ಪಂದ್ಯಕ್ಕೂ ಮುಂಚೆ ತನ್ನ ಅಜ್ಜಿಯ ನಿಧನದ ಸುದ್ದಿ; ಧೃತಿಗೆಡದೆ ಜೊಕೊವಿಕ್ ಎದುರು ಹೋರಾಡಿದ ಸ್ಟೆಫಾನೊ ಸಿಟ್ಸಿಪಾಸ್

ಟೆನಿಸ್ ತಾರೆ ಸ್ಟೆಫಾನೊ ಸಿಟ್ಸಿಪಾಸ್ ಫ್ರೆಂಚ್ ಓಪನ್ ಗೆಲ್ಲುವುದನ್ನು ತಪ್ಪಿಸಿಕೊಂಡರು. ಫೈನಲ್‌ನಲ್ಲಿ ನೊವಾಕ್ ಜೊಕೊವಿಕ್ ಎದುರು ಮೊದಲ ಎರಡು ಸೆಟ್‌ಗಳನ್ನು ಗೆದ್ದ ನಂತರ, ಅವರು ಕೊನೆಯ ಮೂರು ಸೆಟ್‌ಗಳನ್ನು ಕಳೆದುಕೊಂಡು ಸೋತರು. ಅವರು 6-7 (6/8), 2-6, 6-3, 6-2, 6-4ರಿಂದ ಸೋತರು. ಪಂದ್ಯದ ನಂತರ, ಸ್ಟೆಫಾನೊ ಸಿಟ್ಸಿಪಾಸ್ ಅವರು ಶೀರ್ಷಿಕೆ ಪಂದ್ಯ ಪ್ರಾರಂಭವಾಗುವ ಮುನ್ನವೇ, ಅವರ ಅಜ್ಜಿ ತೀರಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ. ಅವರು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಬರೆಯುವ ಮೂಲಕ ಅಜ್ಜಿಗೆ ಗೌರವ ಸಲ್ಲಿಸಿದರು. ಅವರು ತಮ್ಮ ಮೊದಲ ಫ್ರೆಂಚ್ ಓಪನ್ ಫೈನಲ್ ಅನ್ನು ತಮ್ಮ ಅಜ್ಜಿಗೆ ಅರ್ಪಿಸಿದರು.

22 ವರ್ಷದ ಸಿಟ್ಸಿಪಾಸ್ ಬರೆದಿದ್ದಾರೆ, ಕೋರ್ಟ್​ಗೆ ಹೋಗುವ ಐದು ನಿಮಿಷಗಳ ಮೊದಲು, ನನ್ನ ಪ್ರೀತಿಯ ಅಜ್ಜಿ ಸಾವನ್ನಪ್ಪಿದರು ಎಂಬ ಸುದ್ದಿ ಬಂತು. ಬುದ್ಧಿವಂತ ಮಹಿಳೆ ಜೀವನದಲ್ಲಿ ನಂಬಿಕೆ ಹೊಂದಿದ್ದ ಮತ್ತು ಎಲ್ಲವನ್ನೂ ತ್ಯಾಗ ಮಾಡಳು ಯಾವಾಗಲೂ ಸಿದ್ಧಳಾಗಿದ್ದಳು. ಅಂತಹ ವ್ಯಕ್ತಿಯನ್ನು ನಾನು ಎಲ್ಲಿಯೂ ನೋಡಿಲ್ಲ. ಈ ಜಗತ್ತಿನಲ್ಲಿ ಅವರಂತೆ ಹೆಚ್ಚಿನ ಜನರು ಇರಬೇಕಾಗಿದೆ. ಏಕೆಂದರೆ ಅವರಂತಹ ಜನರು ನಿಮ್ಮನ್ನು ಜೀವಂತವಾಗಿರಿಸುತ್ತಾರೆ. ಅವರು ನಿಮಗೆ ಕನಸು ಕಾಣಲು ಅವಕಾಶ ಮಾಡಿಕೊಡುತ್ತಾರೆ.

