Tech Tips: ಇನ್​ಸ್ಟಾಗ್ರಾಮ್​ನಲ್ಲಿ ಬ್ಲೆಂಡ್ ವೈಶಿಷ್ಟ್ಯ ಎಂದರೇನು?: ಇದನ್ನು ಹೇಗೆ ಉಪಯೋಗಿಸುವುದು?

ಬೆಂಗಳೂರು (ಏ. 21): ಇನ್‌ಸ್ಟಾಗ್ರಾಮ್ (Instagram) ತನ್ನ ಬಳಕೆದಾರರ ಅನುಕೂಲಕ್ಕಾಗಿ ಹೊಸ ವೈಶಿಷ್ಟ್ಯಗಳನ್ನು ತರುತ್ತಲೇ ಇರುತ್ತದೆ. ಆದರೆ, ಇದು ಅನೇಕ ಬಳಕೆದಾರರಿಗೆ ರೀಚ್ ಆಗಿರುವುದಿಲ್ಲ. ಅದನ್ನು ಉಪಯೋಗಿಸುವುದು ಹೇಗೆ ಎಂಬುದು ಕೂಡ ತಿಳಿದಿರುವುದಿಲ್ಲ. ಈ ಸಾಲಿನಲ್ಲಿ ಇತ್ತೀಚೆಗೆ ಇನ್​ಸ್ಟಾಗ್ರಾಮ್ ಬಿಡುಗಡೆ ಮಾಡಿದ ಬ್ಲೆಂಡ್ ಎಂಬ ಹೊಸ ವೈಶಿಷ್ಟ್ಯ ಕೂಡ ಇದೆ. ಈ ವೈಶಿಷ್ಟ್ಯವು ರೀಲ್‌ಗಳನ್ನು ವೀಕ್ಷಿಸಲು ಮತ್ತು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಳ್ಳಲು ಇಷ್ಟಪಡುವ ಬಳಕೆದಾರರಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಬ್ಲೆಂಡ್ ವೈಶಿಷ್ಟ್ಯವನ್ನು ನೀವು ಅರ್ಥ ಮಾಡಿಕೊಂಡರೆ, ಇನ್​ಸ್ಟಾಗ್ರಾಮ್ ಬಳಸುವುದು ಈಗ ಹೆಚ್ಚು ಖುಷಿ ಕೊಡುತ್ತದೆ ಮತ್ತು ಮೋಜಿನದಾಗುತ್ತದೆ.

ಬ್ಲೆಂಡ್ ವೈಶಿಷ್ಟ್ಯ ಎಂದರೇನು?

ಬ್ಲೆಂಡ್ ಎಂಬುದು ನೀವು ಮತ್ತು ನಿಮ್ಮ ಸ್ನೇಹಿತರು ಒಟ್ಟಿಗೆ ಇನ್​ಸ್ಟಾಗ್ರಾಮ್ ರೀಲ್‌ಗಳನ್ನು ಆನಂದಿಸಬಹುದಾದ ಒಂದು ವೈಶಿಷ್ಟ್ಯವಾಗಿದೆ. ನೀವು ಬ್ಲೆಂಡ್‌ನಲ್ಲಿರುವ ಯಾರೊಂದಿಗಾದರೂ ಸಂಪರ್ಕ ಸಾಧಿಸಿದಾಗ, ನಿಮ್ಮ ಮತ್ತು ಆ ಸ್ನೇಹಿತನ ಆಸಕ್ತಿಗಳ ಆಧಾರದ ಮೇಲೆ ಇನ್​ಸ್ಟಾಗ್ರಾಮ್ ರೀಲ್‌ಗಳನ್ನು ಸೂಚಿಸುತ್ತದೆ. ಇದರರ್ಥ ಎರಡರ ಆಸಕ್ತಿಯ ಮಿಶ್ರ ವಿಷಯವನ್ನು ಒಂದೇ ಫೀಡ್‌ನಲ್ಲಿ ತೋರಿಸಲಾಗುತ್ತದೆ.

