WhatsApp Web: ಬಹುಬೇಡಿಕೆಯ ವೈಶಿಷ್ಟ್ಯ: ವಾಟ್ಸ್ಆ್ಯಪ್ ವೆಬ್ ಬಳಸುವವರಿಗೆ ಬಂಪರ್ ಸುದ್ದಿ

ಬೆಂಗಳೂರು (ಮೇ. 06): ವಾಟ್ಸ್​ಆ್ಯಪ್ (WhatsApp) ವಿಶ್ವದಲ್ಲೇ ಅತಿ ಹೆಚ್ಚು ಬಳಕೆಯಾಗುವ ಇನ್ಸ್ಟೆಂಟ್ ಮೆಸೇಜಿಂಗ್ ಆಪ್ ಆಗಿದೆ. ಪ್ರಪಂಚದಾದ್ಯಂತ 3.5 ಶತಕೋಟಿಗೂ ಹೆಚ್ಚು ಜನರು ಇದನ್ನು ತಮ್ಮ ಫೋನ್‌ಗಳಲ್ಲಿ ಬಳಸುತ್ತಾರೆ. ಇದರ ಸುಲಭ ಇಂಟರ್ಫೇಸ್ ಮತ್ತು ಸುರಕ್ಷತಾ ವೈಶಿಷ್ಟ್ಯಗಳು ಬಳಕೆದಾರರನ್ನು ಇನ್ನಷ್ಟು ಹೆಚ್ಚಿಸುತ್ತಿದೆ. ವಾಟ್ಸ್​ಆ್ಯಪ್ ತನ್ನ ಲಕ್ಷಾಂತರ ಬಳಕೆದಾರರ ಅನುಕೂಲಕ್ಕಾಗಿ ಕಾಲಕಾಲಕ್ಕೆ ಹೊಸ ಅಪ್ಡೇಟ್​ಗಳನ್ನು ಕೂಡ ಪರಿಚಯಿಸುತ್ತದೆ. ಈ ಮಧ್ಯೆ, ಇದೀಗ ವಾಟ್ಸ್​ಆ್ಯಪ್ ಮತ್ತೊಂದು ಅದ್ಭುತ ವೈಶಿಷ್ಟ್ಯವನ್ನು ಪರಿಚಯಿಸಿದೆ.

ನೀವು ನಿಮ್ಮ ಲ್ಯಾಪ್‌ಟಾಪ್ ಅಥವಾ ಡೆಸ್ಕ್‌ಟಾಪ್‌ನಲ್ಲಿ ವಾಟ್ಸ್​ಆ್ಯಪ್ ಬಳಸುತ್ತಿದ್ದರೆ ನಿಮಗೆ ಅತ್ಯುತ್ತಮವಾದ ಫೀಚರ್ ಒಂದು ಸಿಗಲಿದೆ. ವಾಸ್ತವವಾಗಿ, ಇಲ್ಲಿಯವರೆಗೆ ವಾಟ್ಸ್​ಆ್ಯಪ್ ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನ್‌ಗಳಿಂದ ಮಾತ್ರ ಧ್ವನಿ ಕರೆಗಳು ಮತ್ತು ವಿಡಿಯೋ ಕರೆಗಳನ್ನು ಮಾಡಬಹುದಾಗಿತ್ತು, ಆದರೆ ಈಗ ಕೋಟ್ಯಂತರ ವಾಟ್ಸ್​ಆ್ಯಪ್ ಬಳಕೆದಾರರು ವೆಬ್‌ನಲ್ಲಿಯೂ ಈ ಸೌಲಭ್ಯವನ್ನು ಪಡೆಯಲಿದ್ದಾರೆ.

