಕೆಟ್ ಒಪ್ಪಿಸಿದ್ದಾರೆ. 27 ಬಾಲ್​ಗೆ 22 ರನ್ ಗಳಿಸಿ ಟಿಮ್ ಸೌಥಿ ಬೌಲಿಂಗ್​ಗೆ ಲತಮ್​​ಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ದಾರೆ.

Tim Southee gets his first wicket of the game ?

Dismisses Ravichandran Ashwin, whose enterprising knock of 22 comes to an end.

?? are 205/7. #WTC21 Final | #INDvNZ | https://t.co/sJbdAn7fZ5 pic.twitter.com/eeY4iuUzmO

— ICC (@ICC) June 20, 2021

200 ರನ್ ಗಡಿ ದಾಟಿದ ಭಾರತದ ಸ್ಕೋರ್

ಮುಖ್ಯ ದಾಂಡಿಗರ ವಿಕೆಟ್ ಪತನದ ಬಳಿಕವೂ ಭಾರತ ಸ್ಪಿನ್ನರ್​ಗಳ ಆಟದ ನೆರವಿನಿಂದ 200 ರನ್ ಗಡಿ ದಾಟಿದೆ. ಭಾರತ ತಂಡದ ಮೊತ್ತ 86 ಓವರ್​ಗಳ ಅಂತ್ಯಕ್ಕೆ 7 ವಿಕೆಟ್ ಕಳೆದುಕೊಂಡು 205 ರನ್​ ಆಗಿದೆ. ಆದರೆ, ಈ ಸಂಭ್ರಮದ ನಡುವೆ ರವಿಚಂದ್ರನ್ ಅಶ್ವಿನ್ ಔಟ್ ಆಗಿದ್ದಾರೆ. ಇದೀಗ ರವೀಂದ್ರ ಜಡೇಜಾ ಜೊತೆಗೆ ಇಶಾಂತ್ ಶರ್ಮಾ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಭಾರತ 182-6 (82 ಓವರ್)

ಭಾರತ ತಂಡ 82 ಓವರ್​ಗಳ ಅಂತ್ಯಕ್ಕೆ 6 ವಿಕೆಟ್ ಕಳೆದುಕೊಂಡು 182 ರನ್ ದಾಖಲಿಸಿದೆ. ತಂಡದ ಪರವಾಗಿ ಇಬ್ಬರು ಸ್ಪಿ್ನರ್​ಗಳು ಬ್ಯಾಟಿಂಗ್ ಮಾಡುತ್ತಿದ್ದಾರೆ. ರವಿಚಂದ್ರನ್ ಅಶ್ವಿನ್ ಹಾಗೂ ರವೀಂದ್ರ ಜಡೇಜಾ ಕ್ರೀಸ್​ನಲ್ಲಿದ್ದಾರೆ.

ಅಜಿಂಕ್ಯ ರಹಾನೆ ಕೂಡ ಔಟ್ ಆಗಿರುವುದು ಭಾರತದ ಬ್ಯಾಟಿಂಗ್​ಗೆ ಆಘಾತ ನೀಡಿದೆ..

#TeamIndia vice-captain batted with a lot of grit and gumption.

He departs after scoring 49 off 117 deliveries.

