100W ಫಾಸ್ಟ್ ಚಾರ್ಜರ್: ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಬಂತು ರಿಯಲ್ ಮಿ ಜಿಟಿ 5 ಪ್ರೊ: ಬೆಲೆ ಎಷ್ಟು?
Realme GT 5 Pro Launched: ರಿಯಲ್ ಮಿ ಜಿಟಿ 5 ಪ್ರೊ 6.78-ಇಂಚಿನ 1.5K ಕರ್ವ್ಡ್ AMOLED ಡಿಸ್ಪ್ಲೇ ಜೊತೆಗೆ Pro-XDR ಬೆಂಬಲ, 8T LTPO ಪ್ಯಾನೆಲ್ನೊಂದಿಗೆ ಬಿಡುಗಡೆ ಆಗಿದೆ. ಇದು ಅತ್ಯಂತ ಬಲಿಷ್ಠವಾದ ಫೋನಾಗಿದ್ದು, ಸ್ನಾಪ್‌ಡ್ರಾಗನ್ 8 ಜನ್ 3 ಚಿಪ್ಸೆಟ್ ಇದೆ. ಈ ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.
Updated on: Dec 07, 2023 | 2:37 PM
ಕಳೆದ ಕೆಲವು ವಾರಗಳಿಂದ ಮಾರುಕಟ್ಟೆಯಲ್ಲಿ ಫೋನುಗಳನ್ನು ಬಿಡುಗಡೆ ಮಾಡದೆ ಕೂತಿದ್ದ ಪ್ರಸಿದ್ಧ ರಿಯಲ್ ಮಿ ಕಂಪನಿ ಇದೀಗ ದಿಢೀರ್ ಆಗಿ ತನ್ನ ಹೊಸ ರಿಯಲ್ ಮಿ ಜಿಟಿ 5 ಪ್ರೊ ಸ್ಮಾರ್ಟ್ಫೋನನ್ನು ಅನಾವರಣ ಮಾಡಿದೆ. ಇದು ಅತ್ಯಂತ ಬಲಿಷ್ಠವಾದ ಫೋನಾಗಿದ್ದು, ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸುವುದು ಖಚಿತ ಎನ್ನುತ್ತಿದ್ದಾರೆ ಟೆಕ್ ಪಂಡಿತರು. ಸದ್ಯಕ್ಕೆ ಚೀನಾದಲ್ಲಿ ರಿಲೀಸ್ ಆಗಿರುವ ಈ ಫೋನ್ನಲ್ಲಿ ಸ್ನಾಪ್‌ಡ್ರಾಗನ್ 8 ಜನ್ 3 ಚಿಪ್ಸೆಟ್ ಇದೆ. 24GB RAM ಆಯ್ಕೆ ನೀಡಲಾಗಿದೆ. ಫಾಸ್ಟ್ ಚಾರ್ಜರ್, ಕ್ಯಾಮೆರಾ ಕೂಡ ಅದ್ಭುತವಾಗಿದೆ. ರಿಯಲ್ ಮಿ ಜಿಟಿ 5 ಪ್ರೊ ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.
ರಿಯಲ್ ಮಿ ಜಿಟಿ 5 ಪ್ರೊ ಬೆಲೆ, ಲಭ್ಯತೆ:
ರಿಯಲ್ ಮಿ ಜಿಟಿ 5 ಪ್ರೊ 12GB RAM ಮತ್ತು 256GB ಸಂಗ್ರಹಣೆಯ ಮೂಲ ಮಾದರಿ CNY 3,399 (ಅಂದಾಜು ರೂ 39,800) ನಿಂದ ಪ್ರಾರಂಭವಾಗುತ್ತದೆ. ಇದು 16GB + 512GB ಮತ್ತು 16GB + 1TB ನ ಎರಡು ರೂಪಾಂತರಗಳಲ್ಲಿ ಕ್ರಮವಾಗಿ CNY 3,999 (ರೂ. 46,800) ಮತ್ತು CNY 4,299 (ಅಂದಾಜು ರೂ. 50,400) ಬೆಲೆಯಲ್ಲಿ ಬರುತ್ತದೆ. ರೆಡ್ ರಾಕ್ (ಕಿತ್ತಳೆ), ಸ್ಟಾರಿ ನೈಟ್ (ಕಪ್ಪು) ಮತ್ತು ಬ್ರೈಟ್ ಮೂನ್ (ಬಿಳಿ) ಎಂಬ ಮೂರು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ. ಆರೆಂಜ್ ಮತ್ತು ವೈಟ್ ರೂಪಾಂತರಗಳು ಹಿಂಭಾಗದಲ್ಲಿ ಲೆದರ್ ಫಿನಿಶ್ ಹೊಂದಿದ್ದರೆ, ಕಪ್ಪು ಬಣ್ಣವು ಮ್ಯಾಟ್ ಫಿನಿಶ್‌ನಲ್ಲಿ ಬರುತ್ತದೆ.
