Serena Williams: ನಿವೃತ್ತಿಯ ಮುನ್ಸೂಚನೆ ನೀಡಿದ ಟೆನಿಸ್ ಲೆಜೆಂಡ್ ಸೆರೆನಾ ವಿಲಿಯಮ್ಸ್
Serena Williams: ಅಮೆರಿಕದ ಸ್ಟಾರ್ ಟೆನಿಸ್ ಆಟಗಾರ್ತಿ ಸೆರೆನಾ ವಿಲಿಯಮ್ಸ್ ತಮ್ಮ ವೃತ್ತಿ ಬದುಕಿಗೆ ವಿದಾಯ ಹೇಳುವ ಮುನ್ಸೂಚನೆ ನೀಡಿದ್ದಾರೆ. ಈ ವಿಚಾರವನ್ನು ಸ್ವತಃ ಸೆರೆನಾ ಅವರೆ ತಮ್ಮ ಅಧಿಕೃತ ಇನ್ಸ್ಟಾಗ್ರಾಂ ಪೋಸ್ಟ್ನಲ್ಲಿ ಹೇಳಿಕೊಂಡಿದ್ದಾರೆ.
Updated on:Aug 09, 2022 | 8:39 PM
ಒಂದು ವರ್ಷದ ಬಳಿಕ ತನ್ನ ಮೊದಲ ಟೆನಿಸ್ ಸಿಂಗಲ್ಸ್ ಪಂದ್ಯವನ್ನು ಗೆದ್ದ ಸೆರೆನಾ ವಿಲಿಯಮ್ಸ್ (Serena Williams) ಶೀಘ್ರದಲ್ಲೇ ಟೆನಿಸ್ನಿಂದ ನಿವೃತ್ತಿ ಹೊಂದುವ ಸುಳಿವು ನೀಡಿದ್ದಾರೆ. 2021 ರ ಫ್ರೆಂಚ್ ಓಪನ್ ನಂತರ ಟೆನಿಸ್ ಅಖಾಡಕ್ಕಿಳಿದಿದ್ದ ಸೆರೆನಾ, ಮಹಿಳೆಯರ ರಾಷ್ಟ್ರೀಯ ಬ್ಯಾಂಕ್ ಓಪನ್ನಲ್ಲಿ ನುರಿಯಾ ಪ್ಯಾರಿಜಾಸ್-ಡಯಾಜ್ ಅವರನ್ನು 6-3, 6-4 ಸೆಟ್ಗಳಿಂದ ಸೋಲಿಸಿದ ಬಳಿಕ ಈ ಮಾಹಿತಿಯನ್ನು ಹೊರಹಾಕಿದ್ದಾರೆ. ಈ ವಿಚಾರವನ್ನು ತಮ್ಮ ಅಧಿಕೃತ Instagram ಪೋಸ್ಟ್ನಲ್ಲಿ ಹೇಳಿಕೊಂಡಿರುವ 23 ಬಾರಿ ಗ್ರ್ಯಾಂಡ್ ಸ್ಲಾಮ್ ವಿಜೇತೆ ಸೆರೆನಾ, ನಾವು ಬೇರೆ ದಿಕ್ಕಿನಲ್ಲಿ ಚಲಿಸಲು ನಿರ್ಧರಿಸುವ ಸಮಯ ಬರುತ್ತದೆ. ನೀವು ಯಾವುದನ್ನಾದರೂ ತುಂಬಾ ಪ್ರೀತಿಸಿದಾಗ ಅದನ್ನು ತೊರೆಯುವ ಸಮಯ ಬಂದಾಗ ಅದು ಯಾವಾಗಲೂ ಕಷ್ಟಕರವಾಗಿರುತ್ತದೆ. ನನ್ನ ಒಳ್ಳೆಯತನವೆಂದರೆ ನಾನು ಟೆನಿಸ್ ಅನ್ನು ಆನಂದಿಸುತ್ತೇನೆ. ಆದರೆ ಈಗ, ಕ್ಷಣಗಣನೆ ಪ್ರಾರಂಭವಾಗಿದೆ ಎಂದು ಬರೆದುಕೊಂಡಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ ವಿಸ್ತೃತವಾಗಿ ಬರೆದುಕೊಂಡಿರುವ ಸೆರೆನಾ, ನಿವೃತ್ತಿ ಎಂಬ ಪದವನ್ನು ನಾನು ಎಂದಿಗೂ ಇಷ್ಟಪಟ್ಟಿಲ್ಲ. ಇದು ನನಗೆ ಆಧುನಿಕ ಪದದಂತೆ ಭಾಸವಾಗುವುದಿಲ್ಲ. ನಾನು ಇದನ್ನು ಪರಿವರ್ತನೆ ಎಂದು ಭಾವಿಸುತ್ತೇನೆ, ಆದರೆ ನಾನು ಆ ಪದವನ್ನು ಹೇಗೆ ಬಳಸುತ್ತೇನೆ ಎಂಬುದರ ಕುರಿತು ಸೂಕ್ಷ್ಮವಾಗಿರಲು ಬಯಸುತ್ತೇನೆ. ಬಹುಶಃ ನಾನು ಏನನ್ನು ಮಾಡುತ್ತಿದ್ದೇನೆ ಎಂಬುದನ್ನು ವಿವರಿಸಲು ಅತ್ಯುತ್ತಮ ಪದವು ವಿಕಾಸವಾಗಿದೆ. ನಾನು ಟೆನಿಸ್ನಿಂದ ದೂರವಾಗಿ, ನನಗೆ ಮುಖ್ಯವಾದ ಇತರ ವಿಷಯಗಳ ಕಡೆಗೆ ವಿಕಸನಗೊಳ್ಳುತ್ತಿದ್ದೇನೆ ಎಂದು ಹೇಳಲು ಇಷ್ಟಪಡುತ್ತೇನೆ. ಕೆಲವು ವರ್ಷಗಳ ಹಿಂದೆ ನಾನು ಸದ್ದಿಲ್ಲದೆ ಸೆರೆನಾ ವೆಂಚರ್ಸ್, ವೆಂಚರ್ ಕ್ಯಾಪಿಟಲ್ ಸಂಸ್ಥೆಯನ್ನು ಪ್ರಾರಂಭಿಸಿದೆ. ಅದರ ನಂತರ ನಾನು ಕುಟುಂಬವನ್ನು ಪ್ರಾರಂಭಿಸಿದೆ. ನಾನು ಆ ಕುಟುಂಬವನ್ನು ಬೆಳೆಸಲು ಬಯಸುತ್ತೇನೆ” ಎಂದು ವೋಗ್ಗೆ ಬರೆದ ಅಂಕಣದಲ್ಲಿ ಸೆರೆನಾ ಬರೆದುಕೊಂಡಿದ್ದಾರೆ.
View this post on Instagram
A must read. https://t.co/NSWDGHzsXK
— Serena Williams (@serenawilliams) August 9, 2022
ಆರು ಯುಎಸ್ ಓಪನ್ ಪ್ರಶಸ್ತಿ
ಸೆರೆನಾ ಅವರು ಆರು ಯುಎಸ್ ಓಪನ್ ಪ್ರಶಸ್ತಿಗಳನ್ನು ಗೆದ್ದಿದ್ದು ಕ್ರಮವಾಗಿ, 1999, 2002, 2008, 2012, 2013, 2014 ರಲ್ಲಿ ಈ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.
