Viral Video: ಮೊದಲ ಬಾರಿಗೆ ಭಾರತೀಯ ಶೈಲಿಯ ಆಹಾರ ತಿಂದು ಬಾಯಿ ಚಪ್ಪರಿಸಿದ ವಿದೇಶಿ ಮಹಿಳೆ
ವಿದೇಶಿ ಮಹಿಳೆಯೊಬ್ಬರು ಮೊದಲ ಬಾರಿಗೆ ಭಾರತೀಯ ಆಹಾರ ತಿಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿದೇಶಿ ಮಹಿಳೆಯೊಬ್ಬರು (Forign Woman) ಮೊದಲ ಬಾರಿಗೆ ಭಾರತೀಯ ಆಹಾರ ತಿಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಸ್ಪೇನ್ ರಾಜಧಾನಿ ಮ್ಯಾಡ್ರಿಡ್ನ (Madrid) ಉದಯಪುರ್ ಎನ್ನುವಲ್ಲಿ 20 ವರ್ಷದ ಮಹಿಳೆ ಮೊದಲ ಬಾರಿಗೆ ಭಾರತೀಯ ಆಹಾರವನ್ನು ತಿಂದಿದ್ದಾರೆ. ರುಚಿಕರವಾದ ತಿನಿಸನ್ನು ತಿಂದು ವಾವ್ ಎಂದು ಉದ್ಘರಿಸಿದ ಮಹಿಳೆ ಬಾಯಿ ಚಪ್ಪರಿಸಿದ್ದಾರೆ. ಮಹಿಳೆಯನ್ನು ಫಾತಿಮಾ ಡಿ ಟೆಟುವಾನ್ (Fatima De Tetuan )ಎಂದು ಗುರುತಿಸಲಾಗಿದೆ. ಉದಯಪುರದ ರೆಸ್ಟೋರೆಂಟ್ನಲ್ಲಿ ಮಹಿಳೆ ಚಿಕನ್ ಟಿಕ್ಕಾವನ್ನು ಟೇಸ್ಟ್ ಮಾಡಿದ್ದಾರೆ.
ವಿಡಿಯೋದಲ್ಲಿ ಮಹಿಳೆ ರೆಸ್ಟೋರೆಂಟ್ನಲ್ಲಿ ಕುಳಿತಿರುವುದನ್ನು ಕಾಣಬಹುದು. ಅಲ್ಲಿ ಅವರು ಚಿಕನ್ ಟಿಕ್ಕಾ ಮತ್ತು ನಾನ್ ಅನ್ನು ಆರ್ಡರ್ ಮಾಡಿದ್ದಾರೆ. ಮೊದಲ ತುತ್ತು ತಿನ್ನುತ್ತಲೇ ವಾವ್ ಎಂದ ಮಹಿಳೆ ಇಷ್ಟು ವರ್ಷ ಈ ಟೇಸ್ಟ್ ಅನ್ನು ತಿಂದೇ ಇರಲಿಲ್ಲ. 20 ವರ್ಷ ಈ ಫುಡ್ ತಿನ್ನದೇ ಇದ್ದುಬಿಟ್ಟೆ ಎಂದಿದ್ದಾರೆ. ವಿಡಿಯೋ ಹಂಚಿಕೊಂಡ ಅವರು ಇನ್ನು ವಿವಿಧ ರೀತಿಯ ಆಹಾರವನ್ನು ಟೇಸ್ಟ್ ಮಾಡುವ ಅಭ್ಯಾಸವನ್ನು ಬೆಳೆಸಿಕೊಳ್ಳುತ್ತೇನೆ ಎಂದಿದ್ದಾರೆ.
ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ವಿಡಿಯೋ 7 ಲಕ್ಷಕ್ಕೂ ಹೆಚ್ಚು ಲೈಕ್ಸ್ ಗಳಿಸಿದೆ. ವಿದೇಶದಲ್ಲೂ ಭಾರತೀಯರ ಟೇಸ್ಟ್ನ ಆಹಾರವಿದೆ ಎಂದು ನೆಟ್ಟಿಗರು ಸಂತಸಗೊಂಡಿದ್ದಾರೆ.
ಇದನ್ನೂ ಓದಿ: