Amazon Great Freedom Festival 2022 Sale: ಅಮೆಜಾನ್​ನಿಂದ ಸರ್​ಪ್ರೈಸ್: ನೂತನ ಸೇಲ್​ಗೂ ಮುನ್ನ ನೀಡಿದೆ ಬಂಪರ್ ಆಫರ್

ಪ್ರಸಿದ್ಧ ಇ ಕಾಮರ್ಸ್ ತಾಣಗಳಲ್ಲಿ ಮೇಳಗಳ ಭರಾಟೆ ಮತ್ತೆ ಶುರುವಾಗುತ್ತಿದೆ. ಅಮೆಜಾನ್​ನಲ್ಲಿ ಗ್ರೇಟ್ ಫ್ರೀಡಂ ಫೆಸ್ಟಿವಲ್‌ ಸೇಲ್​ಗೆ (Amazon Great Freedom Festival 2022 Sale) ದಿನಾಂಕ ನಿಗದಿಯಾಗಿದೆ. ಇದು ಆಗಸ್ಟ್ 6ಕ್ಕೆ ಶುರುವಾಗಲಿದ್ದು ಆಗಸ್ಟ್ 10ರ ವರೆಗೆ ನಡೆಯಲಿದೆ. ಈ ಸೇಲ್​ನಲ್ಲಿ ಅನೇಕ ಪ್ರಾಡಕ್ಟ್​ಗಳ ಮೇಲೆ ರಿಯಾಯಿತಿಗಳನ್ನು ನೀಡಲಿದೆ. ಅಲ್ಲದೆ ಈ ಸಮಯದಲ್ಲಿ ಹಲವು ಹೊಸ ಸ್ಮಾರ್ಟ್‌ಫೋನ್‌ಗಳು ಲಾಂಚ್‌ ಆಗುವ ಸಾಧ್ಯತೆ ಕೂಡ ಇದೆ. ಹೀಗಿರುವಾರ ಅಮೆಜಾನ್​ ಗ್ರಾಹಕರಿಗೆ ಸರ್​ಪ್ರೈಸ್​ವೊಂದನ್ನು ನೀಡಿದೆ. ಗ್ರೇಟ್‌ ಫ್ರೀಡಂ ಫೆಸ್ಟಿವಲ್‌ ಸೇಲ್​ಗೂ ಮುನ್ನ ಕಿಕ್​ಸ್ಟಾರ್ಟರ್ ಸೇಲ್ (Kickstarter Sale) ಆರಂಭಿಸಿದೆ. ಇದರಲ್ಲಿ ಸ್ಮಾರ್ಟ್​​ಫೋನ್​ಗಳಿಗೆ ಬಂಪರ್ ಡಿಸ್ಕೌಂಟ್ ಘೋಷಿಸಲಾಗಿದೆ. ಅತ್ಯಂತ ಕಡಿಮೆ ಬೆಲೆಗೆ ರೆಡ್ಮಿ, ಒಪ್ಪೋ, ಒನ್​ಪ್ಲಸ್ (OnePlus), ರಿಯಲ್ ಮಿ, ಐಕ್ಯೂ, ಶವೋಮಿ ಸ್ಮಾರ್ಟ್​​ಫೋನ್​ಗಳು ಮಾರಾಟ ಆಗುತ್ತಿದೆ. ಇಲ್ಲಿದೆ ನೋಡಿ ಅತಿ ಕಡಿಮೆ ಬೆಲೆಗೆ ಸೇಲ್ ಆಗಯತ್ತಿರುವ ಕೆಲ ಬೆಸ್ಟ್​ ಫೋನ್​ಗಳು.

ಅಮೆಜಾನ್ ಕಿಕ್​ಸ್ಟಾರ್ಟರ್ ಸೇಲ್​ನಲ್ಲಿ ರಿಯಲ್ ಮಿ ನಾರ್ಜೊ 50A ಸ್ಮಾರ್ಟ್​​ಫೋನ್ ಮೇಲೆ 2,500 ರೂ. ರಿಯಾಯಿತಿ ನೀಡಲಾಗಿದ್ದು 10,990 ರೂ. ಗೆ ಮಾರಾಟ ಆಗುತ್ತಿದೆ. ಜೊತೆಗೆ 10,350 ರೂ. ಗಳ ಎಕ್ಸ್​ಚೇಂಜ್ ಆಫರ್ ಕೂಡ ನೀಡಲಾಗಿದೆ.

ಟೆಕ್ನೋ ಸ್ಪಾರ್ಕ್ 9 6GB RAM ವೇರಿಯೆಂಟ್ ಮೇಲೆ ಶೇ. 30 ರಷ್ಟು ಡಿಸ್ಕೌಂಟ್ ಇದೆ. 13,499 ರೂ. ಬೆಲೆಯ ಈ ಸ್ಮಾರ್ಟ್​ಫೋನನ್ನು ನೀವು ಕೇವಲ 9,499 ರೂ. ಗೆ ಖರೀದಿಸಬಹುದು. ಅಂತೆಯೆ ರೆಡ್ಮಿ ನೋಟ್ 11T 5G ಸ್ಮಾರ್ಟ್​ಫೋನ್​ 6GB RAM ವೇರಿಯೆಂಟ್ 6,000 ರೂ. ಗಳ ರಿಯಾಯಿತಿ ನೀಡಲಾಗಿದ್ದು 14,999 ರೂ. ಗೆ ಮಾರಾಟ ಆಗುತ್ತಿದೆ.

