viral video: ಬಾಯಿ ಚಪ್ಪರಿಸಿಕೊಂಡು ಚಿಕನ್​ ತುಂಡುಗಳನ್ನು ತಿಂದ 11 ತಿಂಗಳ ಮಗು: ವೀಡಿಯೋ ವೈರಲ್​​

ಇಲ್ಲೊಂದು 11 ತಿಂಗಳ ಮಗುವಿನ ವಿಡಿಯೋ ಸಖತ್ ವೈರಲ್​ ಆಗಿದೆ. ಬಾಯಿಚಪ್ಪರಿಸಿಕೊಂಡು ಚಿಕನ್​ ಪೀಸ್​ವೊಂದನ್ನು ಒಂದೇ ಸಲಕ್ಕೆ ಪೂರ್ತಿಯಾಗಿ ತಿಂದ ವೀಡಿಯೋ ವೈರಲ್​ ಆಗಿದೆ.

viral video: ಬಾಯಿ ಚಪ್ಪರಿಸಿಕೊಂಡು ಚಿಕನ್​ ತುಂಡುಗಳನ್ನು ತಿಂದ 11 ತಿಂಗಳ ಮಗು: ವೀಡಿಯೋ ವೈರಲ್​​
ಚಿಕನ್​ ತಿನ್ನುತ್ತಿರುವ ಮಗು

ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವು ವಿಡಿಯೋಗಳು ಆಗಾಗ ಕಣ್ಣರಳಿಸಿ ನೋಡುವಂತೆ ಮಾಡುತ್ತವೆ. ಕೆಲವು ಪ್ರಾಣಿಗಳದ್ದಾಗಿದ್ದರೆ, ಇನ್ನು ಕೆಲವು ಪುಟ್ಟಮಕ್ಕಳ ವಿಡಿಯೋಗಳು ವೈರಲ್​ ಆಗುತ್ತಲೇ ಇರುತ್ತವೆ. ಕೆಲವು ಸಾಮಾಜಿಕ ಮಾಧ್ಯಮದಲ್ಲಿನ ವಿಡಿಯೋಗಳು ನೆಟ್ಟಿಗರನ್ನು ಹುಬ್ಬೇರಿಸುವಂತೆ ಮಾಡುತ್ತವೆ. ಇಲ್ಲೊಂದು 11 ತಿಂಗಳ ಮಗುವಿನ ವಿಡಿಯೋ ಸಖತ್ ವೈರಲ್​ ಆಗಿದೆ. 11ತಿಂಗಳ ಮಗುವೊಂದು ಚಿಕನ್​ ಪೀಸ್​ವೊಂದನ್ನು ಒಂದೇ ಸಲಕ್ಕೆ ಪೂರ್ತಿಯಾಗಿ ತಿಂದ ವೀಡಿಯೋ ವೈರಲ್​ ಆಗಿದೆ.18 ಸೆಕೆಂಡ್​ಗಳ ಈ ವೀಡಿಯೋವು ಟ್ವಿಟರ್​ನಲ್ಲಿ ಭಾರಿ ವೈರಲ್​ ಅಗಿದೆ. ಜನಪ್ರಿಯ ಲೈಫ್​ಸ್ಟೈಲ್​ ಬ್ಲಾಗರ್ ಒಬ್ಬರು ಈ ವೀಡಿಯೋವನ್ನು ಹಂಚಿಕೊಂಡಿದ್ದರು. ಸದ್ಯ ಈ ವೀಡಿಯೋ 2.5 ಮಿಲಿಯನ್​ಗೂ ಅಧಿಕ ವೀಕ್ಷಣೆಗಳನ್ನು ಪಡೆದಿದ್ದು, ಒಂದು ಲಕ್ಷಕ್ಕೂ ಹೆಚ್ಚು ಲೈಕ್​ಗಳನ್ನು ಪಡೆದಿದೆ.

18 ಸೆಕೆಂಡ್​ಗಳ ವೀಡಿಯೋದಲ್ಲಿ ಮಗುವೊಂದು ಕುರ್ಚಿಯ ಮೇಲೆ ಕುಳಿತು ತನ್ನ ಎದುರು ಬಟ್ಟಲಿನಲ್ಲಿರುವ ಚಿಕನ್​ ತುಂಡುಗಳನ್ನು ಒಂದೇ ಏಟಿಗೆ ತಿಂದು ಮುಗಿಸುವುದನ್ನು ಕಾಣಬಹುದು. ಇದಕ್ಕೆ ಹಿನ್ನಲೆ ಧ್ವನಿಯಲ್ಲಿ ನಿನ್ನೆ ರಾತ್ರಿ ಈತ ನನಗಿಂತ ಹೆಚ್ಚು ಸ್ವಚ್ಛವಾಗಿ ಚಿಕನ್​ ತಿಂದು ಮುಗಿಸಿದ್ದಾನೆ. ಜತೆಗೆ ಇನ್ನು ಹೆಚ್ಚಿನ ಚಿಕನ್​ ತುಂಡುಗಳಿಗಾಗಿ ಹುಡುಕಾಟ ನಡೆಸುತ್ತಿದ್ದಾನೆ ಎಂದು ಕೇಳಿಬರುತ್ತದೆ. ಸಾಮಾಜಿಕ ಜಾಲತಾಣಗಳಲ್ಲಿ ವೀಡಿಯೋ ನೋಡಿದ ನೆಟ್ಟಿಗರು ವಿವಿಧ ರೀತಿಯ ಕಾಮೆಂಟ್​ಗಳನ್ನು ಹಾಕಿದ್ದಾರೆ. ಹಲವು ವಿಧದ ಟ್ರೋಲ್​ ಫೋಟೋಗಳನ್ನು ಮಾಡಿ ಹಂಚಿಕೊಂಡಿದ್ದಾರೆ. ಇನ್ನೂ ಕೆಲವರು ಮಗುವಿನ ಮುಗ್ಧತೆ ಹಾಗೂ ಅದು ರುಚಿಯಾದ ಚಿಕನ್ ತುಂಡುಗಳನ್ನು​ ತಿನ್ನುವುದನ್ನು ನೋಡಿ ಖುಷಿಯ ಎಮೋಜಿಗಳನ್ನು ಹಂಚಿಕೊಂಡಿದ್ದಾರೆ.

ಇದನ್ನೂಓದಿ:

ಹೊಸ ಸೋಫಾದ ಒಳಗೆ ಹೆಬ್ಬಾವು ಪ್ರತ್ಯಕ್ಷ; ಹಾವನ್ನು ರಕ್ಷಿಸಿದ ತಂಡಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ ನೆಟ್ಟಿಗರು

Viral Video: ಚಿಪ್ಸ್ ತಿಂದ ಪ್ಯಾಕೆಟ್​ಗೆ ಉಗುಳಿ ಮತ್ತೆ ಅಂಗಡಿಯಲ್ಲಿಟ್ಟ ಯುವತಿ; ವಿಡಿಯೋ ಕಂಡು ಹಿಗ್ಗಾಮುಗ್ಗಾ ಜಾಲಾಡಿದ ನೆಟ್ಟಿಗರು

Click on your DTH Provider to Add TV9 Kannada