Rafael Nadal Birthday: 36 ನೇ ವರ್ಷಕ್ಕೆ ಕಾಲಿಟ್ಟ ನಡಾಲ್; ಕಿಂಗ್ ಆಫ್ ಕ್ಲೇ ಜೀವನದ ಬಗ್ಗೆ ಕೆಲವು ಆಸಕ್ತಿದಾಯಕ ಸಂಗತಿಗಳು ಇಲ್ಲಿವೆ

ಸ್ಪೇನ್‌ನ ಮಲ್ಲೋರ್ಕಾದಲ್ಲಿ ಜೂನ್ 3, 1986 ರಂದು ಜನಿಸಿದ ಒಬ್ಬ ಹುಡುಗ ಕೆಲವು ವರ್ಷಗಳ ನಂತರ ಟೆನಿಸ್ ಪ್ರಪಂಚದ ಲೆಕ್ಕಾಚಾರವನ್ನೇ ಬದಲಾಯಿಸಿದ. ಕೇವಲ 18 ನೇ ವಯಸ್ಸಿನಲ್ಲಿ ತನ್ನ ಅತ್ಯುತ್ತಮ ಆಟದಿಂದ ವಿಶ್ವದ ಅತ್ಯುತ್ತಮ ಆಟಗಾರರನ್ನೇ ನಿಬ್ಬೇರಗಾಗಿಸಿದ. ನಂತರ ವಿಶ್ವದ ಅತ್ಯುತ್ತಮ ಆಟಗಾರ ರೋಜರ್ ಫೆಡರರ್ ಅವರನ್ನು ಸೋಲಿಸುವ ಮೂಲಕ ತಮ್ಮ ಮೊದಲ ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿಯನ್ನು ಗೆದ್ದ. ಈ ಫ್ರೆಂಚ್ ಆಟಗಾರ ಮೊದಲ ಬಾರಿಗೆ ಫೈನಲ್ ತಲುಪಿದ, ನಂತರ 12 ಬಾರಿ ಟ್ರೋಫಿಯನ್ನು ಗೆದ್ದು ಟೆನಿಸ್ ಲೋಕದ ಚಾಂಪಿಯನ್ ಎನಿಸಿಕೊಂಡ. ಅಷ್ಟಕ್ಕೂ ನಾವು ಮಾಜಿ ವಿಶ್ವ ನಂ. 1 ಟೆನಿಸ್ ಆಟಗಾರ ರಾಫೆಲ್ ನಡಾಲ್ (ರಾಫೆಲ್ ನಡಾಲ್) ಬಗ್ಗೆ ಮಾತನಾಡುತ್ತಿದ್ದೇವೆ. ನಡಾಲ್ ಟೆನಿಸ್ ಲೋಕದಲ್ಲಿ ದಾಖಲೆಯ 21 ಪುರುಷರ ಸಿಂಗಲ್ಸ್ ಗ್ರ್ಯಾಂಡ್ ಸ್ಲಾಮ್ (singles Grand Slam) ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಇತಿಹಾಸದ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾದ ರಾಫೆಲ್ ನಡಾಲ್ ಇಂದು ತನ್ನ ಜನ್ಮದಿನವನ್ನು ಆಚರಿಸಿಕೊಳ್ಳುತ್ತಿದ್ದು, ನಡಾಲ್ ಅವರ ಜೀವನದೊಂದಿಗೆ ಸಂಬಂಧಿಸಿದ ಕೆಲವು ವಿಶೇಷ ವಿಷಯಗಳನ್ನು ಇಂದು ನಾವು ನಿಮಗೆ ಹೇಳುತ್ತಿದ್ದೇವೆ.

ಎಡಗೈಯಿಂದ ಕೆಲಸ, ಬಲಗೈಯಿಂದ ರೆಕಾರ್ಡ್

ಆದಾಗ್ಯೂ ರಾಫೆಲ್ ನಡಾಲ್ ಎಡಗೈ ಟೆನಿಸ್ ಆಡುವುದನ್ನು ನಾವೆಲ್ಲರೂ ನೋಡಿದ್ದೇವೆ. ಆದರೆ ನಿಜ ಜೀವನದಲ್ಲಿ ನಡಾಲ್ ಎಲ್ಲಾ ಕೆಲಸಗಳನ್ನು ಬಲಗೈಯಿಂದಲೇ ಮಾಡುತ್ತಾರೆ. ಗಾಲ್ಫ್ ಆಡುವುದನ್ನು ಇಷ್ಟಪಡುವ ನಡಾಲ್ ಅದನ್ನು ಬಲಗೈಯಲ್ಲೂ ಆಡುತ್ತಾರೆ.