10 ಬಾರಿ ಯುಎಸ್ ಓಪನ್ ಫೈನಲಿಸ್ಟ್
ಸೆರೆನಾ 10 ಯುಎಸ್ ಓಪನ್ ಫೈನಲ್ಗಳಲ್ಲಿ ಕಾಣಿಸಿಕೊಂಡಿದ್ದಾರೆ, ಅವುಗಳಲ್ಲಿ ಆರರಲ್ಲಿ ಗೆದ್ದಿದ್ದಾರೆ. ಏತನ್ಮಧ್ಯೆ, ವಿಲಿಯಮ್ಸ್ ಟೂರ್ನಿಯಲ್ಲಿ 14 ಬಾರಿ ಸೆಮಿಸ್ ಹಂತವನ್ನು ತಲುಪಿದ್ದಾರೆ. ಅವರು ಕೊನೆಯ ಬಾರಿಗೆ 2014 ರಲ್ಲಿ ಯುಎಸ್ ಓಪನ್ ಗೆದ್ದಿದ್ದರು. ಕೊನೆಯದಾಗಿ 2020 ರಲ್ಲಿ, ಸೆರೆನಾ ಯುಎಸ್ ಓಪನ್ ಸೆಮಿಫೈನಲ್ನಲ್ಲಿ ಬೆಲರೂಸಿಯಾದ ವಿಕ್ಟೋರಿಯಾ ಅಜರೆಂಕಾ ವಿರುದ್ಧ ಸೋಲನುಭವಿಸಿದ್ದರು.
ವಿಲಿಯಮ್ಸ್ ವಿಶಿಷ್ಟವಾದ ಸಾಧನೆ
ಎಲ್ಲಾ ನಾಲ್ಕು ಸ್ಲಾಮ್ಗಳಲ್ಲಿ 65 ಕ್ಕೂ ಹೆಚ್ಚು ಗೆಲುವುಗಳನ್ನು ದಾಖಲಿಸಿದ ಏಕೈಕ ಮಹಿಳೆ ವಿಲಿಯಮ್ಸ್. ಆಸ್ಟ್ರೇಲಿಯಾ ಓಪನ್: 92-13, ಫ್ರೆಂಚ್ ಓಪನ್: 69-14, ವಿಂಬಲ್ಡನ್: 98-14, ಮತ್ತು ಯುಎಸ್ ಓಪನ್: 106-14. ಸದ್ಯದಲ್ಲಿ ಇವರ ದಾಖಲೆ ಮುರಿಯುವ ಸಾಧ್ಯತೆ ಕಡಿಮೆ ಇದೆ.
ಸೆರೆನಾಗೆ ಗ್ರ್ಯಾಂಡ್ ಸ್ಲಾಮ್ ಬರ
ಸೆರೆನಾ ಕೊನೆಯ ಬಾರಿಗೆ 2017ರಲ್ಲಿ ಆಸ್ಟ್ರೇಲಿಯನ್ ಓಪನ್ನಲ್ಲಿ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಗೆದ್ದಿದ್ದರು. ಆ ಬಳಿಕ ಎರಡು ವಿಂಬಲ್ಡನ್ (2018-19) ಮತ್ತು ಎರಡು US ಓಪನ್ ಫೈನಲ್ಗೆ (2018-19) ಅರ್ಹತೆ ಗಳಿಸಿದ್ದರು. ಆದರೆ ಗೆಲುವ ಸಾಧಿಸಲು ಸಾಧ್ಯವಾಗಲಿಲ್ಲ. ಅಲ್ಲದೆ ಯುಎಸ್ ಓಪನ್ (2020) ಮತ್ತು ಆಸ್ಟ್ರೇಲಿಯನ್ ಓಪನ್ (2021) ನಲ್ಲಿ ಸೆಮಿಫೈನಲ್ ತಲುಪಿದರು.ಇದಕ್ಕೂ ಮೊದಲು ಸೆರೆನಾ ಸತತ ಆರು ವರ್ಷಗಳ ನಡುವೆ (2012-2017) ಕನಿಷ್ಠ ಒಂದು ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿಯನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರು.
Published On - 7:57 pm, Tue, 9 August 22
