BCCI: ಹೊಸ ಫಿಟ್‌ನೆಸ್ ಪರೀಕ್ಷೆಯಲ್ಲಿ ವಿಫಲರಾದ 6 ಕ್ರಿಕೆಟಿಗರು.. ಮುಂದಿನ ಸರಣಿಗೆ ಇವರ ಆಯ್ಕೆ ಹೇಗೆ?

ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯಲು ಸ್ಪರ್ಧೆಯಲ್ಲಿರುವ ಕೆಲವು ಆಟಗಾರರು ಫಿಟ್‌ನೆಸ್‌ಗೆ ಅಗತ್ಯವಾದ 2 ಕಿ. ಮೀ ಓಟದ ಪರೀಕ್ಷೆಯಲ್ಲಿ ವಿಫಲರಾಗಿದ್ದಾರೆ. ಟೀಂ ಇಂಡಿಯಾದ ಆಟಗಾರರ ಫಿಟ್‌ನೆಸ್ ಪರಿಶೀಲಿಸಲು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಇತ್ತೀಚೆಗೆ 2 ಕಿ.ಮೀ ಓಟದ ಹೊಸ ಪರೀಕ್ಷೆಯನ್ನು ಪ್ರಾರಂಭಿಸಿದೆ. ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಆಟಗಾರರನ್ನು ಮಾತ್ರ ಸರಣಿಗೆ ತಂಡದಲ್ಲಿ ಸೇರಿಸಿಕೊಳ್ಳಲಾಗುತ್ತದೆ. ಈಗ ಈ ಟೆಸ್ಟ್‌ನ ಮೊದಲ ಪ್ರಯೋಗದಲ್ಲಿ ಸಂಜು ಸ್ಯಾಮ್ಸನ್, ಸಿದ್ದಾರ್ಥ್ ಕೌಲ್ ಸೇರಿದಂತೆ ಟೀಮ್ ಇಂಡಿಯಾದ ಕೆಲವು ಆಟಗಾರರು ಫ್ಲಾಪ್ ಆಗಿದ್ದಾರೆ.

ಕೆಲವು ವರ್ಷಗಳ ಹಿಂದೆ ಫಿಟ್‌ನೆಸ್ ಪರೀಕ್ಷೆಗೆ ಯೋ-ಯೋ ಪರೀಕ್ಷೆ ಪ್ರಾರಂಭವಾದ ನಂತರ, ಬಿಸಿಸಿಐ ಕೆಲವು ದಿನಗಳ ಹಿಂದೆ 2 ಕಿ.ಮೀ ಓಟದ ಪರೀಕ್ಷೆಯನ್ನುಆರಂಭಿಸಿತ್ತು. ಇದರ ಅಡಿಯಲ್ಲಿ ಬ್ಯಾಟ್ಸ್‌ಮನ್‌ಗಳು, ವಿಕೆಟ್ ‌ಕೀಪರ್‌ಗಳು ಮತ್ತು ಸ್ಪಿನ್ನರ್‌ಗಳು 8.30 ನಿಮಿಷಗಳಲ್ಲಿ 2 ಕಿಲೋಮೀಟರ್ ಓಡಬೇಕು. ಅದೇ ಸಮಯದಲ್ಲಿ, ವೇಗದ ಬೌಲರ್‌ಗಳು 8.15 ನಿಮಿಷಗಳಲ್ಲಿ ಆ ದೂರವನ್ನು ಕ್ರಮಿಸಬೇಕಾಗುತ್ತದೆ. ಯೋ-ಯೋ ಪರೀಕ್ಷೆಯಂತೆ ಬಿಸಿಸಿಐ ಇದನ್ನು ಕಡ್ಡಾಯಗೊಳಿಸಿದೆ.

