Video: ಡ್ಯಾನ್ಸ್ ಮಾಡಿ ಮುದ್ದಿನ ಅಪ್ಪನನ್ನು ಮನೆಯೊಳಗೆ ಸ್ವಾಗತಿಸಿದ ಹೆಣ್ಣು ಮಕ್ಕಳು

ಪ್ರತಿಯೊಬ್ಬ ತಂದೆಗೂ (Father) ಮಗಳೆಂದರೆ ಜೀವ, ಹೀಗಾಗಿ ಮಗಳ ಖುಷಿಗಾಗಿ ಏನು ಬೇಕಾದರೂ ಮಾಡಲು ಸಿದ್ಧವಿರುವ ಏಕೈಕ ಜೀವ ಅಂದ್ರೆ ಅದುವೇ ಅಪ್ಪ. ಹೆಣ್ಣು ಮಕ್ಕಳು ಕೂಡ ತಾಯಿಗಿಂತ ತಂದೆಯನ್ನೇ ಬಳಿ ಹೆಚ್ಚು ಸಲಿಗೆ ಬೆಳೆಸಿಕೊಂಡಿರುತ್ತಾರೆ. ಇದೀಗ ತಂದೆಯೂ ಮನೆಯೊಳಗೆ ಕಾಲಿಡುತ್ತಿದ್ದಂತೆ ಇಬ್ಬರೂ ಹೆಣ್ಣು ಮಕ್ಕಳು (daughters) ಚೌಧರಿ ಹಾಡಿಗೆ ಡ್ಯಾನ್ಸ್ ಮಾಡಿ ಅಪ್ಪನನ್ನು ಸ್ವಾಗತಿಸುವ ಮನಮೋಹಕ ವಿಡಿಯೋ ಸದ್ಯ ವೈರಲ್ ಆಗುತ್ತಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಇಬ್ಬರೂ ಮುತ್ತಿನಂಥ ಹೆಣ್ಣು ಮಕ್ಕಳನ್ನು ಪಡೆದ ನೀವೇ ಅದೃಷ್ಟವಂತರು ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇಬ್ಬರೂ ಹೆಣ್ಣುಮಕ್ಕಳ ಜತೆ ಅಪ್ಪನ ಭರ್ಜರಿ ಡ್ಯಾನ್ಸ್

ಟಕರು ಗ್ಯಾಂಗ್ (takarugang) ಹೆಸರಿನ ಖಾತೆಯಲ್ಲಿ ಹಂಚಿಕೊಳ್ಳಲಾದ ವಿಡಿಯೋದಲ್ಲಿ ಚೌಧರಿ ಹಾಡಿಗೆ ಡ್ಯಾನ್ಸ್ ಮಾಡುತ್ತಾ ಮನೆಯೊಳಗೆ ತಂದೆಯನ್ನು ಸ್ವಾಗತಿಸುವ ಮುದ್ದಿನ ಹೆಣ್ಣು ಮಕ್ಕಳ ವಿಡಿಯೋ ಇದಾಗಿದೆ. ಒಬ್ಬ ಮಗಳು ಬಾಗಿಲು ತೆರೆದು ಡ್ಯಾನ್ಸ್ ಶುರು ಮಾಡಿದ್ದಾಳೆ. ಈಕೆಗೆ ಮತ್ತೊಬ್ಬಳು ಸಾಥ್ ನೀಡಿರುವುದನ್ನು ಕಾಣಬಹುದು. ತಮ್ಮ ಮುದ್ದಿನ ಮಕ್ಕಳ ಡ್ಯಾನ್ಸ್ ನೋಡಿ ತಂದೆಯೂ ಅವರೊಂದಿಗೆ ಸ್ಟೆಪ್ ಹಾಕಲು ಶುರು ಮಾಡಿದ್ದಾರೆ. ಹೀಗಿರುವಾಗ ಮಗಳು ತಂದೆಯ ಕೈಯಲ್ಲಿದ್ದ ಹಾಗೂ ಬೆನ್ನಲ್ಲಿದ್ದ ಬ್ಯಾಗ್ ತೆಗೆದು ಸೋಫಾದ ಮೇಲೆ ಇಟ್ಟಿದ್ದಾಳೆ. ಆ ಬಳಿಕ ಮೂವರು ಜೊತೆಯಾಗಿ ಖುಷಿಯಿಂದಲೇ ಡ್ಯಾನ್ಸ್ ಮಾಡಿದ್ದಾರೆ.

ವೈರಲ್ ವಿಡಿಯೋ ಇಲ್ಲಿದೆ ನೋಡಿ

ಇದನ್ನೂ ಓದಿ:Video: ಮಡಿಲಿನಲ್ಲಿ ಕಂದಮ್ಮನನ್ನು ಮಲಗಿಸಿಕೊಂಡು ಆಟೋ ಓಡಿಸಿ ಜೀವನ ಸಾಗಿಸುವ ಬೆಂಗಳೂರಿನ ಆಟೋ ಡ್ರೈವರ್

ಈ ವಿಡಿಯೋ 3.8 ಮಿಲಿಯನ್ ಗೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ಒಬ್ಬ ಬಳಕೆದಾರ, ನನ್ನ ಕಣ್ಣು ಒದ್ದೆಯಾಯ್ತು. ನೀವಿಬ್ಬರೂ ನಿಜಕ್ಕೂ ಅದೃಷ್ಟವಂತರು ಎಂದಿದ್ದಾರೆ. ಮತ್ತೊಬ್ಬರು ಇಬ್ಬರೂ ಹೆಣ್ಣು ಮಕ್ಕಳ ಮುದ್ದಿನ ಅಪ್ಪ ಎಂದು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರ ಇಂತಹ ಅದ್ಭುತ ಸಂಬಂಧವನ್ನು ನಾನು ಮಿಸ್ ಮಾಡಿಕೊಳ್ಳುತ್ತೇನೆ ಎಂದು ಕಾಮೆಂಟ್ ಮಾಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