Live – https://t.co/CmrtWsugSK #WTC21 Final pic.twitter.com/7rlEi9ROXt

— BCCI (@BCCI) June 20, 2021

49 ರನ್ ಗಳಿಸಿ ರಹಾನೆ ಔಟ್

ವಿರಾಟ್ ಕೊಹ್ಲಿ ಜೊತೆ ಉತ್ತಮ ಆಟ ಆಡುತ್ತಿದ್ದ ಅಜಿಂಕ್ಯ ರಹಾನೆ ಕೂಡ ಅರ್ಧಶತಕ ವಂಚಿತರಾಗಿ ಮರಳಿದ್ದಾರೆ. ವಿರಾಟ್ ಕೊಹ್ಲಿ ಬೆನ್ನಲ್ಲೇ ರಹಾನೆ ಕೂಡ ನಿರ್ಗಮಿಸಿದ್ದಾರೆ. ರಹಾನೆ, 117 ಬಾಲ್​ಗೆ 49 ರನ್ ಗಳಿಸಿ ವಾಗ್ನರ್​ಗೆ ವಿಕೆಟ್ ಒಪ್ಪಿಸಿದ್ದಾರೆ. ಇದೀಗ ರವೀಂದ್ರ ಜಡೇಜಾ ಜೊತೆ ರವಿಚಂದ್ರನ್ ಅಶ್ವಿನ್ ಕ್ರೀಸ್​ನಲ್ಲಿದ್ದಾರೆ. ಇಬ್ಬರು ಸ್ಪಿನ್ನರ್​ಗಳ ಆಟ ತಂಡಕ್ಕೆ ಎಷ್ಟು ಸಹಕಾರಿ ಆಗಿರುತ್ತದೆ ಎಂದು ಕಾದುನೋಡಬೇಕಿದೆ. ಮೂರನೇ ದಿನದಾಟದ ಆರಂಭ ಮಾತ್ರ ಭಾರತಕ್ಕೆ ಆಶಾದಾಯಕವಾಗಿ ಕಂಡುಬರುತ್ತಿಲ್ಲ.

ಭಾರತ 166-5 (76 ಓವರ್)

ಭಾರತ ತಂಡ 76 ಓವರ್​ಗಳ ಅಂತ್ಯಕ್ಕೆ 5 ವಿಕೆಟ್ ಕಳೆದುಕೊಂಡು 166 ರನ್ ದಾಖಲಿಸಿದೆ. ಅಜಿಂಕ್ಯಾ ರಹಾನೆ ಹಾಗೂ ರವೀಂದ್ರ ಜಡೇಜಾ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ರಹಾನೆ 39 ರನ್ ಪೇರಿಸಿದ್ದಾರೆ. ಜಡೇಜಾ 1 ಬೌಂಡರಿ ಸಹಿತ 6 ರನ್ ಕಲೆಹಾಕಿದ್ದಾರೆ. ಮೂರನೇ ದಿನದಾಟದಲ್ಲಿ ಕೈಲ್ ಜಾಮಿಸನ್ ಭಾರತದ ಎರಡು ವಿಕೆಟ್ ಕಸಿದು ನ್ಯೂಜಿಲ್ಯಾಂಡ್ ಪರ ಉತ್ತಮ ಬೌಲಿಂಗ್ ದಾಳಿ ನಡೆಸಿದ್ದಾರೆ.

Kyle Jamieson strikes again to dismiss Rishabh Pant.

A fantastic catch by Tom Latham in the slips ?

?? are 156/5.

#WTC21 Final | #INDvNZ | https://t.co/fbqJuBk9wF pic.twitter.com/GysPNoY8Xs

— ICC (@ICC) June 20, 2021

ರಿಷಭ್ ಪಂತ್ ಔಟ್

ಭಾರತದ 5ನೇ ವಿಕೆಟ್ ಪತನವಾಗಿದೆ. ಕೈಲ್ ಜಾಮಿಸನ್ ಬೌಲಿಂಗ್ ದಾಳಿಗೆ ಭಾರತ ತನ್ನ ಮುಖ್ಯ ವಿಕೆಟ್​ಗಳನ್ನು ಕಳೆದುಕೊಳ್ಳುತ್ತಿದೆ. ವಿರಾಟ್ ಕೊಹ್ಲಿ ಬಳಿಕ ಇದೀಗ ರಿಷಭ್ ಪಂತ್ ಔಟ್ ಆಗಿದ್ದಾರೆ. 22 ಬಾಲ್​ಗೆ 4 ರನ್ ಗಳಿಸಿದ್ದ ಪಂತ್ ನಿರ್ಗಮಿಸಿದ್ದಾರೆ. ಇದೀಗ ಅಇಂಕ್ಯ ರಹಾನೆ ಜೊತೆಗೆ ರವೀಂದ್ರ ಜಡೇಜಾ ಕ್ರೀಸ್​ಗೆ ಇಳಿದಿದ್ದಾರೆ. ಭಾರತ ತಂಡದ ಮೊತ್ತ 74 ಓವರ್​ಗೆ 5 ವಿಕೆಟ್ ಕಳೆದುಕೊಂಡು 156 ರನ್ ದಾಖಲಿಸಿದೆ.

