AC White Color: ಎಸಿ ಬಿಳಿ ಬಣ್ಣದಲ್ಲೇ ಏಕೆ ಬರುತ್ತದೆ ಗೊತ್ತೇ?: ಈ ರಹಸ್ಯ ನಿಮ್ಮನ್ನು ಅಚ್ಚರಿಗೊಳಿಸುತ್ತೆ

ಬೆಂಗಳೂರು (ಮಾ. 28): ನಿಮ್ಮ ಮನೆ, ಕಚೇರಿ ಅಥವಾ ನೆರೆಹೊರೆಯಲ್ಲಿ ಹವಾನಿಯಂತ್ರಣ (AC) ವ್ಯವಸ್ಥೆಯನ್ನು ಹೊಂದಿದ್ದರೆ ನೀವು ಒಂದು ವಿಷಯವನ್ನು ಗಮನಿಸಿರಬೇಕು. ಎಸಿ ಸ್ಪ್ಲಿಟ್ ಆಗಿರಲಿ ಅಥವಾ ವಿಂಡೋ ಆಗಿರಲಿ ಎಲ್ಲದರ ಬಣ್ಣ ಯಾವಾಗಲೂ ಬಿಳಿ ಅಥವಾ ಮಸುಕಾದ ಬಿಳಿಯಾಗಿರುತ್ತದೆ. ಹಸಿರು, ಹಳದಿ, ಕೆಂಪು ಅಥವಾ ನೀಲಿ ಬಣ್ಣದ ಎಸಿ ಸೆಟ್ ಇರುವುದಿಲ್ಲ. ಇದರ ಹಿಂದಿನ ಕಾರಣವೇನು? AC ಯ ಬಣ್ಣವನ್ನು ಬಿಳಿ ಬಣ್ಣದಲ್ಲಿ ಮಾತ್ರ ಏಕೆ ಇಡಲಾಗಿದೆ?. ಈ ಪ್ರಶ್ನೆ ನಿಮ್ಮನ್ನ ಕಾಡುತ್ತಿದ್ದರೆ ಅದಕ್ಕೆ ಉತ್ತರ ಇಲ್ಲಿದೆ.

AC ಬಿಳಿ ಬಣ್ಣದಲ್ಲಿರಲು ಕಾರಣವೇನು?

ಎಸಿ ಯುನಿಟ್ಸ್ ಎಲ್ಲ ಬಿಳಿ ಬಣ್ಣವನ್ನು ಮಾತ್ರ ಹೊಂದಿರುತ್ತವೆ ಏಕೆಂದರೆ ಈ ಬಣ್ಣವು ಸೂರ್ಯನ ಬೆಳಕನ್ನು ಕಡಿಮೆ ಹೀರಿಕೊಳ್ಳುತ್ತದೆ. ವಾಸ್ತವವಾಗಿ, ಬಿಳಿ ಬಣ್ಣ ಅಥವಾ ತಿಳಿ ಬಣ್ಣವು ಸೂರ್ಯನ ಬೆಳಕು ಅಥವಾ ಶಾಖವನ್ನು ಪ್ರತಿಬಿಂಬಿಸುತ್ತದೆ. ಇದು AC ಅನ್ನು ಹೆಚ್ಚು ಬಿಸಿಯಾಗುವುದನ್ನು ತಡೆಯುತ್ತದೆ. ಇದರಿಂದಾಗಿ, ಯಂತ್ರದೊಳಗೆ ಅಳವಡಿಸಲಾದ ಕಂಪ್ರೆಸರ್ ಹೆಚ್ಚಿದ ಶಾಖದಿಂದ ಯಾವುದೇ ಸಮಸ್ಯೆ ಕಾಣಿಸಿಕೊಳ್ಳುವುದಿಲ್ಲ. ಹೊರಾಂಗಣ ಯಂತ್ರವನ್ನು ಶಾಖದಿಂದ ರಕ್ಷಿಸಲು, ಅದನ್ನು ನೆರಳಿನಲ್ಲಿ ಇಡುವುದು ಸೂಕ್ತ.

ಬಿಸಿಲಿನ ಬೇಗೆಯಲ್ಲೂ ನಿಮ್ಮ AC ಯನ್ನು ಚೆನ್ನಾಗಿ ನೋಡಿಕೊಳ್ಳುವುದು ಬಿಳಿ ಬಣ್ಣ. ಗಾಢ ಬಣ್ಣಗಳು ಹೆಚ್ಚು ಶಾಖ ಮತ್ತು ಸೂರ್ಯನ ಬೆಳಕನ್ನು ಹೀರಿಕೊಳ್ಳುತ್ತವೆ, ಆದ್ದರಿಂದ ಯಂತ್ರವು ಹಾನಿಗೊಳಗಾಗುವ ಸಾಧ್ಯತೆ ಹೆಚ್ಚು. ಈಗ, ಅನೇಕ ಕಂಪನಿಗಳು ವಿಶೇಷ ರೀತಿಯ ಬಿಳಿ ಬಣ್ಣವನ್ನು ತಯಾರಿಸುತ್ತಿವೆ, ಇದು AC ಗೆ ಹೆಚ್ಚಿನ ರಕ್ಷಣೆಯನ್ನು ಖಾತರಿಪಡಿಸುತ್ತದೆ. ಇದು ನಿಮ್ಮ AC ಯ ಜೀವಿತಾವಧಿಯನ್ನು ಹೆಚ್ಚಿಸುವುದಲ್ಲದೆ ತಂಪಾಗಿಸುವಿಕೆಯೂ ಅದ್ಭುತವಾಗಿರುತ್ತದೆ. ಬೇಸಿಗೆಯ ತಾಪವನ್ನು ತಣಿಸಲು ನಾವು ಬಿಳಿ ಬಟ್ಟೆಗಳನ್ನು ಧರಿಸುವುದು ಅದೇ ಕಾರಣಕ್ಕಾಗಿ.

