ಜಾಗತಿಕ ಮಾರುಕಟ್ಟೆಗೆ ವಿವೋ X100 ಸರಣಿ ಸ್ಮಾರ್ಟ್​ಫೋನ್ ಎಂಟ್ರಿ: ಬೆಲೆ ಎಷ್ಟು?, ಏನಿದೆ ಫೀಚರ್ಸ್?

ಚೀನಾ ಮೂಲದ ಪ್ರಸಿದ್ಧ ಸ್ಮಾರ್ಟ್​ಫೋನ್ ಬ್ರ್ಯಾಂಡ್ ವಿವೋ ಇಂದು ಜಾಗತಿಕ ಮಾರುಕಟ್ಟೆಯಲ್ಲಿ ಎರಡು ಹೊಸ ಫೋನನ್ನು ಪರಿಚಯಿಸಿದೆ. ವಿವೋ ತನ್ನ X100 ಸರಣಿ (Vivo X100 Series) ಅಡಿಯಲ್ಲಿ ವಿವೋ X100 ಮತ್ತು ವಿವೋ X100 ಪ್ರೊ ಎಂಬ ಎರಡು ಸ್ಮಾರ್ಟ್​ಫೋನ್​ಗಳನ್ನು ರಿಲೀಸ್ ಮಾಡಿದೆ. ಈ ಫೋನ್ ಕೆಲವು ಆಸಕ್ತಿದಾಯಕ ಫೀಚರ್ಸ್​ನೊಂದಿಗೆ ಬಂದಿದೆ. ಎರಡೂ ಸ್ಮಾರ್ಟ್‌ಫೋನ್‌ಗಳು ಸ್ಯಾಮ್​ಸಂಗ್ ಗ್ಯಾಲಕ್ಸಿ S23 ಸರಣಿ ಮತ್ತು ಮುಂಬರುವ ಗ್ಯಾಲಕ್ಸಿ S24 ಸರಣಿಯೊಂದಿಗೆ ಸ್ಪರ್ಧಿಸುತ್ತವೆ. ವಿವೋ X100 ಸರಣಿಯ ಬೆಲೆ, ಫೀಚರ್ಸ್ ಕುರಿತ ಮಾಹಿತಿ ಇಲ್ಲಿದೆ.

ವಿವೋ X100 ಪ್ರೊ ಮತ್ತು X100 ಲಭ್ಯತೆ ಮತ್ತು ಬೆಲೆ:

ಚೀನಾ ಬಿಡುಗಡೆ ಆಗಿರುವ ವಿವೋ X100 ಪ್ರೊ 12GB + 256GB ಸ್ಟೋರೇಜ್ ರೂಪಾಂತರಕ್ಕೆ CNY 4,999 (ಸುಮಾರು ರೂ. 56,500). ವಿವೋ X100 12GB + 256GB ಸ್ಟೋರೇಜ್ ಆಯ್ಕೆಗೆ CNY 3,999 (ಸರಿಸುಮಾರು ರೂ. 50,000). The Verge ಪ್ರಕಾರ, ಎರಡೂ ಸ್ಮಾರ್ಟ್‌ಫೋನ್‌ಗಳು ಆಗ್ನೇಯ ಏಷ್ಯಾದ ಮಾರುಕಟ್ಟೆಗಳಲ್ಲಿ ಲಭ್ಯವಿರುತ್ತವೆ, ಇದರಲ್ಲಿ ಇಂಡೋನೇಷ್ಯಾ ಮತ್ತು ಭಾರತವೂ ಸೇರಿದೆ. ಭಾರತದಲ್ಲಿ ಈ ಫೋನ್​ನ ಖಚಿತ ಬೆಲೆ ಬಹಿರಂಗವಾಗಿಲ್ಲ.

Lava Yuva 3 Pro: 50MP ಕ್ಯಾಮೆರಾ, 5000mAh ಬ್ಯಾಟರಿ: ಹೊಸ ದೇಶೀಯ ಸ್ಮಾರ್ಟ್​ಫೋನ್​ಗೆ ಭಾರತೀಯರು ಫಿದಾ

ವಿವೋ X100 ಪ್ರೊ ಮತ್ತು X100 ಫೀಚರ್ಸ್:

ವಿವೋ X100 ಪ್ರೊ ಮತ್ತು X100 ಎರಡೂ ಫೋನುಗಳು 6.78-ಇಂಚಿನ LTPO AMOLED ಪ್ಯಾನೆಲ್ ಅನ್ನು 1,260 x 2,800 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ದರವನ್ನು ಹೊಂದಿವೆ. 4nm ಮೀಡಿಯಾಟೆಕ್ ಡೈಮೆನ್ಸಿಟಿ 9300 SoC ನಿಂದ ಚಾಲಿತವಾಗಿವೆ. ವಿವೋ X100 ಪ್ರೊ ಹೊಸ V3 ಇಮೇಜಿಂಗ್ ಚಿಪ್ ಅನ್ನು ಹೊಂದಿದೆ. ಎರಡೂ ಫೋನ್ ಒಂದೇ ರೀತಿಯ ಕೋರ್ ಹಾರ್ಡ್‌ವೇರ್ ಅನ್ನು ಒಳಗೊಂಡಿವೆ, ಇವುಗಳು ಮುಖ್ಯವಾಗಿ ಕ್ಯಾಮೆರಾ ಮತ್ತು ಬ್ಯಾಟರಿ ವಿಭಾಗಗಳಲ್ಲಿ ಕಂಡುಬರುತ್ತವೆ.

ವಿವೋ X100 ಪ್ರೊ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ನೊಂದಿಗೆ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ, 50-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ ಮತ್ತು 4.3X ಜೂಮ್ ಸಾಮರ್ಥ್ಯದೊಂದಿಗೆ 50-ಮೆಗಾಪಿಕ್ಸೆಲ್ Zeiss APO ಸೂಪರ್-ಟೆಲಿಫೋಟೋ ಕ್ಯಾಮೆರಾವನ್ನು ಹೊಂದಿದೆ. 32-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಕೂಡ ಇದೆ. ಈ ಫೋನ್ 5,400mAh ಬ್ಯಾಟರಿಯನ್ನು ಹೊಂದಿದೆ ಮತ್ತು 100W ವೈರ್ಡ್ ಚಾರ್ಜಿಂಗ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

ಕಡಿಮೆ ಬೆಲೆಯ ವಿವೋ X100 ಫೋನ್ OIS ಜೊತೆಗೆ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾವನ್ನು ಹೊಂದಿದೆ. ಜೊತೆಗೆ 50-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ, 64-ಮೆಗಾಪಿಕ್ಸೆಲ್ Zeiss ಸೂಪರ್-ಟೆಲಿಫೋಟೋ ಕ್ಯಾಮೆರಾ ಕೂಡ ಇದೆ. 32-ಮೆಗಾಪಿಕ್ಸೆಲ್ ಕ್ಯಾಮೆರಾವು ಸೆಲ್ಫಿಗಾಗಿ ನೀಡಲಾಗಿದೆ. ಈ ಫೋನ್ 5,000mAh ಬ್ಯಾಟರಿಯನ್ನು ಹೊಂದಿದೆ ಮತ್ತು ವೇಗವಾದ 120W ವೈರ್ಡ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ವೈರ್‌ಲೆಸ್ ಚಾರ್ಜಿಂಗ್ ಇಲ್ಲ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