ಭಾರತ 150-4 (71 ಓವರ್)

ಭಾರತ ತಂಡ 71 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 150 ರನ್ ದಾಖಲಿಸಿದೆ. ಉಪನಾಯಕ ಅಜಿಂಕ್ಯ ರಹಾನೆ ಹಾಗೂ ರಿಷಭ್ ಪಂತ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ರಹಾನೆ 32 ರನ್ ಗಳಿಸಿ ಆಡುತ್ತಿದ್ದಾರೆ. ರಿಷಭ್ ಪಂತ್ 13 ಬಾಲ್​ಗೆ ಖಾತೆ ತೆರೆಯದೇ ಆಡುತ್ತಿದ್ದಾರೆ. ಕೈಲ್ ಜಾಮಿಸನ್ 2 ವಿಕೆಟ್ ಪಡೆದು ಬೌಲಿಂಗ್ ಮಾಡುತ್ತಿದ್ದಾರೆ.

ಕೊಹ್ಲಿ ವಿಕೆಟ್ ಕಿತ್ತ ಕೈಲ್ ಜಾಮಿಸನ್

Kyle Jamieson gets the massive scalp of Virat Kohli!

The Indian captain is out for 44.

?? are 149/4.

#WTC21 Final | #INDvNZ | https://t.co/IvsdXSZmbs pic.twitter.com/j8dJTqbaBm

— ICC (@ICC) June 20, 2021

ವಿರಾಟ್ ಕೊಹ್ಲಿ ಔಟ್

ಭಾರತದ ಪರವಾಗಿ ಉತ್ತಮ ಆಟವಾಡುತ್ತಿದ್ದ ನಾಯಕ ವಿರಾಟ್ ಕೊಹ್ಲಿ ಅರ್ಧಶತಕದ ಅಂಚಿನಲ್ಲಿ ಔಟ್ ಆಗಿದ್ದಾರೆ. ಅಜಿಂಕ್ಯ ರಹಾನೆ ಜೊತೆಯಾಗಿ ಇನ್ನಿಂಗ್ಸ್ ಕಟ್ಟುವ ಭರವಸೆ ನೀಡಿದ್ದ ಕೊಹ್ಲಿ ಮೂರನೇ ದಿನದಾಟದ ಆರಂಭದಲ್ಲೇ ನಿರ್ಗಮಿಸಿದ್ದಾರೆ. 132 ಬಾಲ್​ಗೆ 44 ರನ್ ಗಳಿಸಿ ಕೈಲ್ ಜಾಮಿಸನ್ ಎಲ್​ಬಿಡಬ್ಲ್ಯು ಬಲೆಗೆ ಬಿದ್ದಿದ್ದಾರೆ. ಇದೀಗ, ಉಪನಾಯಕ ಅಜಿಂಕ್ಯ ರಹಾನೆ ಜೊತೆಗೆ ರಿಷಭ್ ಪಂತ್ ಕಣಕ್ಕಿಳಿದಿದ್ದಾರೆ.

ಮೊದಲ ಸೆಷನ್ ಆರಂಭ

ಭಾರತ- ನ್ಯೂಜಿಲ್ಯಾಂಡ್ ನಡುವಿನ ಐಸಿಸಿ ಡಬ್ಲ್ಯುಟಿಸಿ ಫೈನಲ್ ಪಂದ್ಯದ, ಮೂರನೇ ದಿನದ ಮೊದಲ ಸೆಷನ್ ಆರಂಭವಾಗಿದೆ. ಭಾರತ ತಂಡ 66 ಓವರ್​ಗೆ 3 ವಿಕೆಟ್ ಕಳೆದುಕೊಂಡು 147 ರನ್ ದಾಖಲಿಸಿದೆ. ವಿರಾಟ್ ಕೊಹ್ಲಿ ಹಾಗೂ ಅಜಿಂಕ್ಯ ರಹಾನೆ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಕೈಲ್ ಜಾಮಿಸನ್ ಮತ್ತು ಟ್ರೆಂಟ್ ಬೋಲ್ಟ್ ಬೌಲಿಂಗ್ ದಾಳಿ ಆರಂಭಿಸಿದ್ದಾರೆ.

