ಬಿಡುಗಡೆಗೆ ಒಂದು ದಿನ ಇರುವಾಗ ಲೀಕ್ ಆಯಿತು ಒನ್ಪ್ಲಸ್ 12 ಫೋನಿನ ಎಲ್ಲ ಫೀಚರ್ಸ್
ಟಿಪ್ಸ್ಟರ್ ಅಭಿಷೇಕ್ ಯಾದವ್ ಅವರು ಒನ್ಪ್ಲಸ್ 12 ಭಾರತದ ಬೆಲೆಯನ್ನು X ನಲ್ಲಿ ಹಂಚಿಕೊಂಡಿದ್ದಾರೆ. ಪೋಸ್ಟ್ ಪ್ರಕಾರ, ಈ ಫೋನಿನ 12/256GB ರೂಪಾಂತರ ರೂ. 64,999 ರಿಂದ ಪ್ರಾರಂಭವಾಗುತ್ತದೆ. 16/512GB ರೂಪಾಂತರಕ್ಕೆ ಬೆಲೆ 69,999 ರೂ. ಆಗಿದೆ.
Updated on: Jan 22, 2024 | 12:36 PM
ಒನ್ಪ್ಲಸ್ ತನ್ನ ಈ ವರ್ಷದ ಬಹುನಿರೀಕ್ಷಿತ ಸ್ಮಾರ್ಟ್ಫೋನ್ ಬಿಡುಗಡೆಗೆ ಎಲ್ಲ ತಯಾರಿ ನಡೆಸುತ್ತಿದೆ. ಚೀನಾದ ಪ್ರಸಿದ್ಧ ಸ್ಮಾರ್ಟ್ಫೋನ್ ತಯಾರಕ ತನ್ನ ಒನ್ಪ್ಲಸ್ 12 ಸರಣಿಯನ್ನು (OnePlus 12 Series) ಜನವರಿ 23 ರಂದು ಅನಾವರಣಗೊಳಿಸಲಿದೆ. ಇದರಲ್ಲಿ ಒನ್ಪ್ಲಸ್ 12 ಮತ್ತು ಒನ್ಪ್ಲಸ್ 12R ಎಂಬ ಎರಡು ಫೋನುಗಳಿವೆ. ಇದೀಗ ಈ ಫೋನುಗಳ ಬಿಡುಗಡೆಗೆ ಒಂದು ದಿನ ಇರುವಾಗ ಇದರ ಕೆಲ ಫೀಚರ್ಸ್ ಮತ್ತು ಬೆಲೆ ಆನ್ಲೈನ್ನಲ್ಲಿ ಸೋರಿಕೆ ಆಗಿದೆ. ಟಿಪ್ಸ್ಟರ್ನಿಂದ ಬೆಲೆ ಮತ್ತು ಮಾರಾಟದ ದಿನಾಂಕವನ್ನು ಸೋರಿಕೆ ಮಾಡಲಾಗಿದೆ.
ಒನ್ಪ್ಲಸ್ 12 ಬೆಲೆ, ಮಾರಾಟದ ದಿನಾಂಕ:
ಟಿಪ್ಸ್ಟರ್ ಅಭಿಷೇಕ್ ಯಾದವ್ ಅವರು ಒನ್ಪ್ಲಸ್ 12 ಭಾರತದ ಬೆಲೆಯನ್ನು X ನಲ್ಲಿ ಹಂಚಿಕೊಂಡಿದ್ದಾರೆ. ಪೋಸ್ಟ್ ಪ್ರಕಾರ, ಈ ಫೋನಿನ 12/256GB ರೂಪಾಂತರ ರೂ. 64,999 ರಿಂದ ಪ್ರಾರಂಭವಾಗುತ್ತದೆ. 16/512GB ರೂಪಾಂತರಕ್ಕೆ ಬೆಲೆ 69,999 ರೂ. ಆಗಿದೆ.
