Amazon Prime Day 2022: ಇಂದು ಕೊನೇ ದಿನ: ಅಮೆಜಾನ್ ಪ್ರೈಮ್ ಡೇ ಸೇಲ್​ನ ಈ ಆಫರ್ ಮಿಸ್ ಮಾಡ್ಬೇಡಿ

ಈ ವರ್ಷದ ಬಹುನಿರೀಕ್ಷಿತ ಅಮೆಜಾನ್ ಪ್ರೈಮ್ ಡೇ ಸೇಲ್ (Amazon Prime Day 2022) ಇಂದು ಕೊನೆಗೊಳ್ಳಲಿದೆ. ಜುಲೈ 23 ರಂದು ಪ್ರಾರಂಭವಾದ ಈ ಮೇಳ ಎರಡು ದಿನ ಆಯೋಜಿಸಲಾಗಿದೆ. ಅಚ್ಚರಿ ಎಂಬಂತೆ ಈ ಬಾರಿ ಬರೋಬ್ಬರಿ 30,000 ಕ್ಕೂ ಅಧಿಕ ಹೊಸ ಉತ್ಪನ್ನಗಳು ಬಿಡುಗಡೆಯಾಗುತ್ತಿದೆ. ಈ ಸೇಲ್​​ನಲ್ಲಿ ಸ್ಮಾರ್ಟ್‌ಫೋನ್‌ಗಳು (Smartphone), ಧರಿಸಬಹುದಾದ ಸಾಧನಗಳು, ಲ್ಯಾಪ್‌ಟಾಪ್‌ಗಳು (Laptops), ಸ್ಮಾರ್ಟ್ ಟಿವಿಗಳು ಮತ್ತು ಇತರ ಗ್ರಾಹಕ ಎಲೆಕ್ಟ್ರಾನಿಕ್ಸ್ ಮತ್ತು ವಸ್ತುಗಳು ಮುಂತಾದ ವಿಭಾಗಗಳಲ್ಲಿ ಆಕರ್ಷಕ ರಿಯಾಯಿತಿ ಘೋಷಿಸಲಾಗಿದೆ. ಗ್ರಾಹಕರು ICICI ಬ್ಯಾಂಕ್ ಮತ್ತು SBI ಕಾರ್ಡ್‌ಗಳು ಹಾಗೂ EMI ವಹಿವಾಟುಗಳ ಮೂಲಕ ವಿವಿಧ ಉತ್ಪನ್ನಗಳ ಮೇಲೆ 10% ಡಿಸ್ಕೌಂಟ್‌ ಪಡೆಯುತ್ತಿದ್ದಾರೆ. ಆ್ಯಪಲ್ ಐಫೋನ್​ಗಳ ಮೇಲೂ ಬಂಪರ್ ರಿಯಾಯಿತಿ ನೀಡಲಾಗಿದೆ.

ಆ್ಯಪಲ್ ಐಫೋನ್ 13 ಮತ್ತು 13 ಪ್ರೊ:

ಅಮೆಜಾನ್ ಪ್ರೈಮ್ ಡೇ ಸೇಲ್ 2022 ರಲ್ಲಿ ಐಫೋನ್ ಸರಣಿಗಳ ಮೇಲೆ ಭರ್ಜರಿ ಡಿಸ್ಕೌಂಟ್ ಘೋಷಿಸಲಾಗಿದೆ. ಐಫೋನ್ 13 128GB ಸ್ಟೋರೇಜ್ ಸಾಮರ್ಥ್ಯದ ಫೋನ್ ಈಗ ಕೇವಲ 66,900 ರೂ. ಗೆ ಮಾರಾಟ ಆಗುತ್ತಿದೆ. ಇದರ ಮೂಲ ಬೆಲೆ 79,900 ರೂ. ಆಗಿದೆ. ಅಲ್ಲದೆ 12,900 ರೂ. ವರೆಗೆ ಎಕ್ಸ್​ಚೇಂಜ್ ಆಫರ್ ಕೂಡ ನೀಡಲಾಗಿದೆ. ಅಂತೆಯೆ ಐಫೋನ್ 13 ಪ್ರೊ ಮೂಲ ಬೆಲೆ 1,19,900 ರೂ. ಆಗಿದ್ದು ಇದೀಗ ಆಫರ್​ನಲ್ಲಿ 99,900 ರೂ. ಗೆ ಸೇಲ್ ಕಾಣುತ್ತಿದೆ. ICICI ಬ್ಯಾಂಕ್ ಕ್ರೆಡಿಟ್ ಕಾರ್ಡ್​ ಮತ್ತು ಅಮೆಜಾನ್ ಪೇ ಮೂಲಕ ಖರೀದಿಸಿದರೆ ಶೇ. 5 ರಷ್ಟು ಕ್ಯಾಶ್​ಬ್ಯಾಕ್ ಆಫರ್ ಕೂಡ ನೀಡಲಾಗಿದೆ.

