50MP ಸೆಲ್ಫಿ ಕ್ಯಾಮೆರಾ, 44W ಫಾಸ್ಟ್ ಚಾರ್ಜರ್: ಸದ್ದಿಲ್ಲದೆ ರಿಲೀಸ್ ಆಯ್ತು ವಿವೋ V30 ಲೈಟ್ 5G

2023ನೇ ವರ್ಷ ಕೊನೆಗೊಳ್ಳುತ್ತಿರುವಾಗ ಚೀನಾ ಮೂಲದ ಪ್ರಸಿದ್ಧ ವಿವೋ ಕಂಪನಿ ನೂತನ ಫೋನುಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಇದೀಗ ವಿವೋ ಮೆಕ್ಸಿಕೋದಲ್ಲಿ ಸದ್ದಿಲ್ಲದೆ ವಿವೋ V30 ಲೈಟ್ 5G (Vivo V30 Lite 5G) ಸ್ಮಾರ್ಟ್​ಫೋನ್ ಅನ್ನು ಬಿಡುಗಡೆ ಮಾಡಿದೆ. ಈ ಫೋನ್ ವಿವೋ ವಿ30 ಸರಣಿಗೆ ಸೇರುತ್ತದೆ. ಇದರಲ್ಲಿ ಕ್ವಾಲ್‌ಕಾಮ್‌ನ ಸ್ನಾಪ್‌ಡ್ರಾಗನ್ ಚಿಪ್‌ಸೆಟ್‌ ಇದೆ. 44W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲದಿಂದ ಕೂಡಿದೆ. ಉತ್ತಮ ಬ್ಯಾಟರಿ, ಅತ್ಯುತ್ತಮ ಕ್ಯಾಮೆರಾ ಸೇರಿದಂತೆ ಭರ್ಜರಿ ವೈಶಿಷ್ಟ್ಯಗಳಿಂದ ಆವೃತ್ತವಾಗಿದೆ. ಹಾಗಾದರೆ ವಿವೋ V30 ಲೈಟ್ 5G ಫೋನಿನ ಬೆಲೆ ಎಷ್ಟು?, ಏನೆಲ್ಲ ಫೀಚರ್ಸ್ ಇವೆ ಎಂಬುದನ್ನು ನೋಡೋಣ.

ವಿವೋ V30 ಲೈಟ್ 5G ಬೆಲೆ, ಲಭ್ಯತೆ:

ವಿವೋ V30 ಲೈಟ್ 5G ಫೋನ್ ಫಾರೆಸ್ಟ್ ಬ್ಲ್ಯಾಕ್ ಮತ್ತು ರೋಸ್ ಗೋಲ್ಡ್ ಬಣ್ಣಗಳಲ್ಲಿ ನೀಡಲಾಗುತ್ತದೆ. ವಿವೋ ಮೆಕ್ಸಿಕೊ ವೆಬ್‌ಸೈಟ್‌ನಲ್ಲಿ 12GB + 256GB ರೂಪಾಂತರದಲ್ಲಿ ಪಟ್ಟಿ ಮಾಡಲಾಗಿದೆ. ಇದರ ಬೆಲೆ MXN 8,999 (ಸುಮಾರು ರೂ. 44,100). ಟೆಲ್ಸೆಲ್ ಮತ್ತು ಇತರ ಮೆಕ್ಸಿಕನ್ ಆನ್‌ಲೈನ್ ಮರುಮಾರಾಟಗಾರರ ಮೂಲಕ ಖರೀದಿಸಲು ಲಭ್ಯವಿದೆ.

Year Ender 2023: ಈ ವರ್ಷ ಬಿಡುಗಡೆಯಾದ ಬೆಸ್ಟ್ ಬಜೆಟ್ ಸ್ಮಾರ್ಟ್​ಫೋನ್ಸ್ ಇಲ್ಲಿದೆ ನೋಡಿ

ಇದನ್ನೂ ಓದಿ

ಒನ್​ಪ್ಲಸ್​ನ ಈ ಫೋನ್‌ ಮೇಲೆ ಭಾರಿ ರಿಯಾಯಿತಿ: ರೂ. 30 ಸಾವಿರಕ್ಕಿಂತ ಕಡಿಮೆ

ಫ್ಲಿಪ್‌ಕಾರ್ಟ್​ನಲ್ಲಿ ನಡೆಯುತ್ತಿದೆ ವಿಂಟರ್ ಫೆಸ್ಟ್: ಆಫರ್ ಮಿಸ್ ಮಾಡ್ಬೇಡಿ

ನಿಮ್ಮ 4G ಫೋನ್‌ನಲ್ಲಿ 5G ಸ್ಪೀಡ್​ನಂತೆ ಇಂಟರ್ನೆಟ್ ವರ್ಕ್ ಆಗಬೇಕಾ?

