Tech Tips: 5G ಬಳಸುವ ಮೊದಲು 3 ವಿಷಯ ಪರಿಶೀಲಿಸಿ, ಇಲ್ಲದಿದ್ರೆ ಸೂಪರ್ಫಾಸ್ಟ್ ಇಂಟರ್ನೆಟ್ ಸಿಗಲ್ಲ
5ಜಿ ಇಂಟರ್ನೆಟ್ ಪಡೆಯಲು ನೀವು ಯಾವ 3 ಹಂತಗಳನ್ನು ಅನುಸರಿಸಬಹುದು ಎಂಬುದನ್ನು ನಾವು ನಿಮಗೆ ತಿಳಿಸುತ್ತೇವೆ. ಹೀಗೆ ಮಾಡುವುದರಿಂದ ಅದರ ವೇಗದ ಇಂಟರ್ನೆಟ್ ಅನುಭವ ಪಡೆಯುತ್ತೀರಿ ಮತ್ತು ಕರೆ ಮಾಡುವಾಗ ಕೂಡ ಯಾವುದೇ ತೊಂದರೆ ಉಂಟಾಗುವುದಿಲ್ಲ. ಹಾಗೆಯೆ 5G ಬಳಸುವಾಗ ಡೇಟಾ ಬೇಗನೆ ಖಾಲಿ ಆಗುತ್ತೆ ಎಂದಾದರೆ ಇದಕ್ಕೂ ಒಂದು ಟ್ರಿಕ್ ಇದೆ.
Updated on: Jan 21, 2025 | 10:06 AM
ಭಾರತದಲ್ಲಿ 5G ನೆಟ್ವರ್ಕ್ ಆರಂಭವಾಗಿ ಒಂದು ವರ್ಷ ಕಳೆದಿದೆ. ಈ ಹೋರಾಟದಲ್ಲಿ ಏರ್ಟೆಲ್ ಮತ್ತು ಜಿಯೋ ಪೈಪೋಟಿಗೆ ಬಿದ್ದಿದೆ. ಏಕೆಂದರೆ ಎರಡೂ ಕಂಪನಿಗಳು ಉತ್ತಮ ಇಂಟರ್ನೆಟ್ ಮತ್ತು ಕರೆ ಅನುಭವವನ್ನು ಒದಗಿಸಲು ಕೆಲಸ ಮಾಡುತ್ತಿವೆ. ಇಂದು ನಾವು ಈ ಬಗ್ಗೆ ಕೆಲವು ಸಲಹೆಗಳನ್ನು ನೀಡಲಿದ್ದೇವೆ. ಅತ್ಯುತ್ತಮ 5ಜಿ ಇಂಟರ್ನೆಟ್ ಪಡೆಯಲು ನೀವು ಯಾವ 3 ಹಂತಗಳನ್ನು ಅನುಸರಿಸಬಹುದು ಎಂಬುದನ್ನು ನಾವು ನಿಮಗೆ ತಿಳಿಸುತ್ತೇವೆ. ಹೀಗೆ ಮಾಡುವುದರಿಂದ ಅದರ ವೇಗದ ಇಂಟರ್ನೆಟ್ ಅನುಭವ ಪಡೆಯುತ್ತೀರಿ ಮತ್ತು ಕರೆ ಮಾಡುವಾಗ ಕೂಡ ಯಾವುದೇ ತೊಂದರೆ ಉಂಟಾಗುವುದಿಲ್ಲ.
5G ಫೋನ್:
ಮೊದಲು ನೀವು 5G ಫೋನ್ ಖರೀದಿಸಬೇಕು. ಸಾಮಾನ್ಯವಾಗಿ ಬಳಕೆದಾರರು 4G ಫೋನ್ಗಳನ್ನು ಬಳಸುತ್ತಲೇ ಇರುತ್ತಾರೆ. ನೀವೂ ಹೀಗೆ ಮಾಡುತ್ತಿದ್ದರೆ ವೇಗ ಚೆನ್ನಾಗಿರುವುದಿಲ್ಲ. ಉತ್ತಮ ಕರೆ ಅನುಭವಕ್ಕಾಗಿ ಕೂಡ ನೀವು 5G ಫೋನ್ ಅನ್ನು ಖರೀದಿಸಬೇಕಾಗುತ್ತದೆ. ಏಕೆಂದರೆ ಜಿಯೋದಿಂದ VoNR ನೆಟ್ವರ್ಕ್ ಅನ್ನು ಪ್ರಾರಂಭಿಸಲಾಗಿದೆ. ಈ ನೆಟ್ವರ್ಕ್ನ ಪ್ರಯೋಜನಗಳನ್ನು ಪಡೆಯಲು, ನಿಮಗೆ 5G ಫೋನ್ ಅಗತ್ಯವಿದೆ.
