ಮೈಕ್ರೋಸಾಫ್ಟ್​ನಿಂದ ಇಂಟರ್​ನೆಟ್​ ಎಕ್ಸ್​ಪ್ಲೋರರ್​ಗೆ ನಿವೃತ್ತಿ; 2022ರ ಜೂನ್​ನಿಂದ ಎಡ್ಜ್​ ಹವಾ

ಮೈಕ್ರೋಸಾಫ್ಟ್​ನ ಬಹು ಜನಪ್ರಿಯ ವೆಬ್​ ಬ್ರೌಸರ್ ಆದ ಇಂಟರ್​ನೆಟ್​ ಎಕ್ಸ್​ಪ್ಲೋರೆರ್ ಕೊನೆಗಳ್ಳಲಿದೆ. ಈ ಬ್ರೌಸರ್​ನ ಅಸ್ತಿತ್ವದ ದ್ವಿತೀಯಾರ್ಧ ಬಹಳ ಕಷ್ಟಕರವಾಗಿತ್ತು. ಮುಂದಿನ ವರ್ಷದ ಜೂನ್​ನಲ್ಲಿ ಇಂಟರ್​ನೆಟ್​ ಎಕ್ಸ್​ಪ್ಲೋರರ್ ನಿಂತುಹೋಗಿ, ಮೈಕ್ರೋಸಾಫ್ಟ್ ಎಡ್ಜ್​ಗೆ ದಾರಿ ಮಾಡಿಕೊಡುತ್ತದೆ. ಅಂದಹಾಗೆ 1995ನೇ ಇಸವಿಯಲ್ಲಿ ತನ್ನ ವಿಂಡೋಸ್​ ಮೂಲಕ ಮೊದಲ ಬಾರಿಗೆ ಮೈಕ್ರೋಸಾಫ್ಟ್​​ನಿಂದ ಇಂಟರ್​ನೆಟ್​ ಎಕ್ಸ್​ಪ್ಲೋರರ್ ಪರಿಚಯವಾಗಿತ್ತು. ಆ ನಂತರ 25 ವರ್ಷಕ್ಕೂ ಹೆಚ್ಚು ಸಮಯದಿಂದ ಇದು ಬಳಕೆಯಲ್ಲಿದೆ. ಕ್ರಮೇಣವಾಗಿ ಈ ಬ್ರೌಸರ್​ನ ಬಳಕೆದಾರರ ಸಂಖ್ಯೆ ಕಡಿಮೆ ಆಗುತ್ತಾ ಬಂತು. ಆ ಜಾಗದಲ್ಲಿ ಗೂಗಲ್ ಕ್ರೋಮ್​ನಂಥದ್ದು ಬಂದವು. ಈ ರೀತಿಯಲ್ಲಿ ಬಹಳ ಕಾಲದಿಂದ ಇರುವ ಬ್ರೌಸರ್​ಗೆ ಸ್ಪರ್ಧಿಗಳನ್ನು ಗುರುತಿಸಿ, ಇದೀಗ ಮೈಕ್ರೋಸಾಫ್ಟ್ ಎಡ್ಜ್​ ಅನ್ನು ಪ್ರಾಥಮಿಕ ವೆಬ್​ ಬ್ರೌಸರ್​ ಆಗಿ ತರಲು ನಿರ್ಧರಿಸಿದೆ.

ಅಂದ ಹಾಗೆ ಎಡ್ಜ್ ಆರಂಭವಾಗಿದ್ದು 2015ರಲ್ಲಿ. ಇಂಟರ್​ನೆಟ್​ ಎಕ್ಸ್​ಪ್ಲೋರರ್ ಎಂಬುದು ಕಂಪ್ಯಾಟಿಬಿಲಿಟಿ ಸಲ್ಯೂಷನ್ ಆಗಿ ಮೈಕ್ರೋಸಾಫ್ಟ್ ಬಳಕೆದಾರರು ಬಳಸುತ್ತಿದ್ದಾರೆ. ಈಚೆಗೆ ಬ್ಲಾಗ್​ನಲ್ಲಿ, ಇಂಟರ್​ನೆಟ್ ಎಕ್ಸ್​ಪ್ಲೋರರ್ 11 ಡೆಸ್ಕ್​ಟಾಪ್ ಅಪ್ಲಿಕೇಷನ್ ಜೂನ್ 15, 2022ಕ್ಕೆ ಕೊನೆ ಆಗುತ್ತದೆ ಎಂದು ಮೈಕ್ರೋಸಾಫ್ಟ್ ಘೋಷಣೆ ಮಾಡಿತ್ತು. ಈ ಅಪ್ಲಿಕೇಷನ್ ಹಿಂಪಡೆಯುವುದರ ಟೈಮ್​ಲೈನ್ ಕೂಡ ನೀಡಿತ್ತು. ಅದರ ಪ್ರಕಾರ ಮೈಕ್ರೋಸಾಫ್ಟ್ 365 ಮತ್ತು ಇತರ ಅಪ್ಲಿಕೇಷನ್​ಗಳು ಹಾಗೂ ಇಂಟರ್​ನೆಟ್ ಎಕ್ಸ್​ಪ್ಲೋರರ್​ಗೆ ಸಪೋರ್ಟ್ ಈ ವರ್ಷದ ಆಗಸ್ಟ್​ 17ರ ತನಕ ಮಾತ್ರ. ಕಳೆದ ವರ್ಷ ಘೋಷಣೆಯಲ್ಲಿ ಇದು ತಿಳಿದುಬಂತು. ಆ ನಂತರದಿಂದ ಡೆಸ್ಕ್​ಟಾಪ್ ಅಪ್ಲಿಕೇಷನ್​ ಆದ IE11ಗೆ ಸಪೋರ್ಟ್​ ಮಾಡುವ ಮೈಕ್ರೋಸಾಫ್ಟ್​ ತಂಡವನ್ನು ಹಿಂಪಡೆಯಲಾಯಿತು. ವಿಂಡೋಸ್ ಜೆತೆಗೆ ಇಂಟರ್​ನೆಟ್​ ಎಕ್ಸ್​ಪ್ಲೋರರ್ ಬರುವುದು ಶೀಘ್ರದಲ್ಲೇ ಕೊನೆಯಾಗಲಿದೆ ಎಂಬ ನಿರೀಕ್ಷೆ ಇದೆ.

