ಮುಳ್ಳುಹೆಗ್ಗಣಗಳ ಮರಿಗಳನ್ನು ನೋಡಿದ್ದೀರಾ? ಮಿಲಿಯನ್​ಗಟ್ಟಲೆ ಜನರನ್ನು ಸೆಳೆದಿದೆ ಈ ವಿಡಿಯೋ

Viral Video : ಇಲಿಮರಿಯಾದರೇನು ಕೋಳಿಮರಿಯಾದರೇನು ಹಂದಿಮರಿಯಾದರೇನು ಮುಳ್ಳಹಂದಿಮರಿಯಾದರೇನು ಮರಿಗಳು ಯಾವತ್ತೂ ಮುದ್ದುಮುದ್ದು. ಆಗಷ್ಟೇ ಹುಟ್ಟಿದ ಮರಿಗಳಂತೂ ಮೃದುಮೃದು. ನೀವು ಈ ಮುಳ್ಳುಹೆಗ್ಗಣದ ಮರಿಗಳನ್ನು ನೋಡಿದ್ದೀರಾ? ನೋಡಿಲ್ಲವಾದರೆ ಈ ವಿಡಿಯೋದಲ್ಲಿ ನೋಡಿ. ಸಾಮಾಜಿಕ ಜಾಲತಾಣಗಳಲ್ಲಿ ಜನ ಈ ಅಮ್ಮ ಮತ್ತು ಮರಿಗಳನ್ನು ಬೆರಗಿನಿಂದ ನೋಡುತ್ತಿದ್ದಾರೆ.

ಇವುಗಳನ್ನು ನೋಡಿದ ಹಲವರು, ಮೊದಲಸಲ ಮುಳ್ಳುಹೆಗ್ಗಣಗಳ ಮರಿಗಳನ್ನು ನೋಡುತ್ತಿರುವುದು, ಹೀಗಿರುತ್ತವೆ ಎಂಬ ಅಂದಾಜೇ ಇರಲಿಲ್ಲ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ತಿಳಿಗುಲಾಬಿ ಬಣ್ಣದ ಮರಿಗಳು ಔಡಲಕಾಯಿಗಳನ್ನು ಹೋಲುವ ವಿನ್ಯಾಸದಲ್ಲಿವೆಯಲ್ಲ? ಈತನಕ ಈ ವಿಡಿಯೋ ಅನ್ನು 4.7 ಮಿಲಿಯನ್​ ಜನರು ನೋಡಿದ್ದಾರೆ. 1,93,400 ಜನರು ಇಷ್ಟಪಟ್ಟಿದ್ದಾರೆ. 17,800 ಜನರು ರೀಟ್ವೀಟ್​ ಮಾಡಿದ್ದಾರೆ. 1,700 ಜನರು ಪ್ರತಿಕ್ರಿಯಿಸಿದ್ದಾರೆ.

ಓಹ್​ ದೇವರೇ ಇವು ಪುಟ್ಟ ಎರೇಸರ್​ನಂತೆ ಕಂಡವು ನನಗೆ ಎಂದಿದ್ದಾರೆ ಒಬ್ಬರು. ಎಂಥ ಮುದ್ದಾಗಿವೆ ಅದರ ಎಳೇಮುಳ್ಳುಗಳು, ಆ ತಿಳಿಗುಲಾಬಿ, ಮಕ್ಕಳ ಕೈಗೆ ಸಿಕ್ಕರೆ ಆಟವಾಡಲು ಶುರುಮಾಡುತ್ತಾರಷ್ಟೇ ಎಂದಿದ್ದಾರೆ ಇನ್ನೂ ಒಬ್ಬರು. ನಾನು ಮೊದಲ ಸಲ ಈ ಮುಳ್ಳುಹೆಗ್ಗಣಗಳನ್ನು ನೋಡುತ್ತಿದ್ದೇನೆ ಮುಟ್ಟಬೇಕು ಎನ್ನಿಸುತ್ತಿದೆ ಎಂದಿದ್ದಾರೆ ಮತ್ತೊಬ್ಬರು.

ನೀವು ಈ ಮೊದಲು ನೋಡಿದ್ದೀರಾ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