77ರ ಹರೆಯದಲ್ಲೂ ಸ್ಕೇಟಿಂಗ್​ ಕಲಿಯುತ್ತಿರುವ ವೃದ್ಧ: ವೈರಲ್​ ಆದ ವೀಡಿಯೋ

ಕಲಿಕೆಗೆ ವಯಸ್ಸಿನ ಹಂಗಿಲ್ಲ ಎನ್ನುವುದು ತಿಳಿದಿರುವ ವಿಚಾರ. ಆದರೆ ಇಳಿ ವಯಸ್ಸಿನಲ್ಲಿ ಮಾರಣಾಂತಿಕ ಕಾಯಿಲೆಯಿಂದ ಬಳಲುತ್ತಿರುವಾಗಲೂ ಜೀವನೋತ್ಸಾಹದಿಂದ ಹೊಸದೊಂದು ವಿಚಾರವನ್ನು ಕಲಿಯಬೇಕು ಎನ್ನುವ ಹುಮ್ಮಸ್ಸು ನಿಜಕ್ಕೂ ಎಲ್ಲರಿಗೂ ಮಾದರಿ. ಹೌದು, ಇಲ್ಲೊಬ್ಬರು 77ವರ್ಷದ ಇಳಿವಯಸ್ಸಿನ ವೃದ್ದ ಸ್ಕೇಟಿಂಗ್​ ಕಲಿಯುತ್ತಿರುವ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಕೇವಲ ಇಳಿ ವಯಸ್ಸು ಮಾತ್ರವಲ್ಲದೆ ಇವರಿಗೆ ಕ್ಯಾನ್ಸರ್​ ರೋಗ ಕೂಡ ಇದೆ. 4ನೇ ಹಂತದ ಪ್ರಾಸ್ಟೇಟ್​ಕ್ಯಾನ್ಸರ್​ ರೋಗ ಇದ್ದರೂ ಇವರಿಗೆ ಸ್ಕೇಟಿಂಗ್​ ಕಲಿಯುವ ಹಂಬಲ.

ಒನ್​ ​ಟ್ರಯಲ್​ ಸಂಸ್ಥೆಯ ಸಿಇಒ ರೆಬೆಕಾ ಬೆಸ್ಟಾಯಿನ್​ ಈ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ. ಸ್ಕೇಟಿಂಗ್​ ಕಲಿಯುತ್ತಿರುವವರು ರೆಬೆಕಾ ಅವರ ತಂದೆ. ರೆಬೆಕಾ ಅವರ ತಂದೆಗೆ 77 ವರ್ಷ. ಈ ಕುರಿತು ಅವರು ಟ್ವಿಟರ್​ನಲ್ಲಿ ಐಸ್​ ಸ್ಕೇಟಿಂಗ್​ ತರಬೇತಿ ನೀಡುವ ಶಿಕ್ಷಕನೊಂದಿಗೆ ಸ್ಕೇಟಿಂಗ್​ ಮಾಡುವ ವೀಡಿಯೊ ಹಂಚಿಕೊಂಡು, ನನ್ನ ತಂದೆ ತನಗಿರುವ ಮಾರಣಾಂತಿಕ ಕಾಯಿಲೆಯನ್ನು ಮರೆತು ಸಂತಸದಿಂದ ಇದ್ದಾರೆ ಎಂದು ಬರೆದುಕೊಂಡಿದ್ದಾರೆ.

My father is 77 years old and has stage 4 prostate cancer. He decided to learn how to ice skate a few years ago, and just did this performance with his teacher.

For anyone that thinks it’s too late to try something new… ❤️ pic.twitter.com/0SZ3FmbNGE

— Rebekah Bastian (@rebekah_bastian) December 9, 2021

ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು ನೆಟ್ಟಿಗರ ಮನಗೆದ್ದಿದೆ. ವಯಸ್ಸಾದರೂ ಕುಂದದ ಜೀವನ ಪ್ರೀತಿ ಕಂಡು ನೋಡುಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಟ್ವಿಟರ್​ನಲ್ಲಿ ವೀಡಿಯೋ 2.5ಮಿಲಿಯನ್​ಗೂ ಅಧಿಕ ವೀಕ್ಷಣೆ ಪಡೆದುಕೊಂಡಿದ್ದು, ಒಂದು ಲಕ್ಷಕ್ಕೂ ಹೆಚ್ಚು ಲೈಕ್​ಗಳನ್ನು ಪಡೆದಿದೆ.

ಇದನ್ನೂ ಓದಿ: