ಇಂಡಿಯನ್ ಪ್ರಿಮೀಯರ್ ಲೀಗ್ 2022 ಸೀಸನ್​ನಿಂದ ವಿಸ್ತರಣೆ, ಫಾರ್ಮಾಟ್​ನಲ್ಲಿ ಹಲವು ಬದಲಾವಣೆಗಳು

ಇಂಡಿಯನ್ ಪ್ರಿಮೀಯರ್ ಲೀಗ್ 2021 (14ನೇ ಸೀಸನ್) ಇನ್ನೂ ಮುಗಿದಿಲ್ಲ. ಆದರೆ ಈಗಾಗಲೇ 2022ಸೀಸನ್ ಕುರಿತು ಚರ್ಚೆಗಳು ಆರಂಭವಾಗಿವೆ. ನಮಗೆ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ ಬಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು, ಆಟಗಾರರ ಮೆಗಾ ಆಕ್ಷನ್​ ಮೊದಲುಗೊಂಡು ಹೊಸ ಸೀಸನ್​ಗೆ (2022) ಪ್ರಮುಖ ಬದಲಾವಣೆಗಳನ್ನು ತರುವ ನಿರ್ಧಾರ ಮಾಡಿಕೊಂಡಿದೆ. ನಿಮಗೆ ಗೊತ್ತಿರುವ ಹಾಗೆ 2020ರ ಐಪಿಎಲ್ ಸೀಸನ್​ ಸಹ ಕೋವಿಡ್-19 ಪಿಡುಗುನಿಂದಾಗಿ ಅಸ್ತವ್ಯಸ್ತಗೊಂಡಿತ್ತು. ಅದನ್ನು ಪೋಸ್ಟ್​ಪೋನ್ ಮಾಡಿದ್ದೂ ಅಲ್ಲದೆ ಇಡೀ ಟೂರ್ನಿಯನ್ನು ಯುನೈಟೆಡ್​ ಅರಬ್ ಎಮಿರೇಟ್ಸ್​ಗೆ ಶಿಫ್ಟ್​ ಮಾಡಲಾಗಿತ್ತು. 2020ರಲ್ಲೇ ಬಿಸಿಸಿಐ ಐಪಿಎಲ್​ ಅನ್ನು 10 ತಂಡಗಳ ಟೂರ್ನಮೆಂಟ್​ ಆಗಿ ವಿಸ್ತರಿಸಲು ನಿರ್ಧರಿಸಿತ್ತು. ಆದರೆ ಮಾಹಾಮಾರಿಯಿಂದಾಗಿ ಆ ಯೋಜನೆಯನ್ನು ಕೈಬಿಡಬೇಕಾಯಿತು.

ಆದರೆ, 2022 ರಿಂದ ಅಂದರೆ ಐಪಿಎಲ್ 15ನೇ ಸೀಸನ್​ನಿಂದ ಅದು ವಿಸ್ತರಣೆಯಾಗಲಿದೆಯೆಂದು ಬಿಸಿಸಿಐ ಮೂಲಗಳು ತಿಳಿಸಿವೆ. ಟೀಮುಗಳ ಸಂಖ್ಯೆ ಈಗಿನ 8 ರಿಂದ 10 ಕ್ಕೆ ಹೆಚ್ಚಲಿದ್ದು ಫಾರ್ಮಾಟ್​ನಲ್ಲೂ ಬದಲಾವಣೆ ಆಗೋದು ದೃಢಪಟ್ಟಿದೆ.