Tech Tips: ಚಾರ್ಜರ್ ಅನ್ನು ಅಸಲಿ ಅಥವಾ ನಕಲಿ ಫೋನ್ ಗುರುತಿಸುವುದು ಹೇಗೆ?: ಇಲ್ಲಿದೆ ಟ್ರಿಕ್
ಒನ್ಪ್ಲಸ್ 12 ನ ಹಿಂದಿನ ವರ್ಷನ್, ಒನ್ಪ್ಲಸ್ 11 ಫೋನಿನ 8/128GB ರೂಪಾಂತರ 56,999 ರೂ. ಗೆ ಬಿಡುಗಡೆಯಾಗಿತ್ತು. ಟಿಪ್ಸ್ಟರ್ ಮತ್ತೊಂದು ಪೋಸ್ಟ್ ಅನ್ನು ಸಹ ಮಾಡಿದ್ದಾರೆ. ಒನ್ಪ್ಲಸ್ 12ರ ಮಾರಾಟವು ಭಾರತದಲ್ಲಿ ಜನವರಿ 30 ರಂದು ಪ್ರಾರಂಭವಾಗಲಿದೆ ಎಂದು ಹೇಳಿಕೊಂಡಿದ್ದಾರೆ. ಇದಲ್ಲದೆ, ಈ ಸರಣಿಯಲ್ಲಿ ಹೆಚ್ಚು ಕೈಗೆಟುಕುವ ರೂಪಾಂತರವಾದ ಒನ್ಪ್ಲಸ್ 12R ಅನ್ನು ಖರೀದಿಸಲು ಬಯಸುವವರು ಫೆಬ್ರವರಿ ತಿಂಗಳವರೆಗೆ ಕಾಯಬೇಕಾಗಬಹುದಂತೆ.
ಒನ್ಪ್ಲಸ್ 12 ಫೀಚರ್ಸ್:
ಡಿಸ್ಪ್ಲೇ: 6.82-ಇಂಚಿನ QHD+ 2K OLED LTPO, 120Hz ರಿಫ್ರೆಶ್ ದರ, 4,500 nits ಗರಿಷ್ಠ ಬ್ರೈಟ್ನೆಸ್.
ಪ್ರೊಸೆಸರ್: ಕ್ವಾಲ್ಕಂ ಸ್ನಾಪ್ಡ್ರಾಗನ್ 8 ಜನ್ 3 ಚಿಪ್ಸೆಟ್.
ಕ್ಯಾಮೆರಾಗಳು: ಒನ್ಪ್ಲಸ್ 12 OIS ಜೊತೆಗೆ 50MP Sony LYT-808 ಪ್ರಾಥಮಿಕ ಕ್ಯಾಮೆರಾ, 48MP ಸೋನಿ IMX581 ಅಲ್ಟ್ರಾ-ವೈಡ್ ಆಂಗಲ್ ಲೆನ್ಸ್ ಮತ್ತು 64MP OV64B 3X ಪೆರಿಸ್ಕೋಪ್ ಲೆನ್ಸ್ ಅನ್ನು ಒಳಗೊಂಡಿದೆ. ಈ ಸ್ಮಾರ್ಟ್ಫೋನ್ 32MP ಸೋನಿ IMX615 ಫ್ರಂಟ್ ಕ್ಯಾಮೆರಾವನ್ನು ಸಹ ಹೊಂದಿದೆ.
ಬ್ಯಾಟರಿ: 5,400mAh ಬ್ಯಾಟರಿ, 100W ವೈರ್ಡ್ ಮತ್ತು 50W ವೈರ್ಲೆಸ್ ಫಾಸ್ಟ್ ಚಾರ್ಜಿಂಗ್ ಬೆಂಬಲವಿದೆ.
ಈ ಫೋನ್ಗಳ ಮೊದಲ ಸೇಲ್ ದಿನದಂದು ಇರುವ ಕೊಡುಗೆಗಳ ಕುರಿತು ಒನ್ಪ್ಲಸ್ ಅಧಿಕೃತವಾಗಿ ಬಹಿರಂಗಪಡಿಸಿದೆ. ಇವುಗಳಲ್ಲಿ ಬ್ಯಾಂಕ್ ರಿಯಾಯಿತಿ ರೂ. 2,000, ವಿನಿಮಯ ಬೋನಸ್, ಯಾವುದೇ ವೆಚ್ಚವಿಲ್ಲದ EMI ಆಯ್ಕೆ ಸೇರಿದಂತೆ ಅನೇಕ ಆಫರ್ಗಳು ಇರಲಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