6 ಆಟಗಾರರು ಪರೀಕ್ಷೆಯಲ್ಲಿ ವಿಫಲರಾಗಿದ್ದಾರೆ.. ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ನಡೆದ ಈ ಪರೀಕ್ಷೆಯ ಮೊದಲ ಪ್ರಯೋಗದಲ್ಲಿ 6 ಆಟಗಾರರು ವಿಫಲರಾಗಿದ್ದಾರೆ. ಈ ವರದಿಯ ಪ್ರಕಾರ, ಫಿಟ್‌ನೆಸ್ ಪರೀಕ್ಷೆಯಲ್ಲಿ ಟೀಮ್ ಇಂಡಿಯಾ ಪರ ಟಿ 20 ಆಡಿದ ವಿಕೆಟ್‌ ಕೀಪರ್-ಬ್ಯಾಟ್ಸ್‌ಮನ್ ಸಂಜು ಸ್ಯಾಮ್ಸನ್ ಮತ್ತು ಯುವ ವಿಕೆಟ್ ಕೀಪರ್ ಇಶಾನ್ ಕಿಶನ್, ಆಲ್‌ರೌಂಡರ್ ರಾಹುಲ್ ತಿವಾಟಿಯಾ, ಬ್ಯಾಟ್ಸ್‌ಮನ್ ನಿತೀಶ್ ರಾಣಾ, ವೇಗದ ಬೌಲರ್ ಸಿದ್ಧಾರ್ಥ್ ಕೌಲ್ ಮತ್ತು ಜಯದೇವ್ ಉನಾಡ್ಕತ್ 2 ಕಿಮೀ ಓಟದ ಪರೀಕ್ಷೆಯಲ್ಲಿ ವಿಫಲರಾಗಿದ್ದಾರೆ.

ಫ್ಲಾಪ್ ಆದವರಿಗೆ ಮತ್ತೊಂದು ಅವಕಾಶ.. ಭಾರತ-ಇಂಗ್ಲೆಂಡ್ ಟಿ 20 ಮತ್ತು ಏಕದಿನ ಸರಣಿಯ ಜೊತೆಗೆ, ಈ ವರ್ಷದ ಕೊನೆಯಲ್ಲಿ ನಡೆಯಲಿರುವ ಟಿ 20 ವಿಶ್ವಕಪ್ ಸರಣಿಯಲ್ಲಿ ಭಾಗಿಯಾಗಿರುವ ನಿಕಟ ಆಟಗಾರರನ್ನು ಈ ಪರೀಕ್ಷೆಯಲ್ಲಿ ಸೇರಿಸಿಕೊಳ್ಳಲಾಗಿದೆ ಎಂದು ವರದಿಯಾಗಿದೆ. ಆದಾಗ್ಯೂ ಈ ಆಟಗಾರರಿಗೆ ಇನ್ನೂ ಒಂದು ಅವಕಾಶ ನೀಡಲಾಗುವುದು. ಮೂಲದ ಪ್ರಕಾರ, ಇದು ಹೊಸ ಪ್ರಕಾರದ ಫಿಟ್‌ನೆಸ್ ಪರೀಕ್ಷೆಯಾಗಿರುವುದರಿಂದ, ಅವರಿಗೆ ಇನ್ನೂ ಒಂದು ಅವಕಾಶವನ್ನು ನೀಡಲಾಗುವುದು ಮತ್ತು ಕೆಲವು ದಿನಗಳ ಮಧ್ಯಂತರದಲ್ಲಿ ಹೊಸ ದಿನಾಂಕದಂದು ಮತ್ತೆ ಪರೀಕ್ಷಿಸಲಾಗುವುದು ಎಂದು ತಿಳಿದುಬಂದಿದೆ.

ಆದರೆ ಬಿಸಿಸಿಐ ಕೊಡುವ ಮತ್ತೊಂದು ಅವಕಾಶದಲ್ಲಿ ಆಟಗಾರರು ಮತ್ತೆ ವಿಫಲರಾದರೆ, ಮುಂದಿನ ತಿಂಗಳು ನಡೆಯಲಿರುವ ಟಿ 20 ಮತ್ತು ಏಕದಿನ ಸರಣಿಗೆ ಅವರ ಆಯ್ಕೆ ಕಷ್ಟಕರವಾಗಲಿದೆ. ವರದಿಯ ಪ್ರಕಾರ, ಈ 6 ಆಟಗಾರರು ಈ ಓಟದಲ್ಲಿ ಸಂಪೂರ್ಣವಾಗಿ ವಿಫಲರಾಗಿದ್ದರೆ,ಇನ್ನೂ ಅನೇಕ ಆಟಗಾರರು ಈ ಓಟವನ್ನು ಪೂರ್ಣಗೊಳಿಸಲು ಸಾಧ್ಯವಾಗಿಲ್ಲ.

ಯೋ-ಯೋ 2.0? ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯುವ ಆಟಗಾರರಿಗಾಗಿ ಹೊಸ ಫಿಟ್‌ನೆಸ್ ಪರೀಕ್ಷೆ ಪರಿಚಯಿಸಿದ BCCI

Published On - 3:33 pm, Fri, 12 February 21