ನಮ್ಮೆಲ್ಲರಿಗೂ ಗೊತ್ತಿರುವ ಹಾಗೆ ಪ್ರಸ್ತುತವಾಗಿ ಪ್ರತಿಯೊಂದು ತಂಡ ಉಳಿದ 7 ತಂಡಗಳೊಂದಿಗೆ ಎರಡೆರಡು ಬಾರಿ ರೌಂಡ್-ರಾಬಿನ್ ಫಾರ್ಮಾಟ್​​ನಲ್ಲಿ ಆಡುತ್ತಿದೆ. ಈ ಹಂತ ಮುಗಿದ ನಂತರ ಟೂರ್ನಿಯು ಪ್ಲೇ-ಆಫ್​ ಹಂತ ತಲುಪುತ್ತದೆ. ಈ ಹಂತದಲ್ಲಿ ಎರಡು ಕ್ವಾಲಿಫೈಯರ್, ಒಂದು ಎಲಿಮಿನೇಟರ್ ಮತ್ತು ಒಂದು ಫೈನಲ್ ಪಂದ್ಯ ನಡೆಯುತ್ತವೆ. ಆದರೆ ಇನ್ನು ಮುಂದೆ ರೌಂಡ್​-ರಾಬಿನ್ ಫಾರ್ಮಾಟನ್ನು ಗ್ರೂಪ್​ ಫಾರ್ಮಾಟ್​ನಲ್ಲಿ ಬದಲಾಯಿಸಲಾಗುತ್ತದೆ. 10ತಂಡಗಳನ್ನು ಐದೈದು ತಂಡಗಳ ಎರಡು ಗುಂಪುಗಳಲ್ಲಿ ವಿಂಗಡಿಸಲಾಗುತ್ತದೆ.

ಟೂರ್ನಿಯನ್ನು ಲೀಗ್ ಫಾರ್ಮಾಟ್​ ಮುಂದುವರೆಸಿದರೆ ಹೆಚ್ಚಿನ ಸಂಖ್ಯೆಯ ಪಂದ್ಯಗಳನ್ನು ಆಯೋಜಿಸಬೇಕಾಗುವುದರಿಂದ ಹಾಗೆ ಮಾಡುವುದು ಬಿಸಿಸಿಐಗೆ ಇಷ್ಟವಿಲ್ಲ ಎಂದು ಮೂಲಗಳಿಂದ ಗೊತ್ತಾಗಿದೆ. ಅಲ್ಲದೆ ಲೀಗೆ ಫಾರ್ಮಾಟ್ ಮುಗಿಯಲು ಜಾಸ್ತಿ ದಿನಗಳು ಬೇಕಾಗುತ್ತವೆ ಮತ್ತು ಅದು ಫ್ಯೂಚರ್ ಟೂರ್ಸ್ ಪ್ರೊಗ್ರಾಮ್​ ಮೇಲೆ (ಎಫ್​ಟಿಪಿ) ಹಾಗೂ ಬೇರೆ ಕ್ರಿಕೆಟಿಂಗ್ ರಾಷ್ಟ್ರಗಳ ಅಂತರರಾಷ್ಟ್ರೀಯ ಕಮಿಟ್​ಮೆಂಟ್​ಗಳ ಮೇಲೆ ಪ್ರಭಾವ ಬೀರುತ್ತದೆ.

ಹಿದುಸ್ತಾನ್ ಟೈಮ್ಸ್ ಜೊತೆ ಮಾತಾಡಿರುವ ಬಿಸಿಸಿಐನ ಅಧಿಕಾರಿಯೊಬ್ಬರು, ‘ ಮುಂದಿನ ಐಪಿಎಲ್​ ಸೀಸನ್​ನಿಂದ ರೌಂಡ್​-ರಾಬಿನ್ ಫಾರ್ಮಾಟನಲ್ಲಿ ಪಂದ್ಯಗಳನ್ನಾಡಿಸಲು ನಾವು ಇನ್ನೂ ತಯಾರಿಲ್ಲ. ಪಂದ್ಯಗಳನ್ನು ಪ್ರಸಾರ ಮಾಡುವ ಹಕ್ಕು ಖರೀದಿಸಿರುವ ಬ್ರಾಡ್​ಕಾಸ್ಡರ್ ಸಹ ತಯಾರಿಲ್ಲ. ವಿದೇಶಿ ಆಟಗಾರರ ಲಭ್ಯತೆ ಕುರಿತಂತೆ ಸಮಸ್ಯೆಗಳು ಉದ್ಭವಿಸಿವೆ, ಅವರಿಗಾಗಿ ಸೂಕ್ತವಾದ ಕಿಂಡಿ ಸಿಗುತ್ತಿಲ್ಲ. ಮುಂಬರುವ ವರ್ಷಗಳಲ್ಲಿ ದೊಡ್ಡ ಕಿಂಡಿಯನ್ನು ನಾವು ಪರಿಗಣನೆಗೆ ತೆಗೆದುಕೊಳ್ಳಲಿದ್ದೇವೆ,’ ಎಂದು ಹೇಳಿದ್ದಾರೆ.

