ಸಂಭಾವನೆ ವಿಚಾರ; ಕಿಂಗ್ ಕೊಹ್ಲಿ, ಹಿಟ್ಮ್ಯಾನ್ ರೋಹಿತ್ಗೆ ಶಾಕ್ ಕೊಟ್ಟ ಯಾರ್ಕರ್ ಕಿಂಗ್ ಜಸ್ಪ್ರೀತ್ ಬುಮ್ರಾ
ನಿಜ.. ಯಾರ್ಕರ್ ಕಿಂಗ್ ಬೂಮ್ರಾ ಸಂಭಾವನೆ ವಿಚಾರದಲ್ಲಿ ಕ್ಯಾಪ್ಟನ್ ಕೊಹ್ಲಿ, ರೋಹಿತ್ ಶರ್ಮಾರನ್ನು ಹಿಂದಿಕ್ಕಿದ್ದಾರೆ. ಬಿಸಿಸಿಐನ ಎ ಕಾಂಟ್ರಾಕ್ಟ್ ಪಟ್ಟಿಯಲ್ಲಿರೋ ಬೂಮ್ರಾ, ಈ ವರ್ಷ 1.38 ಕೋಟಿ ರೂಪಾಯಿ ಸಂಭಾವನೆ ಪಡೆಯಲಿದ್ದಾರೆ. ಆದ್ರೆ ಅದೇ ಕ್ಯಾಪ್ಟನ್ ಕೊಹ್ಲಿ ಬಿಸಿಸಿಐನ ಎ ಕಾಂಟ್ರಾಕ್ಟ್ ಲೀಸ್ಟ್ನಲ್ಲಿದ್ರೂ, 1.29 ಕೋಟಿ ರೂ ಪಡೆಯಲಿದ್ದಾರೆ.
Updated on: Dec 27, 2020 | 10:19 AM
ಪಿತೃತ್ವದ ರಜೆ ಕೋರಿ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಆಸ್ಟ್ರೇಲಿಯಾದಿಂದ ಭಾರತಕ್ಕೆ ವಾಪಸ್ ಆಗಿದ್ದಾರೆ. ಮತ್ತೊಂದೆಡೆ ಫಿಟ್ನೆಸ್ ಟೆಸ್ಟ್ನಲ್ಲಿ ಪಾಸಾಗಿರೋ ರೋಹಿತ್ ಶರ್ಮಾ ಆಸ್ಟ್ರೇಲಿಯಾದಲ್ಲಿ ಕ್ವಾರಂಟೈನ್ ಆಗಿದ್ದಾರೆ. ಆದ್ರೆ ಈ ಇಬ್ಬರು ದಿಗ್ಗಜರಿಗೆ ಜಸ್ಪ್ರೀತ್ ಬುಮ್ರಾ, ಶಾಕ್ ಕೊಟ್ಟಿದ್ದಾರೆ.
ಕ್ಯಾಪ್ಟನ್ ಕೊಹ್ಲಿ, ರೋಹಿತ್ ಶರ್ಮಾ ಮತ್ತು ಜಸ್ಪ್ರೀತ್ ಬುಮ್ರಾ ನಡುವೆ, ಯಾರು ಹೆಚ್ಚು ಹಣ ಸಂಪಾದಿಸ್ತಾರೆ ಅಂದ್ರೆ, ಚಿಕ್ಕ ಮಗುವಾದ್ರೂ ಹೇಳುತ್ತೆ. ಮೊದಲು ಕೊಹ್ಲಿ, ಆಮೇಲೆ ರೋಹಿತ್.. ನಂತರ ಬುಮ್ರಾ ಅಂತ. ಆದ್ರೀಗ ಈ ಲೆಕ್ಕಾಚಾರ ಉಲ್ಟಾ ಆಗಿದೆ. 2020ರಲ್ಲಿ ಬಿಸಿಸಿಐನಿಂದ ಜಸ್ಪ್ರೀತ್ ಬುಮ್ರಾ, ಕೊಹ್ಲಿ, ರೋಹಿತ್ಗಿಂತ ಹೆಚ್ಚಿನ ಸಂಭಾವನೆ ಪಡೆಯುತ್ತಿದ್ದಾರೆ.