ವಿಂಡೋಸ್​ 10ರಲ್ಲಿನ ಇಂಟರ್​ನೆಟ್​ ಎಕ್ಸ್​ಪ್ಲೋರರ್ ಭವಿಷ್ಯವು ಮೈಕ್ರೋಸಾಫ್ಟ್ ಎಡ್ಜ್​ನಲ್ಲಿದೆ ಎಂದು ನಾವು ಘೋಷಿಸುತ್ತಿದ್ದೇವೆ ಎಂದು ಮೈಕ್ರೋಸಾಫ್ಟ್​ ಬ್ಲಾಗ್​ನಲ್ಲಿ ತಿಳಿಸಿದೆ. ಇನ್ನು ಈ ಬದಲಾವಣೆಗೆ ಹಲವು ಕಾರಣಗಳು ಸಹ ಕಂಪೆನಿಯಿಂದ ಕಂಡುಕೊಳ್ಳಲಾಗಿದೆ. ಮೊದಲನೆಯದೇನಂದರೆ, IE11ಕ್ಕಿಂತ ಎಡ್ಜ್ ಉತ್ತಮ ಕಂಪ್ಯಾಟಿಬಿಲಿಟಿ ಹೊಂದಿದೆ. ಎಡ್ಹ್​ ಬ್ರೌಸರ್​ ಹಳೆಯ ಹಾಗೂ ಹೊಸ ವೆಬ್​ಸೈಟ್ಸ್​ ಎರಡನ್ನೂ ಸಪೋರ್ಟ್ ಮಾಡುವ ಡ್ಯುಯಲ್ ಎಂಜಿನ್ ಹೊಂದಿದೆ. ಇನ್ನು ಎಡ್ಜ್​ನಲ್ಲಿ ಇನ್ನೂ ಹಲವು ಫೀಚರ್​ಗಳಿದ್ದು, ಅದರ ಉತ್ಪಾದಕತೆ IE11ಗಿಂತ ಉತ್ತಮವಾಗಿದೆ ಮತ್ತು ಸುರಕ್ಷಿತವಾಗಿದೆ.

ಒಂದು ವೇಳೆ ಇಂಟರ್​ನೆಟ್​ ಎಕ್ಸ್​ಪ್ಲೋರರ್ ಬಳಸುತ್ತಿರುವ ಗ್ರಾಹಕರಿದ್ದಲ್ಲಿ ಅಂಥವರು ಎಡ್ಜ್​ಗೆ ಬದಲಾಗುವಂತೆ ಮೈಕ್ರೋಸಾಫ್ಟ್ ಸಲಹೆ ನೀಡುತ್ತಿದೆ. ಒಂದರಿಂದ ಮತ್ತೊಂದಕ್ಕೆ ಬದಲಾವಣೆ ಆಗುವುದು ಬಲು ಸಲೀಸು. ಎಲ್ಲ ಪಾಸ್​ವರ್ಡ್​ಗಳು, ಫೇವರಿಟ್ ಮತ್ತು ಇತರ ಬ್ರೌಸಿಂಗ್​ ಡೇಟಾ ಯಾವುದೆಲ್ಲ ಇಂಟರ್​ನೆಟ್​ ಎಕ್ಸ್​ಪ್ಲೋರರ್​ನಲ್ಲಿ ಇರುತ್ತೋ ಅದು ಸಲೀಸಾಗಿ ಆಗುತ್ತದೆ ಎಂದು ತಿಳಿಸಲಾಗಿದೆ. ಅದಕ್ಕೂ ಮುಖ್ಯವಾಗಿ, ಎಡ್ಜ್​ನಲ್ಲಿ ಬಿಲ್ಟ್​ ಇನ್ ಇಂಟರ್​ನೆಟ್ ಎಕ್ಸ್​ಪ್ಲೋರರ್ ಮೋಡ್​ ಇದ್ದು, ಒಂದು ವೇಳೆ ನಿರ್ದಿಷ್ಟ ವೆಬ್​ಸೈಟ್​ಗೆ ಇಂಟರ್​ನೆಟ್​ ಎಕ್ಸ್​ಪ್ಲೋರರ್ ಬೇಕಾಗಿದ್ದಲ್ಲಿ ಅದು ಬಳಕೆ ಆಗುತ್ತದೆ.

ಇದನ್ನೂ ಓದಿ: ಈಗಷ್ಟೇ ಓದು ಮುಗಿಸಿರುವ ಹೈದರಾಬಾದ್​ ಹುಡುಗಿಗೆ 2 ಕೋಟಿ ರೂಪಾಯಿ ಸಂಬಳದ ಕೆಲಸ ನೀಡಿದ ಮೈಕ್ರೋಸಾಫ್ಟ್

(Microsoft announced that, it will end the usage of internet explorer as primary web browser by 2022 June)