Year Ender 2023: ಈ ವರ್ಷ ಬಿಡುಗಡೆಯಾದ ಬೆಸ್ಟ್ ಬಜೆಟ್ ಸ್ಮಾರ್ಟ್ಫೋನ್ಸ್ ಇಲ್ಲಿದೆ ನೋಡಿ
Best Budget Smartphones 2023: ಕಳೆದ ವರ್ಷಕ್ಕೆ ಹೋಲಿಸಿದರೆ, 2023 ರಲ್ಲಿ ಸ್ಮಾರ್ಟ್ಫೋನ್ ಮಾರುಕಟ್ಟೆ ಸ್ವಲ್ಪ ನಿಧಾನಗತಿಯಲ್ಲಿ ಸಾಗಿದೆ. ಆದರೆ, ಬಜೆಟ್ ಫೋನುಗಳು ಸಾಲು ಸಾಲಾಗಿ ಬಿಡುಗಡೆ ಆಗಿವೆ. ಕರ್ವ್ಡ್ ಡಿಸ್ಪ್ಲೇ, 5G ಸಂಪರ್ಕ, ಪ್ರೀಮಿಯಂ ಗ್ಲಾಸ್ ಬ್ಯಾಕ್ ವಿನ್ಯಾಸ ಇರುವ ಫೋನುಗಳು ರೂ. 20,000 ಕ್ಕೆ ರಿಲೀಸ್ ಆಗಿವೆ.
Updated on:Dec 28, 2023 | 3:21 PM
ಸ್ಮಾರ್ಟ್ಫೋನ್ಗಳು (Smartphones) ಕಾಲಕಾಲಕ್ಕೆ ಅಪ್ ಡೇಟ್ ಆಗುತ್ತಿರುತ್ತವೆ. ಹೊಸ ಮಾದರಿಗಳು ಮತ್ತು ಹೊಸ ಆವೃತ್ತಿಗಳು ಬಿಡುಗಡೆ ಆಗುತ್ತಾ ಇರುತ್ತವೆ. ಆದರೆ ಇಂತಹ ಫೋನುಗಳ ಬೆಲೆ ಕೊಂಚ ದುಬಾರಿ. ಆದರೆ, ಬಜೆಟ್ ಸ್ನೇಹಿ ಫೋನ್‌ಗಳಲ್ಲಿ ಈ ಬದಲಾವಣೆಗಳು ಅಷ್ಟಾಗಿ ಗೋಚರಿಸುವುದಿಲ್ಲ. ಯಾವುದೇ ಬ್ರ್ಯಾಂಡ್ ಇರಲಿ ಒಂದೇ ರೀತಿಯ ವೈಶಿಷ್ಟ್ಯಗಳು, ಫೀಚರ್ಗಳನ್ನು ಹೊಂದಿರುತ್ತವೆ. ಅದಕ್ಕಾಗಿಯೇ ಅವುಗಳನ್ನು ಖರೀದಿಸುವವರ ಸಂಖ್ಯೆ ಹೆಚ್ಚು. ಆದಾಗ್ಯೂ, ಕಳೆದ ವರ್ಷಕ್ಕೆ ಹೋಲಿಸಿದರೆ, 2023 ರಲ್ಲಿ ಸ್ಮಾರ್ಟ್ಫೋನ್ ಮಾರುಕಟ್ಟೆ ಹೆಚ್ಚು ವೇಗ ಪಡೆದುಕೊಳ್ಳಲಿಲ್ಲ. ಆದರೆ, ಇನ್ಫಿನಿಕ್ಸ್, ಲಾವಾ, ಮೋಟೋರೊಲಾದಂತಹ ಟಾಪ್ ಬ್ರಾಂಡ್ಗಳು ಈ ವರ್ಷ ಕಡಿಮೆ ಬೆಲೆಗೆ ಒಳ್ಳೆಯ ಫೋನ್ ಪರಿಚಯಿಸಿ ಯಶಸ್ಸು ಸಾಧಿಸಿದವು. ಅಂತಹ ಫೋನುಗಳ ಪಟ್ಟಿ ಇಲ್ಲಿದೆ.
ಲಾವಾ ಅಗ್ನಿ 2:
ಇದು ರೂ. 20,000 ಕ್ಕಿಂತ ಕಡಿಮೆ ಬಜೆಟ್‌ನಲ್ಲಿ ಲಭ್ಯವಿರುವ ಅತ್ಯುತ್ತಮ ಫೋನ್‌ಗಳಲ್ಲಿ ಒಂದಾಗಿದೆ. ಈ ಫೋನ್ ಉನ್ನತ ಮಟ್ಟದ ಸ್ಮಾರ್ಟ್ ಫೋನ್‌ಗಳಲ್ಲಿ ಕಂಡುಬರುವ ಹಲವಾರು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ಬಾಗಿದ ಡಿಸ್ಪ್ಲೇ, ಕರ್ವ್ಡ್ ಗ್ಲಾಸ್ ಬ್ಯಾಕ್ ಪ್ಯಾನೆಲ್, 67W ಫಾಸ್ಟ್ ಚಾರ್ಜಿಂಗ್, ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಹೊಂದಿದೆ. ಆಂಡ್ರಾಯ್ಡ್ 14 ಅಪ್‌ಡೇಟ್‌ನೊಂದಿಗೆ ಸ್ಟಾಕ್ ಆಂಡ್ರಾಯ್ಡ್ 13 ಓಎಸ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಪ್ರಾಥಮಿಕ ಕ್ಯಾಮೆರಾದ ಕಾರ್ಯಕ್ಷಮತೆ ಕೂಡ ಅದ್ಭುತವಾಗಿದೆ.
