ಪ್ರೀಮಿಯಂ ಡಿಸೈನ್​ನ ಈ ಫೋನ್ ಬಜೆಟ್ ಬೆಲೆಗೆ ಲಭ್ಯ: ಬರುತ್ತಿದೆ ರಿಯಲ್ ಮಿ C65

ಕಳೆದ ವರ್ಷದಿಂದ ಕಡಿಮೆ ಬೆಲೆಗೆ ಆಕರ್ಷಕ ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸುತ್ತಿರುವ ಪ್ರಸಿದ್ಧ ರಿಯಲ್ ಮಿ ಸಂಸ್ಥೆ ಇದೀಗ ಅಂಥಹದೆ ಹೊಸ ಫೋನೊಂದನ್ನು ಮಾರುಕಟ್ಟೆಗೆ ತರಲು ಸಜ್ಜಾಗಿದೆ. ಹೊಸ ರಿಯಲ್ ಮಿ C65 (Realme C65) ಬಿಡುಗಡೆಯನ್ನು ದೃಢೀಕರಿಸಲಾಗಿದೆ. ರಿಯಲ್ ಮಿ ನ C ಸರಣಿಯ ಈ ಮುಂಬರುವ ಸ್ಮಾರ್ಟ್‌ಫೋನ್ ಏಪ್ರಿಲ್ 4 ರಂದು ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಇದರ ವಿನ್ಯಾಸಕ್ಕೆ ಸಂಬಂಧಿಸಿದಂತೆ ಕುತೂಹಲಕಾರಿ ಸಂಗತಿಯೊಂದು ಬೆಳಕಿಗೆ ಬಂದಿದೆ. ಇದು ನೋಡಲು ಥೇಟ್ ಸ್ಯಾಮ್​ಸಂಗ್ ಗ್ಯಾಲಕ್ಸಿ S22 ನಂತೆ ಕಾಣುತ್ತದೆ.

ಈ ಮೂಲಕ ಕಂಪನಿಯು ಬಜೆಟ್ ಶ್ರೇಣಿಯಲ್ಲಿ ಆಕರ್ಷಕ ವಿನ್ಯಾಸದ ಫೋನನ್ನು ಪ್ರಸ್ತುತಪಡಿಸಲು ಮುಂದಾಗಿದೆ. ಹಿಂಭಾಗದ ಪ್ಯಾನಲ್ ತುಂಬಾ ಬ್ರೈಟ್ ಇರುವಂತೆ ಕಾಣುತ್ತದೆ. ಈ ಫೋನ್ ಈಗಾಗಲೇ ಅನೇಕ ಪ್ರಮಾಣೀಕರಣ ಸೈಟ್‌ಗಳಲ್ಲಿ ಕಾಣಿಸಿಕೊಂಡಿದೆ. ಕಂಪನಿಯು ತನ್ನ ಟೀಸರ್ ಅನ್ನು ಬಿಡುಗಡೆ ಮಾಡುವ ಮೂಲಕ ತನ್ನ ಲಾಂಚ್ ಅನ್ನು ಅಧಿಕೃತವಾಗಿ ಘೋಷಿಸಿದೆ.

ಆನ್‌ಲೈನ್​ನಲ್ಲಿ ಜಿಯೋಗೆ ಮೊಬೈಲ್ ಸಂಖ್ಯೆಯನ್ನು ಪೋರ್ಟ್ ಮಾಡುವುದು ಹೇಗೆ?

ರಿಯಲ್ ಮಿ ತನ್ನ ಇತ್ತೀಚಿನ ಸ್ಮಾರ್ಟ್‌ಫೋನ್ ರಿಯಲ್ ಮಿ C65 ಅನ್ನು ಏಪ್ರಿಲ್ 4 ರಂದು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಿದೆ. ತನ್ನ ಅಧಿಕೃತ ಇನ್​ಸ್ಟಾಗ್ರಾಮ್ ಪೋಸ್ಟ್ ಮೂಲಕ ಕಂಪನಿಯು ಬಿಡುಗಡೆ ದಿನಾಂಕವನ್ನು ಖಚಿತಪಡಿಸಿದೆ. ಅಲ್ಲದೆ, ರಿಯಲ್ ಮಿ ಉಪಾಧ್ಯಕ್ಷ ಚೇಸ್ ಕ್ಸು ಕೂಡ ಫೋನ್‌ನ ಟೀಸರ್ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಈ ಫೋನ್ ರಿಯಲ್ ಮಿ C55 ನ ಉತ್ತರಾಧಿಕಾರಿಯಾಗಿದೆ.