ಬೂಮ್ರಾ ಈ ವರ್ಷ 1.38 ಕೋಟಿ ರೂಪಾಯಿ ಸಂಭಾವನೆ ಪಡೆಯಲಿದ್ದಾರೆ.. ನಿಜ.. ಯಾರ್ಕರ್ ಕಿಂಗ್ ಬುಮ್ರಾ ಸಂಭಾವನೆ ವಿಚಾರದಲ್ಲಿ ಕ್ಯಾಪ್ಟನ್ ಕೊಹ್ಲಿ, ರೋಹಿತ್ ಶರ್ಮಾರನ್ನು ಹಿಂದಿಕ್ಕಿದ್ದಾರೆ. ಬಿಸಿಸಿಐನ ಎ ಕಾಂಟ್ರಾಕ್ಟ್ ಪಟ್ಟಿಯಲ್ಲಿರೋ ಬುಮ್ರಾ, ಈ ವರ್ಷ 1.38 ಕೋಟಿ ರೂಪಾಯಿ ಸಂಭಾವನೆ ಪಡೆಯಲಿದ್ದಾರೆ. ಆದ್ರೆ ಅದೇ ಕ್ಯಾಪ್ಟನ್ ಕೊಹ್ಲಿ ಬಿಸಿಸಿಐನ ಎ ಕಾಂಟ್ರಾಕ್ಟ್ ಲೀಸ್ಟ್ನಲ್ಲಿದ್ರೂ, 1.29 ಕೋಟಿ ರೂ ಪಡೆಯಲಿದ್ದಾರೆ.
ವರ್ಷದ ಕೊನೆಯಲ್ಲಿ ಕೊಹ್ಲಿಗೆ, ಬುಮ್ರಾನನ್ನ ಹಿಂದಿಕ್ಕುವ ಅವಕಾಶವಿತ್ತು. ಆದ್ರೆ ಪಿತೃತ್ವದ ರಜೆ ಪಡೆದುಕೊಂಡಿರೋ ಕೊಹ್ಲಿ, ಅಡಿಲೇಡ್ ಟೆಸ್ಟ್ ಪಂದ್ಯದ ಬಳಿಕ ಭಾರತಕ್ಕೆ ವಾಪಸ್ ಆಗಿದ್ದಾರೆ. ಹೀಗಾಗಿ ವಿರಾಟ್ ಈ ವರ್ಷಾಂತ್ಯದ ಟೆಸ್ಟ್ ಪಂದ್ಯವೊಂದನ್ನ ಮಿಸ್ ಮಾಡಿಕೊಂಡಿದ್ದಾರೆ. ಈ ವರ್ಷ ಕೊಹ್ಲಿ 3 ಟೆಸ್ಟ್ ಪಂದ್ಯ, 9 ಏಕದಿನ ಮತ್ತು 10 ಟಿಟ್ವೆಂಟಿ ಪಂದ್ಯಗಳನ್ನಾಡಿದ್ದಾರೆ. ಆದ್ರೆ ಅದೇ ಬುಮ್ರಾ ಈ ವರ್ಷ 4 ಟೆಸ್ಟ್, 9 ಏಕದಿನ ಮತ್ತು 8 ಟಿಟ್ವೆಂಟಿ ಪಂದ್ಯಗಳನ್ನಾಡಿದ್ದಾರೆ.
ಬಿಸಿಸಿಐ ಪ್ರತಿ ಟೆಸ್ಟ್ ಪಂದ್ಯಕ್ಕೂ ಒಬ್ಬ ಭಾರತೀಯ ಆಟಗಾರನಿಗೆ 15 ಲಕ್ಷ ರೂಪಾಯಿ ನೀಡಿದ್ರೆ, ಏಕದಿನ ಪಂದ್ಯಕ್ಕೆ 6 ಲಕ್ಷ ರೂಪಾಯಿ ನೀಡುತ್ತೆ. ಹಾಗೇ ಪ್ರತಿ ಟಿ20ಗೆ ಬಿಸಿಸಿಐ ಆಟಗಾರನಿಗೆ 3 ಲಕ್ಷ ರೂಪಾಯಿ ನೀಡುತ್ತೆ. ಈ ವರ್ಷ ಬುಮ್ರಾ, ಕೊಹ್ಲಿಗಿಂತ ಒಂದು ಟೆಸ್ಟ್ ಪಂದ್ಯವನ್ನ ಹೆಚ್ಚಿಗೆ ಆಡಿರೋದ್ರಿಂದಲೇ, ಬಿಸಿಸಿಐನಿಂದ ಹೆಚ್ಚಿನ ಸಂಭಾವನೆ ಪಡೆಯುತ್ತಿದ್ದಾರೆ.
