Tech Tips: ರಾತ್ರಿಯೆಲ್ಲ ನಿಮ್ಮ ಮನೆಯ ವೈ-ಫೈ ಆನ್ ಆಗಿರುತ್ತಾ?: ಹಾಗಿದ್ರೆ ಒಮ್ಮೆ ಈ ಸ್ಟೋರಿ ಓದಿ

ಇಂದಿನ ಕಾಲದಲ್ಲಿ ಇಂಟರ್ನೆಟ್ ಬಹಳ ಮುಖ್ಯವಾದ ಭಾಗವಾಗಿದೆ. ಇಂಟರ್ನೆಟ್ ಇಲ್ಲದೆ ದೈನಂದಿನ ಕೆಲಸ ನಡೆಸುವುದು ಕಷ್ಟ. ಈಗ ಇಂಟರ್ನೆಟ್ ಪೂರೈಕೆದಾರ ಕಂಪನಿಗಳು ಕೂಡ ಬ್ರಾಡ್‌ಬ್ಯಾಂಡ್ ಯೋಜನೆಗಳ ಬೆಲೆಗಳನ್ನು ತುಂಬಾ ಅಗ್ಗವಾಗಿಸಿದೆ. ಇದರಿಂದಾಗಿ ಮನೆಯಲ್ಲಿ ವೈ- ಫೈ ಅನ್ನು ಸ್ಥಾಪಿಸುವುದು ಸುಲಭವಾಗಿದೆ. ವೈಫೈ ಮೂಲಕ, ಅನೇಕ ಗ್ರಾಹಕರು ಮನೆಯಲ್ಲಿ ಅನಿಯಮಿತ ಡೇಟಾವನ್ನು ಆನಂದಿಸುತ್ತಿದ್ದಾರೆ. ಇದರಿಂದಾಗಿ ಯಾವುದೇ ಕೆಲಸ ಮಾಡಲು ಏನೇ ಅಡ್ಡಿಯಾಗುವುದಿಲ್ಲ.

ಸಾಮಾನ್ಯವಾಗಿ ನೀವು ಮಲಗುವ ಹೊತ್ತಿಗೆ ಫೋನ್‌ನಲ್ಲಿ ಇಂಟರ್ನೆಟ್ ಬಳಸುತ್ತಿದ್ದರೆ, ಅದರ ಡೇಟಾವನ್ನು ಆಫ್ ಮಾಡಿ ಮಲಗುತ್ತೀರಿ. ಇದನ್ನು ಪ್ರತಿ ದಿನ ಮಾಡುತ್ತೀರಿ. ಆದರೆ ಮನೆಯಲ್ಲಿ ವೈ- ಫೈ ರೂಟರ್ ಯಾವಾಗಲೂ ಆನ್ ಆಗಿರುತ್ತದೆ. ಮನೆಯಲ್ಲಿರುವ ಎಲ್ಲಾ ಸಾಧನಗಳನ್ನು ರೂಟರ್‌ಗೆ ಸಂಪರ್ಕಿಸುವ ಕಾರಣ ದಿನದ 24 ಗಂಟೆ ಕೂಡ ಅದು ಆನ್ ಆಗಿರುತ್ತದೆ. ಆದರೆ ನೀವು ರಾತ್ರಿಯಲ್ಲಿ ಇಂಟರ್ನೆಟ್ ಬಳಸದಿದ್ದರೆ, ವೈ-ಫೈ ರೂಟರ್ ಅನ್ನು ಆನ್ ಇಡುವುದು ಸರಿಯೇ ಅಥವಾ ಇಲ್ಲವೇ ಎಂದು ನಾವು ನಿಮಗೆ ಹೇಳುತ್ತೇವೆ.

ವೈ-ಫೈ ಆನ್ ಆಗಿರುವ ಅನಾನುಕೂಲಗಳು:

ವೈ- ಫೈ ನಮ್ಮ ಆರೋಗ್ಯಕ್ಕೆ ಹಾನಿ ಮಾಡುತ್ತದೆ ಎಂದು ಕೆಲವೇ ಜನರಿಗೆ ತಿಳಿದಿದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಕೆಲಸ ಮಾಡದಿದ್ದಾಗ, ನಿಮ್ಮ ಮನೆಯ ವೈ- ಫೈ ಅನ್ನು ಆಫ್ ಮಾಡಬೇಕು. ಹೌದು, ರಾತ್ರಿ ನಿದ್ದೆ ಮಾಡುವಾಗ ಇಂಟರ್ನೆಟ್ ಬಳಸುವುದನ್ನು ನಿಲ್ಲಿಸಿದರೆ, ಆರೋಗ್ಯಕ್ಕೆ ಹಾನಿಯಾಗದಂತೆ ರೂಟರ್ ಅನ್ನು ಸ್ವಿಚ್ ಆಫ್ ಮಾಡಬೇಕು.