ರಿಯಲ್ ಮಿ ಜಿಟಿ 5 ಪ್ರೊ ಫೀಚರ್ಸ್:
ಡಿಸ್ಪ್ಲೇ: ರಿಯಲ್ ಮಿ ಜಿಟಿ 5 ಪ್ರೊ 6.78-ಇಂಚಿನ 1.5K ಕರ್ವ್ಡ್ AMOLED ಡಿಸ್ಪ್ಲೇ ಜೊತೆಗೆ 144Hz ರಿಫ್ರೆಶ್ ರೇಟ್, 4500 nits ಗರಿಷ್ಠ ಬ್ರೈಟ್‌ನೆಸ್ ಹೊಂದಿದೆ. ಇದು Pro-XDR ಬೆಂಬಲದೊಂದಿಗೆ 8T LTPO ಪ್ಯಾನೆಲ್ ಆಗಿದೆ.
ಪ್ರೊಸೆಸರ್: ಈ ಸ್ಮಾರ್ಟ್ಫೋನ್ ಇತ್ತೀಚಿನ ಸ್ನಾಪ್‌ಡ್ರಾಗನ್ 8 ಜನ್ 3 ಚಿಪ್ಸೆಟ್ ಜೋಡಿಯಾದ Adreno 750 GPU ನಿಂದ ಚಾಲಿತವಾಗಿದೆ.
ಹಿಂಬದಿಯ ಕ್ಯಾಮೆರಾಗಳು: ಇದು OIS ಜೊತೆಗೆ 50MP Sony LYT-T808 ಸಂವೇದಕ, OIS+EIS ಜೊತೆಗೆ 50MP Sony IMX890 ಪೆರಿಸ್ಕೋಪ್ ಟೆಲಿಫೋಟೋ ಸಂವೇದಕ ಮತ್ತು 8MP ಓಮ್ನಿವಿಷನ್ OV0810 ಅಲ್ಟ್ರಾ-ವೈಡ್ ಆಂಗಲ್ ಲೆನ್ಸ್ ಅನ್ನು ಹೊಂದಿದೆ.
ಮುಂಭಾಗದ ಕ್ಯಾಮರಾ: ಸೆಲ್ಫಿಗಳಿಗಾಗಿ 32MP ಮುಂಭಾಗದ ಕ್ಯಾಮೆರಾವನ್ನು ಹೊಂದಿದೆ.
ಬ್ಯಾಟರಿ, ಚಾರ್ಜಿಂಗ್: ಹೊಸ ರಿಯಲ್ ಮಿ ಫ್ಲ್ಯಾಗ್‌ಶಿಪ್ 100W ವೇಗದ ಚಾರ್ಜಿಂಗ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲದೊಂದಿಗೆ 5,400mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ.
ಸಾಫ್ಟ್‌ವೇರ್: ರಿಯಲ್ ಮಿ ಜಿಟಿ 5 ಪ್ರೊ ಆಂಡ್ರಾಯ್ಡ್ 14-ಆಧಾರಿತ Realme UI 5.0 ಅನ್ನು ರನ್ ಮಾಡುತ್ತದೆ.
ಇತರೆ ವೈಶಿಷ್ಟ್ಯಗಳು: ಈ ಸ್ಮಾರ್ಟ್ಫೋನ್ IP64 ರೇಟಿಂಗ್, 3VC ಐಸ್‌ಬರ್ಗ್ ಕೂಲಿಂಗ್ ಸಿಸ್ಟಮ್, NFC, ಡಾಲ್ಬಿ ಅಟ್ಮಾಸ್, ಅಂಡರ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಮತ್ತು ಹೈ-ರೆಸ್ ಆಡಿಯೋದೊಂದಿಗೆ ಬರುತ್ತದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
