Viral Video: ಇದು ಸ್ಪೆಷಲ್ ಫ್ಲೈಯಿಂಗ್ ಪರೋಟಾ; ಈ ಬೀದಿ ಬದಿ ವ್ಯಾಪಾರಿಯ ಪರೋಟಾ ತಯಾರಿಸೋ ಕೌಶಲ್ಯಕ್ಕೆ ಬೆರಗಾದ ಆಹಾರ ಪ್ರಿಯರು
ವ್ಯಾಪಾರಿಗಳು ಗ್ರಾಹಕರನ್ನು ತಮ್ಮತ್ತ ಸೆಳೆಯಲು ನಾನಾ ರೀತಿಯ ಸರ್ಕಸ್ ಮಾಡುತ್ತಿರುತ್ತಾರೆ. ಅದೇ ರೀತಿ ಇಲ್ಲೊಂದು ಬೀದಿ ಬದಿ ವ್ಯಾಪಾರಿಗಳು ಕೂಡಾ ವಿಶಿಷ್ಟವಾಗಿ ಪರೋಟಾ ತಯಾರಿಸುವ ಮೂಲಕ ಆಹಾರಪ್ರಿಯರನ್ನು ತಮ್ಮತ್ತ ಸೆಳೆಯುತ್ತಿದ್ದಾರೆ. ಈ ಕುರಿತ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಇವರ ಪರೋಟಾ ತಯಾರಿಸೋ ಅದ್ಭುತ ಕೌಶಲ್ಯವನ್ನು ಕಂಡು ಆಹಾರ ಪ್ರಿಯರು ಬೆರಗಾಗಿದ್ದಾರೆ.
Updated on: May 24, 2024 | 7:27 PM
ಸೋಷಿಯಲ್ ಮೀಡಿಯಾದಲ್ಲಿ ಪ್ರತಿನಿತ್ಯ ಹಲವಾರು ವಿಡಿಯೋಗಳು ಹರಿದಾಡುತ್ತಿರುತ್ತವೆ. ಅವುಗಳಲ್ಲಿ ಕೆಲವು ಇಂಟರೆಸ್ಟಿಂಗ್ ವಿಡಿಯೋ ದೃಶ್ಯಾವಳಿಗಳು ನಮ್ಮಲ್ಲಿ ಅಚ್ಚರಿಯನ್ನು ಮೂಡಿಸುತ್ತದೆ. ಅಂತಹದ್ದೇ ವಿಡಿಯೋವೊಂದು ಇದೀಗ ವೈರಲ್ ಆಗಿದ್ದು, ಬೀದಿ ಬದಿ ವ್ಯಾಪಾರಿಗಳಿಬ್ಬರು ಗ್ರಾಹಕರನ್ನು ತಮ್ಮತ್ತ ಸೆಳೆಯಲು, ವಿಶೇಷ ಫ್ಲೈಯಿಂಗ್ ಪರೋಟಾವನ್ನು ತಯಾರಿಸುವ ಹೊಸ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ. ಪರೋಟಾವನ್ನು ತಿನ್ನುವುದಕ್ಕಿಂತಲೂ ಆ ತಿನಿಸನ್ನು ತಯಾರಿಸುವ ಬೀದಿ ಬದಿ ವ್ಯಾಪಾರಿಯ ಕೌಶಲ್ಯವನ್ನು ಕಣ್ತುಂಬಿಕೊಳ್ಳಲು ಆಹಾರಪ್ರಿಯರು ಇವರ ಸ್ಟಾಲ್ ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಭೇಟಿ ನೀಡುತ್ತಾರೆ.
ವೈರಲ್ ವಿಡಿಯೋದಲ್ಲಿ ದೆಹಲಿಯ ಬೀದಿ ಬದಿ ವ್ಯಾಪಾರಿಗಳಿಬ್ಬರು ಸ್ಪೆಷಲ್ ಫ್ಲೈಯಿಂಗ್ ಪರೋಟಾ ತಯಾರಿಸುವಂತಹ ದೃಶ್ಯವನ್ನು ಕಾಣಬಹುದು. ಅದರಲ್ಲಿ ಒಬ್ಬ ಬಾಣಸಿಗ ಹಿಟ್ಟನ್ನು ಚೆನ್ನಾಗಿ ನಾದಿ, ಪರೋಟಾ ತಯಾರಿಸಿ, ಅದು ಅಲ್ಲೇ ಸ್ವಲ್ಪ ದೂರದಲ್ಲಿರುವ ಬಾಣಲೆಗೆ ಬೀಳುವಂತೆ ಪರೋಟಾವನ್ನು ಮೇಲಕ್ಕೆ ಎತ್ತಿ ಬಿಸಾಡುತ್ತಾರೆ. ನಂತರ ಅದನ್ನು ಚೆನ್ನಾಗಿ ಬೇಯಿಸಿ ಗ್ರಾಹಕರಿಗೆ ಸರ್ವ್ ಮಾಡುತ್ತಾರೆ. ಇವರ ಈ ಸ್ಪೆಷಲ್ ಪರೋಟಾವನ್ನು ಸವಿಯಲು ಪ್ರತಿನಿತ್ಯ ಆಹಾರಪ್ರಿಯರು ಇಲ್ಲಿಗೆ ಭೇಟಿ ನೀಡುತ್ತಾರೆ.
Flying parathas… pic.twitter.com/VUCBkWeaOC
— Harsh Goenka (@hvgoenka) May 22, 2024
ಇದನ್ನೂ ಓದಿ: ಮದುವೆ ದಿನ ತೂಕ ಇಳಿಸಿಕೊಂಡು ಸುಂದರವಾಗಿ ಕಾಣಲು ‘ಗ್ಯಾಸ್ಟ್ರಿಕ್ ಬಲೂನ್’ ಸರ್ಜರಿ ಮಾಡಿಸಿದ ಯುವತಿ ಸಾವು; ಏನಿದು ಸರ್ಜರಿ?
ಹರೀಶ್ (@hvgoenka) ಎಂಬವರು ತಮ್ಮ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿರುವ ಈ ವಿಡಿಯೋ 76 ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ವ್ಯಾಪಾರಿಯ ಪರೋಟಾ ತಯಾರಿಸುವ ಕೌಶಲ್ಯಕ್ಕೆ ನೆಟ್ಟಿಗರು ಮೆಚ್ಚುಗೆ ಸೂಚಿಸಿದ್ದಾರೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