ವೈ- ಫೈ ರೂಟರ್:

ವೈ- ಫೈ ನಲ್ಲಿ WLAN ಎಂಬ ಸಾಧನ ಒಂದಿದೆ. ಇದು ವೈರ್‌ಲೆಸ್ ನೆಟ್‌ವರ್ಕ್ ಆಗಿದ್ದು ಅದು ಕನಿಷ್ಠ ಒಂದು ಆಂಟೆನಾವನ್ನು ಹೊಂದಿದ್ದು ಅದು ಇಂಟರ್ನೆಟ್ ಮತ್ತು ಲ್ಯಾಪ್‌ಟಾಪ್‌ಗಳು, ಕಂಪ್ಯೂಟರ್‌ಗಳು, ಫೋನ್‌ಗಳಂತಹ ವೈರ್‌ಲೆಸ್ ಸಂವಹನ ಸಾಧನಗಳಿಗೆ ಲಿಂಕ್ ಮಾಡುತ್ತದೆ. ವೈ_ಫೈ ನೆಟ್‌ವರ್ಕ್‌ಗಳು ಎಲೆಕ್ಟ್ರೋಮ್ಯಾಗ್ನೆಟಿಕ್ ಫ್ರೀಕ್ವೆನ್ಸಿ (EMF) ಗೆ ಗುರಿಯಾಗುತ್ತವೆ.

Tech Tips: ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಈ ಸಣ್ಣ ಟ್ರಿಕ್ ಮಾಡಿ, 1GB ಡೇಟಾ ಇಡೀ ದಿನ ಇರುತ್ತೆ

ತಜ್ಞರ ಪ್ರಕಾರ, ವೈ-ಫೈ ರೂಟರ್‌ಗಳಿಂದ ಅನೇಕ ರೀತಿಯ ವಿಕಿರಣ ತರಂಗಗಳು ಹೊರಬರುತ್ತವೆ. ಈ ತರಂಗಗಳನ್ನು ವಿದ್ಯುತ್ಕಾಂತೀಯ ಅಲೆಗಳು ಎಂದು ಕರೆಯಲಾಗುತ್ತದೆ. ಈ ಕಿರಣಗಳು ನಮ್ಮ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತವೆ. ಈ ವಿಕಿರಣ ತರಂಗಗಳು ರಕ್ತದೊತ್ತಡ, ನಿದ್ರಾಹೀನತೆ, ಖಿನ್ನತೆಯಂತಹ ಕಾಯಿಲೆಗಳನ್ನು ಹೆಚ್ಚಿಸುತ್ತವೆ. ವೈ-ಫೈನಿಂದ ಹೊರಸೂಸುವ ವಿಕಿರಣ ತರಂಗಗಳು ನಮ್ಮ ಮಾನಸಿಕ ಸ್ಥಿತಿಯ ಮೇಲೂ ಪರಿಣಾಮ ಬೀರುತ್ತವೆ ಎಂದು ಆರೋಗ್ಯ ತಜ್ಞರು ನಂಬಿದ್ದಾರೆ. ಅನೇಕ ಬಾರಿ, ಈ ಕಾರಣದಿಂದಾಗಿ, ಆಲ್ಝೈಮರ್ನಂತಹ ಸಮಸ್ಯೆಗಳು ಸಂಭವಿಸಲು ಪ್ರಾರಂಭಿಸುತ್ತವೆ.

ಈ ರೀತಿಯಲ್ಲಿ ನಿಮ್ಮನ್ನು ರಕ್ಷಿಸಿಕೊಳ್ಳಿ:

ವೈ-ಫೈ ವಿಕಿರಣವನ್ನು ತಪ್ಪಿಸಲು ಹಲವು ಮಾರ್ಗಗಳಿವೆ. ಮೊದಲ ವಿಷಯವೆಂದರೆ ನೀವು ರೂಟರ್‌ಗೆ ತುಂಬಾ ಹತ್ತಿರ ಕುಳಿತು ಕೆಲಸ ಮಾಡಬಾರದು. ವಿಕಿರಣವನ್ನು ತಪ್ಪಿಸಲು ಎರಡನೆಯ ಅತ್ಯಂತ ಪರಿಣಾಮಕಾರಿ ಮಾರ್ಗವೆಂದರೆ ನಿಮಗೆ ಅಗತ್ಯವಿಲ್ಲದಿದ್ದಾಗ ಆಫ್ ಮಾಡುವುದು. ಇದರಿಂದ ವಿದ್ಯುತ್ ಉಳಿತಾಯವಾಗಲಿದ್ದು, ವಿಕಿರಣದ ಅಪಾಯವೂ ಇರುವುದಿಲ್ಲ.

ನಿದ್ರೆ ವಿಜ್ಞಾನ ತರಬೇತುದಾರ ಮತ್ತು ಸ್ಲೀಪ್ ಸೊಸೈಟಿಯ ಸಹ-ಸಂಸ್ಥಾಪಕಿ ಇಸಾಬೆಲ್ಲಾ ಗಾರ್ಡನ್ ಅವರು, ರಾತ್ರಿಯಲ್ಲಿ ನಿಮ್ಮ ವೈ-ಫೈ ಅನ್ನು ಆಫ್ ಮಾಡಬೇಕು ಎಂದು ಸೂಚಿಸಿದ್ದಾರೆ. ಮೊದಲ ಪ್ರಯೋಜನವೆಂದರೆ ಉತ್ತಮ ನಿದ್ರೆ ಅತ್ಯಂತ ಮುಖ್ಯವಾಗಿದೆ. ಎರಡನೆಯದಾಗಿ, ನಿಮ್ಮ ಸಂಪರ್ಕವನ್ನು ಸುರಕ್ಷಿತವಾಗಿರಿಸಲು ಮತ್ತು ಹ್ಯಾಕಿಂಗ್ ಅಪಾಯವನ್ನು ಕಡಿಮೆ ಮಾಡಲು, ನೀವು ರಾತ್ರಿಯಲ್ಲಿ ವೈ-ಫೈ ಅನ್ನು ಆಫ್ ಮಾಡುವುದು ಒಳ್ಳೆಯದು.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