Video: ಸಹವಾಸ ದೋಷ ಅಂದ್ರೆ ಇದೇ ಇರ್ಬೇಕು; ಹಸುವಿನ ಜತೆ ಸೇರಿ ಹುಲ್ಲು ತಿಂದ ಶ್ವಾನ
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುವ ಕೆಲ ದೃಶ್ಯಗಳನ್ನು ನೋಡುವಾಗ ಕೆಲವೊಮ್ಮೆ ಅಚ್ಚರಿಯಾಗುತ್ತದೆ. ಈ ವಿಡಿಯೋ ನೋಡಿದಾಗ ನಿಮ್ಗೂ ಹಾಗೆ ಅನಿಸರಬಹುದು. ಹೌದು, ಮನೆಯ ಮುದ್ದಿನ ಶ್ವಾನವೊಂದು ಹಸುವಿನ ಜತೆಗೆ ಸೇರಿ ಹುಲ್ಲು ತಿನ್ನುತ್ತಿರುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋ ನೆಟ್ಟಿಗರನ್ನು ಹುಬ್ಬೇರಿಸುವಂತೆ ಮಾಡಿದೆ.
Updated on:Sep 01, 2026 | 12:42 PM
ಸ್ನೇಹಿತರ ಜತೆಗೆ ಹೆಚ್ಚು ಸೇರಿದ್ರೆ ಏನಾದ್ರು ತಪ್ಪು ಮಾಡಿದ್ರೆ, ಸಹವಾಸ ದೋಷದಿಂದಲೇ ನೀನು ಹೀಗೆ ಆಗಿರೋದು ಎಂದು ಮನೆಯವರು ಹೇಳುತ್ತಾರೆ. ಈ ಮಾತು ಮನುಷ್ಯರಿಗೆ ಮಾತ್ರವಲ್ಲ, ಪ್ರಾಣಿಗಳಿಗೂ ಅನ್ವಯವಾಗುತ್ತವೆ. ಇದಕ್ಕೆ ಉದಾಹರಣೆಯಂತಿದೆ ಈ ಶ್ವಾನ (dog). ಹೌದು, ಹಸುವಿನ ಜತೆಗೆ ಶ್ವಾನವೊಂದು ಫ್ರೆಂಡ್‌ ಶಿಪ್‌ ಬೆಳೆಸಿಕೊಂಡಿದೆ. ಹಸುವಿನ ಜೊತೆ ಸೇರಿ ಮನೆಯ ಶ್ವಾನವೊಂದು ಹುಲ್ಲು ತಿನ್ನುತ್ತಿರುವ ದೃಶ್ಯವು ನೆಟ್ಟಿಗರ ಗಮನ ಸೆಳೆದಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಸಹವಾಸ ದೋಷ ಅಂದ್ರೆ ಇದೇ ಇರ್ಬೇಕು ಎಂದು ತಮಾಷೆ ಮಾಡಿದ್ದಾರೆ.
ಹಸುವಿನ ಜತೆಗೆ ಸೇರಿ ಹುಲ್ಲು ತಿಂದ ಮುದ್ದಿನ ಶ್ವಾನ
ಭೈರವ ಹಾಗೂ ಮಂಗಳ (Bhairava and Mangala) ಹೆಸರಿನ ಖಾತೆಯಲ್ಲಿ ಕ್ಯೂಟ್ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಮನೆಯ ಮುದ್ದಿನ ಶ್ವಾನವು ಹಸುವಿನ ಜತೆಗೆ ಸ್ನೇಹ ಬೆಳೆಸಿದೆ. ಇಲ್ಲಿ ಹಸುವು ಹುಲ್ಲು ತಿನ್ನುತ್ತಿದ್ದರೆ ಶ್ವಾನವು ಅದಕ್ಕೆ ಸಾಥ್‌ ನೀಡಿರುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
View this post on Instagram
ಇದನ್ನೂ ಓದಿ: ಮನೆಮಾಲೀಕನ ಬಳಿ ಬಾಳೆಹಣ್ಣು ಬೇಕೆಂದು ಹಠ ಹಿಡಿದು ಕುಳಿತ ಮುದ್ದಿನ ಶ್ವಾನ
ಈ ವಿಡಿಯೋ ಎರಡೂ ಎಪ್ಪತ್ತೈದು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ನನ್ನ ಮನೆಯ ಶ್ವಾನವು ಹೀಗೆ ಹುಲ್ಲು ತಿನ್ನುತ್ತದೆ. ಹಿಂದಿನ ಜನ್ಮದಲ್ಲಿ ಈ ಶ್ವಾನವು ಹಸುವೇ ಆಗಿರಬಹುದು ಎಂದು ಹೇಳಿದ್ದಾರೆ. ಮತ್ತೊಬ್ಬರು, ನಮ್ಮ ಮನೆಯ ಬೆಕ್ಕು ಹೀಗೆಯೇ ಎಂದು ಹೇಳಿದ್ದಾರೆ. ಇನ್ನೊಬ್ಬರು, ಇದು ಸಹವಾಸ ದೋಷ ಎಂದು ತಮಾಷೆ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 12:14 pm, Tue, 1 September 26
