SmokeMon: ಸಿಗರೇಟ್ ಪ್ರಿಯರ ಪ್ರತಿಹಂತವನ್ನು ಟ್ರ್ಯಾಕ್ ಮಾಡುತ್ತದೆ ಸ್ಮಾರ್ಟ್ ನೆಕ್ಲೇಸ್, ಧೂಮಪಾನದಿಂದ ದೂರ ಉಳಿಯಲು ಇದು ಉತ್ತಮ ಸಾಧನ
ಸ್ಮೋಕ್ಮಾನ್ ಎಂಬ ಲ್ಯಾಪಿಸ್ ನೀಲಿ ಬಣ್ಣದ ಪೆಂಡೆಂಟ್ನ್ನು ಹೋಲುವ ಸ್ಮಾರ್ಟ್ ನೆಕ್ಲೇಸ್ನಂತೆ ಧರಿಸುವ ಸಾಧನವನ್ನು ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ. ಇದು ನೀವು ಪ್ರತಿದಿನ ಎಷ್ಟು ಸಲ ಧೂಮಪಾನ ಮಾಡುತ್ತೀರಾ ಎಂಬುದನ್ನು ಪತ್ತೆ ಮಾಡಲು ಸಹಾಯ ಮಾಡುತ್ತದೆ.
Updated on:Feb 15, 2023 | 11:15 AM
ಸ್ಮೋಕ್ಮಾನ್ (SmokeMon) ಎಂಬ ಲ್ಯಾಪಿಸ್ ನೀಲಿ ಬಣ್ಣದ ಪೆಂಡೆಂಟ್ನ್ನು ಹೋಲುವ ಸ್ಮಾರ್ಟ್ ನೆಕ್ಲೇಸ್ನಂತೆ (smart necklace) ಧರಿಸುವ ಸಾಧನವನ್ನು ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ. ಇದು ನೀವು ಪ್ರತಿದಿನ ಎಷ್ಟು ಸಲ ಧೂಮಪಾನ ಮಾಡುತ್ತೀರಾ ಎಂಬುದನ್ನು ಪತ್ತೆ ಮಾಡಲು ಸಹಾಯ ಮಾಡುತ್ತದೆ. ಪ್ರತಿಯೊಂದು ಪಫ್ನೊಂದಿಗೆ ನಿಮ್ಮ ಧೂಮಪಾನದ ಅಭ್ಯಾಸವನ್ನು ಟ್ರ್ಯಾಕ್ ಮಾಡಲು ಸಹಾಯ ಮಾಡುತ್ತದೆ. ನೀವು ಸಿಗರೇಟು ಸೇದುವಾಗ ಅದರ ಶಾಖವನ್ನು ಟ್ರ್ಯಾಕ್ ಮಾಡುವ ಲ್ಯಾಪಿಸ್ ನೀಲಿ ಬಣ್ಣದ ಪೆಂಡೆಂಟ್ ನೆಕ್ಲೇಸ್ ಅನ್ನು ಹೋಲುವ ಕುತ್ತಿಗೆಗೆ ಧರಿಸಬಹುದಾದ ಸಾಧನವನ್ನು ಅಭಿವೃದ್ಧಿಪಡಿಸಿದ್ದಾರೆ.
ಇದು ಧೂಮಪಾನ ಮಾಡುವ ವ್ಯಕ್ತಿಯು ಎಷ್ಟು ಉಸಿರಾಡುತ್ತಾನೆ ಮತ್ತು ಪಫ್ಗಳ ನಡುವಿನ ಸಮಯವನ್ನು ಸಹ ಟ್ರ್ಯಾಕ್ ಮಾಡಬಹುದು. ಸಿಗರೇಟ್ನ್ನು ಯಾವಾಗ ಹಚ್ಚಲಾಗುತ್ತದೆ, ಅದನ್ನು ಎಷ್ಟು ಹೊತ್ತು ಬಾಯಿಯಲ್ಲಿ ಹಿಡಿದಿಟ್ಟು ಪಫ್ ತೆಗೆದುಕೊಳ್ಳುತ್ತಾನೆ, ಎಷ್ಟು ಉಸಿರಾಡುತ್ತಾರೆ, ಪಫ್ಗಳ ನಡುವೆ ಎಷ್ಟು ಸಮಯ ಮತ್ತು ಅವರ ಬಾಯಿಯಲ್ಲಿ ಎಷ್ಟು ಸಮಯ ಸಿಗರೇಟ್ ಇದೆ ಎಂಬುದನ್ನು ನಾವು ಪತ್ತೆ ಮಾಡಬಹುದು ಎಂದು ಹಿರಿಯ ತನಿಖಾಧಿಕಾರಿ ಹೇಳಿದ್ದಾರೆ. ನಬಿಲ್ ಅಲ್ಶುರಾಫಾ, ನಾರ್ತ್ವೆಸ್ಟರ್ನ್ ಯೂನಿವರ್ಸಿಟಿ ಫೀನ್ಬರ್ಗ್ ಸ್ಕೂಲ್ ಆಫ್ ಮೆಡಿಸಿನ್ನಲ್ಲಿ ಸಹಾಯಕ ಪ್ರಾಧ್ಯಾಪಕರು ಈ ಬಗ್ಗೆ ತಿಳಿಸಿದ್ದಾರೆ.
ಇದನ್ನೂ ಓದಿ:Tech Tips: ಎರಡು ಮೊಬೈಲ್ಗಳಲ್ಲಿ ಒಂದೇ ನಂಬರ್ನ ವಾಟ್ಸ್ಆ್ಯಪ್ ಖಾತೆ ಬಳಸಲು ಸಾಧ್ಯವೇ?
ಧೂಮಪಾನವನ್ನು ಬಿಡಲು ಪ್ರಯತ್ನಿಸುವ ಅನೇಕ ಜನರಿಗೆ ಇದೊಂದು ಉಪಯುಕ್ತವಾಗಿದೆ. ಈ ಮೂಲಕ ಒಬ್ಬ ವ್ಯಕ್ತಿಯು ಸ್ಲಿಪ್ಗಳಿಂದ ಈ ವಿಚಾರಗಳನ್ನು ಕಲಿಯಬಹುದು, ನಮ್ಮ ಜೀವಕೋಶದ ಒಳಗೆ ಮತ್ತು ಇತರ ಮೇಲೆ ಯಾವ ರೀತಿಯ ಪರಿಣಾಮವನ್ನು ಉಂಟು ಮಾಡಬಹುದು ಎಂಬುದನ್ನು ನೀವು ಈ ಮೂಲಕ ಕೂಡ ತಿಳಿದುಕೊಳ್ಳಬಹುದು ಎಂದು ಅಲ್ಶುರಾಫಾ ಸೇರಿಸಲಾಗಿದೆ.
ಸ್ಮೋಕ್ಮಾನ್ ಸ್ಮಾರ್ಟ್ ನೆಕ್ಲೇಸ್ನ್ನು ಬಳಸುವವರು ತಂಬಾಕು ಸಂಬಂಧಿತ ಕಾಯಿಲೆಗಳಾದ ಕ್ಯಾನ್ಸರ್, ಹೃದ್ರೋಗ, ಪಾರ್ಶ್ವವಾಯು, ಶ್ವಾಸಕೋಶದ ಕಾಯಿಲೆ, ಮಧುಮೇಹ, ಸಿಒಪಿಡಿ, ಎಂಫಿಸೆಮಾ ಮತ್ತು ದೀರ್ಘಕಾಲದ ಬ್ರಾಂಕೈಟಿಸ್ನ ರಾಸಾಯನಿಕ ರೋಗಗಳ ಬಗ್ಗೆ ತಿಳಿದುಕೊಳ್ಳಬಹುದು.
ಸ್ಮಾರ್ಟ್ ನೆಕ್ಲೇಸ್ ಅನ್ನು ಸ್ಮೋಕಿಂಗ್ ಟೊಪೋಗ್ರಫಿ ಎಂದು ಕರೆಯಲಾಗುತ್ತದೆ, ಇದು ಧೂಮಪಾನಿಗಳಿಗೆ ಎಷ್ಟು ಇಂಗಾಲದ ಮಾನಾಕ್ಸೈಡ್ ಅನ್ನು ಒಡ್ಡಲಾಗುತ್ತದೆ ಎಂಬುದರ ಮೌಲ್ಯಮಾಪನವಾಗಿದೆ ಮತ್ತು ಧೂಮಪಾನವನ್ನು ತೊರೆಯಲು ಪ್ರಯತ್ನಿಸುವವರಿಗೆ ಸಹಾಯ ಮಾಡುತ್ತದೆ.
Published On - 11:13 am, Wed, 15 February 23
