Tokyo Olympics: ಹಾಕಿಯಲ್ಲಿ ಕಂಚು ಗೆದ್ದ ಭಾರತ; ಯಾವ್ಯಾವ ಪದಕ ಯಾವ್ಯಾವ ದೇಶಕ್ಕೆ? ಇಲ್ಲಿದೆ ಸಂಪೂರ್ಣ ವಿವರ

ಟೋಕಿಯೊ ಒಲಿಂಪಿಕ್ಸ್ -2020 ರಲ್ಲಿ ಬೆಲ್ಜಿಯಂ ಮತ್ತು ನೆದರ್ಲ್ಯಾಂಡ್ಸ್ ಹಾಕಿಯಲ್ಲಿ ತಮ್ಮ ಪ್ರಾಬಲ್ಯವನ್ನು ತೋರಿಸಿದವು. ಅದೇ ಸಮಯದಲ್ಲಿ, ನಾಲ್ಕು ದಶಕಗಳ ನಂತರ, ಭಾರತವು ತನ್ನ ಹೆಸರನ್ನು ಪದಕ ಪಟ್ಟಿಯಲ್ಲಿ ಸೇರಿಸುವಲ್ಲಿ ಯಶಸ್ವಿಯಾಯಿತು. ನೆದರ್ಲೆಂಡ್ಸ್ ಮಹಿಳಾ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದಿತು ಮತ್ತು ರಿಯೊದಲ್ಲಿ ಮಾಡಿದ ತಪ್ಪನ್ನು ಸರಿಪಡಿಸಿಕೊಂಡಿದೆ. ನೆದರ್‌ಲ್ಯಾಂಡ್ಸ್ ತಂಡವು ರಿಯೊದಲ್ಲಿ ಬೆಳ್ಳಿ ಗೆದ್ದಿತು ಮತ್ತು ಈ ಹಿಂದೆ 2008 ಮತ್ತು 2012 ರ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕಗಳನ್ನು ಗೆದ್ದಿತ್ತು. ಈ ಬಾರಿ ಚಿನ್ನದ ಪದಕವನ್ನು ಮರಳಿ ಪಡೆಯುವಲ್ಲಿ ತಂಡ ಯಶಸ್ವಿಯಾಗಿದೆ.

ಅದೇ ಸಮಯದಲ್ಲಿ, ಬೆಲ್ಜಿಯಂ ಪುರುಷರ ತಂಡವು ರಿಯೊದಲ್ಲಿ ಚಿನ್ನದ ಪದಕವನ್ನು ಕಳೆದುಕೊಂಡಿತು. ಅರ್ಜೆಂಟೀನಾ ಅವರನ್ನು ಸೋಲಿಸಿತು. ಆದಾಗ್ಯೂ, ಈ ಬಾರಿ, ಬೆಲ್ಜಿಯಂ ಕಳೆದ ಒಲಂಪಿಕ್ಸ್ ತಪ್ಪನ್ನು ಸರಿಪಡಿಸಿಕೊಂಡಿದೆ. ಪುರುಷರು ಮತ್ತು ಮಹಿಳೆಯರ ವಿಭಾಗದಲ್ಲಿ ಯಾರು ಪದಕ ಗೆದ್ದಿದ್ದಾರೆ ಎಂಬುದರ ವಿವರ ಇಲ್ಲಿದೆ.

ಪುರುಷರ ವಿಭಾಗ
ಚಿನ್ನದ ಪದಕದ ಪಂದ್ಯದಲ್ಲಿ, ಬೆಲ್ಜಿಯಂ ಆಸ್ಟ್ರೇಲಿಯಾವನ್ನು 3-2 ಗೋಲುಗಳಿಂದ ಪೆನಾಲ್ಟಿ ಶೂಟ್ ಔಟ್​ನಲ್ಲಿ ಸೋಲಿಸಿತು. ನಿಗದಿತ ಸಮಯದಲ್ಲಿ ಪಂದ್ಯ 1-1 ರಲ್ಲಿ ಸಮಬಲವಾಗಿತ್ತು. ಕಂಚಿನ ಪದಕದ ಪಂದ್ಯದಲ್ಲಿ, ಭಾರತವು ಜರ್ಮನಿಯನ್ನು 5-4 ರಿಂದ ಸೋಲಿಸಿ ನಾಲ್ಕು ದಶಕಗಳ ನಂತರ ಒಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದಿತು.
ಚಿನ್ನದ ಪದಕ – ಬೆಲ್ಜಿಯಂ
ಬೆಳ್ಳಿ ಪದಕ – ಆಸ್ಟ್ರೇಲಿಯಾ
ಕಂಚಿನ ಪದಕ – ಭಾರತ

ಮಹಿಳಾ ವಿಭಾಗ
ಚಿನ್ನದ ಪದಕವನ್ನು ಗೆಲ್ಲಲು ನೆದರ್ಲೆಂಡ್ಸ್ ಅರ್ಜೆಂಟೀನಾವನ್ನು 3-1ಗೋಲುಗಳಿಂದ ಸೋಲಿಸಿತು. ಅರ್ಜೆಂಟೀನಾ ಬೆಳ್ಳಿ ಪದಕಕ್ಕೆ ತೃಪ್ತಿಪಡಬೇಕಾಯಿತು. ಗ್ರೇಟ್ ಬ್ರಿಟನ್ ಭಾರತವನ್ನು 4-3ರಿಂದ ಸೋಲಿಸಿ ಕಂಚಿನ ಪದಕ ಗೆದ್ದಿತು.
ಚಿನ್ನದ ಪದಕ – ನೆದರ್ಲ್ಯಾಂಡ್ಸ್
ಬೆಳ್ಳಿ ಪದಕ – ಅರ್ಜೆಂಟೀನಾ
ಕಂಚಿನ ಪದಕ – ಗ್ರೇಟ್ ಬ್ರಿಟನ್