ಸ್ವದೇಶಿ ಸ್ಮಾರ್ಟ್‌ಫೋನ್ ಲಾವಾ ಸ್ಟೋರ್ಮ್ 5G ಮಾರಾಟ ಆರಂಭ: ಇಂದೇ ಖರೀದಿಸಿ

ವಿವೋ V30 ಲೈಟ್ 5G ಫೀಚರ್ಸ್:

ಹೊಸದಾಗಿ ಬಿಡುಗಡೆಯಾದ ಈ ಸ್ಮಾರ್ಟ್‌ಫೋನ್ 6.67-ಇಂಚಿನ ಪೂರ್ಣ-HD+ (2,400 x 1,080 ಪಿಕ್ಸೆಲ್‌ಗಳು) E4 AMOLED ಡಿಸ್​ಪ್ಲೇಯನ್ನು ಹೊಂದಿದೆ. 120Hz ವರೆಗಿನ ರಿಫ್ರೆಶ್ ದರದಿಂದ ಕೂಡಿದೆ. Adreno 619 GPU ನೊಂದಿಗೆ ಜೋಡಿಸಲಾದ ಕ್ವಾಲ್ಕಂನ ಸ್ನಾಪ್‌ಡ್ರಾಗನ್ 695 SoC ನಿಂದ ಕಾರ್ಯನಿರ್ವಹಿಸುತ್ತದೆ. ಇದು 12GB LPDDR4X RAM ಮತ್ತು 256GB UFS 2.2 ಅಂತರ್ಗತ ಸಂಗ್ರಹಣೆಯನ್ನು ನೀಡುತ್ತದೆ. ಈ ಹ್ಯಾಂಡ್‌ಸೆಟ್ ಆಂಡ್ರಾಯ್ಡ್ 13-ಆಧಾರಿತ FuntouchOS 13 ನಲ್ಲಿ ರನ್ ಆಗುತ್ತದೆ.

ಕ್ಯಾಮೆರಾ ವಿಭಾಗದಲ್ಲಿ, ವಿವೋ V30 ಲೈಟ್ 5G 64-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕವನ್ನು ಹೊಂದಿದೆ, ಅಲ್ಟ್ರಾವೈಡ್ ಲೆನ್ಸ್‌ನೊಂದಿಗೆ 8-ಮೆಗಾಪಿಕ್ಸೆಲ್ ಸಂವೇದಕ ಮತ್ತು ಹಿಂಭಾಗದಲ್ಲಿ LED ಫ್ಲ್ಯಾಷ್ ಜೊತೆಗೆ 2-ಮೆಗಾಪಿಕ್ಸೆಲ್ ಸಂವೇದಕ ನೀಡಲಾಗಿದೆ. ಡಿಸ್‌ಪ್ಲೇಯ ಮೇಲ್ಭಾಗದಲ್ಲಿ 50-ಮೆಗಾಪಿಕ್ಸೆಲ್ ಕ್ಯಾಮೆರಾ ಅಳವಡಿಸಲಾಗಿದೆ.

USB ಟೈಪ್-ಸಿ ಪೋರ್ಟ್ ಮೂಲಕ 44W ವೈರ್ಡ್ ಫಾಸ್ಟ್ ಚಾರ್ಜಿಂಗ್‌ ಬೆಂಬಲದೊಂದಿಗೆ 4,800mAh ಬ್ಯಾಟರಿಯನ್ನು ವಿವೋ ಪ್ಯಾಕ್ ಮಾಡಿದೆ. ಇದು 5G, 4G VoLTE, Wi-Fi 802.11, ಬ್ಲೂಟೂತ್ 5.1, NFC ಮತ್ತು GPS ಸಂಪರ್ಕವನ್ನು ನೀಡುತ್ತದೆ. ಭದ್ರತೆಗಾಗಿ, ಹ್ಯಾಂಡ್‌ಸೆಟ್‌ನಲ್ಲಿ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕವನ್ನು ಅಳವಡಿಸಲಾಗಿದೆ. ಧೂಳು ಮತ್ತು ಸ್ಪ್ಲಾಶ್ ಪ್ರತಿರೋಧಕ್ಕಾಗಿ IP54 ರೇಟಿಂಗ್‌ನೊಂದಿಗೆ ಬರುತ್ತದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