5G ಯೋಜನೆ:
ಪ್ರಸ್ತುತ, ಟೆಲಿಕಾಂ ಕಂಪನಿಗಳು ನೆಟ್ವರ್ಕ್ ಅನ್ನು ಎರಡು ಭಾಗಗಳಾಗಿ ವಿಂಗಡಿಸಲಾಗಿದೆ. ಇದರಲ್ಲಿ ಬಳಕೆದಾರರು 5G ಯೋಜನೆಯನ್ನು ಖರೀದಿಸಬೇಕಾದ ಒಂದು ಭಾಗವಿದೆ, ಆದರೆ ಇನ್ನೊಂದು ಭಾಗದಲ್ಲಿ ನೀವು ಸಾಮಾನ್ಯ ರೀಚಾರ್ಜ್ ಮಾಡಿದರೂ 5G ನೆಟ್ವರ್ಕ್ ಸೌಲಭ್ಯವನ್ನು ಪಡೆಯುತ್ತೀರಿ. 5G ನೆಟ್ವರ್ಕ್ ಬಳಸಲು, ನೀವು ಮೊದಲು ಯೋಜನೆಯನ್ನು ಪರಿಶೀಲಿಸಬೇಕು. 5G ರೀಚಾರ್ಜ್ ಮಾಡಿದ ನಂತರವೇ 5G ನೆಟ್ವರ್ಕ್ನ ಪ್ರಯೋಜನಗಳನ್ನು ಪಡೆಯಬಹುದು.
Tech Tips: ನಿಮ್ಮ ಫೋನ್ನಲ್ಲಿರುವ ಯಾವ ಸೋಷಿಯಲ್ ಮೀಡಿಯಾ ಆ್ಯಪ್ ಹೆಚ್ಚು ಡೇಟಾ ಖಾಲಿ ಮಾಡುತ್ತದೆ ಗೊತ್ತೇ?
5G ವ್ಯಾಪ್ತಿ ಪ್ರದೇಶ:
5G ನೆಟ್ವರ್ಕ್ನ ಪ್ರಯೋಜನಗಳನ್ನು ಪಡೆಯಲು, ನೀವು ಕಂಪನಿಯಿಂದ 5G ನೆಟ್ವರ್ಕ್ ಒದಗಿಸುತ್ತಿರುವ ಪ್ರದೇಶದಲ್ಲಿರಬೇಕು. ನೀವು 5G ನೆಟ್ವರ್ಕ್ ಪಡೆಯುತ್ತಿರುವ ಪ್ರದೇಶದಲ್ಲಿ ಮಾತ್ರ ಅದನ್ನು ಬಳಸಬಹುದು. ದೇಶದ ಎಲ್ಲ ಮೂಲೆ ಮೂಲೆಗೆ ಇನ್ನೂ 5G ನೆಟ್ವರ್ಕ್ ಲಭ್ಯವಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ.
5G ಬಳಸುವಾಗ ಡೇಟಾ ಬೇಗನೆ ಖಾಲಿ ಆಗುತ್ತಾ?:
ನೀವು 5G ನೆಟ್ವರ್ಕ್ ಉಪಯೋಗಿಸುತ್ತೀರಿ ಎಂದಾದರೆ ಇದಕ್ಕೆ ಡೇಟಾ 4ಜಿಗಿಂತ ಅಧಿಕ ಬಳಕೆಯಾಗುತ್ತದೆ. 5ಜಿಯಲ್ಲಿ ಡೌನ್ಲೋಡ್ ಸೇರಿದಂತೆ ಎಲ್ಲ ಕೆಲಸ ವೇಗವಾಗಿ ನಡೆಯುವುದರಿಂದ ಡೇಟಾ ಹೆಚ್ಚು ಖಾಲಿಯಾಗುತ್ತದೆ. ಇದರಲ್ಲಿ ಸಿನಿಮಾ, ಹಾಡುಗಳನ್ನು ನಿಮಿಷಗಳಲ್ಲಿ ಡೌನ್ಲೋಡ್ ಮಾಡಬಹುದು. ಜೊತೆಗೆ ಡೇಟಾ ಕೂಡ ಅಷ್ಟೇ ವೇಗದಲ್ಲಿ ಮುಗಿದು ಹೋಗುತ್ತದೆ. 4ಜಿ ಹೋಲಿಕೆ ಮಾಡಿದರೆ 5ಜಿಯಲ್ಲಿ ಡೇಟಾ ಹೆಚ್ಚು ಖಾಲಿಯಾಗುತ್ತದೆ. ಆದರೆ, 5ಜೆಯಲ್ಲಿ ಡೇಟಾ ಸೇವ್ ಮಾಡಲು ಕೆಲ ಟ್ರಿಕ್ಗಳಿವೆ. ಇದಕ್ಕಾಗಿ ನೀವು ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ ಡೇಟಾ ಸೇವರ್ ಆನ್ ಮಾಡಬೇಕು. ಹೀಗೆ ಮಾಡಿದಾಗ ನಿಗದಿ ಮಾಡಿದ್ದಕ್ಕಿಂತ ಅಧಿಕ ಡೇಟಾ ಖಾಲಿಯಾದರೆ ನಿಮಗೆ ಸೂಚನೆ ನೀಡುತ್ತದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
