IPL 2021: 4 ಕೋಟಿ ಪಡೆದವ ಆಡಿದ 4 ಪಂದ್ಯಗಳಲಿ 3 ಬಾರಿ ಶೂನ್ಯಕ್ಕೆ ಔಟ್! ಪಂಜಾಬ್ ಹೀನಾಯ ಸೋಲಿಗೆ ಇದೇ ಕಾರಣವಾಯ್ತ?
IPL 2021: ಪೂರನ್ ನಾಲ್ಕು ಪಂದ್ಯಗಳಲ್ಲಿ ಕೇವಲ ಒಂಬತ್ತು ರನ್ ಗಳಿಸಿದ್ದಾರೆ ಮತ್ತು ಈ 9 ರನ್ಗಳನ್ನು ಕೇವಲ ಒಂದೇ ಪಂದ್ಯದಲ್ಲಿ ಗಳಿಸಿದ್ದಾರೆ.
Updated on: Apr 21, 2021 | 7:17 PM
ಐಪಿಎಲ್ 2021 ರಲ್ಲಿ, ಪಂಜಾಬ್ ಕಿಂಗ್ಸ್ ತಂಡವು ಹೊಸ ಹೆಸರು ಮತ್ತು ಹೊಸ ಜರ್ಸಿಯೊಂದಿಗೆ ಮೈದಾನಕ್ಕಿಳಿದಿದೆ. ಆದರೆ ತಂಡದ ಆಟ ಮಾತ್ರ ಇನ್ನೂ ಬದಲಾಗಿಲ್ಲ. ಕೆಎಲ್ ರಾಹುಲ್ ನಾಯಕತ್ವದಲ್ಲಿರುವ ಪಂಜಾಬ್ ಕಿಂಗ್ಸ್ ತಂಡವು ಆಡಿರುವ 4 ಪಂದ್ಯಗಳಲ್ಲಿ ಮೂರು ಪಂದ್ಯಗಳನ್ನು ಕಳೆದುಕೊಂಡಿದೆ. ಈ ಸಮಯದಲ್ಲಿ, ತಂಡದ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು ನಿರಂತರವಾಗಿ ವಿಫಲರಾಗುತ್ತಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಆಡಿದ ಆಟ ಪಂಜಾಬ್ ತಂಡಕ್ಕೆ ತುಂಬಾ ನೆರವಾಗಿತ್ತು. ಆದರೆ ಈ ಆವೃತ್ತಿಯಲ್ಲಿ ಈ ಆಟಗಾರ ನಾಲ್ಕು ಪಂದ್ಯಗಳಲ್ಲಿ ಮೂರರಲ್ಲಿ ಶೂನ್ಯಕ್ಕೆ ಔಟಾಗಿದ್ದಾನೆ. ಈ ಆಟಗಾರ ಬೇರೆ ಯಾರು ಅಲ್ಲ, ಆತನೆ ಕಳೆದ ಆವೃತ್ತಿಯಲ್ಲಿ ಚಿರತೆಯಂತೆ ಹಾರಿ ಕ್ಯಾಚ್ ಹಿಡಿದು ರಾತ್ರೋ ರಾತ್ರಿ ಕ್ರಿಕೆಟ್ ಅಭಿಮಾನಿಗಳ ಸೂಪರ್ಮ್ಯಾನ್ ಎನಿಸಿಕೊಂಡಿದ್ದ ವೆಸ್ಟ್ ಇಂಡೀಸ್‌ನ ನಿಕೋಲಸ್ ಪೂರನ್.