ಇನ್​ಸ್ಟಾಗ್ರಾಮ್​ನಲ್ಲಿ ರಿಯಲ್ ಮಿ ಹಂಚಿಕೊಂಡ ಪೋಸ್ಟ್:

ಡಿಸೈನ್ ಬಗ್ಗೆ ಮಾತನಾಡುತ್ತಾ, ಇದರಲ್ಲಿ ಫ್ಲಾಟ್ ಫ್ರೇಮ್ ಅನ್ನು ಕಾಣಬಹುದು. ಇದರ ವಾಲ್ಯೂಮ್ ಮತ್ತು ಪವರ್ ಬಟನ್‌ಗಳು ಬಲಭಾಗದಲ್ಲಿವೆ. ಪವರ್ ಬಟನ್‌ನಲ್ಲಿಯೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಅನ್ನು ಸಹ ಒದಗಿಸಬಹುದು. ಟೀಸರ್ ಚಿತ್ರದಲ್ಲಿ ನೋಡಬಹುದಾದಂತೆ ಇದರ ಕ್ಯಾಮೆರಾ ಮಾಡ್ಯೂಲ್ ಆಯತಾಕಾರದಲ್ಲಿದೆ. ಇದು ಸ್ಯಾಮ್​ಸಂಗ್ ಗ್ಯಾಲಕ್ಸಿ S22 ನಂತೆಯೇ ಕಾಣುತ್ತದೆ. ಕ್ಯಾಮೆರಾ ಜೊತೆಗೆ LED ಫ್ಲಾಷ್ ಕೂಡ ಇದೆ.

ವೈಫೈ ಪಾಸ್‌ವರ್ಡ್ ಮರೆತಿರುವಿರಾ? ಚಿಂತಿಸಬೇಕಾಗಿಲ್ಲ, ಈ ರೀತಿ ಕ್ಷಣಾರ್ಧದಲ್ಲಿ ತಿಳಿಯಿರಿ

ಬಣ್ಣಗಳ ರೂಪಾಂತರಗಳ ಬಗ್ಗೆ ಮಾತನಾಡುತ್ತಾ, ಈ ಫೋನ್ ವೈಲೆಟ್ ಮತ್ತು ಗ್ಯಾಲಕ್ಸಿ ಕಪ್ಪು ಬಣ್ಣದಲ್ಲಿ ಬರುತ್ತದೆ. ಕಂಪನಿಯು ಇದರ ಫೀಚರ್ಸ್ ಅನ್ನು ಇನ್ನೂ ದೃಢೀಕರಿಸಿಲ್ಲ. ಆದರೆ TUV ರೈನ್‌ಲ್ಯಾಂಡ್ ಪ್ರಕಾರ, ಇದು 45W ವೇಗದ ಚಾರ್ಜಿಂಗ್ ವೈಶಿಷ್ಟ್ಯದೊಂದಿಗೆ 5000mAh ಬ್ಯಾಟರಿಯನ್ನು ಹೊಂದಿರುತ್ತದೆ. ಈ ಫೋನ್‌ನ ಮುಖ್ಯ ಕ್ಯಾಮೆರಾ f/1.8 ದ್ಯುತಿರಂಧ್ರದೊಂದಿಗೆ 50MP ಆಗಿರುತ್ತದೆ. ಆಂಡ್ರಾಯ್ಡ್ 14 OS ನೊಂದಿಗೆ ಬರುತ್ತದೆ ಎಂದು ಹೇಳಲಾಗಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