IND vs SL: ಬರ್ತ್​ ಡೇ ಸ್ಪೆಷಲ್! ಮೊದಲ ಬಾಲ್​ನಲ್ಲೇ ಸಿಕ್ಸರ್​.. ಲಂಕಾ ಬೌಲರ್​ಗಳಿಗೆ ಟಿ-20 ಕ್ರಿಕೆಟ್ ನೆನಪಿಸಿದ ಇಶಾನ್ ಕಿಶನ್

IND vs SL: ಯುವ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಇಶಾನ್ ಕಿಶನ್ 42 ಎಸೆತಗಳಲ್ಲಿ 59 ರನ್ ಗಳಿಸಿದರು. ಇಶಾನ್ ಕಿಶನ್ ತಮ್ಮ ಇನ್ನಿಂಗ್ಸ್‌ನಲ್ಲಿ ಎಂಟು ಬೌಂಡರಿ ಮತ್ತು ಎರಡು ಸಿಕ್ಸರ್ ಬಾರಿಸಿದರು.

IND vs SL: ಬರ್ತ್​ ಡೇ ಸ್ಪೆಷಲ್! ಮೊದಲ ಬಾಲ್​ನಲ್ಲೇ ಸಿಕ್ಸರ್​.. ಲಂಕಾ ಬೌಲರ್​ಗಳಿಗೆ ಟಿ-20 ಕ್ರಿಕೆಟ್ ನೆನಪಿಸಿದ ಇಶಾನ್ ಕಿಶನ್
ಇಶಾನ್ ಕಿಶನ್
TV9kannada Web Team

| Edited By: Skanda

Jul 19, 2021 | 7:31 AM

ಇಶಾನ್ ಕಿಶನ್ ತಮ್ಮ 23 ನೇ ಹುಟ್ಟುಹಬ್ಬವನ್ನು ಭರ್ಜರಿಯಾಗಿ ಆಚರಿಸಿಕೊಂಡಿದ್ದಾರೆ. ಭಾರತದ ಪರ ಚೊಚ್ಚಲ ಏಕದಿನ ಪಂದ್ಯವನ್ನಾಡಿದ ಕಿಶನ್ ತಾನು ಎದುರಿಸಿದ ಮೊದಲ ಎಸೆತವನ್ನು ಸಿಕ್ಸರ್‌ ಹೊಡೆಯುವ ಮೂಲಕ ಇನ್ನಿಂಗ್ಸ್ ಆರಂಭಿಸಿದರು. ಜೊತೆಗೆ ಅಬ್ಬರದ ಅರ್ಧಶತಕವನ್ನು ಗಳಿಸಿದರು. ಗಾಯದಿಂದಾಗಿ ಸಂಜು ಸ್ಯಾಮ್ಸನ್ ಹೊರಗುಳಿದ ನಂತರ ಕಿಶನ್ ಶ್ರೀಲಂಕಾ ವಿರುದ್ಧದ ಸರಣಿ ಓಪನರ್​ ಆಗಿ ಭಾನುವಾರ ಭಾರತ ಇಲೆವೆನ್​ಗೆ ಪ್ರವೇಶ ಪಡೆದರು. ರಾಬಿನ್ ಉತ್ತಪ್ಪ ನಂತರ ಏಕದಿನ ಮತ್ತು ಟಿ 20 ಐ ಚೊಚ್ಚಲ ಪಂದ್ಯಗಳಲ್ಲಿ ಐವತ್ತಕ್ಕೂ ಹೆಚ್ಚು ಸ್ಕೋರ್ ದಾಖಲಿಸಿದ ಭಾರತದ ಎರಡನೇ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಕಿಶನ್ ಪಾತ್ರರಾದರು. ವಿಕೆಟ್ ಕೀಪರ್-ಬ್ಯಾಟರ್ ಈ ವರ್ಷದ ಆರಂಭದಲ್ಲಿ ಇಂಗ್ಲೆಂಡ್ ವಿರುದ್ಧ ತವರಿನಲ್ಲಿ ಟಿ 20 ಐ ಚೊಚ್ಚಲ ಪಂದ್ಯವನ್ನಾಡಿದರು.