ಪಂದ್ಯಕ್ಕೂ ಮುನ್ನ ಸೌಥಾಂಪ್ಟನ್ ಮೈದಾನ ಕಂಡುಬಂದಿದ್ದು ಹೀಗೆ:

Good news from Southampton ?

Day three of the #WTC21 Final will get underway at 11:00 am local time!#INDvNZ pic.twitter.com/12WYxdnsMl

— ICC (@ICC) June 20, 2021

2ನೇ ದಿನದಾಟ ಹೇಗಿತ್ತು?

ಭಾರತ ನ್ಯೂಜಿಲ್ಯಾಂಡ್ ನಡುವಿನ ಎರಡನೇ ದಿನದಾಟ ಹೇಗಿತ್ತು? ವಿರಾಟ್ ಕೊಹ್ಲಿ ಹಾಗೂ ಅಜಿಂಕ್ಯಾ ರಹಾನೆ ಜೊತೆಯಾಟ, ರೋಹಿತ್ ಶರ್ಮಾ ಮತ್ತು ಶುಬ್​ಮನ್ ಗಿಲ್ ಆರಂಭಿಕ ಆಟ, ನ್ಯೂಜಿಲ್ಯಾಂಡ್ ಬೌಲಿಂಗ್.. ಪಂದ್ಯದ ಹೈಲೈಟ್ಸ್​ನ್ನು ನೀವು ಇಲ್ಲಿ ನೋಡಬಹುದು.

As we gear up for Day 3 of the #WTC21 Final, here's a quick recap of how the action unfolded on Day 2 in Southampton ?️ ? #TeamIndia

— BCCI (@BCCI) June 20, 2021

ಪಂದ್ಯ ಆರಂಭ ವಿಳಂಬ

ಬೆಳಗ್ಗೆ ಸುರಿದ ಮಳೆಯ ಕಾರಣದಿಂದ ಮೈದಾನ ಪಂದ್ಯ ಆಡಲು ಸೂಕ್ತವಾಗಿ ತಯಾರಾಗಿಲ್ಲ. ಈ ಬಗ್ಗೆ 10.20ಕ್ಕೆ (ಸ್ಥಳೀಯ ಕಾಲಮಾನ) 2.50 (ಭಾರತೀಯ ಕಾಲಮಾನ) ಪರಿಶೀಲನೆ ನಡೆಸಲಾಗಿದೆ. ಅದರಂತೆ ಪಂದ್ಯ ಭಾರತೀಯ ಕಾಲಮಾನ 3 ಗಂಟೆಗೆ ಆರಂಭವಾಗಲಿದೆ.

It's been a rainy morning here in Southampton and the covers have just been removed.

Next inspection will take place at 10.20 AM local time, 14.50 IST.#WTC21 pic.twitter.com/mYnewHrWup

— BCCI (@BCCI) June 20, 2021

ನ್ಯೂಜಿಲ್ಯಾಂಡ್ ಬೌಲಿಂಗ್ ಅಂಕಿಅಂಶ

ಭಾರತದ ವಿರುದ್ಧ ಬೌಲಿಂಗ್​ಗೆ ಇಳಿದ ನ್ಯೂಜಿಲ್ಯಾಂಡ್ ಬೌಲರ್​ಗಳು 3 ವಿಕೆಟ್ ಕಬಳಿಸಿದರು. ಕೈಲ್ ಜಾಮಿಸನ್, ನೀಲ್ ವಾಗ್ನರ್ ಹಾಗೂ ಟ್ರೆಂಟ್ ಬೋಲ್ಟ್ ತಲಾ 1 ವಿಕೆಟ್ ಕಬಳಿಸಿದರು. ಟಿಮ್ ಸೌಥಿ ಅತಿಹೆಚ್ಚು ಅಂದರೆ 17 ಓವರ್ ಬೌಲಿಂಗ್ ಮಾಡಿದರು.

