Viral Video: ಕೇಕ್​​ ಕಟ್​​​ ಮಾಡಿ ಬೈಕ್ ಬರ್ತ್‌ಡೇ ಆಚರಿಸಿದ ವ್ಯಕ್ತಿ; ವಿಡಿಯೋ ವೈರಲ್​​

ಫ್ರೆಂಡ್ಸ್​​​, ಫ್ಯಾಮಿಲಿಯವರ ಹುಟ್ಟುಹಬ್ಬ ಆಚರಿಸುವುದನ್ನು ನೋಡಿದ್ದೇವೆ, ಇದಲ್ಲದೇ ಕೆಲವರು ತಮ್ಮ ಮನೆಯ ಸಾಕು ಪ್ರಾಣಿಯ ಹುಟ್ಟುಹಬ್ಬವನ್ನೂ ಆಚರಿಸುವುದುಂಟು. ಆದರೆ ಎಂದಾದರೂ ಬೈಕ್ ಬರ್ತ್‌ಡೇ ಸೆಲೆಬ್ರೇಷನ್​​​ ನೋಡಿದ್ದೀರಾ? ಇದಕ್ಕೆ ಸಂಬಂಧಿಸಿದ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​ ಆಗಿದೆ. ಕೇಕ್​​ ಕಟ್ಟಿಂಗ್​ ನೋಡಿದ್ರೆ ಒಂದು ಕ್ಷಣ ಈತನ ಕ್ರಿಯೇಟಿವಿಗೆ ನೀವು ಫಿದಾ ಆಗುವುದಂತೂ ಖಂಡಿತಾ.

shivamurthy3893 ಎಂಬ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ವಿಡಿಯೋ ಹಂಚಿಕೊಳ್ಳಲಾಗಿದ್ದು, ಸದ್ಯ ವಿಡಿಯೋ ಎಲ್ಲೆಡೆ ವೈರಲ್​ ಆಗಿದೆ. ಆಗಸ್ಟ್​​ 6ರಂದು ಹಂಚಿಕೊಂಡಿರುವ ವಿಡಿಯೋ ಇಲ್ಲಿಯವರೆಗೆ 8ಮಿಲಿಯನ್​ ಅಂದರೆ 8ಲಕ್ಷಕ್ಕೂ ಅಧಿಕ ವೀಕ್ಷಣೆಯನ್ನು ಪಡೆದುಕೊಂಡಿದೆ.

ವೈರಲ್​ ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: ವಿಪರೀತ ಹೊಟ್ಟೆ ನೋವಿನಿಂದ ಆಸ್ಪತ್ರೆಗೆ ದಾಖಲಾದ ಮಹಿಳೆಯ CT ಸ್ಕ್ಯಾನ್ ಕಂಡು ಬೆಚ್ಚಿಬಿದ್ದ ವೈದ್ಯರು

ವೈರಲ್​ ಆಗಿರುವ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ತನ್ನ ಬೈಕ್​ನ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿರುವುದನ್ನು ಕಾಣಬಹುದು. ಬೈಕ್ ಅನ್ನು ಸ್ವಚ್ಛವಾಗಿ ತೊಳೆದು ಹೂವಿನ ಹಾರ ಹಾಕಿ, ಅಕ್ಕಪಕ್ಕದ ಮನೆಯವರನ್ನು ಬೈಕ್ ಬರ್ತ್ ಡೇ ಆಚರಣೆಗೆ ಆಹ್ವಾನಿಸಿದ್ದಾನೆ. ಇದಲ್ಲದೇ ಬೈಕ್‌ನ ಮುಂದೆ ಒಬ್ಬಾತ ಕೇಕ್‌ ಹಿಡಿದುಕೊಂಡು ನಿಂತಿದ್ದು, ಬೈಕ್​​ ಮುಂದಿನ ಟಯರ್‌ಗೆ ಚಾಕು ಕಟ್ಟಿ ಕೇಕ್​​ ಕತ್ತರಿಸಿ ಸಂಭ್ರಮಿಸಿದ್ದಾರೆ. “ಪೆಟ್ರೋಲ್ ಟ್ಯಾಂಕ್ ಒಳಗೆ ಒಂದು ಕ್ಯಾಂಡೆಲ್ ಹಚ್ಬೇಕಿತ್ತು..ಅದೊಂದು ಮಿಸ್ ಆಯ್ತು..” ಎಂದು ನೆಟ್ಟಿಗರೊಬ್ಬರು ಹಾಸ್ಯಸ್ಪದವಾಗಿ ಕಾಮೆಂಟ್​ ಮಾಡಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