ಭಾರತದ ಮಾಜಿ ಅಂಡರ್ -19 ನಾಯಕ ತನ್ನ ಅರ್ಧಶತಕವನ್ನು ಕೇವಲ 33 ಎಸೆತಗಳಲ್ಲಿ ಪೂರೈಸಿದರು. ಇದು ಏಕದಿನ ಇತಿಹಾಸದಲ್ಲಿ ಚೊಚ್ಚಲ ಪಂದ್ಯವನ್ನಾಡಿದ ಆಟಗಾರ ಬಾರಿಸಿದ ಎರಡನೇ ಗರಿಷ್ಠ ಮೊತ್ತವಾಗಿದೆ. ಈ ವರ್ಷದ ಆರಂಭದಲ್ಲಿ ಸ್ವದೇಶದಲ್ಲಿ ನಡೆದ ಏಕದಿನ ಸರಣಿಯ ಸಂದರ್ಭದಲ್ಲಿ ಇಂಗ್ಲೆಂಡ್ ವಿರುದ್ಧ 26 ಎಸೆತಗಳಲ್ಲಿ ಈ ಸಾಧನೆ ಮಾಡಿದ ಕ್ರುನಾಲ್ ಪಾಂಡ್ಯ ಅವರ ಹೆಸರಲ್ಲಿ ವೇಗದ ಅರ್ಧಶತಕ ದಾಖಲಾಗಿದೆ.

42 ಎಸೆತಗಳಲ್ಲಿ 59 ರನ್ ಗಳಿಸಿದರು ಯುವ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಇಶಾನ್ ಕಿಶನ್ 42 ಎಸೆತಗಳಲ್ಲಿ 59 ರನ್ ಗಳಿಸಿದರು. ಇಶಾನ್ ಕಿಶನ್ ತಮ್ಮ ಇನ್ನಿಂಗ್ಸ್‌ನಲ್ಲಿ ಎಂಟು ಬೌಂಡರಿ ಮತ್ತು ಎರಡು ಸಿಕ್ಸರ್ ಬಾರಿಸಿದರು. ನಾಯಕ ಶಿಖರ್ ಧವನ್ ಅವರೊಂದಿಗಿನ ಎರಡನೇ ವಿಕೆಟ್‌ಗೆ 85 ರನ್‌ಗಳ ಜೊತೆಯಾಟವನ್ನು ಹಂಚಿಕೊಂಡರು. 2002 ರ ನಂತರದ ತಮ್ಮ ಏಕದಿನ ವೃತ್ತಿಜೀವನದ ಮೊದಲ ಎಸೆತದಲ್ಲಿ ಸಿಕ್ಸರ್ ಬಾರಿಸಿದ ಐದನೇ ಬ್ಯಾಟ್ಸ್‌ಮನ್ ಕಿಶನ್ . ಕಿಶನ್​ಗೂ ಮೊದಲು, ಯೋಹನ್ ಲು (2008), ಜವಾದ್ ದಾವೂದ್ (2010), ಕ್ರೇಗ್ ವ್ಯಾಲೇಸ್ (2016), ರಿಚರ್ಡ್ ನ್ಗರ್ವಾ (2017) ಅಂತಹ ಸಾಧನೆ ಮಾಡಿದ್ದಾರೆ.

