Twitter India ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಅಮ್ಮ ಆಗುತ್ತಿದ್ದಾರೆ: 2020ರ ಅತಿಹೆಚ್ಚು ಲೈಕ್ ಪಡೆದ ಟ್ವೀಟ್

ವಿರಾಟ್ ಕೊಹ್ಲಿ ಅವರ ಪತ್ನಿ ಅನುಷ್ಕಾ ಶರ್ಮಾ ಅಮ್ಮ ಆಗುತ್ತಿದ್ದಾರೆ ಎಂದು ತಿಳಿಸಿದ ಟ್ವೀಟ್, 2020ರ ಅತಿಹೆಚ್ಚು ಲೈಕ್ ಪಡೆದ ಟ್ವೀಟ್ ಎಂದು ಟ್ವೀಟ್ ಇಂಡಿಯಾ ಘೋಷಿಸಿದೆ.

ಆಗಸ್ಟ್ 27ರಂದು ಕೊಹ್ಲಿ ಮತ್ತು ಅನುಷ್ಕಾ ತಮ್ಮ ಮೊದಲ ಮಗುವಿನ ಆಗಮನದ ನಿರೀಕ್ಷೆಯಲ್ಲಿದ್ದೇವೆ ಎಂದು ಹೇಳಲು ಸಾಮಾಜಿಕ ಜಾಲತಾಣಗಳಾದ ಇನ್​ಸ್ಟಾಗ್ರಾಂ ಮತ್ತು ಟ್ವಿಟರ್​ ಬಳಸಿಕೊಂಡಿದ್ದರು. ಅನುಷ್ಕಾ ಜೊತೆಗಿನ ಫೋಟೊ ಟ್ವೀಟ್ ಮಾಡಿದ್ದ ಕೊಹ್ಲಿ ‘ಜನವರಿ 2021ಕ್ಕೆ ಇನ್ನು ನಾವು ಮೂವರು’ ಎಂದು ಬರೆದುಕೊಂಡರು. ಇದನ್ನು ಈ ವರ್ಷದ ಟ್ವೀಟ್​ಗಳಲ್ಲಿ ಹೆಚ್ಚು ಲೈಕ್ ಪಡೆದ ಟ್ವೀಟ್ ಎಂದು ಟ್ವೀಟ್ ಇಂಡಿಯಾ ಇದೀಗ ಘೋಷಿಸಿದೆ.

ಟ್ವಿಟರ್​ನಲ್ಲಿ ಅತಿ ಹೆಚ್ಚು ಬಳಸಿದ ಹ್ಯಾಶ್ ಟ್ಯಾಗ್ ಕೋವಿಡ್-19. ಬಾಲಿವುಡ್ ಟಾಪಿಕ್​ಗಳಲ್ಲಿ ಅತೀ ಹೆಚ್ಚು ಬಳಕೆಯಾಗಿದ್ದು ಅಮಿತಾಭ್ ಬಚ್ಚನ್ ಮತ್ತು ಸುಶಾಂತ್ ಸಿಂಗ್ ರಜಪೂತ್ ಅಭಿನಯದ ‘ದಿಲ್ ಬೇಚಾರಾ’. ಇನ್ನು, ಕಿರುತೆರೆಯಲ್ಲಿ ಚರ್ಚಿತವಾದ ವಿಷಯ ಬಿಗ್​ ಬಾಸ್.