ಇಲ್ಲಿಯವರೆಗೆ, ವಾಟ್ಸ್​ಆ್ಯಪ್ ವೆಬ್‌ನಲ್ಲಿ ಚಾಟಿಂಗ್ ಸೌಲಭ್ಯ ಲಭ್ಯವಿತ್ತು ಆದರೆ ಕರೆ ಮಾಡಲು, ಬಳಕೆದಾರರು ವಿಂಡೋಸ್ ಅಥವಾ ಮ್ಯಾಕ್ ನಲ್ಲಿ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗಿತ್ತು. ಆದರೆ ಈಗ ವಾಟ್ಸ್​ಆ್ಯಪ್​​​ನ ಎಲ್ಲಾ ವೆಬ್ ಬಳಕೆದಾರರು ಯಾವುದೇ ಅಪ್ಲಿಕೇಶನ್‌ನ ಸಹಾಯವಿಲ್ಲದೆ ನೇರ ಧ್ವನಿ ಕರೆ ಮತ್ತು ವಿಡಿಯೋ ಕರೆ ಮಾಡಲು ಸಾಧ್ಯವಾಗುತ್ತದೆ. ವಾಟ್ಸ್​ಆ್ಯಪ್​​​ನ ಈ ವೈಶಿಷ್ಟ್ಯವು ಕೋಟ್ಯಂತರ ಬಳಕೆದಾರರಿಗೆ ಉತ್ತಮ ಅನುಕೂಲವನ್ನು ಒದಗಿಸಲಿದೆ.

ಇದನ್ನೂ ಓದಿ

ನಿಮ್ಮ ಜಿಮೇಲ್ ಖಾತೆ ಹ್ಯಾಕ್ ಮಾಡಲಾಗಿದೆಯೇ?: ಈ ಟ್ರಿಕ್ ಮೂಲಕ ತಿಳಿದುಕೊಳ್ಳಿ

ಮನೆಯ ಮೂಲೆ ಮೂಲೆಯಲ್ಲೂ ವೈಫೈ ಸಿಗ್ನಲ್ ಸಿಗುತ್ತೆ: ಈ 5 ಟ್ರಿಕ್ ಪ್ರಯತ್ನಿಸಿ

ಭಾರತದಲ್ಲಿ ಸ್ಮಾರ್ಟ್‌ಫೋನ್ ಮಾರಾಟ ಭಾರಿ ಕುಸಿತ: ಈ ಕಂಪನಿಗೆ ದೊಡ್ಡ ನಷ್ಟ

ಡೇಟಾ ಪ್ಯಾಕ್ ಹಾಕಿದ್ದರೂ ನೆಟ್ ಕಾರ್ಯನಿರ್ವಹಿಸುತ್ತಿಲ್ಲವೇ? ಹೀಗೆ ಮಾಡಿ

WABetaInfo ಮಾಹಿತಿಯನ್ನು ಹಂಚಿಕೊಂಡಿದೆ

ವಾಟ್ಸ್​ಆ್ಯಪ್​​​ನ ಈ ಹೊಸ ವೈಶಿಷ್ಟ್ಯದ ಕುರಿತು ಮಾಹಿತಿಯನ್ನು WABetaInfo ವೆಬ್‌ಸೈಟ್ ಒದಗಿಸಿದೆ, ಇದು ಕಂಪನಿಯ ನವೀಕರಣಗಳು ಮತ್ತು ಮುಂಬರುವ ವೈಶಿಷ್ಟ್ಯಗಳ ಮೇಲೆ ನಿಗಾ ಇಡುತ್ತದೆ. ವರದಿಯ ಪ್ರಕಾರ, ವಾಟ್ಸ್​ಆ್ಯಪ್​​​ನ ಈ ಹೊಸ ವೈಶಿಷ್ಟ್ಯವನ್ನು ವೆಬ್‌ನ ಇತ್ತೀಚಿನ ಬೀಟಾ ಆವೃತ್ತಿಯಲ್ಲಿ ಗುರುತಿಸಲಾಗಿದೆ. ಕಂಪನಿಯು ಪ್ರಸ್ತುತ ಈ ವೈಶಿಷ್ಟ್ಯವನ್ನು ಪರೀಕ್ಷಿಸುತ್ತಿದೆ. ಶೀಘ್ರದಲ್ಲೇ ಇದನ್ನು ಸಾಮಾನ್ಯ ಬಳಕೆದಾರರಿಗೆ ಬಿಡುಗಡೆ ಮಾಡಲಾಗುವುದು.