ತಂಡದ ಮೊದಲ ವಿಕೆಟ್ ಪೃಥ್ವಿ ಶಾ ರೂಪದಲ್ಲಿ ಬಿದ್ದ ನಂತರ ಕಿಶನ್ ಕ್ರೀಸ್‌ಗೆ ಬಂದರು. ಕೆಲವು ತಿಂಗಳ ಹಿಂದೆ ಇಂಗ್ಲೆಂಡ್ ವಿರುದ್ಧದ ಟಿ 20 ಸರಣಿಯಲ್ಲಿ ಸಿಕ್ಸರ್ ಬಾರಿಸಿ ಕಿಶನ್ ತಮ್ಮ ಅಂತರರಾಷ್ಟ್ರೀಯ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಈಗ ಏಕದಿನ ಪಂದ್ಯದಲ್ಲೂ ಅವರು ಮೊದಲ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು. ಮೊದಲ ಎರಡು ಎಸೆತಗಳಲ್ಲಿ ಸಿಕ್ಸರ್​, ಬೌಂಡರಿ ಬಾರಿಸಿದ ನಂತರ, ಕಿಶನ್ ಧಂಜಯ್ ಡಿ ಸಿಲ್ವಾ ಅವರ ಎರಡನೇ ಓವರ್‌ನಲ್ಲಿ ಸತತ ಮೂರು ಬೌಂಡರಿ ಬಾರಿಸಿದರು. ಈ ರೀತಿಯಾಗಿ, ಏಕದಿನ ವೃತ್ತಿಜೀವನದ ಮೊದಲ 11 ಎಸೆತಗಳಲ್ಲಿ ಅವರು ನಾಲ್ಕು ಬೌಂಡರಿ ಮತ್ತು ಒಂದು ಸಿಕ್ಸರ್ ಬಾರಿಸಿದರು.

ಕಿಶನ್ 33 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು ಚಾರಿತ್ ಅಸ್ಲಾಂಕಾ ಅವರ ಎಸೆತಗಳಲ್ಲಿ ಸತತ ಎರಡು ಬೌಂಡರಿಗಳನ್ನು ಬಾರಿಸುವ ಮೂಲಕ ಇಶಾನ್ ಕಿಶನ್ ಚೊಚ್ಚಲ ಏಕದಿನ ಪಂದ್ಯದಲ್ಲಿ ಅರ್ಧಶತಕವನ್ನು ಪೂರೈಸಿದರು. 33 ಎಸೆತಗಳಲ್ಲಿ 50 ರನ್ ಗಳಿಸಿದರು. ಇದಕ್ಕೂ ಮೊದಲು ಕಿಶನ್ ಇಂಗ್ಲೆಂಡ್ ವಿರುದ್ಧದ ಟಿ 20 ಚೊಚ್ಚಲ ಪಂದ್ಯದಲ್ಲೂ ಅರ್ಧಶತಕ ಬಾರಿಸಿದ್ದರು. ಟಿ 20 ಮತ್ತು ಏಕದಿನ ಪಂದ್ಯಗಳಲ್ಲಿ ಮೊದಲ ಪಂದ್ಯದಲ್ಲಿ ಅರ್ಧಶತಕ ಗಳಿಸಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಕಿಶನ್ ಹೊರತಾಗಿ, ದಕ್ಷಿಣ ಆಫ್ರಿಕಾದ ರೆಸಿ ವ್ಯಾನ್ ಡೆರ್ ಡುಸೆನ್ ಈ ಎರಡೂ ಸ್ವರೂಪಗಳಲ್ಲಿ ಚೊಚ್ಚಲ ಪಂದ್ಯದಲ್ಲಿ ಐವತ್ತು ರನ್ ಗಳಿಸಿದ ಏಕೈಕ ಬ್ಯಾಟ್ಸ್‌ಮನ್. 42 ಎಸೆತಗಳಲ್ಲಿ 59 ರನ್ ಗಳಿಸಿದ ಇಶಾನ್ ಕಿಶನ್ ಲಕ್ಷನ್ ಸಂದಕನ್​ಗೆ ಬಲಿಯಾದರು. ವಿಕೆಟ್ ಕೀಪರ್ ಮಿನೋಡ್ ಭಾನುಕಾ ಅವರ ಕ್ಯಾಚ್ ಪಡೆದರು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada