Viral: ಅತುಲ್‌ ಪತ್ನಿ ನಾಪತ್ತೆ; ಬೆಂಗಳೂರಿನಲ್ಲಿ ಗಮನ ಸೆಳೆಯುತ್ತಿದೆ ವಿಚಿತ್ರ ಜಾಹೀರಾತು

ಬೆಂಗಳೂರು, ಸೆಪ್ಟೆಂಬರ್ 04: ಕಂಪನಿ ತಮ್ಮ ಉತ್ಪನ್ನಗಳು ಹಾಗೂ ಕಂಪನಿಯ ಬಗ್ಗೆ ಪ್ರಚಾರ ಮಾಡಲು, ಗ್ರಾಹಕರನ್ನು ಆಕರ್ಷಿಸಲು ವಿಭಿನ್ನ ಹಾಗೂ ವಿಶಿಷ್ಟ ರೀತಿಯಲ್ಲಿ ಜಾಹೀರಾತನ್ನು (Advertisement) ನೀಡುತ್ತವೆ. ಆದರೆ ಈ ಜಾಹೀರಾತು ನೋಡಿಯೇ ಎಷ್ಟೋ ಜನರು ಪ್ರಾಡಕ್ಟ್‌ಗಳನ್ನು ಖರೀದಿಸುತ್ತಾರೆ. ಆದರೆ ಇದೀಗ ಬೆಂಗಳೂರಿನ (Bengaluru) ರಸ್ತೆ ಬದಿ ಹಾಗೂ ಬಸ್ ಸ್ಟ್ಯಾಂಡ್‌ಗಳಲ್ಲಿ ಪತ್ನಿ ಕಾಣೆಯಾಗಿದ್ದಾಳೆ ಎನ್ನುವ ವಿಶಿಷ್ಟ ಹಾಗೂ ವಿಚಿತ್ರ ಜಾಹೀರಾತೊಂದು ಎಲ್ಲರ ಗಮನ ಸೆಳೆಯುತ್ತಿದೆ. ಈ ಜಾಹೀರಾತಿನಲ್ಲಿ ಗಂಡಂಡಿರ ಹೆಸರನ್ನು ಉಲ್ಲೇಖಿಸಲಾಗಿದೆ. ಈ ಜಾಹೀರಾತಿನ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಗಮನ ಸೆಳೆಯುತ್ತಿದೆ ವಿಚಿತ್ರ ಜಾಹೀರಾತು

@e4mtweet ಹೆಸರಿನ ಎಕ್ಸ್ ಖಾತೆಯಲ್ಲಿ ಶೇರ್ ಮಾಡಿಕೊಳ್ಳಲಾಗಿದ್ದು, ಬೆಂಗಳೂರಿನ ನಗರದಾದಂತ್ಯ ವಿಚಿತ್ರವೆನಿಸುವ ಜಾಹೀರಾತು ವೈರಲ್ ಆಗ್ತಿದೆ. ಈ ಜಾಹೀರಾತಿನಲ್ಲಿ ಅತುಲ್‌ ಪತ್ನಿ ಕಾಣೆಯಾಗಿದ್ದಾಳೆ, ನಿತಿನ್‌ ಪತ್ನಿ ಕಾಣೆಯಾಗಿದ್ದಾಳೆ, ರವಿ ಪತ್ನಿ ಕಾಣೆಯಾಗಿದ್ದಾಳೆ ಈ ರೀತಿಯ ವಿಚಿತ್ರ ಜಾಹೀರಾತುಗಳು ಬಸ್ ಸ್ಟ್ಯಾಂಡ್, ಫ್ಲೆಕ್ಸ್ ಹಾಗೂ ರಸ್ತೆಬದಿಯ ಬಿಲ್‌ ಬೋರ್ಡ್‌ನಲ್ಲಿ ಕಾಣಬಹುದು.

ವೈರಲ್ ಪೋಸ್ಟ್ ಇಲ್ಲಿದೆ ನೋಡಿ

ಇದನ್ನೂ ಓದಿ: ಈಜುಕೊಳದಂತಾದ ಬೆಂಗಳೂರು ಡಬಲ್ ಡೆಕ್ಕರ್ ಫ್ಲೈಓವರ್: ವಿಡಿಯೋ ವೈರಲ್, ಎಂಜಿನಿಯರಿಂಗ್ ಅದ್ಭುತ ಎಂದ ನೆಟ್ಟಿಗರು

ಆಗಸ್ಟ್ 29 ರಂದು ಶೇರ್ ಮಾಡಲಾದ ವಿಚಿತ್ರ ಜಾಹೀರಾತಿನ ಫೋಟೋವು ನೆಟ್ಟಿಗರ ತಲೆಯಲ್ಲಿ ಹುಳ ಬಿಟ್ಟಂತಾಗಿದೆ. ಈ ಜಾಹೀರಾತಿನ ಒಳ ಅರ್ಥ ಏನಿರಬಹುದು ನೀವೇ ಗೆಸ್‌ ಮಾಡಿ ಎಂದು ಶೀರ್ಷಿಕೆಯಲ್ಲಿ ಬರೆಯಲಾಗಿದೆ. ಈ ಪೋಸ್ಟ್ ಗೆ ಬಳಕೆದಾರರು, ಈ ಜಾಹೀರಾತು ನೋಡಲು ಕುತೂಹಲಕರವಾಗಿದೆ, ಆದರೆ ಈ ರೀತಿ ಜಾಹೀರಾತು ನೀಡಿರುವುದು ಯಾಕಾಗಿ ಎಂದು ಪ್ರಶ್ನೆ ಮಾಡಿದ್ದಾರೆ. ಮತ್ತೊಬ್ಬರು ಮೂವರ ಪತ್ನಿಯರು ಒಂದೇ ಸಲ ನಾಪತ್ತೆಯಾಗಲು ಹೇಗೆ ಸಾಧ್ಯ. ಈ ಜಾಹೀರಾತಿನಲ್ಲಿ ಏನೋ ಇರಬೇಕು ಎಂದಿದ್ದಾರೆ. ಮತ್ತೊಬ್ಬರು, ಕೆಲವು ಜಾಹೀರಾತು ನೋಡಿದಾಗ ಕುತೂಹಲದೊಂದಿಗೆ ತಲೆ ಕೆಡಿಸಿಕೊಳ್ಳುವಂತೆ ಮಾಡುತ್ತದೆ ಎಂದಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