ಉದಾಹರಣೆ: ನೀವು ತಮಾಷೆಯ ವಿಡಿಯೋಗಳನ್ನು ಇಷ್ಟಪಟ್ಟರೆ ಮತ್ತು ನಿಮ್ಮ ಸ್ನೇಹಿತ ಡ್ಯಾನ್ಸ್ ರೀಲ್‌ಗಳನ್ನು ನೋಡಲು ಇಷ್ಟಪಡುತ್ತಿದ್ದರೆ, ಬ್ಲೆಂಡ್ ಫೀಡ್‌ನಲ್ಲಿ ನೀವು ಎರಡರ ಸಂಯೋಜನೆಯ ರೀಲ್‌ಗಳನ್ನು ಕಾಣಬಹುದು.

ಇದನ್ನೂ ಓದಿ

ನೀವು ಮೊಬೈಲ್ ವಿಮೆಯನ್ನು ತೆಗೆದುಕೊಳ್ಳುತ್ತಿದ್ದರೆ ಜಾಗರೂಕರಾಗಿರಿ

ಕೆಲವೇ ತಿಂಗಳಲ್ಲಿ ಮೊಬೈಲ್ ರೀಚಾರ್ಜ್‌ಗಳು ಮತ್ತೆ ದುಬಾರಿಯಾಗಲಿವೆ

ಬರೋಬ್ಬರಿ 14 ತಿಂಗಳ ರೀಚಾರ್ಜ್ ಪ್ಲ್ಯಾನ್, ಕಡಿಮೆ ಬೆಲೆ: BSNL​ನಿಂದ ಬಂಪರ್

10,00ಕ್ಕಿಂತ ಕಡಿಮೆ ಬೆಲೆ: 4 ಕ್ಯಾಮೆರಾ, 5000mAh ಬ್ಯಾಟರಿಯ ಫೋನ್ ರಿಲೀಸ್

ಬ್ಲೆಂಡ್ ಹೇಗೆ ಕೆಲಸ ಮಾಡುತ್ತದೆ?:

ಇದರಲ್ಲಿ, ನೀವು ಸ್ನೇಹಿತರಿಗೆ ಬ್ಲೆಂಡ್ ಆಹ್ವಾನವನ್ನು ಕಳುಹಿಸುತ್ತೀರಿ. ಇದಾದ ನಂತರ, ಅವರು ಆಹ್ವಾನವನ್ನು ಸ್ವೀಕರಿಸಿದಾಗ, ಅವರಿಬ್ಬರಿಗೂ ವಿಶೇಷ ರೀಲ್ಸ್ ಫೀಡ್ ಅನ್ನು ರಚಿಸಲಾಗುತ್ತದೆ. ಇದರಲ್ಲಿ, ಎರಡರ ಆಯ್ಕೆಯ ಪ್ರಕಾರ ವಿಡಿಯೋಗಳನ್ನು ಡಿಸ್​ಪ್ಲೇ ಮಾಡಲಾಗುತ್ತದೆ. ನೀವು ಚಾಟ್ ಮೂಲಕ ಬ್ಲೆಂಡ್ ಫೀಡ್ ಅನ್ನು ಪ್ರವೇಶಿಸಬಹುದು.

Smartphone Insurance: ನೀವು ಮೊಬೈಲ್ ವಿಮೆಯನ್ನು ತೆಗೆದುಕೊಳ್ಳುತ್ತಿದ್ದರೆ ಜಾಗರೂಕರಾಗಿರಿ: ಈ ಸುದ್ದಿ ಓದದೆ ಯಾವುದೇ ಹೆಜ್ಜೆ ಇಡಬೇಡಿ

ಬಳಕೆದಾರರಿಗೆ ಏನು ಪ್ರಯೋಜನವಾಗುತ್ತದೆ?:

ಸ್ನೇಹಿತರೊಂದಿಗೆ ರೀಲ್‌ಗಳನ್ನು ಹಂಚಿಕೊಳ್ಳುವ ಮತ್ತು ನೋಡುವ ಹೊಸ ಅನುಭವವನ್ನು ನೀವು ಪಡೆಯುತ್ತೀರಿ. ನಿಮ್ಮಿಬ್ಬರ ಸ್ನೇಹಿತರ ಇಷ್ಟಗಳನ್ನು ಆಧರಿಸಿದ ವಿಡಿಯೋಗಳನ್ನು ನೀವು ನೋಡುತ್ತೀರಿ. ಬ್ಲೆಂಡ್ ವೈಶಿಷ್ಟ್ಯವು ಇನ್​ಸ್ಟಾಗ್ರಾಮ್ ಅನುಭವವನ್ನು ಹೆಚ್ಚು ವಿಶೇಷ ಮತ್ತು ವೈಯಕ್ತಿಕಗೊಳಿಸುತ್ತದೆ. ನೀವಿಬ್ಬರೂ ಒಂದೇ ರೀತಿಯ ಅಥವಾ ತಮಾಷೆಯ ರೀಲ್‌ಗಳನ್ನು ನೋಡಿದಾಗ, ಚಾಟ್‌ನಲ್ಲಿ ಸಂಭಾಷಣೆ ಮತ್ತು ಮೋಜಿನ ಅವಕಾಶ ಹೆಚ್ಚಾಗುತ್ತದೆ.