ಇದರ ಜೊತೆಗೆ ಹೆಚ್​ಪಿ, ಡೆಲ್, ಏಸಸ್ ಲ್ಯಾಪ್​ಟಾಪ್​ಗಳ ಮೇಲೂ ಆಕರ್ಷಕ ಆಫರ್ ನೀಡಲಾಗಿದೆ. ಏಸಸ್ ರೋಗ್ ಸ್ಟ್ರಿಕ್ಸ್​ GL 10 ಲ್ಯಾಪ್​ಟಾಪ್ ಮೇಲೆ ಶೇ. 50 ರಷ್ಟು ಡಿಸ್ಕೌಂಟ್ ನೀಡಲಾಗಿದೆ. 16 ಇಂಚಿನ ಎಲ್​ಜಿ ಗ್ರಾಮ್ ಮೇಲೆ ಶೇ. 44 ರಷ್ಟು ರಿಯಾಯಿತಿ ಇದೆ. ಇನ್ನು ಸ್ಮಾರ್ಟ್​ ವಾಚ್, ಫಿಟ್​ನೆಸ್ ಬ್ರ್ಯಾಂಡ್​ಗಳ ಮೇಳೆ ಶೇ. 75 ರಷ್ಟು ಡಿಸ್ಕೌಂಟ್​ನಲ್ಲಿ ಮಾರಾಟ ಆಗುತ್ತಿದೆ.

ಆಗಸ್ಟ್ 6 ರಿಂದ ಆರಂಭವಾಗಲಿರುವ ಗ್ರೇಟ್‌ ಫ್ರೀಡಂ ಫೆಸ್ಟಿವಲ್‌ ಸೇಲ್​ನಲ್ಲಿ ಸ್ಮಾರ್ಟ್‌ಫೋನ್‌ಗಳು, ಸ್ಮಾರ್ಟ್‌ಟಿವಿಗಳು ಮತ್ತು ಇತರ ಎಲೆಕ್ಟ್ರಾನಿಕ್ಸ್‌ ಪ್ರಾಡಕ್ಟ್‌ಗಳ ಮೇಲೆ ರಿಯಾಯಿತಿಗಳನ್ನು ನೀಡಲಾಗುತ್ತದೆ. ಇತ್ತೀಚೆಗಷ್ಟೆ ಬಿಡುಗಡೆಗೊಂಡು ಭರ್ಜರಿ ಸೇಲ್ ಕಾಣುತ್ತಿರುವ ರೆಡ್ಮಿ K50i 5G ಸ್ಮಾರ್ಟ್‌ಫೋನ್‌ ಕೇವಲ 20,999ರೂ. ಬೆಲೆಗೆ ದೊರೆಯಲಿದೆ. ಈ ಬೆಲೆ ಕಾರ್ಡ್ ರಿಯಾಯಿತಿಗಳು ಮತ್ತು ವಿನಿಮಯ ಕೊಡುಗೆಗಳ ನಂತರದ ಬೆಲೆಯಾಗಿದೆ. ಇದಲ್ಲದೆ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ M13, ಐಕ್ಯೂ ನಿಯೋ 6 5G, ಟೆಕ್ನೋ ಕ್ಯಾಮನ್‌ 19 ನಿಯೋ ಮತ್ತು ಟೆಕ್ನೋ ಸ್ಪಾರ್ಕ್‌ 9 ಸ್ಮಾರ್ಟ್‌ಫೋನ್‌ಗಳು ಕೂಡ ಈ ಸೇಲ್‌ನಲ್ಲಿ ಡಿಸ್ಕೌಂಟ್‌ನಲ್ಲಿ ದೊರೆಯಲಿವೆ.

ಬ್ಯಾಂಕ್ ಆಫರ್ ಕೂಡ ನಿರೀಕ್ಷಿಸಲಾಗಿದ್ದು ಖರೀದಿದಾರರು ಆಯ್ದ ಪ್ರಾಡಕ್ಟ್‌ಗಳ ಮೇಲೆ SBI ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ ಬಳಸುವವರು ವಿಶೇಷ ಡಿಸ್ಕೌಂಟ್‌ ಪಡೆಯಲಿದ್ದಾರೆ. ಎಸ್‌ಬಿಐ ಕ್ರೆಡಿಟ್‌ ಕಾರ್ಡ್‌ ಬಳಸಿ ಖರೀದಿಸಿರೆ ನಿಮಗೆ 10% ಡಿಸ್ಕೌಂಟ್‌ ಲಭ್ಯವಾಗಲಿದೆ. ಇದಲ್ಲದೆ ಅಮೆಜಾನ್‌ ಪ್ಲಾಟ್‌ಫಾರ್ಮ್‌ನಲ್ಲಿ ಹೊಸದಾಗಿ ಖರೀದಿಮಾಡುವವರು ಅಂದರೆ ಮೊದಲ–ಬಾರಿ ಖರೀದಿಗೆ 10% ಕ್ಯಾಶ್‌ಬ್ಯಾಕ್ ಪಡೆಯುತ್ತಾರೆ.