New Year 2022: ಕಲರ್​ಫುಲ್​ ಡೂಡಲ್​ ಮೂಲಕ ಹೊಸ ವರ್ಷ ಸ್ವಾಗತಿಸಿದ ಗೂಗಲ್​

2021 ಮುಗಿದು 2022ರ ಹೊಸ ವರ್ಷವನ್ನು ಸ್ವಾಗತಿಸಿಯಾಗಿದೆ. ಹೊಸ ಭರವಸೆ, ಹೊಸ ಕನಸುಗಳೊಂದಿಗೆ ಹಳೆಯ ವರ್ಷದ ಕಹಿ ಘಟನೆಗಳು ಮರುಕಳಿಸದಂತೆ ಎಚ್ಚರವಹಿಸಿ 365 ದಿನದವನ್ನು ಫೂರ್ಣವಾಗಿ ಜೀವಿಸುವ ದಿನ ಬಂದಾಗಿದೆ. ಹೊಸ ವರ್ಷವನ್ನು ಗೂಗಲ್​ ಕೂಡ ವಿಶೇಷವಾಗಿ ಸ್ವಾಗತಿಸಿದೆ. ಪ್ರತೀ ವಿಶೇಷ ಸಂದರ್ಭಗಳಲ್ಲಿ ತನ್ನದೇ ವಿಭಿನ್ನ ರೀತಿಯ ಡೂಡಲ್​ ಮೂಲಕ ಗೂಗಲ್​ ಬಳಕೆದಾರರಿಗೆ ಶೂಭ ಕೋರುತ್ತದೆ. ನಿನ್ನೆ ವರ್ಷದ ಕೊನೆಯ ದಿನದ ಹಿನ್ನೆಲೆಯಲ್ಲಿ ಗೂಗಲ್​ ನ್ಯೂ ಇಯರ್​ ಈವ್​ಅನ್ನು ಡೂಡಲ್​ ಮೂಲಕ ಅಚರಿಸಿತ್ತು. ಇಂದು ಹೊಸ ವರ್ಷವನ್ನು ಕಲರ್​ಫುಲ್​ ಆಗಿ ವೆಲ್​ಕಮ್​ ಮಾಡಿ, ಬಳಕೆದಾರರಿಗೆ ಶುಭಕೋರಿದೆ.

ಆನಿಮೇಟೆಡ್​ ಡೂಡಲ್​ನಲ್ಲಿ 2021 ಒಡೆದು 2022ರ ಅಕ್ಷರ ಚಿಮ್ಮುವಂತೆ ಮಾಡಿದೆ. ಬಳಕೆದಾರರಿಗೆ ಹೊಸ ಹುಮ್ಮಸ್ಸನ್ನು ನೀಡುವಂತೆ ಈ ಬಾರಿಯ ಹೊಸ ವರ್ಷದ ಗೂಗಲ್​ ಡೂಡಲ್​ ಇದೆ. ಗ್ರೆಗೋರಿಯನ್​ ಕ್ಯಾಲೆಂಡರ್​ ಪ್ರಕಾರ ಜನವರಿ 1 ರಂದು ಹೊಸ ವರ್ಷ ಎಂದು ಆಚರಿಸಲಾಗುತ್ತದೆ. ಹೀಗಾಗಿಟೆಕ್​​ ದೈತ್ಯ ಗೂಗಲ್​ ಕೂಡ ತನ್ನ ಮುಖ ಪುಟದಲ್ಲಿ ಡೂಡಲ್​ ಅನ್ನು ವಿನ್ಯಾಸಗೊಳಿಸಿ ಬಳಕೆದಾರರಿಗೆ ವಿಶ್​ ಮಾಡುತ್ತದೆ. ಅದೇ ರೀತಿ ಈ ಬಾರಿಯೂ ಗುಲಾಬಿ ಬಣ್ಣದಲ್ಲಿ 2022 ಅನ್ನು ಸ್ವಾಗತಿಸಿದೆ.