ಐಪಿಎಲ್ 2022 ಫಾರ್ಮಾಟ್​ನಲ್ಲಿ ಕೆಳಕಂಡ ಬದಲಾವಣೆಗಳು ಆಗಲಿವೆ:

-ಮೆಗಾ ಆಕ್ಷನ್​​ನಲ್ಲಿ ನಾಲ್ಕು ಆಟಗಾರರರನ್ನು ಉಳಿಸಿಕೊಳ್ಳಲು ಅವಕಾಶ ನೀಡುವ ಸಾಧ್ಯತೆ

-94 ಪಂದ್ಯಗಳ ಲೀಗ್ ಫಾರ್ಮಾಟ್​ ಬದಲಿಗೆ ಎರಡು 10 ತಂಡಗಳನ್ನು ಎರಡು ಗುಂಪುಗಳಲ್ಲಿ ವಿಂಗಡಿಸಿ 74-ಪಂದ್ಯಗಳಲ್ಲಿ ಟೂರ್ನಿಯನ್ನು ಮುಗಿಸುವುದು

-54-ದಿನಗಳ ಸೀಸನ್ 60-ದಿನಗಳ ಸೀಸನ್​ಗೆ ವಿಸ್ತರಣೆ

-ಫ್ರಾಂಚೈಸಿಗಳ ಸಂಭಾವನೆ ಮಿತಿಯಲ್ಲಿ ಹೆಚ್ಚಳ

ಮೂಲಗಳ ಪ್ರಕಾರ ಹೊಸ ಫಾರ್ಮಾಟ್​ನಲ್ಲಿ ಹೆಚ್ಚು ಪಂದ್ಯಗಳು ಆಯೋಜನೆಗೊಳ್ಳುವುದರಿಂದ ಲಾಭಾಂಶ ಹೆಚ್ಚಿ, ಬಿಸಿಸಿಐ, ಫ್ರಾಂಚೈಸಿ ಮತ್ತು ಆಟಗಾರರ ಅದಾಯ ಹೆಚ್ಚಲಿದೆ. ಗಮನಿಸಬೇಕರುವ ಮತ್ತೊಂದು ಸಂಗತಿಯೆಂದರೆ. ಐಪಿಎಲ್ 2023 ಸೀಸನ್​ಗೆ ಮೊದಲು ಪ್ರಸರಣದ ಹಕ್ಕುಗಳ ನವೀಕರಣಗೊಳ್ಳುವುದರಿಂದ ಆದಾಯ ಮತ್ತಷ್ಟು ಹೆಚ್ಚಲಿದೆ. ಪ್ರಸ್ತುತವಾಗಿ 5 ವರ್ಚಗಳ ಅವಧಿಗೆ ಸ್ಟಾರ್ ಇಂಡಿಯಾ ಪ್ರಸರಧ ಹಕ್ಕುಗಳನ್ನು ಹೊಂದಿದ್ದು ಬಿಸಿಸಿಐ ಜೊತೆ ಅದು ಮಾಡಿಕೊಂಡಿರುವ ಒಪ್ಪಂದ 2022ರ ಸೀಸನ್​ಗೆ ನಂತರ ಕೊನೆಗೊಳ್ಳಲಿದೆ.

ಇದನ್ನೂ ಓದಿ: IPL: ಎರಡು ಹೊಸ ತಂಡಗಳ ಮೆಗಾ ಹರಾಜು ಯಾವಾಗ? ಬಿಸಿಸಿಐ ಖಜಾಂಚಿ ಅರುಣ್ ಧುಮಾಲ್ ಹೇಳಿದ್ದೇನು?

Published On - 8:02 pm, Tue, 6 July 21