ಎರಡನೇ ದಿನದಾಟದ ಅಂತ್ಯದ ಸ್ಕೋರ್ ಹೀಗಿದೆ

ನಿನ್ನೆ (ಜೂನ್ 19) ದಿನದಾಟ ಅಂತ್ಯವಾಗುವ ವೇಳೆಗೆ ಭಾರತದ ಸ್ಕೋರ್ 64.4 ಓವರ್​ಗೆ 3 ವಿಕೆಟ್ ಕಳೆದುಕೊಂಡು 146 ರನ್ ಆಗಿತ್ತು. ಆರಂಭಿಕರಾದ ರೋಹಿತ್ ಶರ್ಮಾ 34 (68), ಶುಬ್​ಮನ್ ಗಿಲ್ 28 (64), ನಂತರ ಆಡಿದ ಚೇತೇಶ್ವರ ಪೂಜಾರ 8 (54) ರನ್ ಗಳಿಸಿ ಔಟ್ ಆಗಿದ್ದರು. ಬಳಿಕ ಜೊತೆಯಾದ ನಾಯಕ ವಿರಾಟ್ ಕೊಹ್ಲಿ ಹಾಗೂ ಉಪನಾಯಕ ಅಜಿಂಕ್ಯ ರಹಾನೆ ಉತ್ತಮ ಜೊತೆಯಾಟ ನೀಡಿದ್ದರು. ಕೊಹ್ಲಿ 124 ಬಾಲ್​ಗೆ 44 ರನ್ ಗಳಿಸಿ ಕಣದಲ್ಲಿದ್ದಾರೆ. ರಹಾನೆ 79 ಬಾಲ್ 29 ರನ್ ಗಳಿಸಿ ವಿಕೆಟ್ ಉಳಿಸಿಕೊಂಡಿದ್ದಾರೆ.

ಕ್ರಿಕೆಟ್ ಅಭಿಮಾನಿಗಳಿಗೆ ಸಿಹಿಸುದ್ದಿ

ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವಿನ ಐಸಿಸಿ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್ ಪಂದ್ಯದ ಸಂಪೂರ್ಣ ಲೈವ್ ಮಾಹಿತಿಗಳು ಇಲ್ಲಿ ನಿಮಗೆ ಲಭ್ಯವಿರುತ್ತದೆ. ಪಂದ್ಯದ ಕುತೂಹಲವನ್ನು ಅಕ್ಷರಗಳಲ್ಲಿ ನೀವು ಆಸ್ವಾದಿಸಬಹುದು. ಐತಿಹಾಸಿಕ ಟೆಸ್ಟ್ ಪಂದ್ಯದಲ್ಲಿ ಭಾರತ- ನ್ಯೂಜಿಲೆಂಡ್ ತಂಡಗಳು ಕಣಕ್ಕಿಳಿದಿದ್ದು. ಯಾರು ಗೆಲ್ಲುತ್ಥಾರೆ, ಪಂದ್ಯದಲ್ಲಿ ಏನೇನು ದಾಖಲೆ, ಬೆಳವಣಿಗೆಗಳು ಆಗುತ್ತವೆ ಎಂದು ಇಲ್ಲಿ ಮಾಹಿತಿ ಪಡೆಯಬಹುದು. ಟಿವಿ9 ಡಿಜಿಟಲ್​ನಲ್ಲಿ ಕ್ರಿಕೆಟ್​ಗಾಗಿ ವಿಶೇಷ ಪುಟ ತೆರೆಯಲಾಗಿದೆ. ಅಲ್ಲಿಯೂ ಕ್ರಿಕೆಟ್ ಬಗ್ಗೆ ಹಲವು ವಿಶೇಷ ಮಾಹಿತಿಗಳನ್ನು ಓದಬಹುದು. ಅದಕ್ಕಾಗಿ ಈ ಲಿಂಕ್ ಕ್ಲಿಕ್ ಮಾಡಿ ಟಿವಿ9 ಡಿಜಿಟಲ್- ಕ್ರಿಕೆಟ್