Viral Video: ಬೃಹತ್ ಗಾತ್ರದ ಏಡಿ ಗಾಲ್ಫ್ ಬ್ಯಾಟ್ ಮುರಿದು ಹಾಕಿದೆ; ವಿಡಿಯೋ ಕಂಡು ಅಚ್ಚರಿಗೊಂಡ ನೆಟ್ಟಿಗರು
ತೆಂಗಿನ ಏಡಿ ಅತ್ಯಂತ ದೊಡ್ಡ ಗಾತ್ರದ ಏಡಿಯಾಗಿದೆ. 3 ಅಡಿ ಮತ್ತು 3 ಇಂಚಿನ ಅಗಲದವರೆಗೆ ಇದು ಬೆಳೆಯಬಹುದು. ಇದು 4 ಕಿಲೋಗ್ರಾಂಗಳಿಗಿಂತ ಹೆಚ್ಚು ತೂಕವನ್ನು ಹೊಂದಿರುತ್ತದೆ. ಜತೆಗೆ 50 ವರ್ಷಗಳವರೆಗೆ ಈ ಏಡಿ ಬದುಕಬಲ್ಲದು.
ಸಾಮಾಜಿಕ ಜಾಲತಾಣದಲ್ಲಿ ಒಂದಿಲ್ಲಾ ಒಂದು ವಿಡಿಯೋ ವೈರಲ್ ಆಗುತ್ತಲೇ ಇರುತ್ತದೆ. ಕೆಲವೊಮ್ಮೆ ತಮಾಷೆಯ ವಿಡಿಯೋಗಳು ಹರಿದಾಡಿದರೆ ಮತ್ತೆ ಕೆಲವೊಮ್ಮೆ ಭಯ ಹುಟ್ಟಿಸುವ ಅಥವಾ ಅಚ್ಚರಿಯನ್ನುಂಟು ಮಾಡುವ ವಿಡಿಯೋಗಳು ವೈರಲ್ ಆಗುತ್ತವೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ (Social media) ಬೃಹತ್ ಗಾತ್ರದ ಏಡಿಯ ವಿಡಿಯೋವೊಂದು ವೈರಲ್ ಆಗಿದೆ. ಆಸ್ಟ್ರೇಲಿಯದ ಗಾಲ್ಫ್ (Golf) ಆಟಗಾರರ ಜತೆಗೆ ಬೃಹತ್ ಗಾತ್ರದ ಏಡಿ ಕಾಣಿಸಿಕೊಂಡಿದೆ. ಇದನ್ನು ನೋಡಿದ ಆಟಗಾರರು ಅಚ್ಚರಿಗೊಂಡಿದ್ದಾರೆ. ಆಸ್ಟ್ರೇಲಿಯಾದ ಕ್ರಿಸ್ಮಸ್ ದ್ವೀಪದಲ್ಲಿ ಚಿತ್ರೀಕರಿಸಲಾದ ಈ ವಿಡಿಯೋ ತುಣುಕು ಸದ್ಯ ವೈರಲ್ ಆಗಿದ್ದು, ಏಡಿಯ ಶಕ್ತಿ ಕಂಡ ನೆಟ್ಟಿಗರು ಅಚ್ಚರಿಗೊಂಡಿದ್ದಾರೆ.
news.com.au ಪ್ರಕಾರ, ಕ್ರಿಸ್ಮಸ್ ದ್ವೀಪದ ಸ್ಥಳೀಯ ಪಾಲ್ ಬುಹ್ನರ್ ಮತ್ತು ಅವರ ಸ್ನೇಹಿತರು ಅಕ್ಟೋಬರ್ 2020 ರಲ್ಲಿ ಈ ದೈತ್ಯಾಕಾರದ ಏಡಿಯನ್ನು ನೋಡಿದ್ದು, ಅದರೊಂದಿಗೆ ವಿಡಿಯೋ ಮಾಡಿದ್ದಾರೆ. ಆದರೆ ಈ ವಿಡಿಯೋ ಜನವರಿ 2022 ರಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವೈರಲ್ ಆದ ವಿಡಿಯೋದಲ್ಲಿ ಏಡಿಯು ಗಾಲ್ಫ್ ಮೈದಾನದಲ್ಲಿ ಕಾಣಿಸಿಕೊಂಡಿದೆ. ಏಡಿ ಗಾಲ್ಫ್ ಬ್ಯಾಟ್ ಅನ್ನು ತನ್ನ ಕಾಲುಗಳಿಂದ ಗಟ್ಟಿಯಾಗಿ ಹಿಡಿದುಕೊಂಡಿದೆ. ಇದನ್ನು ತಪ್ಪಿಸಲು ಆಟಗಾರರು ಎಷ್ಟೇ ಪ್ರಯತ್ನಿಸಿದರು ಸಾಧ್ಯವಾಗಲಿಲ್ಲ. ಕೊನೆಗೆ ಗಾಲ್ಫ್ ಬ್ಯಾಟ್ ಅನ್ನು ಏಡಿ ಮುರಿದು ಹಾಕಿದೆ. ಈ ವಿಡಿಯೋದಲ್ಲಿನ ಆಟಗಾರರು ಬ್ಯಾಟ್ ಅನ್ನು ಏಡಿ ಮುರಿದ ರೀತಿ ಕಂಡು ಅಚ್ಚರಿಗೊಂಡಿದ್ದಾರೆ.
ವೈರಲ್ ಆದ ಈ ವಿಡಿಯೋವನ್ನು ಯೂಟ್ಯೂಬ್‌ನಲ್ಲಿ ಕೆರ್ರಿ ಬುಹ್ನರ್ ಹಂಚಿಕೊಂಡಿದ್ದಾರೆ. ಕ್ರಿಸ್ಮಸ್ ದ್ವೀಪದಲ್ಲಿ ಗಾಲ್ಫ್ ಅಪಾಯಕಾರಿ. ನನ್ನ ಪತಿ ಪಾಲ್ ಬುಹ್ನರ್ 2020 ರಲ್ಲಿ ಕ್ರಿಸ್ಮಸ್ ದ್ವೀಪದಲ್ಲಿ ಸ್ನೇಹಿತರ ಜತೆ ಆಟವಾಡಲು ಹೋದಾಗ ಈ ಅದ್ಭುತ ದೃಶ್ಯವನ್ನು ಚಿತ್ರೀಕರಿಸಿದ್ದಾರೆ ಎಂಬ ಶೀರ್ಷಿಕೆಯೊಂದಿಗೆ ಏಡಿಯ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.
ತೆಂಗಿನ ಏಡಿ ಅತ್ಯಂತ ದೊಡ್ಡ ಗಾತ್ರದ ಏಡಿಯಾಗಿದೆ. 3 ಅಡಿ ಮತ್ತು 3 ಇಂಚಿನ ಅಗಲದವರೆಗೆ ಇದು ಬೆಳೆಯಬಹುದು. ಇದು 4 ಕಿಲೋಗ್ರಾಂಗಳಿಗಿಂತ ಹೆಚ್ಚು ತೂಕವನ್ನು ಹೊಂದಿರುತ್ತದೆ. ಜತೆಗೆ 50 ವರ್ಷಗಳವರೆಗೆ ಈ ಏಡಿ ಬದುಕಬಲ್ಲದು. ಪಾರ್ಕ್ಸ್ ಆಸ್ಟ್ರೇಲಿಯಾದ ಪ್ರಕಾರ, ಈ ಅಸಾಧಾರಣ ರಾಬರ್ ಏಡಿಗಳು ಅಥವಾ ತೆಂಗಿನ ಏಡಿಗಳು ವಿಶೇಷವಾಗಿ ಹೊಳೆಯುವ ವಸ್ತುಗಳನ್ನು ಇಷ್ಟಪಡುತ್ತವೆ.
ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋಗೆ ಲೈಕ್ಸ್ನ ಮಹಾಪುರವೇ ಹರಿದುಬರುತ್ತಿದೆ. ಅನೇಕರು ಕಮೆಂಟ್ ಮೂಲಕ ತಮ್ಮ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ಏಡಿ ಅದನ್ನು ಇಷ್ಟಪಟ್ಟಿದೆ ಅದಕ್ಕೆ ಬ್ಯಾಟ್ ಕೊಟ್ಟುಬಿಡಿ ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ. ಇನ್ನೂ ಅನೇಕರು ಕಮೆಂಟ್ ಮೂಲಕ ಏಡಿಯ ಶಕ್ತಿಗೆ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ:
15 ನಿಮಿಷಗಳ ಅಂತರದಲ್ಲಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ ಮಹಿಳೆ; ಮಕ್ಕಳು ಜನಿಸಿದ್ದು ಮಾತ್ರ ಬೇರೆ ಬೇರೆ ವರ್ಷದಲ್ಲಿ!
Video Viral: ಮಳೆಯ ನೀರಿನೊಂದಿಗೆ ಆಕಾಶದಿಂದ ಬಿದ್ದ ಮೀನುಗಳು: ವೀಡಿಯೋ ವೈರಲ್
Published On - 1:55 pm, Tue, 4 January 22