ಟ್ರೋಫಿ ಗೆಲ್ಲುವುದಕ್ಕಿಂತ ಜೀವನದಲ್ಲಿ ಹೆಚ್ಚು ಮಹತ್ವದ ಸಂಗತಿಗಳು ನಡೆಯುತ್ತವೆ ಎಂದು ಸಿಟ್ಸಿಪಾಸ್ ಹೇಳಿದರು. ಜೀವನವು ಗೆಲ್ಲುವುದು ಅಥವಾ ಸೋಲುವುದು ಮಾತ್ರವಲ್ಲ. ಒಂಟಿಯಾಗಿರಲಿ ಅಥವಾ ಎಲ್ಲರೊಂದಿಗೆ ಇರಲಿ ಜೀವನದ ಪ್ರತಿಯೊಂದು ಕ್ಷಣವನ್ನೂ ಆನಂದಿಸುವುದು ಅವಶ್ಯಕ. ನೋವು ಮತ್ತು ನಲಿವು ಎರಡರಲ್ಲೂ ಅರ್ಥಪೂರ್ಣ ಜೀವನ ನಡೆಸುವುದು ಅತ್ಯಗತ್ಯ. ಟ್ರೋಫಿಯನ್ನು ಎತ್ತುವುದು ಮತ್ತು ವಿಜಯವನ್ನು ಆಚರಿಸುವುದು ಸಹ ಅರ್ಥವನ್ನು ಹೊಂದಿದೆ ಆದರೆ ಅದೇ ಎಲ್ಲವೂ ಅಲ್ಲ.

View this post on Instagram

A post shared by Stefanos Tsitsipas (@stefanostsitsipas98)

ಫ್ರೆಂಚ್ ಓಪನ್‌ನ ಫೈನಲ್ ಪಂದ್ಯ ಹೀಗಿತ್ತು ಇಲ್ಲಿ, ಐದನೇ ಶ್ರೇಯಾಂಕದ ಸಿಟ್ಸಿಪಾಸ್ ಫ್ರೆಂಚ್ ಓಪನ್‌ನ ಫೈನಲ್‌ನಲ್ಲಿ ಮೊದಲ ಎರಡು ಸೆಟ್‌ಗಳನ್ನು 7-6, 6-2ರಿಂದ ಗೆಲ್ಲುವ ಮೂಲಕ ಉತ್ತಮ ಆರಂಭವನ್ನು ಪಡೆದರು ಆದರೆ ಅಗ್ರ ಶ್ರೇಯಾಂಕದ ಜೊಕೊವಿಕ್ ಮುಂದಿನ ಎರಡು ಸೆಟ್‌ಗಳನ್ನು 6-3, 6-2ರಿಂದ ಗೆದ್ದುಕೊಂಡರು. ಆದರೆ ಐದನೇ ಮತ್ತು ಅಂತಿಮ ಸೆಟ್ನಲ್ಲಿ ಪಂದ್ಯವನ್ನು ಕೈಚೆಲ್ಲಿದರು. ಗ್ರೀಸ್‌ನ ಮೊದಲ ಗ್ರ್ಯಾಂಡ್‌ಸ್ಲಾಮ್ ಚಾಂಪಿಯನ್ ಆಗಬೇಕೆಂಬ ಸಿಟ್ಸಿಪಾಸ್‌ನ ಕನಸನ್ನು ಜೊಕೊವಿಕ್ ನುಚ್ಚು ನೂರು ಮಾಡಿದರು. ರೋಜರ್ ಫೆಡರರ್ ಮತ್ತು ರಾಫೆಲ್ ನಡಾಲ್ ಅವರ ದಾಖಲೆಯ 20 ಗ್ರ್ಯಾಂಡ್ ಸ್ಲ್ಯಾಮ್ ಪ್ರಶಸ್ತಿಗಳನ್ನು ಸಮನಾಗಿಸುವುದರಿಂದ ಜೊಕೊವಿಕ್ ಈಗ ಕೇವಲ ಒಂದು ಹೆಜ್ಜೆ ದೂರದಲ್ಲಿದ್ದಾರೆ. ಬೆನ್ನುನೋವಿನಿಂದಾಗಿ ಪಂದ್ಯದ ಸಮಯದಲ್ಲಿ ಮೂರನೇ ಸೆಟ್‌ನ ನಂತರ ಇಪ್ಪತ್ತು ವರ್ಷದ ಸಿಟ್ಸಿಪಾಸ್ ಸಹ ತನ್ನ ತರಬೇತುದಾರರಿಂದ ಕೋರ್ಟ್‌ನಲ್ಲಿ ಚಿಕಿತ್ಸೆ ಪಡೆಯಬೇಕಾಯಿತು.

ಜೊಕೊವಿಕ್ ಈ ಮೊದಲು ತಮ್ಮ ವೃತ್ತಿಜೀವನದಲ್ಲಿ ಐದು ಬಾರಿ ಮೊದಲ ಎರಡು ಸೆಟ್‌ಗಳನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಪಂದ್ಯದ ಮೊದಲು, ಸೆರ್ಬಿಯಾದ ಆಟಗಾರ ಐದು ಸೆಟ್‌ಗಳ ಪಂದ್ಯಗಳಲ್ಲಿ 34 ಬಾರಿ ಜಯಗಳಿಸಿದ್ದರೆ, 10 ಬಾರಿ ಸೋಲನ್ನು ಎದುರಿಸಬೇಕಾಯಿತು.

Published On - 4:56 pm, Mon, 14 June 21