ಈ 9 ರನ್ಗಳನ್ನು ಕೇವಲ ಒಂದೇ ಪಂದ್ಯದಲ್ಲಿ ಗಳಿಸಿದ್ದಾರೆ 25 ವರ್ಷದ ನಿಕೋಲಸ್ ಪೂರನ್ ಐಪಿಎಲ್ 2019 ರಿಂದ ಪಂಜಾಬ್ ಕಿಂಗ್ಸ್ ಜೊತೆಗಿದ್ದಾರೆ. ಅವರನ್ನು ತಂಡವು 4.20 ಕೋಟಿ ರೂ ಕೊಟ್ಟು ಕೊಂಡುಕೊಂಡಿದೆ. ಆದರೆ ಐಪಿಎಲ್ 2021 ರಲ್ಲಿ ಈ ಬ್ಯಾಟ್ಸ್ಮನ್ ಶೋಚನೀಯವಾಗಿ ವಿಫಲವಾಗುತ್ತಿದ್ದಾನೆ. ಪೂರನ್ ನಾಲ್ಕು ಪಂದ್ಯಗಳಲ್ಲಿ ಕೇವಲ ಒಂಬತ್ತು ರನ್ ಗಳಿಸಿದ್ದಾರೆ ಮತ್ತು ಈ 9 ರನ್ಗಳನ್ನು ಕೇವಲ ಒಂದೇ ಪಂದ್ಯದಲ್ಲಿ ಗಳಿಸಿದ್ದಾರೆ. ಈ ಋತುವಿನಲ್ಲಿ ಅವರು ಮೊದಲ ಬಾರಿಗೆ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆಡಿದ್ದರು. ಆ ಪಂದ್ಯದಲ್ಲೂ ಪೂರನ್ ಶೂನ್ಯಕ್ಕೆ ಔಟಾದರು. ನಂತರ, ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಎರಡು ಎಸೆತಗಳನ್ನು ಆಡಿದ ನಂತರ, ದೀಪಕ್ ಚಹರ್ ಎಸೆತವನ್ನು ಬಾರಿಸಿದ ಪೂರನ್ ಹೊಡೆತವನ್ನು ಶಾರ್ದುಲ್ ಠಾಕೂರ್ ಕ್ಯಾಚ್ ಪಡೆದರು. ನಂತರ ದೆಹಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಅವರು ಐಪಿಎಲ್ 2021 ರ ಮೊದಲ ರನ್ ಗಳಿಸಿದರು. ಆದರೆ ಒಂಬತ್ತು ರನ್ ಗಳಿಸಿದ ನಂತರ ಅವರು ಅವೇಶ್ ಖಾನ್ ಗೆ ಬಲಿಯಾದರು.
ಏಪ್ರಿಲ್ 21 ರಂದು ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ನಿಕೋಲಸ್ ಪುರಾನ್ ನಾಲ್ಕನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಲು ಬಂದರು. ಆದರೆ ಅವರು ಒಂದೇ ಚೆಂಡನ್ನು ಆಡಿ ರನ್ ಔಟ್ಗೆ ಬಲಿಯಾದರು. ಈ ರೀತಿಯಾಗಿ, ಪುರಾನ್ ಈ ಋತುವಿನಲ್ಲಿ ಮೊದಲ ಚೆಂಡು, ಎರಡನೇ ಚೆಂಡು ಮತ್ತು ಚೆಂಡನ್ನು ಆಡದೆ ಶೂನ್ಯ ರನ್ ಗಳಿಸಿದ್ದಾರೆ.
ನಿಕೋಲಸ್ ಪೂರನ್ ಅಬ್ಬರದ ಬ್ಯಾಟ್ಸ್ಮನ್ ನಿಕೋಲಸ್ ಪೂರನ್ ಅವರನ್ನು ಅಬ್ಬರದ ಬ್ಯಾಟ್ಸ್ಮನ್ ಎಂದು ಗುರುತಿಸಲಾಗಿದೆ. ಐಪಿಎಲ್ 2019 ಮತ್ತು 2020 ರಲ್ಲಿ ಅವರು ಅದೇ ರೀತಿಯಲ್ಲಿ ಪಂಜಾಬ್ ಪರ ಬ್ಯಾಟಿಂಗ್ ಮಾಡಿದ್ದಾರೆ. ಅವರು 2019 ರಲ್ಲಿ 7 ಪಂದ್ಯಗಳಲ್ಲಿ 28 ರನ್ ಮತ್ತು 157 ರ ಸ್ಟ್ರೈಕ್ ರೇಟ್‌ನಲ್ಲಿ 168 ರನ್ ಗಳಿಸಿದ್ದಾರೆ. ಇದರಲ್ಲಿ ಅವರ ಗರಿಷ್ಠ ಸ್ಕೋರ್ 48 ರನ್. ಅದೇ ಸಮಯದಲ್ಲಿ, ಯುನೈಟೆಡ್ ಅರಬ್ ಎಮಿರೇಟ್ಸ್ನಲ್ಲಿ ಕಳೆದ ಋತುವಿನಲ್ಲಿ, ಪೂರಾನ್ 35 ಪಂದ್ಯಗಳನ್ನು ಆಡಿದರು ಮತ್ತು 353 ರನ್ ಗಳಿಸಿದರು. ಅವರು ಸರಾಸರಿ 35.30 ಮತ್ತು ಸ್ಟ್ರೈಕ್ ರೇಟ್ 169.71. ಪುರಾನ್ ಎರಡು ಅರ್ಧಶತಕಗಳನ್ನು ಹೊಡೆದರು. ಈ ಸಮಯದಲ್ಲಿ, ಅವರ ಗರಿಷ್ಠ ಸ್ಕೋರ್ 77 ರನ್ಗಳು.