ಐಕ್ಯೂ 9 5G ಸ್ಮಾರ್ಟ್​​ಫೋನ್ ಕೂಡ ಆಕರ್ಷಕ ರಿಯಾಯಿತಿ ದರದಲ್ಲಿ ಮಾರಾಟ ಕಾಣುತ್ತಿದೆ. ಇದರ ಮೂಲ ಬೆಲೆ 49,990 ರೂ. ಆಗಿದ್ದು, ಈಗ 39,900 ರೂ. ಗೆ ಸೇಲ್ ಕಾಣುತ್ತಿದೆ. ಇದರಲ್ಲಿ ಸ್ನಾಪ್​ಡ್ರಾಗನ್ 888+ SoC ಪ್ರೊಸೆಸರ್ ಅನ್ನು ನೀಡಲಾಗಿದೆ. ಇನ್ನು ರಿಯಲ್‌ಮಿ ಸಂಸ್ಥೆಯ ರಿಯಲ್‌ಮಿ ಬಡ್ಸ್ ಡಿವೈಸ್‌ 2,000 ರೂ. ರಿಯಾಯಿತಿಯ ನಂತರ 2,999 ರೂ ನಲ್ಲಿ ಲಭ್ಯವಿದೆ. ಇದು ಏರ್ 2 ANC ಬೆಂಬಲದೊಂದಿಗೆ ಬರುತ್ತದೆ. ಚಾರ್ಜಿಂಗ್ ಕೇಸ್ ಸೇರಿದಂತೆ 25 ಗಂಟೆಗಳ ಪ್ಲೇಬ್ಯಾಕ್ ಸಮಯವನ್ನು ನೀಡುತ್ತದೆ.

ರೆಡ್ಮಿ ಸ್ಮಾರ್ಟ್​ LED TV X50 ಕೇವಲ 28,999 ರೂ. ಗೆ ಸೇಲ್ ಕಾಣುತ್ತಿದೆ. ಶವೋಮಿ ಹೋಮ್ ಸೆಕ್ಯುರಿಟಿ ಕ್ಯಾಮೆರಾ 1,650 ರೂ. ರಿಯಾಯಿತಿಯ ನಂತರ 2,799 ರೂ ನಲ್ಲಿ ಲಭ್ಯವಿದೆ. ಇದು 2i FHD ರೆಸಲ್ಯೂಶನ್ ಜೊತೆಗೆ AI-ಚಾಲಿತ ಮೋಷನ್ ಡಿಟೆಕ್ಷನ್, IR-ಆಧಾರಿತ ರಾತ್ರಿ ದೃಷ್ಟಿ ಮತ್ತು 360-ಡಿಗ್ರಿ ವೀಕ್ಷಣೆಯ ಆಯ್ಕೆ ಪಡೆದಿದೆ. ಅಂತೆಯೆ ಶವೋಮಿಯ 10000mAh ಪವರ್ ಬ್ಯಾಂಕ್ ಪ್ರೈಮ್ ಅರ್ಲಿ ಡೇ ಡೀಲ್‌ಗಳ ಭಾಗವಾಗಿ 23% ರಷ್ಟು ರಿಯಾಯಿತಿಯನ್ನು ಪಡೆದುಕೊಂಡಿದೆ. ಇದು 300 ರೂ. ರಿಯಾಯಿತಿ ನಂತರ 999 ರೂ. ನಲ್ಲಿ ಲಭ್ಯವಿದೆ.

ಎಂಐ ನೋಟ್​ಬುಕ್ ಆಲ್ಟ್ರಾ ಲ್ಯಾಪ್​ಟಾಪ್ ಆಕರ್ಷಕ ರಿಯಾಯಿತಿ ದರದಲ್ಲಿ ಕಾಣಿಸಿಕೊಂಡಿದ್ದು, ಇದನ್ನು ಕೇವಲ 57,700 ರೂ. ಗೆ ಖರೀದಿಸಬಹುದು. ಜೊತೆಗೆ Dell Inspiron 3515 ಬೆಲೆ 37990 ರೂ. ಆಗಿದೆ. ಸ್ಯಾಮ್‌ಸಂಗ್‌ ಸಂಸ್ಥೆಯ ಪ್ರೀಮಿಯಂ TWS ಇಯರ್‌ಬಡ್‌ ಗ್ಯಾಲಕ್ಸಿ ಬಡ್ಸ್‌ ಪ್ರೊ ಅಮೆಜಾನ್ ಅರ್ಲಿ ಪ್ರೈಮ್ ಡೇ ಡೀಲ್‌ಗಳ ಭಾಗವಾಗಿ ಫ್ಲಾಟ್ 62% ರಿಯಾಯಿತಿಯಲ್ಲಿ ಮಾರಾಟವಾಗುತ್ತಿದೆ. ಇದರ ಬೆಲೆಯು 11,200 ರೂ ಇದ್ದು, ರಿಯಾಯಿತಿಯ ನಂತರ 6,790 ರೂ ನಲ್ಲಿ ಲಭ್ಯವಿದೆ.