25 ವರ್ಷಗಳ ಹಿಂದೆ ಅಮೆಜಾನ್​ ವೆಬ್ಸೈಟ್​ ಬಗ್ಗೆ ಡೆಮೋ ನೀಡಿದ ವಿಡಿಯೋ ಹಂಚಿಕೊಂಡ ಸಂಸ್ಥಾಪಕ ಜೆಫ್ ಬೆಜೋಸ್​​

ಇಂದು ಅಮೆಜಾನ್​ ಹೆಸರನ್ನು ಕೇಳಿರದ ವ್ಯಕ್ತಿಗಳಿಲ್ಲ. ಆನ್ಲೈನ್ ಶಾಪಿಂಗ್​​ ಪ್ಲಾಟ್​ಫಾರ್ಮ್​ನಲ್ಲಿ ಅಮೇಜಾನ್ ತನ್ನದೇ ಆದ ಸ್ಥಾನ ಪಡೆದುಕೊಂಡಿದೆ. ದಿನಬಳಕೆ ವಸ್ತುಗಳಿಂದ ಹಿಡಿದು​ ಎಲೆಕ್ಟ್ರಾನಿಕ್​ ಗಾಜೆಟ್​ಗಳವರೆಗೂ ಎಲ್ಲವೂ ಆನ್ಲೈನ್​ ಶಾಪಿಂಗ್​ ವೇದಿಕೆ ಅಮೆಜಾನ್​ಲ್ಲಿ ದೊರೆಯುತ್ತದೆ. ಅಮೇಜಾನ್​ ಆರಂಭವಾಗಿದ್ದು 1995ರಲ್ಲಿ. ಆರಂಭದ ದಿನಗಳಲ್ಲಿ  ಅಮೆಜಾನ್​ನಲ್ಲಿ ಕೇವಲ ಪುಸ್ತಕಗಳನ್ನು ಮಾತ್ರ ಮಾರಾಟ ಮಾಡಲಾಗುತ್ತಿತ್ತು. ಈ ಬಗ್ಗೆ ಅಮೆಜಾನ್​ ಸಂಸ್ಥಾಪಕ ಜೆಪ್​ ಬೆಜೋಸ್​ 1997ರಲ್ಲಿ ಒಂದು ಡೆಮೋ ವೀಡಿಯೋ ಹಂಚಿಕೊಂಡಿದ್ದರು. ಅದೇ ವೀಡಿಯೋವನ್ನು ಈಗ 25 ವರ್ಷಗಳ ಬಳಿಕ ರೀ ಟ್ವಿಟ್​ ಮಾಡಿದ್ದಾರೆ.

ಸದ್ಯ ಟ್ವಿಟರ್​ನಲ್ಲಿ ವೀಡಿಯೋ ವೈರಲ್​ ಆಗಿದೆ.  ಮುಂದಿನ ದಿನಗಳಲ್ಲಿ ಅಮೆಜಾನ್​ಎಲ್ಲ ಬಗೆಯ ವಸ್ತುಗಳಿಗೆ ಅಂಗಡಿಯಾಗಲಿದೆ ಎಂದು ಬೆಜೋಸ್​ ಹೇಳಿದ್ದರು. ಅದೇ ರೀತಿ ಇಂದು ಅಮೇಜಾನ್​ನಲ್ಲಿ ಸಿಗದ ವಸ್ತುಗಳಿಲ್ಲ ಎಂಬಂತಾಗಿದೆ.  ಜಾನ್ ಎರ್ಲಿಚ್ಮನ್ ಎನ್ನುವ ಪತ್ರಕರ್ತ ವೀಡಿಯೋವನ್ನು ಮೊದಲು ಹಂಚಿಕೊಂಡಿದ್ದು, ನಂತರ ಜೆಫ್​ ಬೆಜೋಸ್​ ರೀಟ್ವೀಟ್​ ಮಾಡಿದ್ದಾರೆ. ಈ ವೀಡಿಯೊವನ್ನು 1997ರಲ್ಲಿ ಅಮೇಜಾನ್​ ವೇರ್​ ಹೌಸ್​ ಸಿಯಾಟಲ್ ನಲ್ಲಿ ಚಿತ್ರೀಕರಣ ಮಾಡಲಾಗಿತ್ತು.

ವೀಡಿಯೋದಲ್ಲಿ ‘ಉತ್ತಮ ಪುಸ್ತಕ ಮಾರಾಟಗಾರರಿಗೆ ಶೇ.30ರಷ್ಟು  ರಿಯಾಯಿತಿ ನೀಡಲಾಗುತ್ತದೆ. ಆದರೆ ಈ ಬಾರಿ ನ್ಯೂಯಾರ್ಕ್​ ಟೈಮ್ಸ್​ನಿಂದ ಪರಿಶೀಲನೆಗೊಂಡ ಪುಸ್ತಕಗಳಿಗೂ ಶೇ.30ರಷ್ಟು ರಿಯಾಯಿತಿ ನೀಡಲಾಗುವುದು ಎಂದು ಹೇಳಲಾಗಿದೆ. 25 ವರ್ಷಗಳ ಹಿಂದೆ ಪುಸ್ತಕದ ರಿಯಾಯಿತಿ ಮತ್ತು ಮಾರಾಟದ ಬಗ್ಗೆ  ಮಾಹಿತಿ  ನೀಡುವ ವಿಡಿಯೋ ಇದಾಗಿದೆ.  ಈ ಬಗ್ಗೆ ನೆಟ್ಟಿಗರು ಜೆಫ್​ ಬೆಜೋಸ್​ ಬದಲಾವಣೆಯ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿ ಕಾಮೆಂಟ್​ ಮಾಡಿದ್ದು, ಇನ್ನೂ ಹಲವರು ಅಮೆಜಾನ್​ ಸಾಧನೆಯನ್ನು ಶ್ಲಾಘಿಸಿದ್ದಾರೆ.

ಇದನ್ನೂ ಓದಿ:

Viral Video: 10 ಲಕ್ಷಕ್ಕೂ ಹೆಚ್ಚು ವಲಸೆ ಹಕ್ಕಿಗಳ ಕಲರವದಿಂದ ತುಂಬಿದ ಒಡಿಶಾದ ಚಿಲಿಕಾ ಸರೋವರ