ತಂಗಿ ಬೆಸ್ಟ್ ಫ್ರೆಂಡ್

ರಾಫೆಲ್ ನಡಾಲ್ ತನ್ನ ಕಿರಿಯ ಸಹೋದರಿ ಮಾರಿಯಾ ಇಸಾಬೆಲ್ ಅವರನ್ನು ತನ್ನ ಅತ್ಯುತ್ತಮ ಸ್ನೇಹಿತೆ ಎಂದು ಪರಿಗಣಿಸುತ್ತಾರೆ. ನಡಾಲ್ ಅವರ ಆತ್ಮಚರಿತ್ರೆಯ ಪ್ರಕಾರ, ನಡಾಲ್ ತಮ್ಮ ಮನದಾಳದ ಪ್ರತಿಯೊಂದು ಮಾತನ್ನೂ ತನ್ನ ತಂಗಿಯೊಂದಿಗೆ ಹಂಚಿಕೊಳ್ಳುತ್ತಾರೆ.

ನನಗೆ ಚೀಸ್ ತಿನ್ನಲು ಇಷ್ಟವಿಲ್ಲ

ರಾಫೆಲ್ ನಡಾಲ್ ಅವರು ಚಾಕೊಲೇಟ್ ತಿನ್ನಲು ಇಷ್ಟಪಡುತ್ತಾರೆ. ಆದರೆ ನಡಾಲ್​ಗೆ ಚೀಸ್ ಎಂದರೆ ಸ್ವಲ್ಪವೂ ಇಷ್ಟಪಡುವುದಿಲ್ಲ.

ರಾಫೆಲ್ ನಡಾಲ್ ಮೃದು ಸ್ವಭಾವಿ

ಆದಾಗ್ಯೂ ರಾಫೆಲ್ ನಡಾಲ್ ತನ್ನ ಆಟ ಮತ್ತು ಟೆನಿಸ್ ಅಂಕಣದಲ್ಲಿ ಅಬ್ಬರಿಸುವ ಮೂಲಕ ಉತ್ತಮ ಆಟಗಾರರನ್ನು ನಡುಗಿಸುತ್ತಾರೆ. ಆದರೆ ನಿಜ ಜೀವನದಲ್ಲಿ ಅವರು ತುಂಬಾ ಮೃದು ಸ್ವಭಾವಿಯಾಗಿದ್ದಾರೆ. ನಡಾಲ್ ಆಳವಿರುವ ನೀರಿಗೆ ಹೋಗಲು ತುಂಬಾ ಹೆದರುತ್ತಾರೆ. ಜೊತೆಗೆ ನಾಯಿಗಳ ಹತ್ತಿರ ಹೋಗಲು ಇಷ್ಟಪಡುವುದಿಲ್ಲ. ರಾತ್ರಿಯಲ್ಲಿ ಲೈಟ್‌ಗಳನ್ನು ಆಫ್ ಮಾಡಿ ಮಲಗುವುದೆಂದರೆ ನಡಾಲ್​ಗೆ ಭಯ.

ಕಲಿಕೆಗೆ ವಿಶೇಷ ಗಮನ

ಬಾಲ್ಯದಲ್ಲಿ ನಡಾಲ್‌ನ ಪ್ರತಿಭೆಯನ್ನು ನೋಡಿ ಬಾರ್ಸಿಲೋನಾದ ದೊಡ್ಡ ಟೆನಿಸ್ ಅಕಾಡೆಮಿಯಲ್ಲಿ ಆಡಲು ಆಹ್ವಾನಿಸಲಾಯಿತು. ಆದರೆ ನಡಾಲ್ ಅವರ ಕುಟುಂಬವು ಅಧ್ಯಯನವನ್ನು ಗೌರವಿಸಿತು ಮತ್ತು ಅವರ ಮನೆಯ ಸಮೀಪವಿರುವ ಕ್ರೀಡಾ ಬೋರ್ಡಿಂಗ್ ಶಾಲೆಯಲ್ಲಿ ಅವರನ್ನು ಇರಿಸಿತು. ಹಾಗಾಗಿ ನಡಾಲ್​ಗೆ ಟೆನಿಸ್ ಕಲಿಯುವುದರ ಜೊತೆಗೆ ಹೋಮ್ ವರ್ಕ್ ಮಾಡಲು ಸಮಯ ಸಿಕ್ಕಿತು.