Gmail Hack: ನಿಮ್ಮ ಜಿಮೇಲ್ ಖಾತೆಯನ್ನು ಹ್ಯಾಕ್ ಮಾಡಲಾಗಿದೆಯೇ?: ಈ ಟ್ರಿಕ್ ಮೂಲಕ ತಿಳಿದುಕೊಳ್ಳಿ

ಹೊಸ ವೈಶಿಷ್ಟ್ಯವು ಜಾರಿಗೆ ಬಂದ ನಂತರ, ವಾಟ್ಸ್​ಆ್ಯಪ್​​​ ಬಳಕೆದಾರರು ವಾಟ್ಸ್​ಆ್ಯಪ್​​​ ವೆಬ್‌ನಲ್ಲಿರುವ ಬ್ರೌಸರ್‌ನಿಂದ ನೇರವಾಗಿ ಧ್ವನಿ ಕರೆ ಮತ್ತು ವಿಡಿಯೋ ಕರೆ ಮಾಡಲು ಅಪ್ಲಿಕೇಶನ್‌ನಲ್ಲಿ ಫೋನ್ ಮತ್ತು ಕ್ಯಾಮೆರಾ ಐಕಾನ್ ಅನ್ನು ಪಡೆಯುತ್ತಾರೆ. ಈ ಐಕಾನ್‌ಗಳನ್ನು ಚಾಟ್ ಐಕಾನ್‌ನ ಬಲಭಾಗದಲ್ಲಿ ನೀಡಲಾಗುತ್ತದೆ. ವೆಬ್‌ನಲ್ಲಿ ಇನ್ಸ್ಟೆಂಟ್ ಮೆಸೇಜಿಂಗ್ ಅಪ್ಲಿಕೇಶನ್ ಅನ್ನು ಹೆಚ್ಚು ಬಳಸುವ ಬಳಕೆದಾರರಿಗೆ ವಾಟ್ಸ್​ಆ್ಯಪ್​​​ನ ಮುಂಬರುವ ವೈಶಿಷ್ಟ್ಯವು ತುಂಬಾ ಉಪಯುಕ್ತವಾಗಲಿದೆ.

ವಾಟ್ಸ್​ಆ್ಯಪ್​​ ​ಹೊಸ ಗೌಪ್ಯತೆ ವೈಶಿಷ್ಟ್ಯವನ್ನು ತಂದಿದೆ:

ವಾಟ್ಸ್​ಆ್ಯಪ್​​​ ತನ್ನ ವೇದಿಕೆಯನ್ನು ನಿರಂತರವಾಗಿ ಸುರಕ್ಷಿತೆ ಬಗ್ಗೆ ಹೆಚ್ಚು ಗಮನಕೊಡುತ್ತದೆ. ಇದಕ್ಕಾಗಿ ಕಂಪನಿಯು ಹೊಸ ವೈಶಿಷ್ಟ್ಯಗಳನ್ನು ತರುತ್ತಿದೆ. ಇತ್ತೀಚೆಗೆ ವಾಟ್ಸ್​ಆ್ಯಪ್​​​ ತನ್ನ ಲಕ್ಷಾಂತರ ಜನರಿಗೆ ‘ಅಡ್ವಾನ್ಸ್ಡ್ ಚಾಟ್ ಪ್ರೈವಸಿ’ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಈ ವೈಶಿಷ್ಟ್ಯವನ್ನು ಬಳಸುವುದರಿಂದ, ಬಳಕೆದಾರರು ತಮ್ಮ ಚಾಟ್‌ಗಳನ್ನು ಎಕ್ಸ್​ಪೊರ್ಟ್ ಮಾಡುವುದನ್ನು ತಡೆಯಲು ಸಾಧ್ಯವಾಗುತ್ತದೆ. ತಮ್ಮ ಚಾಟ್‌ಗಳು ದುರುಪಯೋಗವಾಗಬಹುದೆಂಬ ಚಿಂತೆಯಲ್ಲಿರುವ ಬಳಕೆದಾರರಿಗೆ ಈ ವೈಶಿಷ್ಟ್ಯವು ಹೆಚ್ಚಿನ ಪರಿಹಾರವನ್ನು ನೀಡುತ್ತದೆ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