ವೊಡಾಫೋನ್ ಐಡಿಯಾದಿಂದ ರಿಪಬ್ಲಿಕ್ ಡೇ ಆಫರ್: ಬರೋಬ್ಬರಿ 50GB ಉಚಿತ ಡೇಟಾ
Vi 3099 Plan: ವೊಡಾಫೋನ್ ಐಡಿಯಾ ಬಳಕೆದಾರರಿಗೆ ಗಣರಾಜ್ಯೋತ್ಸವದ ಕೊಡುಗೆಯನ್ನು ಪರಿಚಯಿಸಿದೆ. ಈ ಯೋಜನೆಯಲ್ಲಿ ನಿಮಗೆ ಕಂಪನಿಯಿಂದ 50 GB ಹೆಚ್ಚುವರಿ ಡೇಟಾವನ್ನು ನೀಡಲಾಗುತ್ತದೆ. ಇದರ ಹೊರತಾಗಿ, ನೀವು Vi ಅಪ್ಲಿಕೇಶನ್‌ನಿಂದ ಈ ಯೋಜನೆಯನ್ನು ಖರೀದಿಸಿದರೆ, 75 ರೂ. ಗಳ ರಿಯಾಯಿತಿಯನ್ನು ಸಹ ಪಡೆಯುತ್ತೀರಿ.
Updated on: Jan 26, 2024 | 12:56 PM
ವೊಡಾಫೋನ್ ಐಡಿಯಾ (Vi) ತನ್ನ ಪ್ರಿಪೇಯ್ಡ್ ಬಳಕೆದಾರರಿಗೆ ಗಣರಾಜ್ಯೋತ್ಸವದ ಪ್ರಯುಕ್ತ ಬಂಪರ್ ಆಫರ್ ಒಂದನ್ನು ಪರಿಚಯಿಸಿದೆ. ಈ ಕೊಡುಗೆಯ ಅಡಿಯಲ್ಲಿ, ಬಳಕೆದಾರರು ಕಂಪನಿಯಿಂದ ಹೆಚ್ಚುವರಿ ಡೇಟಾದ ಪ್ರಯೋಜನವನ್ನು ಪಡೆಯುತ್ತಾರೆ. ಜೊತೆಗೆ ಈ ಪ್ಲಾನ್ ಖರೀದಿಸುವಾಗ ಹೆಚ್ಚುವರಿ ರಿಯಾಯಿತಿಯನ್ನು ಸಹ ನೀಡಲಾಗುತ್ತದೆ. ವಿ ಆಫರ್‌ನ ಪ್ರಯೋಜನವನ್ನು ಕಂಪನಿಯ ವಾರ್ಷಿಕ 3099 ರೂ. ಯೋಜನೆಯೊಂದಿಗೆ ನೀಡಲಾಗುತ್ತಿದೆ.
ನೀವು ವೊಡಾಫೋನ್ ಐಡಿಯಾ ರಿಪಬ್ಲಿಕ್ ಡೇ ಆಫರ್‌ನ ಪ್ರಯೋಜನವನ್ನು 30 ಜನವರಿ 2024 ರವರೆಗೆ ಪಡೆಯಬಹುದು. ಅಂದರೆ, ಈ ಆಫರ್ ಕೊನೆಗೊಳ್ಳಲು ಇನ್ನೂ ನಾಲ್ಕು ದಿನಗಳು ಉಳಿದಿವೆ. ರೂ. 3099 ಯೋಜನೆಯೊಂದಿಗೆ ನೀವು ಯಾವ ಪ್ರಯೋಜನಗಳನ್ನು ಪಡೆಯುತ್ತೀರಿ ಎಂಬುದನ್ನು ಇಲ್ಲಿ ಗಮನಿಸಿ.