ಸಂಗೀತಗಾರನ ಮೊಮ್ಮಗ, ಫುಟ್ಬಾಲ್ ಆಟಗಾರನ ಸೋದರಳಿಯ

ರಾಫೆಲ್ ನಡಾಲ್ ಅವರ ತಂದೆ ಗಾಜಿನ ಕಿಟಕಿಗಳು ಮತ್ತು ವಿಮೆ ವ್ಯವಹಾರ ನಡೆಸುತ್ತಿದ್ದರು. ಆದರೆ ಅವರ ಅಜ್ಜ ಸಂಗೀತಗಾರರಾಗಿದ್ದು, ಅವರು ತಮ್ಮ ಕ್ಷೇತ್ರದಲ್ಲಿ ಪ್ರಸಿದ್ಧರಾಗಿದ್ದರು. ರಾಫೆಲ್ ನಡಾಲ್ ಅವರ ಚಿಕ್ಕಪ್ಪ ಪ್ರಸಿದ್ಧ ಸ್ಪ್ಯಾನಿಷ್ ಫುಟ್ಬಾಲ್ ಆಟಗಾರರಾಗಿದ್ದರು. ಜೊತೆಗೆ ಸ್ಪ್ಯಾನಿಷ್ ರಾಷ್ಟ್ರೀಯ ತಂಡವನ್ನು ಒಳಗೊಂಡಂತೆ ಬಾರ್ಸಿಲೋನಾ ಪರ ಆಡಿದ್ದರು. ನಡಾಲ್ ಸ್ವತಃ ಬ್ರೆಜಿಲ್ ಫುಟ್ಬಾಲ್ ಆಟಗಾರ ರೊನಾಲ್ಡೊ ಅವರ ದೊಡ್ಡ ಅಭಿಮಾನಿಯಾಗಿದ್ದಾರೆ.

ರಿಯಲ್ ಮ್ಯಾಡ್ರಿಡ್‌ನ ದೊಡ್ಡ ಅಭಿಮಾನಿ

ರಾಫೆಲ್ ನಡಾಲ್ ರಿಯಲ್ ಮ್ಯಾಡ್ರಿಡ್ ಅನ್ನು ಹೆಚ್ಚು ಇಷ್ಟಪಡುತ್ತಾರೆ. ಬಾಲ್ಯದಿಂದಲೂ ಕ್ಲಬ್‌ನ ಅಭಿಮಾನಿಯಾಗಿರುವ ನಡಾಲ್, ಇಲ್ಲಿಯವರೆಗಿನ ತಂಡದ ಯಾವುದೇ ಪ್ರಮುಖ ಪಂದ್ಯಗಳನ್ನು ವೀಕ್ಷಿಸುವ ಅವಕಾಶವನ್ನು ಎಂದಿಗೂ ಕಳೆದುಕೊಂಡಿಲ್ಲ. ಇತ್ತೀಚೆಗೆ ಮುಕ್ತಾಯಗೊಂಡ ಚಾಂಪಿಯನ್ಸ್ ಲೀಗ್ ಫೈನಲ್ ವೀಕ್ಷಿಸಲು ಸ್ವತಃ ನಡಾಲ್ ಕ್ರೀಡಾಂಗಣಕ್ಕೆ ಆಗಮಿಸಿದ್ದರು. ಅಲ್ಲಿ ಮ್ಯಾಡ್ರಿಡ್ ಲಿವರ್‌ಪೂಲ್ ಅನ್ನು ಸೋಲಿಸಿತು.

ಟೆನಿಸ್​ಗೆ ಇನ್ನಿಲ್ಲದ ಗೌರವ

ನಡಾಲ್ ವೈಯಕ್ತಿಕವಾಗಿ ಟೆನಿಸ್ ಪಂದ್ಯಗಳಲ್ಲಿ ಆಟದ ನಂತರ ರಾಕೆಟ್ ಮುರಿಯುವ ಆಟಗಾರರ ವಿರುದ್ಧವಾಗಿದ್ದಾರೆ. ರಾಫೆಲ್ ನಡಾಲ್ ಅವರು ತಾವು ಗುರುತಿಸಿಕೊಂಡಿರುವ ಕ್ರೀಡೆಯನ್ನು ಗೌರವಿಸುವುದು ಮುಖ್ಯ ಮತ್ತು ಕೋಪದಲ್ಲಿ ರಾಕೆಟ್ ಎಸೆಯುವುದು ಅಥವಾ ಮುರಿಯುವುದು ಸೂಕ್ತವಲ್ಲ ಎಂದು ಹಲವಾರು ಸಂದರ್ಭಗಳಲ್ಲಿ ಸ್ಪಷ್ಟಪಡಿಸಿದ್ದಾರೆ.