Instagram Profile Card: ಮೆಟಾ ತನ್ನ ಫೋಟೋ-ವಿಡಿಯೋ ಹಂಚಿಕೆ ವೇದಿಕೆ ಇನ್ಸ್ಟಾಗ್ರಾಮ್ನಲ್ಲಿ ಪ್ರತಿದಿನ ಕೆಲವು ಹೊಸ ನವೀಕರಣಗಳನ್ನು ತರುತ್ತದೆ. ಇತ್ತೀಚೆಗೆ, ಇನ್ಸ್ಟಾ ಬಳಕೆದಾರರ ಅನುಕೂಲಕ್ಕಾಗಿ, ಪ್ರೊಫೈಲ್ ಕಾರ್ಡ್ ಎಂಬ ಹೊಸ ಅಪ್ಡೇಟ್ ಅನ್ನು ನೀಡಿದೆ. ಇದರ ಮೂಲಕ ನೀವು ನಿಮ್ಮ ಪ್ರೊಫೈಲ್ ಅನ್ನು ಹೆಚ್ಚಿನ ಜನರೊಂದಿಗೆ ಹಂಚಿಕೊಳ್ಳಬಹುದು. ಆದರೆ, ಈ ಫೀಚರ್ ಬಗ್ಗೆ ಅನೇಕರಿಗೆ ತಿಳಿದಿಲ್ಲ. ಇದನ್ನು ಹೇಗೆ ಉಪಯೋಗಿಸಬೇಕು ಎಂಬುದು ಹೆಚ್ಚಿನವರಿಗೆ ಗೊತ್ತಿಲ್ಲ.
ಇನ್ಸ್ಟಾಗ್ರಾಮ್ನಲ್ಲಿ ಒಂದೇ ಹೆಸರಿನೊಂದಿಗೆ ಹಲವು ಬಾರಿ ಹಲವಾರು ಪ್ರೊಫೈಲ್ಗಳನ್ನು ಕ್ರಿಯೆಟ್ ಆಗಿರುತ್ತದೆ. ಆದರೆ, ಈ ಕಾರ್ಡ್ ಮೂಲಕ ಯಾರು ಬೇಕಾದರೂ ನಿಮ್ಮನ್ನು ಮಾತ್ರ ಅನುಸರಿಸಲು ಸಾಧ್ಯವಾಗುತ್ತದೆ. ಉತ್ತಮ ವಿಷಯವೆಂದರೆ ಈ ಕಾರ್ಡ್ ಕ್ಯೂಆರ್ ಕೋಡ್ ಅನ್ನು ಸಹ ಹೊಂದಿದೆ, ಅದನ್ನು ಸ್ಕ್ಯಾನ್ ಮಾಡುವ ಮೂಲಕ ಪ್ರೊಫೈಲ್ ನೇರವಾಗಿ ತೆರೆಯುತ್ತದೆ.
ಈ ಡಿಜಿಟಲ್ ಕಾರ್ಡ್ನಲ್ಲಿ, ನಿಮ್ಮ ಬಯೋ, ಇತರ ಪುಟಗಳಿಗೆ ಲಿಂಕ್ಗಳು, ನಿಮ್ಮ ನೆಚ್ಚಿನ ಹಾಡು ಮುಂತಾದ ವಿಷಯಗಳನ್ನು ನೀವು ಬರೆಯಬಹುದು. ಇದಲ್ಲದೆ, ನೀವು ನಿಮ್ಮ ಕಾರ್ಡ್ ಅನ್ನು ಕಸ್ಟಮೈಸ್ ಮಾಡಬಹುದು, ಬ್ಯಾಕ್ಗ್ರೌಂಡ್ ಕಲರ್ ಬದಲಾಯಿಸಬಹುದು, ಸೆಲ್ಫಿಗಳನ್ನು ಅಪ್ಲೋಡ್ ಮಾಡಬಹುದು ಮತ್ತು ಎಮೋಜಿಗಳನ್ನು ಸಹ ಸೇರಿಸಬಹುದು.
