ದುಬೈನ ಬುರ್ಜ್ ಖಲೀಫಾದ ಅದ್ಭುತ ದೃಶ್ಯಗಳು; ವೈರಲ್ ವಿಡಿಯೋ

Viral Video : ಪ್ರಪಂಚದ ಅತೀ ಎತ್ತರದ ಕಟ್ಟಡ ದುಬೈನ ಬುರ್ಜ್​ ಖಲೀಫಾ. ಈಗಾಗಲೇ ಈ ಕಟ್ಟಡವನ್ನು ನಾನಾ ಕೋನಗಳಿಂದ ಸೆರೆಹಿಡಿದ ವಿಡಿಯೋಗಳನ್ನು ಆನ್​ಲೈನ್​ನಲ್ಲಿ ನೋಡಿದ್ದೀರಿ. ಆದರೆ ಇದೀಗ ಡ್ರೋನ್​ ಕ್ಯಾಮೆರಾದ ಮೂಲಕ ಡ್ರೋನ್ ಪೈಲಟ್ ಆಂಡ್ರ್ಯೆ ಲಾರ್ಸನ್ ಚಿತ್ರೀಕರಿಸಿರುವ ವಿಡಿಯೋ ವೈರಲ್ ಆಗುತ್ತಿದೆ. ಒಂದೇ ಕಟ್ಟಡವನ್ನು ನೂರಾರು ಜನ ಚಿತ್ರೀಕರಿಸಿದರೂ, ಅವರವರ ಸೃಜನಶೀಲತೆಯ ಕಣ್ಣಿನಿಂದ ಅದು ಹೇಗೆ ಕ್ಯಾಮೆರಾದ ಮೂಲಕ ವ್ಯಕ್ತವಾಗುತ್ತದೆ ಎನ್ನುವುದರ ಮೇಲೆ ಅದು ವೈಶಿಷ್ಟ್ಯತೆ ಪಡೆದುಕೊಳ್ಳುತ್ತದೆ. ನೋಡಿ ಈ ವಿಡಿಯೋ.

ಈತನಕ ಎರಡು ಮಿಲಿಯನ್​ ವೀಕ್ಷಕರು ಈ ಅದ್ಭುತವಾದ ವಿಡಿಯೋ ನೋಡಿದ್ದಾರೆ. ಇದು ಮಾತ್ರ ಎಪಿಕ್​ ಡೈವ್​ ಎಂದಿದ್ದಾರೆ ನೆಟ್ಟಿಗರೊಬ್ಬರು. ಇವರು ಅತ್ಯುತ್ತಮ ಡ್ರೋನ್​ ಪೈಲಟ್​ ಎಂದು ಇನ್ನೂ ಒಬ್ಬರು ಪ್ರಶಂಸಿಸಿದ್ದಾರೆ. ಜಗತ್ತಿನ ಅತೀ ಎತ್ತರದ ಕಟ್ಟಡದಿಂದ ನೀವು ಬೀಳುತ್ತಿದ್ದೀರೇನೋ ಎಂಬ ಭ್ರಮೆಯನ್ನು ಇದು ಹುಟ್ಟಿಸುತ್ತದೆ ಎಂದಿದ್ದಾರೆ ಮತ್ತೊಬ್ಬರು.

ಇಷ್ಟು ಉತ್ತಮ ಗುಣಮಟ್ಟದ ಈ ವಿಡಿಯೋ ನೋಡಿದ ನಿಮಗೆ ಏನೆನ್ನಿಸುತ್ತಿದೆ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