ವಾಟ್ಸ್ಆ್ಯಪ್ ಸ್ಟೇಟಸ್​ನಲ್ಲಿ ಇನ್​ಸ್ಟಾ ರೀಲ್ಸ್:

ಈ ಹಿಂದೆ, ಇನ್‌ಸ್ಟಾ ರೀಲ್‌ಗಳು ವಾಟ್ಸ್​ಆ್ಯಪ್ ಸ್ಟೇಟಸ್‌ನಲ್ಲಿ ಲಿಂಕ್‌ಗಳಾಗಿ ಕಾಣಿಸಿಕೊಳ್ಳುತ್ತಿದ್ದವು, ಆದರೆ ಈಗ ಅವುಗಳ ವಿಡಿಯೋ ಕೂಡ ಕಾಣಿಸಿಕೊಳ್ಳುತ್ತದೆ. ಜೊತೆಗೆ ಆಡಿಯೋ ಕೂಡ ಕಣ್ಮರೆಯಾಗುವುದಿಲ್ಲ. ಈ ಮೂಲಕ ಮೆಟಾ ಅನೇಕ ಬಳಕೆದಾರರ ಸಮಸ್ಯೆಯನ್ನು ಬಗೆಹರಿಸಿದೆ. ಈಗ ಬಳಕೆದಾರರು ವಾಟ್ಸ್​ಆ್ಯಪ್ ಸ್ಟೇಟಸ್​ನಲ್ಲಿ ಇನ್‌ಸ್ಟಾಗ್ರಾಮ್ ರೀಲ್‌ಗಳನ್ನು ಸುಲಭವಾಗಿ ಹಂಚಿಕೊಳ್ಳಲು ಸಾಧ್ಯವಾಗುತ್ತದೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಆಗಾಗ್ಗೆ ತಮ್ಮದೇ ಆದ ರೀಲ್‌ಗಳನ್ನು ರಚಿಸುವ ಜನರಿಗೆ ಈ ವೈಶಿಷ್ಟ್ಯವು ತುಂಬಾ ಉಪಯುಕ್ತವಾಗಿರುತ್ತದೆ. ಈ ರೀತಿಯಾಗಿ, ಅವರು ತಮ್ಮ ರೀಲ್‌ಗಳನ್ನು ಗರಿಷ್ಠ ಮಟ್ಟದಲ್ಲಿ ತಲುಪಲು ವಾಟ್ಸ್​ಆ್ಯಪ್​ ಸ್ಟೇಟಸ್‌ನಲ್ಲಿ ರೀಲ್‌ಗಳನ್ನು ಹಂಚಿಕೊಳ್ಳಬಹುದು. ಇಲ್ಲಿಯವರೆಗೆ ರೀಲ್‌ಗಳನ್ನು ನೇರವಾಗಿ ವಾಟ್ಸ್​ಆ್ಯಪ್​ ಸ್ಟೇಟಸ್‌ಗೆ ಕಳುಹಿಸಲು ಸಾಧ್ಯವಾಗುತ್ತಿರಲಿಲ್ಲ, ಆದರೆ ಹೊಸ ವೈಶಿಷ್ಟ್ಯದ ನಂತರ, ಈಗ ಅವರು ತಮ್ಮ ಇನ್‌ಸ್ಟಾಗ್ರಾಮ್ ರೀಲ್‌ಗಳನ್ನು ವಾಟ್ಸ್​ಆ್ಯಪ್​ ಸ್ಟೇಟಸ್‌ಗೆ ಸುಲಭವಾಗಿ ಆಡಿಯೋ ಜೊತೆಗೆನೇ ಹಾಕಲು ಸಾಧ್ಯವಾಗುತ್ತದೆ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