ವೊಡಾಫೋನ್ ಐಡಿಯಾ 3099 ಯೋಜನೆ ವಿವರಗಳು
ರೂ. 3099 ಯೋಜನೆಯೊಂದಿಗೆ, ಪ್ರಿಪೇಯ್ಡ್ ಬಳಕೆದಾರರು ಪ್ರತಿದಿನ 2 GB ಹೈ-ಸ್ಪೀಡ್ ಡೇಟಾದ ಪ್ರಯೋಜನವನ್ನು ಪಡೆಯುತ್ತಾರೆ. ಯಾವುದೇ ನೆಟ್‌ವರ್ಕ್‌ನಲ್ಲಿ ಉಚಿತ ಅನಿಯಮಿತ ಕರೆ (ಸ್ಥಳೀಯ ಮತ್ತು STD) ಮತ್ತು ಪ್ರತಿದಿನ 100 SMS ಲಭ್ಯವಿರುತ್ತದೆ. ಇದು ಮಾತ್ರವಲ್ಲದೆ, ಈ ರೀಚಾರ್ಜ್ ಯೋಜನೆಯೊಂದಿಗೆ ಬಳಕೆದಾರರು ಕೆಲವು ಹೆಚ್ಚುವರಿ ಪ್ರಯೋಜನಗಳನ್ನು ಸಹ ಪಡೆಯುತ್ತಾರೆ.
8 ಲಕ್ಷ ರೂ. ಗೆಲ್ಲುವ ಅವಕಾಶ: ಒಂದು ತಿಂಗಳು ಫೋನ್ ಇಲ್ಲದೆ ಇರಬಹುದೇ?, ಹಾಗಿದ್ರೆ ಹೆಸರು ಕೊಡಿ
ವೊಡಾಫೋನ್ ಐಡಿಯಾ 3099 ಯೋಜನೆಯಲ್ಲಿ ನಿಮಗೆ ಕಂಪನಿಯಿಂದ 50 GB ಹೆಚ್ಚುವರಿ ಡೇಟಾವನ್ನು ನೀಡಲಾಗುತ್ತದೆ. ಇದರ ಹೊರತಾಗಿ, ನೀವು Vi ಅಪ್ಲಿಕೇಶನ್‌ನಿಂದ ಈ ಯೋಜನೆಯನ್ನು ಖರೀದಿಸಿದರೆ, 75 ರೂ. ಗಳ ರಿಯಾಯಿತಿಯನ್ನು ಸಹ ಪಡೆಯುತ್ತೀರಿ.
ಹೆಚ್ಚುವರಿ ಪ್ರಯೋಜನಗಳು
3099 ರೂಗಳ ಯೋಜನೆಯೊಂದಿಗೆ, ನೀವು ಬಿಂಜ್ ಆಲ್ ನೈಟ್ (12 ಮಧ್ಯರಾತ್ರಿಯಿಂದ ಬೆಳಿಗ್ಗೆ 6 ಗಂಟೆಯವರೆಗೆ) ಪ್ರಯೋಜನವನ್ನು ಪಡೆಯಬಹುದು. ಈ ಅವಧಿಯಲ್ಲಿ ನೀವು ಸರ್ಫಿಂಗ್, ಸ್ಟ್ರೀಮಿಂಗ್ ಮತ್ತು ಶೇರ್ ಮಾಡಬಹುದು. ವಿಶೇಷವೆಂದರೆ ಇದಕ್ಕೆ ನಿಮ್ಮ ಮೊಬೈಲ್ ಡೇಟಾ ಅನ್ವಯ ಆಗುವುದಿಲ್ಲ. ಇದರ ಹೊರತಾಗಿ, ನೀವು ವಾರಾಂತ್ಯದ ಡೇಟಾ ರೋಲ್‌ಓವರ್‌ನ ಪ್ರಯೋಜನವನ್ನು ಪಡೆಯುತ್ತೀರಿ. ಅಂದರೆ ವಾರಾಂತ್ಯದಲ್ಲಿ ವಾರದ ನಡುವಿನ ದಿನಗಳಲ್ಲಿ ನಿಮ್ಮ ಉಳಿದ ಡೇಟಾವನ್ನು ಬಳಸಲು ಸಾಧ್ಯವಾಗುತ್ತದೆ.
ನೀವು ಓಟಿಟಿ ಪ್ರೇಮಿಯಾಗಿದ್ದರೆ, ಈ ಯೋಜನೆಯೊಂದಿಗೆ ನಿಮಗೆ 1 ವರ್ಷಕ್ಕೆ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ಮೊಬೈಲ್‌ಗೆ ಉಚಿತ ಪ್ರವೇಶವನ್ನು ಸಹ ನೀಡಲಾಗುತ್ತದೆ. ಇದಲ್ಲದೆ, ವೊಡಾಫೋನ್ ಐಡಿಯಾದಿಂದ Vi ಚಲನಚಿತ್ರಗಳು ಮತ್ತು ಟಿವಿಗೆ ಪ್ರವೇಶವನ್ನು ಪಡೆಯುತ್ತೀರಿ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