ಇದನ್ನೂ ಓದಿ

ಟ್ರೂಕಾಲರ್ ಅಗತ್ಯವಿಲ್ಲ: ಡಿಸ್​ಪ್ಲೇ ಮೇಲೆ ಕರೆ ಮಾಡಿದವರ ಹೆಸರು ಕಾಣಿಸುತ್ತೆ

ಸುಡುವ ಬಿಸಿಲಿನಲ್ಲಿಯೂ ಲ್ಯಾಪ್‌ಟಾಪ್-​ಫೋನ್ಸ್ ತಂಪಾಗಿರಿಸುವುದು ಹೇಗೆ?

ಭಾರತಕ್ಕೆ ಬಂತು ಬರೋಬ್ಬರಿ 6,500mAh ಬ್ಯಾಟರಿಯ ಹೊಸ ಸ್ಮಾರ್ಟ್​ಫೋನ್

ನಿಮ್ಮ ಮೊಬೈಲ್ ಕಳ್ಳತನವಾದರೆ ಮೊದಲು ಈ 3 ಕೆಲಸಗಳನ್ನು ಮಾಡಿ

Spam Calls: ಇನ್ಮುಂದೆ ಟ್ರೂ ಕಾಲರ್ ಅಗತ್ಯವಿಲ್ಲ: ಫೋನ್ ಡಿಸ್​ಪ್ಲೇ ಮೇಲೆ ಕರೆ ಮಾಡಿದವರ ಹೆಸರು ಕಾಣಿಸುತ್ತೆ

ಟಿವಿ ಕಪ್ಪು ಬಣ್ಣದಲ್ಲಿರುವುದು ಏಕೆ?:

ಎಲ್ಲ ಟಿವಿ ಕಪ್ಪು ಬಣ್ಣದಲ್ಲಿ ಇರುವುದನ್ನು ನೀವು ಗಮನಿಸಿರಬೇಕು. ಇದರ ಹಿಂದೆ ಯಾವುದೇ ನಿರ್ದಿಷ್ಟ ವೈಜ್ಞಾನಿಕ ಕಾರಣವಿಲ್ಲ. ಆದರೆ ಒಂದು ಸರಳ ತರ್ಕವಿದೆ. ಅದಕ್ಕಾಗಿಯೇ ಟಿವಿ ಕಪ್ಪು ಬಣ್ಣ ಹೊಂದಿದೆ. ಟಿವಿ ಎಂದ ಮೇಲೆ ಅದು ಬಲವಾದ ಬಾಡಿಯನ್ನು ಹೊಂದಿರುವುದು ಬಹಳ ಮುಖ್ಯ. ಟಿವಿ ಪ್ಲೇ ಆಗುವಾಗ ಅದು ದೊಡ್ಡ ಶಬ್ಧವನ್ನು ಹೊರಹಾಕುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಟಿವಿ ಬಾಡಿ ದುರ್ಬಲವಾಗಿದ್ದರೆ ಅದು ಮುರಿಯುವ ಸಾಧ್ಯತೆ ಇರುತ್ತದೆ.

ಅಂತೆಯೆ ನೀವು ಕಾರಿನ ಟೈರ್‌ಗಳ ಕಪ್ಪು ಬಣ್ಣದಲ್ಲಿ ಇರುವುದು ಗಮನಿಸಿರಬಹುದು. ಮೊದಲಿಗೆ ಟೈರ್‌ಗಳನ್ನು ತಯಾರಿಸಿದಾಗ ಅವು ಬಿಳಿಯಾಗಿದ್ದವು. ಆಗ ವಾಹನದ ತೂಕವನ್ನು ಬೆಂಬಲಿಸಲು ಸಾಧ್ಯವಾಗಲಿಲ್ಲ. ಅವುಗಳನ್ನು ಬಲಪಡಿಸಲು ಕಪ್ಪು ಇಂಗಾಲವನ್ನು ಬಳಸಲಾಯಿತು. ಟಿವಿಯ ವಿಷಯವೂ ಅದೇ. ಅದರ ತಯಾರಿಕೆಯ ಸಮಯದಲ್ಲಿ ಟಿವಿ ಬಾಡಿಗೆ ಕಪ್ಪು ಇಂಗಾಲವನ್ನು ಬೆರೆಸಿ ಅದನ್ನು ಬಲಪಡಿಸಲಾಗುತ್ತದೆ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