Viral Video: ‘ಹಾವುರಾಣಿ’; ನಿಮಗೆ ಬೆಡ್​ ಬೆಡ್​ಶೀಟ್​ ಏನೂ ಬೇಕಾಗಿಲ್ಲ ಬಿಡಿ ಎನ್ನುತ್ತಿರುವ ನೆಟ್ಟಿಗರು

Python: ಅನೇಕ ಹೆಣ್ಣುಮಕ್ಕಳು ಹಾವನ್ನು ಹಿಡಿದು ಧೈರ್ಯ ತೋರಿದ್ದಾರೆ. ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಈ ಮಹಿಳೆ ಬೃಹತ್ ಗಾತ್ರದ ಹೆಬ್ಬಾವುಗಳನ್ನು ಹಿಡಿದು ಅಪ್ಪಿ, ಮುದ್ದಾಡಿ ಅಚ್ಚರಿ ಮೂಡಿಸಿದ್ಧಾಳೆ. ಈ ದೃಶ್ಯ ಕನಸಿನಲ್ಲಿ ಬಂದು ಕಾಡದಿದ್ದರೆ ಸಾಕಪ್ಪಾ ಎಂದು ಅನೇಕ ನೆಟ್ಟಿಗರು ಈ ವಿಡಿಯೋದಡಿ ಪ್ರತಿಕ್ರಿಯಿಸಿದ್ದಾರೆ. ವನ್ಯಮೃಗದೊಂದಿಗೆ (Wild Animals) ಹೀಗೆ ಆಪ್ತವಾಗಿ ಒಡನಾಡುತ್ತಿರುವ ಮಹಿಳೆಯ ಧೈರ್ಯ ಮತ್ತು ಪ್ರೀತಿ ಶ್ಲಾಘನೀಯ ಎಂದಿದ್ದಾರೆ ಕೆಲವೊಂದಿಷ್ಟು ಜನ. ಯಾವ ಪ್ರೀತಿಯೂ ಅತಿಯಾದರೆ ವಿಷವೇ, ಅದರಲ್ಲೂ ಇಂಥ ಹೆಬ್ಬಾವಿನೊಡನೆ! ಹುಷಾರಾಗಿರಿ ಎಂದು ಅನೇಕರು ಈ ಮಹಿಳೆಗೆ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ : Viral Video: ಗುಜರಾತ್​; ಜಾಯಿಂಟ್​ ವೀಲ್​ನಲ್ಲಿ ಯುವತಿಯ ಕೂದಲು ಸಿಕ್ಕಿಹಾಕಿಕೊಂಡಾಗ

ಇನ್​ಸ್ಟಾಗ್ರಾಂನ @thereptilezoo ಎಂಬ ಪುಟದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಹತ್ತು ಸೆಕೆಂಡಿನ ಈ ವಿಡಿಯೋ ಮಿಲಿಯನ್​ಗಟ್ಟಲೆ ಜನರನ್ನು ಬೆಚ್ಚಿಬೀಳಿಸಿದ್ದಂತೂ ನಿಜ. ಮಲಗಲು ನಿಮಗೆ ಬೆಡ್, ಬೆಡ್ಶೀಟ್​ ಏನೂ ಬೇಡವೆನ್ನಿಸುತ್ತದೆ ಎಂದು ಹೇಳಿದವರ ಸಂಖ್ಯೆ ಏನು ಕಡಿಮೆ ಇಲ್ಲ!

ಹೆಬ್ಬಾವುಗಳ ಸಾನಿಧ್ಯದಲ್ಲಿ ಮಹಿಳೆ

ದುಃಸ್ವಪ್ನಕ್ಕೆ ಇದು ನನಗೆ ಇಂಧನವಾಗಲಿದೆ , ಧೈರ್ಯವಂತೆ! ಎಂದಿದ್ದಾರೆ ಒಬ್ಬರು. ಈ ಹುಡುಗಿಗೆ ಹುಚ್ಚು ಹಿಡಿದಿದೆ ಎನ್ನಿಸುತ್ತದೆ, ವಿವೇಚನೆ ಉಳ್ಳವರು ಇಂಥದೆಲ್ಲ ಮಾಡುವುದಿಲ್ಲ ಎಂದಿದ್ಧಾರೆ ಇನ್ನೊಬ್ಬರು. ನೀವೇ ನನ್ನ ನಾಯಕಿ ಎಂದಿದ್ದಾರೆ ಮತ್ತೊಬ್ಬರು. ನನಗೂ ಇಂಥ ಅವಕಾಶವಿದ್ದಿದ್ದರೆ? ಎಂದಿದ್ದಾರೆ ಮಗದೊಬ್ಬರು. ದಯವಿಟ್ಟು ವಿಳಾಸ ಕೊಡಿ ಎಂದಿದ್ದಾರೆ ಇನ್ನೂ ಒಬ್ಬರು.

ಇದು ಇದೇ ಜನ್ಮದ ಅನುಬಂಧ

ಈ ಇನ್​ಸ್ಟಾಗ್ರಾಂನ ದಿ ರೆಪ್ಟೈಲ್​ ಝೂ ಎಂಬ ಈ ಖಾತೆಯಲ್ಲಿ ಈ ಮಹಿಳೆಯು ಸಾಕಷ್ಟು ವನ್ಯಜೀವಿಗಳೊಂದಿಗೆ ಒಡನಾಡುವುದನ್ನು ನೋಡಹುದಾಗಿದೆ. ಸಾಕುನಾಯಿ ಬೆಕ್ಕುಗಳೊಂದಿಗೆ ನಾವು ಹೇಗೆ ಪ್ರೀತಿಯಿಂದ ನಿರ್ಭೀತಿಯಿಂದ ಇರುತ್ತೇವೋ ಹಾಗೆ ಈಕೆ ಬೃಹತ್ ಗಾತ್ರದ ಆಮೆ, ಮೊಸಳೆ, ವಿವಿಧ ಜಾತಿಯ ಸರಿಸೃಪಗಳೊಂದಿಗೆ ಇರುತ್ತಾಳೆ.

ಈ ವಿಡಿಯೋಗಳನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