Apple watch | ರಕ್ತದೊತ್ತಡ, ಆಲ್ಕೋಹಾಲ್ ಮಟ್ಟ, ಗ್ಲುಕೋಸ್ ಅಳೆಯುವ ಫೀಚರ್ ಜತೆಗೆ ಬರಲಿದೆ ಆಪಲ್ ವಾಚ್

ಆಪಲ್ ಕಂಪೆನಿಯ ವಾಚ್​ನಲ್ಲಿ ರಕ್ತದೊತ್ತಡ, ಗ್ಲುಕೋಸ್, ಆಲ್ಕೋಹಾಲ್ ಮಟ್ಟವನ್ನು ಕಂಡುಹಿಡಿಯುವ ಫೀಚರ್​ಗಳನ್ನು ಮುಂದಿನ ದಿನಗಳಲ್ಲಿ ನಿರೀಕ್ಷೆ ಮಾಡಬಹುದು.

  • TV9 Web Team
  • Published On - 20:13 PM, 4 May 2021
Apple watch | ರಕ್ತದೊತ್ತಡ, ಆಲ್ಕೋಹಾಲ್ ಮಟ್ಟ, ಗ್ಲುಕೋಸ್ ಅಳೆಯುವ ಫೀಚರ್ ಜತೆಗೆ ಬರಲಿದೆ ಆಪಲ್ ವಾಚ್
ಸಾಂದರ್ಭಿಕ ಚಿತ್ರ

ಆಪಲ್ ಕಂಪೆನಿಯ ಸ್ಮಾರ್ಟ್ ವಾಚ್​ನಲ್ಲಿ ಪ್ರಮುಖವಾದ ಆರೋಗ್ಯಕ್ಕೆ ಸಂಬಂಧಿಸಿದ ಫೀಚರ್​ಗಳು ಸೇರ್ಪಡೆ ಆಗುವ ನಿರೀಕ್ಷೆ ಇದೆ. ಹೊಸ ವರದಿಗಳ ಪ್ರಕಾರ, ಭವಿಷ್ಯದ ಆಪಲ್ ವಾಚ್ ಮಾಡೆಲ್​ಗಳಲ್ಲಿ ರಕ್ತದೊತ್ತಡ, ಆಲ್ಕೋಹಾಲ್ ಮಟ್ಟವನ್ನು ಅಳೆಯುವಂಥ ಫೀಚರ್​ಗಳು ಇರಲಿವೆ. 2021ರಲ್ಲಿ ಗ್ಲುಕೋಸ್​ ಮಟ್ಟವನ್ನು ಅಳೆಯುವಂಥ ಸಾಧನ ಕೂಡ ಪರಿಚಯಿಸುವುದಾಗಿ ಕಂಪೆನಿ ಹೇಳಿದೆ. ಯು.ಕೆ. ಮೂಲದ ಟೆಕ್ ಆರೋಗ್ಯ ಸಂಸ್ಥೆ ರಾಕ್ಲೆ ಫೋಟೋನಿಕ್ಸ್ ಎಸ್​ಇಸಿ ಫೈಲಿಂಗ್​ನಲ್ಲಿ ಈ ಮೇಲ್ಕಂಡ ವೈಶಿಷ್ಟ್ಯಗಳನ್ನು ತೆರೆದಿಟ್ಟಿದೆ. ಟೆಲಿಗ್ರಾಫ್, ಫೋರ್ಬ್ಸ್ ಗಮನಿಸಿರುವಂತೆ, ಲಿಸ್ಟಿಂಗ್ ದಾಖಲಾತಿಯಲ್ಲಿ ಇರುವುದು ಬಹು ಮುಖ್ಯವಾದ ಅಂಶ ತಿಳಿಸಿದೆ.

ಯು.ಕೆ. ಮೂಲದ ಸಂಸ್ಥೆಯ ಅತಿ ದೊಡ್ಡ ಗ್ರಾಹಕ ಕಂಪೆನಿ ಆಪಲ್ ಆಗಿದ್ದು, ಆ ಕಂಪೆನಿಗೆ ಕಳೆದ ಎರಡು ವರ್ಷಗಳಿಂದ ಆಪಲ್​ನಿಂದ ದೊಡ್ಡ ಆದಾಯ ಬರುತ್ತಿದೆ. ರಾಕ್ಲೆ ಫೋಟೋನಿಕ್ಸ್ ಸಿಇಒ ಮಾತನಾಡಿ, 2022ರ ಹೊತ್ತಿಗೆ ತಂತ್ರಜ್ಞಾನವು ಗ್ರಾಹಕ ಉತ್ಪನ್ನಗಳಲ್ಲಿ ಇರುತ್ತದೆ ಎಂದಿದ್ದು, ಆದರೆ ಆಪಲ್ ವಾಚ್​ನಲ್ಲಿ ಸೆನ್ಸರ್ ಬಳಕೆ ಮಾಡುವ ಬಗ್ಗೆ ಏನನ್ನೂ ತಿಳಿಸಿಲ್ಲ.

2021ರ ಆರಂಭದಲ್ಲಿ ಆಪಲ್ ಪೇಟೆಂಟ್ ಬಹಿರಂಗ ಮಾಡಿದಂತೆ, ಗ್ಲುಕೋಸ್ ಮಟ್ಟವನ್ನು ನಿಗಾ ಮಾಡುವ ಫೀಚರ್​ ಅನ್ನು ಆಪಲ್ ವಾಚ್​ನಲ್ಲಿ ತರುವುದಕ್ಕೆ ಕೆಲಸ ಮಾಡುತ್ತಿರುವುದಾಗಿ ಹೇಳಿತ್ತು. 2021ರಲ್ಲಿ ಆಪಲ್ ವಾಚ್ ಸಿರೀಸ್ 7 ಬಿಡುಗಡೆ ಮಾಡುವ ನಿರೀಕ್ಷೆ ಇದೆ. ಮುಂಬರುವ ಆಪಲ್ ವಾಚ್ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಿಲ್ಲ.

2020ನೇ ಇಸವಿಯಲ್ಲಿ ಆಪಲ್​ನಿಂದ ಆಪಲ್ ವಾಚ್ ಸಿರೀಸ್ 6, ಆಪಲ್ ವಾಚ್ SE, ಐಫೋನ್ 12ರ ಸರಣಿ ಬಿಡುಗಡೆ ಮಾಡಲಾಗಿತ್ತು. ಆಪಲ್ ವಾಚ್​ನಲ್ಲಿ ಆಕ್ಸಿಜನ್ ಪ್ರಮಾಣ ಅಳೆಯುವ ಫೀಚರ್ ಇದೆ. ಅದನ್ನು SpO2 ನಿಗಾ ಮಾಡುವ ಫೀಚರ್ ಎನ್ನಲಾಗುತ್ತದೆ. ಇದರ ಜತೆಗೆ S6 ಚಿಪ್ ಮತ್ತು ವಾಚ್ OS7ನೊಂದಿಗೆ ಬರುತ್ತದೆ.

ಇದನ್ನೂ ಓದಿ: ಆಪಲ್ iOS 14.5 ಅಪ್​ಡೇಟ್ ಮಾಡಿಕೊಂಡು ಐಫೋನ್ 12 ಬಳಕೆದಾರರು 5G ನೆಟ್​ವರ್ಕ್ ಸಂಪರ್ಕ ಪಡೆಯಿರಿ

(Apple watch expecting to add new features like blood pressure, glucose level and alcohol level monitoring in 2021)