ನಿಮ್ಮ ಪ್ರೊಫೈಲ್ ಕಾರ್ಡ್ ಅನ್ನು ಹಂಚಿಕೊಳ್ಳುವುದು ಸುಲಭವಾಗಿದೆ. ಇದಕ್ಕಾಗಿ ಇನ್ಸ್ಟಾಗ್ರಾಮ್ ಪ್ರೊಫೈಲ್ಗೆ ಹೋಗಿ. ಇಲ್ಲಿ ನಿಮಗೆ ಶೇರ್ ಪ್ರೊಫೈಲ್ ಆಯ್ಕೆಯನ್ನು ತೋರಿಸಲಾಗುತ್ತದೆ, ಅದರ ಮೇಲೆ ಕ್ಲಿಕ್ ಮಾಡಿ. ಪ್ರೊಫೈಲ್ ಕಾರ್ಡ್ನಲ್ಲಿ ವಿವರಗಳನ್ನು ನಮೂದಿಸಿ. ಇದರ ನಂತರ ನೀವು ನಿಮ್ಮ ಇನ್ಸ್ಟಾಗ್ರಾಮ್ ಪ್ರೊಫೈಲ್ ಕಾರ್ಡ್ ಅನ್ನು ಸ್ಟೋರಿಯಲ್ಲಿ ಹಂಚಿಕೊಳ್ಳಬಹುದು ಮತ್ತು ಅದನ್ನು ಇತರ ನೆಟ್ವರ್ಕ್ಗಳಲ್ಲಿ ಸಹ ಶೇರ್ ಮಾಡಬಹುದು. ವಾಟ್ಸ್ಆ್ಯಪ್ ಗ್ರೂಪ್ಗಳಲ್ಲಿ ಕೂಡ ಹಂಚಿಕೊಳ್ಳಬಹುದು.
ಇದನ್ನೂ ಓದಿ: ಫೋನ್ ಚಾರ್ಜ್ ಮಾಡಲು ಕರೆಂಟ್ ಬೇಡ: ಬಂದಿದೆ ಸೂರ್ಯನ ಬೆಳಕಲ್ಲಿ ಚಾರ್ಜ್ ಮಾಡುವ ಪವರ್ ಬ್ಯಾಂಕ್
ನಿಮ್ಮನ್ನು ಫಾಲೋ ಮಾಡಲು ಯಾರಾದರು ನಿಮ್ಮ ಬಳಿ ಕೇಳಿದಾಗ, ನೀವು ನಿಮ್ಮ ಹೆಸರನ್ನು ಹೇಳುತ್ತೀರಿ. ಆದರೆ, ನಿಮ್ಮ ಹೆಸರಿನ ಅನೇಕ ಅಕೌಂಟ್ ಇನ್ಸ್ಟಾದಲ್ಲಿ ಇರುತ್ತದೆ. ಅವರಿಗೆ ಇದರಲ್ಲಿ ಯಾವುದು ಎಂಬ ಗೊಂದಲ ಉಂಟಾಗುತ್ತದೆ. ಆದರೆ ಈ ಕಾರ್ಡ್ನ ಸಹಾಯದಿಂದ ಅವನು ನೇರವಾಗಿ ನಿಮ್ಮ ಪ್ರೊಫೈಲ್ಗೆ ಬಂದು ನಿಮ್ಮನ್ನು ಅನುಸರಿಸಬಹುದು. ಬೇಕಾದಲ್ಲಿ ಕ್ಯೂಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಬಹುದು. ಈ ಸ್ಟೋರಿಯನ್ನು ವಿವಿಧ ನೆಟ್ವರ್ಕ್ಗಳಲ್ಲಿ ಪೋಸ್ಟ್ ಮಾಡುವ ಮೂಲಕ ಮತ್ತು ಗ್ರೂಪ್ಗಳಲ್ಲಿ ಹಂಚಿಕೊಳ್ಳುವ ಮೂಲಕ, ನಿಮ್ಮ ಫಾಲೋವರ್ಸ್ ಹೆಚ್ಚಿಸಬಹುದು. ಇದು ನಿಮ್ಮ ಪ್ರೊಫೈಲ್ ಅನ್ನು ಸುಂದರವಾಗಿ ಕಾಣುವಂತೆ ಮಾಡುತ್ತದೆ.