ಇನ್ಫಿನಿಕ್ಸ್ GT 10 ಪ್ರೊ:
ಕಡಿಮೆ ಬೆಲೆಯಲ್ಲಿ ಗೇಮಿಂಗ್ ಸ್ಮಾರ್ಟ್ಫೋನ್ ಬಯಸುವವರಿಗೆ ಇದು ಅತ್ಯುತ್ತಮ ಆಯ್ಕೆಯಾಗಿದೆ. ಇದು ಮೀಡಿಯಾ ಟೆಕ್ ಚಿಪ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. 120Hz ರಿಫ್ರೆಶ್ ದರದೊಂದಿಗೆ OLED ಡಿಸ್ಪ್ಲೇಯನ್ನು ಹೊಂದಿದೆ. ಮೈಕ್ರೊ SD ಕಾರ್ಡ್ ಸ್ಲಾಟ್, 3.5mm ಹೆಡ್‌ಫೋನ್ ಜ್ಯಾಕ್‌ನಂತಹ ವೈಶಿಷ್ಟ್ಯಗಳಿಂದ ಕೂಡಿದೆ. ಕಸ್ಟಮ್ ಚಿಪ್‌ನೊಂದಿಗೆ ಕಾರ್ಯನಿರ್ವಹಿಸುತ್ತಿದ್ದರೂ ಬ್ಲೋಟ್‌ವೇರ್ ಇಲ್ಲದ ಏಕೈಕ ಫೋನ್ ಇದಾಗಿದೆ.
ಸ್ಯಾಮ್ಸಂಗ್ ಗ್ಯಾಲಕ್ಸಿ M34:
ಅಗ್ನಿ 2 ಮತ್ತು ಇನ್ಫಿನಿಕ್ಸ್ GT10 ಗೆ ಹೋಲಿಸಿದರೆ ಇದರಲ್ಲಿ ಫೀಚರ್ಸ್ ಸ್ವಲ್ಪ ಕಡಿಮೆ. ಆದರೆ ಇದರ ಬ್ಯಾಟರಿ ಬಾಳಿಕೆ ಹೆಚ್ಚು. ಇದು ವೇಗದ ಹೈ-ರಿಫ್ರೆಶ್-ರೇಟ್ ಡಿಸ್ಪ್ಲೇ, ಮೂರು ವರ್ಷಗಳ OS ನವೀಕರಣಗಳನ್ನು ನೀಡುವ ಸ್ಥಿರ ಆಪರೇಟಿಂಗ್ ಸಿಸ್ಟಮ್ ಮತ್ತು ದೊಡ್ಡ 6,000mAh ಬ್ಯಾಟರಿಯನ್ನು ಹೊಂದಿದೆ.
ಮೋಟೋ G84:
ಬಜೆಟ್ ಫೋನ್‌ಗಳಲ್ಲಿ ಇದು ಅತ್ಯುತ್ತಮ ಆಯ್ಕೆಯಾಗಿದೆ. ಇದು ನೀರು ಮತ್ತು ಧೂಳಿನ ಪ್ರತಿರೋಧಕ್ಕಾಗಿ IP54 ರೇಟಿಂಗ್ ಅನ್ನು ನೀಡುತ್ತದೆ. Pantone ಮೆಜೆಂಟಾ ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ. ಇದು ಸ್ನಾಪ್‌ಡ್ರಾಗನ್ 695 ಚಿಪ್ ಅನ್ನು ಹೊಂದಿದೆ. ಇದು ದೈನಂದಿನ ಬಳಕೆಗೆ ಸೂಕ್ತವಾಗಿದೆ.
ಒನ್ ಪ್ಲಸ್ ನಾರ್ಡ್ ಸಿಇ3 ಲೈಟ್:
ಇದು ಕೂಡ ಅತ್ಯುತ್ತಮ ಬಜೆಟ್ ಸ್ಮಾರ್ಟ್‌ಫೋನ್‌ಗಳಲ್ಲಿ ಒಂದಾಗಿದೆ. ಕಡಿಮೆ ಬೆಲೆಯಲ್ಲಿ ಉತ್ತಮ ಕಾರ್ಯಕ್ಷಮತೆಯನ್ನು ನೀಡುವ ಫೋನ್ ಇದು. ದೈನಂದಿನ ಬಳಕೆಗೆ ವೇಗವಾಗಿ ಕೆಲಸ ಮಾಡುತ್ತದೆ. 5G ಸಂಪರ್ಕ, ಅತ್ಯುತ್ತಮ ವಿನ್ಯಾಸ, 120Hz ರಿಫ್ರೆಶ್ ದರದಿಂದ ಕೂಡಿದೆ. ಆಕ್ಸಿಜನ್ ಓಎಸ್‌ನೊಂದಿಗೆ ರನ್ ಆಗುತ್ತದೆ. ವೇಗದ ಚಾರ್ಜಿಂಗ್ ಅನ್ನು ಕೂಡ ಬೆಂಬಲಿಸುತ್ತದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 3:21 pm, Thu, 28 December 23
